HAHAHA Mizo Society & Culture

Valrianga rian khua a sei thlawn

Vallerha chanchin kha kan chhiar zo chauh a, tun tum chu Valrianga chanchin ve thung hi.

August Ni 16(Monday) khan kan Kohhran Building Committee in Thingtuai la a hnatlang tur an ruat zingah ka tel ve a, kan hnatlanna ah chuan Pa upa tawh tak kum 70 vel tawh tur hi alo tel ve a, a vanglai chanchinte ka zawt ka zawt a, mi thenkhat anglo takin tihian a vanglai chanchin chu min hrilh a. Vawikhat piangte zinga tel ve ta na na na chu, ngaihzawngte pawh neih ve chu thil tihawm loh ni bik heklo le. Tichuan ngaihzawng nei rual leh lawm nei rual ka nih chuan, kan thianho hian Nula in min lawm thin a, feh kawngahte hian kan in chhaih ar ar thin.

Kan lawm nu te zinga pakhat chuan ka rilru hi a kaiher thui ta hle mai a, ka sawi bawi bawi a ni ber mai a, Aiawt rah sawih chu nep te ani ta mai. Tichuan, (a hming hi sawilo mai ila, Tluanga tiin a hming hi ka hmang phawt ang e) ka hmangaih thu chu ka hrilh ta tawp mai a a ti a. “Engtin chiah nge i’n hrilh vel a?” tiin ka lo zawt a. A ni chuan, “Ka theihnghilh thei tawh dawn silo che a, ka hriatreng tur thil pakhat minlo pe teh a” ka ti a. “Eng maw”, “E, i hmangaihna chauh”. Chutah le a nui ta har har mai a, a fuh dawn viau emaw ka tih laiin, min chhang mailo chuan haw a rawt ta thut mai a, kan thing phurh chu kan inchawi tawn sawk sawk a, kan haw ta a. In thlen dawn chuan zanah khan aw a ti a, ka ngaih chu a tha deuh.

Zanah chuan thian dangte nen a kan lo tum lawk angin, Tingtang hrui thum chauh nei tawh nen chuan an inah chuan kan inkuah lut ve leh ta a. An In tualah chuan mei kan chhem a, hla kan han thlang tan ta a, kan zai tui hle lai chuan, “U Tluanga hi vawiinah min duhthu min hruilh vel anih chu mawle, avan ti ho tak ngaihzawng nei rual pawh kan la ni silo a” a ti ta mai.

Ka bing mup mup a, Thiante lah chuan min nuih kiah kiah mai bawk a. Mahse, a ni chu lo tawng chhuak lehin, “Kha ti khan mi an nuih vak vak ngailo, in mak lutuk…” tiin ka bulah chuan a rawn thu a, “Hawh i thu dun daih ang aw” a ti sauh sauh a. Kan haw dawn pawh chuan, “U Tluang mangtha u aw” ala rawn ti hram a, thian dang te zingah ka hming a rawn lam bik kher chu ka tan chuan ngaih tih that thar leh lohna chi zia zang ni heklo le, ka ngaih chu ka’n ti tha thar leh a.

Chumi hnu atang chuan engmah sawi chhunzawm lemlo hian Thingte pawh kan phur dun fo thin. Tumkhat chu kan pahnih chauh a, dai hnaia thing kan phurh dun tumin tihian ka zawt leh ta a, “Kan inhmu loh laite hian mi i ngai ve thin em?” ka ti a, a ni chuan, “Tehreng mai”, “Tak tak em?” tiin ka zawt nawn leh a, “Tak tak e, nangmah nilo mi ka ngai thei lutuk a, ka bulah i awm hi chuan i tawng duh sia, a ni chu ka lo theihnghilh daih thin” nui hau chuang hian a ti a.

Chuthu a sawi lai chuan, “ava zahthlak duh awm ve” tiin ka lo inrawlh zauh a,Pu Tluanga chuan, “Valrianga te hi kan ring leh mai thin a, kan rian khua hi a sei thei thin a nia, tunah lah Pathianin ka kawppui tura min pek ve lah chuan min boral san leh ta bawk si a, Valringa rian khua hi a sei thlawn vawng vawng anih hi…” tiin kan inkawmna hun hnuhnung chu a khar ta a.

Related posts

Mizo Thuhlaril Hmasawn Dan Part V

Tluanga Chawngthu

Silai kah na bawn tawp

swiftymcvay

Ka thupui ngai bawk

ɪ̣uɪ̣pnoɥ

39 comments

Leave a Comment

Skip to toolbar