More than words

The Chain Of Love

 

Jonnie chu Walter Carter nena June 4.2000-a an interview naah chuan: Kum 25 liam ta a Maryville, Tennessee a Club pakhat a zai hnu a inlam pana a haw kawnga a car chhiat thu chu a sawi chhuak a, khaw kar kawng anih avang leh tumah puitu a neihloh avanga tanpuitu a mamawh thu chu sawi chhuak in.

“Ka Jaguar car tawng tawh tak nena inlam pana ka inkhal haw lai chuan ka motor ke chu thepin kawng laklawh tak maia chuan a chhe ta a. Khua a thim tawh avang leh mahni chauha han siam chi anih loh avangin, kawnga motor lo tlante chu min tangpui turin kan phar thin a. Kei leh ka motor min han en chuan tuman tanpui tlaka min ngaihloh vang nge an tlantlang zel a. Chutia motor tlan apiang ka lo phar zel lai chuan rawlthar kum 19 a upa pick up truck khalha lo tlan chuan ka zawn alo thlen chuan tanpui ka ngai tih hriain ka zawnah chuan a ding a, anni chuan min tangpui ta a.Ka motor hnuaiah chuan lutin chu naupang (tleirawl) kum 19 mi lek chuan hun reilo te chhungin a chhiatna te chu min siamsak ta vek mai a, a siam zawh hnu chuan kei chuan chu naupang chu lawmthu sawi nan Dollar 20 chu han pek ka tum a. Chuveleh naupang chuan “Ka pu angailo, ka lakah hian engmah bat i neilo” tiin min chhang a, mahse kei chuan ka lawm em avangin “he sum tal hi chu min laksak rawh” tia ka han ngen chu, “Ka pu lawmman min pe duh tak tak a nih chuan, nakinah midang tanpui ngai i hmuh hunah lo tanpui ve la, chumi hunah chuan min lo hrechhuak thin ang che” tia hmel hlim tak mai pu chunga min han chhang chu ka dam hun chhung zawnga ka theihnghilh ngai tawhloh tur thu he naupang hian min hrilh ta a ni.”

Jonnie Barnett chuan a hun lo tawn tawh atang chuan Rory Lee nen “The Chain of Love” tih country hla tha zet mai an phuah a, Clay Walker chuan chu hla chu mawi zet mai in a sa a, kum 1999 leh 2000 bawr vel khan America ah chuan number 1 nihna te lo changin mi tam tak rilru hnehin thenkhat te phei chuan mite tanpuina lama harh chhuah nan hial an lo hmang phah ta a ni. He hla hi khawvela film changtu ropui Clint Eastwood pawhin a film channa Space Cowboys ah pawh alo hmang bawk a ni.

THE CHAIN OF LOVE

Tlaikhat chu inlam pana a Pontiac car a khalh haw lai chuan, kawng sirah hian Mercedes car pakhat chhia chu a lo ding a, chumi hmun atang chuan nu pakhat hian chupa chu tanpui turin an lo phar ding a, mahni chauhva khawkar kawng a chhiat a tawh avang chuan chu nu chu a hmel atang chuan a thlaphang hle tih a hriat theih a. Vur tlak lai anih avangin khua pawh chu a vawt em em mai, chu nu hnenah chuan “Thlaphang suh ka pi, nangmah tanpui tur che ka awm a nia, Ka hming chu “Joe” a nia” tia a han chhang meuh chuan.

Chu nu pawh chuan lawm em em chung chuan “St.Louis lam mi ka ni a, hei ka zin kawngah hian chhiat ka tawk a, mitam tak te chuan min tlanpel tawh a, mahse nang erawh chuan min tanpui a, ka lawm e” tiin chupa chu lawmthu a han hrilh hmasa a, a car ke chhia te chu a han siam sak a, a bungraw hman te chu fel takin a dahfel sak hnu a kal mai a han tum chuan, chu pitar(nu) chuan lawm em em chungin “Engzah nge ka pek dawn che” tiin a han zawt a. Mahse chu pa chuan tihian a chhang ta a.

“Ka lak atang hian bat engmah i nei love, tuna i dinhmun ang hian tanpuitu ngaiin ka lo awm ve tawh a, mi fel tak tak te chuan ka lak atanga engmah phut lovin min lo tanpui tawh thin a ni. Chuvangin nang pawn lawmman min pe duh tak tak a nih chuan, hetiang a mite tana thiltha hi ti ve zel la, he ‘hmangaihna khaidiat’ hi nangmah ah tawp tir lul suh ang che”

Lawm tak chung chuan chu nu chu a inkhalh haw ta a, kawng lakah hun a hmang rei tak em avangin a haw kawnga kawng sira hotel ah chuan inhnawh puar turin a lut a, dawhkan a athut lai chuan hotel khual chhawntu pakhat chuan hlim hmel pu tak chungin a eitur chu a rawn chhawp sak a, chu nu chuan a eitur rawn chhawpsak tu chu a han en chian chuan thlaleh maia nau hring tawh tur a fa thawmhnaw tuak nana lo inhlawhfa chu a hmu chiang ta a.

He nu hian hotel a khualchhawn tunu chanchin te chu hre vek lo mahse, thlaleh maia nau hring tur, mamawh ngah hunlai tak a nih erawh chu a hai bik hauh lova, a eitur te a ei zawh hnua eiman a han pek hnu chuan, chu khualchhawn tuin pawisa kir tur la a hun a hman laiin, chu nu chuan dollar 100 chu a thutna ah hnutchhiahin alo chhuak sak daih mai a, chutah pawisa kir tura alo let leh chu, dollar 100 leh napkin a thu lo inziak chu mitui tla zawih zawih chung a chhiar ta a.

“Ka lak atang hian bat engmah i nei love, tuna i dinhmun ang hian tanpuitu ngaiin ka lo awm ve tawh a, mi fel tak tak te chuan ka lak atanga engmah phut lovin min lo tanpui tawh thin a ni. Chuvangin nang pawn lawmman min pe duh tak tak a nih chuan, hetiang a mite tana thiltha hi ti ve zel la, he ‘hmangaihna khaidiat’ hi nangmah ah tawp tir lul suh ang che”

Chumi zana a haw chu, chu raipuar chu hlim em emin an pa lungngai taka khuma lo mu tawh hnenah chuan va mu ve in, a dollar 100 hmuh dan leh napkin a thu inziak te chu ngaihtuah let in a hlim em em mai a, chutia an han muthilh dawn chuan an pa beng bulah chuan zawitein “Engkim a fel ve tawh e, lungngaih na tur kan nei tawh lo… Ka hmangaih che asin.. Joe…” tia a han hrilh hnu chuan tui takin an muhil ta a ni.

He hla ‘the chain of love’ tih hi i lo hre tawh maithei a, a satu Clay Walker ngei pawh hian he hla ‘The Chain of Love’ ka ngaihthlak hmasa ber tum chuan, thil mak danglam tak mai hian min rawn man a. Thil ho te anga lang mahse kan hriat nawn fo ngai thin, midangte pawh hmangaih ve tur kan nih hi min hriatchhian tir em em mai a ni. Kum tam a liam hnu pawhin he hla ka ngaihthlak chuan ka thinlungah hian midang hmangaih let na hi alo lian leh thin a ni tiin a lo sawi a ni.

Related posts

Val-Lerha

Afaka_saron

Mizo Lal Chi (royal blood)

benjamin rualthanzauva

Jackson Taylor

bronco

7 comments

Leave a Comment