Information Tech trek trek

I Mobile phone a thi ve dawn em?

Department of Telecomunication, Ministry of Communications & IT chuan China siam mobile handset te chu April ni 15, 2009 atang hian hman theih lohvin a siam dawn niin ChinatechNews chuan a tarlang a. Hemi thu vek hi India website pakhat, merinews.com chuan a tarlang ve bawk.

Hetiang hi thil awmdan a ni – China siam mobile phone handset-te hian IMEI (International Mobile Equipment Identity) 15 digits an nei a. Ram dang siam mobile phone-te chuan IMEI hi 16 digits an nei vek thung. IMEI hi (a tawi zawngin) handset neituin mi a call chiaha kha mobile handset awmna hriat theihna hmanrua a ni a. China siam handset-te hi an awmna chhui theih a ni ve lova.

Chu mai bakah chuan China siam mobile zingah hian IMEI inang 1000 (sangkhat) chuang a awm bawk niin an sawi! Hemi avang hian security thilah DoT chuan Cellular Operators Association of India (COAI) te chu China siam mobile phone-ah an service titawp turin an hriattir a. Operator thenkhat chuan tunah pawh hian an subscriber-te chu SMS an thawn tawh niin tarlan a ni bawk.

DoT in a chhut danin, China siam mobile handset hmang hi India ramah maktaduai 25 vel an ni a. Chu’ng zinga a tam zawk chu mi harsa te te an ni a. Hetiang a thlen chuan Airtel leh Vodafone-te chuan vawilehkhatah an subscriber an chan teuh dawn niin a lang a, hemi avang hian mobile phone tlawm zawk tihchhuah thuai a nih loh chuan a buaithlak ngawt ang.

IMEI No. i hriat duh chuan i mobile phone-ah khan *#06# dial la, a rawn lang nghal mai ang. Mizorama kan handset hman tam ber hi 15 digits IMEI nei deuh vek a ni.

Related posts

Makes no sense buying Ipod Shuffle

Naupang^Fel

Nu Leh Pa Chawimawi

H.Vangchhia

Tunlai khawvel

H.Vangchhia

20 comments

Leave a Comment