More than words Pictures

Ka rawn fang leh hmana kan tuanna

Khang hunlai kha chuan December thla alo nih tawh hi chuan Krismas thuamhnaw thar lei turin Aizawl lam kan pan vang vang thin. Ka tlangval chhuahna pawh ala reilo, zak tak chungin hmangaihte sakhmel kan thlir thin. Class IX ka zir kum a ni a. Kha mi kum December thla kha ka theihnghilh phallo. ‘T…i’ nen khan Krismas atan Bazar turin ka Bike neih hmasak ber mai khan kan in awi chho ve bauh bauh kha a ni a. Thlasik khaw vawt pawh kha vawt ka ti phallo, T.. kha ka phur miau a.

mann
Sakawrhmuituai kan thleng, tah hian dingin heng Nihawi par mawi tak hi kan thlir dun a, a par parh tha ber chu thliakin a sam trawn karah khan ka thiat a.

(click pix for larger size)

manna
Kan haw lam chuan he hmunah ngei hian kut insuih rialin kan thru dun a, tlai ni tla tur kha kan thlir dun a….

Kum alo thara, School kan lut leh chu sport weak kan hmang chhunzawm a, Sport chhung chu hlim taka hmang turin kan inti a, Programme te kan set dun nasain, a tuk Sport tran ni ah pawh kan inhmuhna hmun turte ruat dunin hlim taka inhmuh leh kha kan intiam a.

Chumi ni chuan kan hmun ruat lawkah chuan phur takin ka lo nghak a, a hmel reng alo lang thei ta hauhlo mai..!! A thiannu chuan hmanhmawh taka min rawn panin a dam samlo a, vawiin a rawn school thei dawnlo a ni tih min rawn hrilh a.

Infiamna tur lamah chuan thiante chu ka va pawh phei ta a, chumi ni chu ka theihnghilh leh ngai dawnlo a nih hi!! Tlai alamah chuan kan ban veleh T.. chu ka tlawh ang a tiin ka rilru ka siam a, chawhnu dar 2 alo rik chuan ni danga kan tih ngai loh ang takin, kan Zirtirtu pakhat chuan min line tir a, he thu hi a sawi ta, “T..i chu nachin mai khan a na zual thut mai a, Damdawi In lian lam panin an kal a, a hmun an thlen hmain a BORAL ta a ni…!!”

Ka tan chuan a hriat thiam ahar ngei mai. Ka tan a, Thlaler Nihawi Par mawi chu ka chan ta..!!!! December thla alo thlen hian ka hrechhuak leh thin. Mi(sual) te u, heti teh thuta hmangaih ka chan mai hi, min khawngaih ve hian ka thin.

Related posts

Hunawl ninawm

hmingtea

Sphinx Pic

father_sphinx

Two weeks in Bangalore

benjamin rualthanzauva

49 comments

Leave a Comment