Blog Internet Opinion

Internet, Blog leh Kei

Kan ram zimte hi internet khawvelin min runna a la rei lo hle a. Thalai lamin kan tuichilhna pawh kha a la rei lo hle anih kha. Kei phei chu 1999 kum atang chauh khan ka khawih ve tan a. Chutihlai chuan mizo website emaw hmuh tur a vang kher mai. A zawn hmuh dan leh an website hming ka hriat loh vang pawh a ni mahna. Chhun lamah bioinformatics centre lamah a free in kan khawih a, zan lamah pu te room ah duhtawkin kan khawih zui leh thin.

Mizo site pakhat ka hmuh kha College lampang a ni tain ka hria, ka chiang ta lo. Zep thu cheng lo, literature survey leh abstract collection kha hna pawimawh ber a ni mai a, chutiang te chu search tur awm reng hek lo le, porn site hrang hrang kan lut hnem malh malh hle. Chat kha an uar hle na a, mak tak maiin ka peih lo ve teh tlat anih kha. Email lamah erawh ka ninhlei thei khawp mai. Thiante email a lut turin porn site mail emaw subscribe sak kha ka ching thin a. Khatih lai khan a in subscribe tir thei tlat nia, confirmation mail kha an thawn let lo thin nge maw ni dawn ni. Tin, mail mak tak tak kha kan dawng zut zut thin a. Kan pu kha a mail password ka hrechhuak a, a ni pawh ka subscribe sak a, mail tha tak tak a dawng tam thei malh malh khawp mai. Khang hunlai te tak kha aw…

Vawikhat chu zanah porn site ka lut nasa mai a, mak deuh maiin porn site pakhat chu homepage atan ka set palh ta hlauh mai. Ka tidanglam thiam tawh si lova, “Nakinah a bo ve leh mai ang chu,” tiin rilru nuam zan lovin ka hawsan ta a. A tuk chhun dar 11 bawr vela ka va kal chuan kan pu hi a lo buai khawp mai a. Computer hmaah a lo thu a, a nui leh vur vur thin a. Nuih ve tawp mai loh chu tih tur dang a awm lo.

A thiam a ko va, ani chuan homepage chu a thlak danglam ta a. Chuta tang chuan fimkhur tawh tak hi ka ni ringawt. History delete ka theihnghilh ngai miah ta lo bawk. Journal changkang tak tak han hawn a, chumi ruala porn site hawn tel ve te kha a lo nuam riau va. Thian te, pu te an lo lut thut a, kan han hmet bo daih mai thin te kha a nuam ve riau. Khang hunlai khan adult magazine a lar a, Fantasy, Mermaid, Debonair tih ang reng vel kha kan buaipui hle thin. Chutih laia internet lama pawisa seng hauh lova han en pap pap mai kha chu nuam ve tak a ni. Thiante khan zan lamah hmuhnawm en turin min zui hal hal fo reng bawk a.

Google kha a rawn lar thar hle a. Mahse search dan te kha thiam a ngai riau va. Tunlai angin sentence pumpui ang hian a search thei lova, “in, on by,etc” ang hi a hmu lo thin. “Importance of rhizosphere microflora on soil fertility” ti te hian search duh ta ila, a theih loh reng reng thin kha a ni a. Tunah erawh engti zawng pawhin search ila, a rawn hmu zel tawh chu anih hi.

Ka sawi tui laklawh, sawi zawm zel ang. Technology lamah kan va lo thang chak e aw…. Kum 1998 kum khan vawikhat chu kan professor pakhatin camera lawk lel lawl a rawn lek chhuak a, far thing hnuaia kan thian te thu lai thla a laksak a. A camera atang chuan floppy a rawn phawrh chhuak a, computer ah a dah lut a, computer desktop a dah nghal a, a ropui kan ti ngei mai. Khang hunlai te kha chuan roll film bak kha kan hmang ngai si lova. Kei ngei pawhin kodak Gold kher kha ka lei thin a ni si a. Khata floppy nia ka hriat kha floppy a ni tak tak ang em aw…

Computer hi a hranpa in ka zir lem lova, kan pu in min zirtir lui a. Ka thianpa nen, a hnuaia kan zir tantirhin computer tangkai zia leh pawimawh zia min hrilh a. A hmasa berin mouse hman dan min han zirtir a, a va han harsa tak e aw, ka thle ngawng ngawng a, ka inher luai luai a, hahthlak tak a ni ringawt.. Tun hnua ka ngaituah let pawh hian mouse hman zir kha a lo hautak ta ber chuan ka hria. MS Word hawn dan min hrilh a, min type tir nghal a, save dan min hrilh bawk a.

Tichuan, zan lama type tur min pe nghal bawk a. Kan thiam chak rem rem khawp mai. Chawlhkar khat a ral meuh chuan kan duh leh kan mamawh ang chu kan khawih thiam nghal vek. Khatih hunlai khan miin a hranpa in computer an zir thin a, thla thum lai te an zir thin. Keini ve chu internet nen chawlhkar khat chhungin kan thiam nghal vek. Tunlai chhanah chuan a ho viau maithei; mahse khatih hunlai ang atan kha chuan mi mak tih khawpin kan thiam chak ve tlat asin.

Vawi khat chu Bioinformatics centre ah khan information lam khawih lovin mail leh web browsing lam an khawih nasa lutuk a. Yahoo, Msn leh Rediff kha an block tlat mai a. Tumahin a ngaihna an hre lova, mail pawh an check thei lova. Mahse yahoo website atanga mail check tura lut kual lovin mail.yahoo.com atangin ka lut direct hmiah a. A lo hawn theih reng chu niin, a rukin mail ka thawn char char. A hnuah chuan an hrechhuak ta thova, ka tilui zui ta bik lo; zan lamah duhtawkin kan hmang thei thova.

1997 khan excursion in India chhim lam khaw thenkhat tlawhin kan zin chhuak a. Kan haw lamah Mumbai kan tlawh bawk a. Mumbai rel station ah chuan kan professor unaupa in min lo hmuak a. Amah chu pa hausa zet mai hi a ni a. Phone te tak te a keng a, chu a phone ah chuan no sei zet mai a type a, midang a bia a. Mak ti takin kan en reng a. Kha phone kha mobile phone a ni ang em aw….. Khatih laia kan phone hmuh ve thin kha chu ken sawn pawh rem lo, hruia inthlung tlat thin (land line) a ni si a. A kensawn ve theih ho lah kha mahni in bul kiang hnai bakah a hman theih der si lo. Tunah meuh chuan thingtlang pilril ber ber thleng pawhin phone kan hum ta fer fur anih hi. Kan va han changkang sawt tak em. Duah mai a.

(Hetiang lam han sawi hi chuan ka kid kumhlun lrpa of misual.com hi ka hrechhuak vawng vawng thin. Tun tum ka thuziak chu ka va sit e aw, ka delete leh daih dawn emaw ni chu le.)

Blog lam ve thung hi le:

Hmanah chuan mizo site a luhna tur a vang thei ngei mai. Tunah chuan a tam tawh lutuk. Luh sen loh khawpa tam blog pawh a awm ve ta. Sandman’s Zo blog directory te hi han lut chhin teh u, a tam tawh tiar tiar a nia. Hei hi hmasawnna tha tak a ni. Miin hmundanga a ziahlan ngam loh, chanchinbu lama chhuah atana a sit em em te, social website lama post atana a duh vak loh te thlengin mahni blog ah chuan a ziak ngam ta a. Thuziak nen, thlalak nen tha tak tak nen, video clip nen lam, chhiara en tur a awm ta. Hma kan va sawn nasa tak em. Ka student te hnenah, “Google lamah hian zawng ve thin ang che u, in mamawh, in zirlai lama pui theitu tur che u chu a tam ang,” tia ka lo hrilh thin te paw’n tunah chuan computer lamah te, blog lamah te, nasa takin min tanpui ve thei ta. A va ropui em…a va rapthlak em….a va nasa em…. kha daih kha asin.

I blog kha back up rawh:

Tunlaiah mi an sual tawh a, i email takngial pawh an hack sak duh che a, i email ah virus chhe ber chi vawrh luh an hreh lo. Buai vak vak mah la pawi tihna chhete mah an nei lo. I email mah khawih an hreh lo anih chuan i blog pawh khawih chingpen an hreh miah dawn lo ani tih kha han hre phawt mai teh. Hetiang tih ching ho hi an sual hrim hrim vang a ni thei a, tin an ninhlei vang a ni thei tho bawk. I blog, uluk taka i design ve, i thuziak tha tak tak te, i thlalak roh tak tak i dahna blog te kha, zan khat thil thuah bo vek ta mai se, i ui lutuk dawn a. Chuvangin i computer hard disk ah khan back up hmiah mai rawh. I duh hunah i la import thei ang a, tin blog dang pawh siam la, chumi blog tharah chuan i import thei ang.

Hetiang hian ti ang che:

I blog settings ah lut rawh > Basic ah khan lut la > Export blog tih kha click rawh > Download Blog tih kha click leh ang che. A bak chu a rawn inkahpupchaw chho tawh mai ang.

Mifa te’n thu tha tak tak, thu rotling, ram leh hnam hnuk khawih phak an ziak lai te, an blog atanga sum an lakluh hiau hiau lai te hian, an tih thikin blog chhete chu kan han siam ve thin a. Daily blog traffic a hniam miau chuan sum lakluh ve nana hman ngawt pawh a rem lo. Thuziak mi nih lem loh chuan mahni blog update reng te a lo harsa a. “Blog siam ve a, update tha leh peih hlei lo,” tih te, “A blog a thuziak te chu an ho hlawm em mai,” in tih sak ngawt chi pawh a lo ni lo.

Mahni eizawnna anih loh chuan thuziak tha tak tak dah tur neih reng te hi thil harsa a lo ni. Blog lama in tlawhpawh a harsat zia ka hriat chang hian ka blog rawn tlawh thintu te hlut zia ka hre chhuak thin. Thuziak harsat zia ka hriat chang hian thuziak mite lo hlut zia ka hre chhuak thin. Blog lama thuziak te lo tar chhuak a, lo tih lar sak thintu kan admin zahawm tak Sandman-a chungah lawmthu sawi nachang hria kan awm em le?

Related posts

In hating memory of Saddam Hussein

chhana

Manipur-a cheng Mizo tak tak te khi in hmet tel palh ang e aw!

LiveNletLive

Keini Ve Kha!

coolsoul09

61 comments

rose malsawmi January 11, 2011 at 5:04 PM

iiih. ka back up first i sawi hnuah (Y) (Y) thil tha tak a ni i sawi hi. i sawi ang khan ka backup a, rilru chu a nuam duh hle mai. (C) (C) sandman hi genius hmel e.. ๐Ÿ˜€ porn site khi ka nui nasa lutukkk.. (Y( (Y) (Y)

Fonz January 11, 2011 at 5:08 PM

expert blogger list ah i lang em?

H.Vangchhia January 11, 2011 at 5:14 PM

caribou, Debonair khi Shillong ah late 70’s – 80’s khan alar thin teh asin hairehai ๐Ÿ˜›

Thang chak tak a ni. Kei ve teh thlawt pawh 1992 chho velah khan Ghy ah Data Prime an tihah computer ka zir ve a, MS-DOS atangin kan zir tan. Monitor pawh black and white niin, zirna room ah pheikhawk pawh bun luh phal a ni ngailo (ahnu chuan danan thlak leh). Mei khu te kha computer room lamah a luh an hlau thei khawpin ka hria hahahaha. PASCAL tih vel hahahha avan rei ta vele

rose malsawmi January 11, 2011 at 5:14 PM

ehee..ka edit thei miah lo. ;( ;( ;(

post tha leh tangkai tak a ni. hah a dam (C) (C) (C) (C)
sandmand-hi a genius hmel e..mizoin amah ang kan nei hi kan vannei ngawt mai

(F) (F) (G) (G) —> caribou

caribou January 11, 2011 at 5:22 PM

Rose, ka lawm e.

TuaiSialA January 11, 2011 at 5:29 PM

A ngaihnawm ka ti kher mai. Internet i khawih tanna pawh a lo rei hle mai.
Porn site homepage-ah dah khi nuih loh theih pawh a ni lo! ๐Ÿ˜€ In pu a fel hlauh va! Tih ngaihna hre lo zeta a nui tur hmel ka mitthla thiam mai!
A bengvarthlak khawp mai. Blog back up dan khi ka lo la hre ngai lo va, ka’n ti ve tawh ang e.
Sandman hi chu fak tur kan ni!

TuaiSialA January 11, 2011 at 5:35 PM

Computer hi a hranpaa zirna ka nei lo va. Nikum hmasa khan loh theih lohvin ka khawih tan a. Typing phei chu…! A tirah phei chuan paragraph khat, tlar 5 vel hi darkar khat te ka type thin! Tunah chuan ka zรƒยฎt par par tawh! Zep lohvah chuan internet hi nikum atang chauh ka khawih tan. A va rapthlak em!

chemtatrawta January 11, 2011 at 6:06 PM

va trangkai leh si emmm.. . . .

rose malsawmi January 11, 2011 at 6:12 PM

o.t) tuaisial a i va thiam chak ve le. mi thluak tha tak i nih chu (8) (8) (8) (8)

nastycool January 11, 2011 at 6:16 PM

Ngaihnawm hle mai. 2000 vel a nokia handset antenae nei lawk bur mai intithei deuh a kan hum lai ka hrechhuak, incoming call kan la chawi zui.

benjamin rualthanzauva January 11, 2011 at 6:17 PM


I blog settings ah lut rawh > Basic ah khan lut la > Export blog tih kha click rawh > Download Blog tih kha click leh ang che. A bak chu a rawn inkahpupchaw chho tawh mai ang.”

Sawiselna: ๐Ÿ™‚

Blogger ah tih dan i sawi nihin ka ring a. blog software a tam lutuk. eg: http://en.wikipedia.org/wiki/Blog_software#Software_used_for_top_20_blogs
Phone nei zawng2 hnena Nokia Phone pakhat a thil tih dan hrilh ang deuh a ni.

“I Nokia kha Samsung nge Motorola” tih te pawh min ti hrechhuak

nastycool January 11, 2011 at 6:22 PM

@ rose malsawm, 2000-02 vel a Mirc a rose tih nick hmang thin kha i ni em:)

H.Vangchhia January 11, 2011 at 6:33 PM

caribou, i thurawn angin ka ti ,a ka Dl ka en a, a buai nuai mai hairehai ๐Ÿ˜‰

Maisek January 11, 2011 at 6:33 PM

A post tupa hi heti khawpa rei internet a khawih tawh chung hian kei ve mai mai hian fb-ah ka chat pui hmasa ber! ha ha! :intithei: Caribou, i van ziak ngaihnawm ve awww! (F) i blog te hi tlawh a nuam ka ti, i vil ngun bawka! (C) I lo turu hle mai! (Y)

riangtleii January 11, 2011 at 6:40 PM

e, a tha hle mai, blog pawh ka back-up nghal e. Computer hi kei pawh mite angin ka zir ve lem lo, ka risk thiam a ni ber

rose malsawmi January 11, 2011 at 6:52 PM

nasty cool ๐Ÿ˜€ ๐Ÿ˜€ ๐Ÿ˜€ ๐Ÿ˜€

kawlhawk January 11, 2011 at 6:58 PM

Hmanlai (hmanlai mm lo), inpuanna, tunlai, internet, aaa… a va tam tak em! He post lo chhuak tur hi ka nghakhlel bawk a, chhiar a manhla kher mai. Porn site chungchang phei khi chu mitinin kan tih, kan inpรƒยนan ngam si loh a ni. Cari nge nge, a ropui e! :p

H.Vangchhia January 11, 2011 at 7:00 PM

Virus lampanga buai fo ho khan in en uar bik hairehai ๐Ÿ˜‰

funny pawh hi a reh riau mai a computer a infected aniang ๐Ÿ˜›

Thakthing damveng bawr vela driver pakhat chu porn movie en a hrat lutuk a, “Blue” tiin kan ko, a ei ve lauh lauh tho mai ๐Ÿ˜€

Internet chu Dalnet a Azl chat awm tan kha ka khawih ve tanna a ni awm e. Ka e-mail hmasa leh dalnet azlchat nick kha Adina of Bangalore min siampui a ni nghe nghe hairehai ๐Ÿ˜€ ka OP thin a, in kick kha avan nuam thei chiang hairehai ๐Ÿ˜€ ๐Ÿ˜›

triplestar January 11, 2011 at 7:02 PM

Caribou, i post chu a bengvarthlak kher mai, post hlu tak a ni e. Internet pawh chu i lo va khawih hma bik ve, kei ni ai thlawt chuan i lo advance a ni e. Keini in i kaihhruaina hnuaiiah blog kan siam ve laih laih chauh a ni si a.

vakul January 11, 2011 at 7:06 PM

zu mai mai sawia inhnial inhnial ai chuan va hlawkthlakin a va kaltluang tha em. I thu ziak chhiar a nuam hle mai. Chhung lama min tur/tiphur tur i dah zel thei. (Y)

mc sparkz January 11, 2011 at 7:14 PM

keichu 2001 MIRC lar hluai lai atang chauh in ka khoih vee… ngaihnom hle mai. hetianga sei hi ka chhiar chhuah voi khatna.. lolz. kan nun hlui min ti hrechhuak…. MIRC a kan han ck tak tak jel mai thin te kha..umm porn site…. Cyber cafe cabin phui tha deuh kha chu kan pan vang vang zel anih khaaa heheh.. blog hi register ka tum ve aa This form is currently inoperational. tih injiak kuau.. tinge?

H.Vangchhia January 11, 2011 at 7:20 PM

OT: Kan shooters tha tak2 mi5 te chuan Mizoram aiawha 54th Hindustan national shooting C’ship a tel ve turin Delhi laman pan ta. Kan ram leh hnam (Mizo) tan tha tak leh tluang tak a an kah theih na tur in an chungah duhsak na sangber kan hlan e.

MRA GS Rohmingan a hruai a, a thahnem ngaihna azara hetiang theng thei hi kan niin kei chuan ka hria. Ka ngaihdan diktak pawh a ni.

Vitamin_C January 11, 2011 at 7:22 PM

A ngaihnawm lutuk….ka thianpa nen a computer kan khawih hmasak ber tum a kan chet dan min ti hre chuak chiang hle mai…. ๐Ÿ˜€ thle ngawng ngawng in mouse kan ti che vel a nih kha ๐Ÿ˜€ keipawh a hranpa in ka la zir miah lo,in ka awm tlem vang hian misual.com tlawh nan phone ka hmang nasa khawp mai,mahse computer ah in zarah hma ka sawn ze e (N)

maawma January 11, 2011 at 7:24 PM

Caribou a thuziak chu hmanlai min ti hre chhuak zawk mai a.
Ka computer khawih tan tirh hian midang in min hriatthiam pui ve vak mang si lova, Monitor en reng ringawt mai kha an ngaih a tha teh chiam lo a niang, 14″ CRT TVM Monitor chunga kut nghatin kei leh ka computer khan tawngtai sak na te pawh kan dawng nual ๐Ÿ˜€ , computer khawih vanga tawngtai sakna dawn kha tawnhriat danglam ve tak chu a ni e. Intel 80386, Windows 3.1, 1 GB HDD tih vel ho kha an la nia mahse mithla ah hian a la cham reng chu a ni e.
Blog atan wordpress hmang thin ho tan hei hi a tha reuh phian mai, lo en ve chhin mah teh un
http://www.xcloner.com

littlerascal SobeR January 11, 2011 at 7:24 PM

Ngaihnawm khawp mai caribou

H.Vangchhia January 11, 2011 at 7:28 PM

Blog chhete chu ka nei ve a, tih kual vel dan kala en lo hrim2, peih vaklo bawk. A chhiat theih chuan venna erawh ka duh tih mai a ni MS-DOS bak ka hre vak lo e a, chupawh ka chiang tawh teuh lo mai hairehai ๐Ÿ˜‰

thiana January 11, 2011 at 7:34 PM

Engtikah emaw chuan ka tan pawh a la hlu ve ngei ang.
A khawih thang hovin tha an tih avangin a tha a ni ang chu maw. He Mi(sual)-a min hnimphum hnu atang khan hmasawnna engmah ka la neih belh lo erawh hi chu mak i tih loh pawhin i beidawng viau tawh tur a ni. :-$ ๐Ÿ˜€

Barack Osama January 11, 2011 at 7:34 PM

Benjamin Rualthanzauva comment dan kher kher chu a va chapo thlak ve. Khitiang lo deuh khian a tih theih lo’m ni?

littlerascal SobeR January 11, 2011 at 7:36 PM

Keipawh Blog ka la siam ve ang ๐Ÿ˜€ ka hausak hunah ๐Ÿ˜€

awmawmpuia January 11, 2011 at 7:39 PM

Caribou leh, min va tinui nasa ve le. ๐Ÿ˜€ ๐Ÿ™‚ . Kan College computer room a pheikhawk phelh a kan luh ve tum a ka thianpa in pheikhawk phelh vek loh chuan virus a lut thei a a tih hun lai te kha ala rei lo hle mai.

nastycool January 11, 2011 at 7:41 PM

HV mirc chu lung ti leng khawp mai. 2000 khan op ni ve a aizawl ti room ah khan. Nuam ve mai mai. Chu mi hnu ah aizawlchat,thalai..etc te a lo piang a.

caribou January 11, 2011 at 7:47 PM

Ekhai, ka nau awm hlanin comment a va lo tam hman ve. In ti lawmawm hle mai.

@Ben #11: Mizo blog ka tlawh tawh ho hi Google blogspot (blogger) a ni deuh zel a, wordpress hmang chu an tlem riau. Ka hriat ve chhun blogger back up dan ka rawn ziak ve thuai anih hi. WordPress hi ka nel lo ani maithei, wordpress lama ka blog ve kha chu ka tlawh ngai miah lo.

@HV: Kei pawhin ka download a, a buai nuai miah lo. XML file in a back up a, rin aiin a file a te.

Thian te u, in mobile phone hmang pawh khan in back up thei tho a nia.

muantea January 11, 2011 at 7:48 PM

Caribou hi mi inzir mi tak a ni. Mahse hei a zep tur zawng zawng a puang vek mai si a zep tur pawh a nei tawh awm love. Hlimawm lam hi chhiar a nuam viau zel.

H.Vangchhia January 11, 2011 at 8:05 PM

nastycool mIRC ah chuan Dalnet kan hman laia aizawlchat nick merzer/blue_floyd kha i hria em, ka kick fo tawh lo che maw hairehai ๐Ÿ˜› Baktea te ho nen kan OP thin kha ania, founder tetea tihsual palh vangin an hack ta a nih kha,a pawi ka tiin ka ui khawp mai. Khami hnu chatroom ho kha nuam tih ka nei tawh tak2 ngailo.

Mo lawmna tur lamah lova intithu viau la a ni mai. ๐Ÿ™‚

chemtatrawta January 11, 2011 at 8:16 PM

in pu nena in in nuih tut2 tur lai chu.. . . ๐Ÿ˜€

nastycool January 11, 2011 at 8:20 PM

Hv, hre khawp mai, ka nick kha an banned reng a sin, haha. Zarkawt kawna baktea dawr nghak , kuhva ei sen huan chunga a chat lai te, hmanlai an chang zo ta.

H.Vangchhia January 11, 2011 at 8:27 PM

nastycool, ka cousin anih kha, ka ngai thin khawp mai. ๐Ÿ™

nastycool January 11, 2011 at 8:38 PM

Hv,Mirc sawi tak ah chuan net chass kan han nei ngei a, net chass te an lo zin phei kha chuan hawi champ thei tak kan ni. Thiante hriat loh hlau takin guest house tlawm deuh ah kan riahpui ngei a! Pa leh fanu lo in be ck te pawh an awm kha mawle:)

Kawnga January 11, 2011 at 8:40 PM

@Caribou hi aw… Thu ziah ngaihnawm dan hi i thiam thin mang tak e. Han inpuang zel teh.

H.Vangchhia January 11, 2011 at 8:41 PM

nastycool, mIRC ah enge net chhas, ka van hre velo, zualbona khan a hre maithei hairehai ๐Ÿ˜›

VaiVa January 11, 2011 at 8:44 PM

I rawn sawi ang khian tu emaw chuan porn site min subscribe sak ve ngei tawh. sandman a ropui ber rawh se ๐Ÿ˜›

Fonz January 11, 2011 at 8:49 PM

mail ah hian tih lenna damdawi fakna in hmu ve ngai em? ๐Ÿ˜€ …porn site tlawh tam loh hi a tha, vairas/uarm vel kai a awl an ti a thiam ten

TuaiSialA January 11, 2011 at 8:50 PM

MIRC kha chuan lung a tileng khawp mai.

ruatruatapa January 11, 2011 at 9:06 PM

Tha khawp mai. Ka blog ka ti chhin a. Mahse, Picture a in backup tel lo tlats. Engtia tih chi nge ni Postupa?

1997 khan Zirlai Pawlin kan nei a, Monitor pawh Colour loh a nia, chu chu ka khawih hmasak ber a ni. Lunglen thlak. Lehkha chhut ka tum a, Photopaint-ah ka lo chhu….

ruatruatapa January 11, 2011 at 9:10 PM

42
Fonz Says:
January 11th, 2011 at 8:49 pm

mail ah hian tih lenna damdawi fakna in hmu ve ngai em? ๐Ÿ˜€ รขโ‚ฌยฆporn site tlawh tam loh hi a tha, vairas/uarm vel kai a awl an ti a thiam ten

Kan nuih chhuah huk chu le…. Sipai tang ho Nawhchizuar kawm ngai lo, thiante kawm thu chuah sawi thin min ti hrechhuak zawk mai…..

caribou January 11, 2011 at 9:35 PM

@ruatruatapa #44: Picture a in backup tel lo maw? A va tihchi awm loh ve. A ngaihna reng reng ka hre bik hauh lo mai. Hotupa Sandman a’n a hria ang. Amah ber lah hi a titau deuh nge, a ngawi hmuk mai si a. Sandman a hi in lo hmu em? Hei, kan mamawh a nia.

nastycool January 11, 2011 at 9:46 PM

Sandman awm na tur chu ka hre mai:)

caribou January 11, 2011 at 10:08 PM

@thiana #27: Misual.com a baptisma ka chantir ni che kha i la hre reng a ni maw? I hriatna a tha hle mai.

@mamawma #24: Ka nui nasa lutuk. Awi awi awi… computer chunga kut nghat meuhva tawngtai…

@HV: Zan dar 10 bawr velah pawh debonair bu kan la pawm kual zak zak thin anih kha maw le, tiraw.

Computerr room kha kan va han zah thin tak e aw. Kan pu kha a Pa deuh hlek a, eng vakah mah a ngai lo. A computer a internet duhtawka kan hmang thin te, a ruka porn site kan lut thin te kha lo complaint tawk an awm. “Tlangval an nia lawm,” a ti hmiah. Ka pu hnuaia ka zir chhuak ta lo kha ka inchhir chang a tam khawp mai.

hiho January 11, 2011 at 10:26 PM

Hman ah 2000 hma deuh khan kan Thing Mistiri zing ah a lo leng a, kan in biak dan chu..
Mistiri(M): Mama, Computer kha i khoih thiam ti ro?
Keimah(K): Thiam ve tho e
M: Min lo pui lawk teh.
K: nga ti nge?
M: Kan Uite a bo a, computer hmang hian min lo zawn sak teh.Computer hian a hre thei vek a ni lawm ni.
K: :-O :-O :-O :-O :-O

ChhawnBura January 11, 2011 at 10:28 PM

A ngaihnawmin a lunglen thlak hle mai. Computer Room-a luh dawna pheikhawk phelh kher ngaih lai kha a lo rei ve ta hle mai. Khatih hunlai khan Computer kha, engkim hre theiah kan ngai รกยนยญhin.

1999 khan shailendra nupuia nau te computer kha ka lei ve. A config. pawh 32 mb RAM, 10 GB HD, Windows 98….khatih hunlai khan รกยนยญha kan ti thei ve raps. Nei an la tam vak lo tlat, kha’ng hunlai kha chuan Hard Disk lian pawl tak ani ve tlat ๐Ÿ˜€ Chat, Porn ๐Ÿ˜› ,…..sawi tam lo mai ang ๐Ÿ™‚ ๐Ÿ˜€ (L)

Krista January 11, 2011 at 11:07 PM

Ka chhiar chhuak e. Ngaihnawm hle mai. Thil tam tak ka ngaih tuah e. Class a reproduction min zir tir lai a duh thawh tak a ‘zoo spores’ ‘angiosperm’ iti lai vel te min ti hre chhuak lawm le. Thu ziak lam pang iti ang tih kalo ring ngai lo. Tha hle mai.

b_reza January 12, 2011 at 12:09 AM

caribou…ngaihnawm buah2 vele (Y) …tangkai bawk si. Chuan ka thil hriatchhuah ve mai2 chu, 2002 atang khan internet hi k khawih ve tan a, kan Univ library ah nia, k web en hmasak ber chu Lengzem website ngei mai kha nia, page thar hawn dan pawh k thiam lo. ๐Ÿ˜›
CHuan kan thianpa pa ve thung chu a computer neithar mouse han khal vel kha, feet 3 bialah a leng lo ๐Ÿ˜€

lrpa January 12, 2011 at 12:12 AM

Caribou hi a naupan lai deuh kha chuan hetiang lamah a changkang hmasa kha ani hrim hrim..Enge porn? kan tih hu hu lai khan film siam tum rup rup kha ania, a changtunu tur Kongi pawh a be fel diam tawh kha ania !! fiamthu!! ๐Ÿ˜›
..Post tha khawp mai..Caribou..I blog pawh i maintain tha khawp mai..cheers (Y)

sisen January 12, 2011 at 7:21 AM

hotupa, i ziak tha e, ilo hma hle mai. (Y)

nastycool January 12, 2011 at 7:31 AM

1999 kum tawp lampang a yahoo ah mail leh IM a ka in signup lai te kha ka ngai khawp mai. Yahoo chatroom a foreigner ho bia te khan kan lo tlaivar ve thin a., a lo hrat thlak mange:)

Kawlri January 12, 2011 at 7:40 AM

Ka chhiarchhuak dap e.. ngaihnawma hlimawm bawk.. ๐Ÿ˜€ chuan lung a tileng bawk.. :-S

Samuel January 12, 2011 at 8:44 AM

A van tha em. Kei pawhin blog ka siam a. Backup nachang pawh ka lo hre hleinem.

Pc-a January 12, 2011 at 9:49 AM

Ava tha ve.

laldoma January 12, 2011 at 1:01 PM

Ka blog backup pawh lak ve ngai nih chu. Ziak thain ngaihnawm e.

mach.zt January 12, 2011 at 6:45 PM

@caribou, i ziak tha hle mai, a va ngaihnawm dap2 em!

ninja January 12, 2011 at 7:56 PM

Thil i sawi ngaihnawm thiamin i sawi fiahthiam hle mai (Y) He tiang thuziak hlimawm deuh hi rawn ti fo teh u (Y)

Leave a Comment