More than words Music and lyrics

God On The Mountain

[youtube]http://www.youtube.com/watch?v=V65EPF2S-s0[/youtube]

Zan khat chu muhil thei lovin ka khumah ka let ka let a. Pawn lamah chuan ui bauh ri chuah chuah leh ralkhata rel kiu ruai ruai chu a hriat theih a. Thla chu a engin ka khum chu tukverh kaltlangin a rawn chhun eng ruih a, lung a leng duh kher mai.

Mut a chhuah loh em avangin ka dawhkana sana chu ka han ban a, dar 3 alo ri chiah chiah a. Ka phone chu ka han hmet eng a, facebook te ka han lut a; ka chhuak leh vel thul!

Picture leh Video ka han enkual vel chuan hmanni a ka download thar, ‘God on the mountain’, Lynda Randale sak chu ka han ngaithla vang vang a. He hla hi ka duhna a rei tawh bawk a, tihtur ka neih loh chang chuan ka ngaithla leh mai thin a. Hemi zan pawh hian min hneh leh kher mai.

”Life is easy when you’re up on the mountain,
And you’ve got peace of mind like you’ve never known.
But then things change and you’re down in the valley.
Don’t lose faith for you’re never alone.

For the God on the mountain is still God in the valley.
When things go wrong,
He’ll make it right.
And the God of the good times, is still God in the bad times.
The God of the day is still God in the night.

You talk of faith when you’re up on the mountain.
Oh but the talk comes easy when life’s at its best.
But it’s down in the valley of trials and temptation
That’s when faith is really put to the test.”

A dik a ni ti raw u! Kan chan that lai, he khawvela malsawmna dawng a, hlimna leh lawmna kan tawn lai chuan nuam kan tiin kan hlim thin a ni. Midang rinna kawnga chak lo zawkte pawh kan fuih phur viau thin ang.

Mahse hlimna leh lawmna in min kiansan a, harsatna khura kan tluk luh meuh chuan hriatthiam har kan tiin Pathian dem hial pawh kan nap thin. He khawvel hi hlimna hlira khat a ni bik lova, hrehawm changte, harsat changte a awm thin. Chung hun chu a ni, kan rinna fiaha a awm hun chu!

Harsatna i tawk em? I lungngai em? Buaina i nei em? Pathian hnenah thlen rawh. Malsawmnaa min vur a, hlimna min thlentu Pathian tho kha a ni, mangan laia Pathian chu! A va tha tak em! Ka sawi chhuak thiam lo. Han ngaithla ve teh u!

Related posts

Rawlthar tang fan fan

patawrawt

Hmangaihna

caribou

Zan Duhawm

bronco

18 comments

tlumther February 22, 2011 at 12:03 PM

Chhiar phawt a ge…

tlumther February 22, 2011 at 12:15 PM

A ni ngawt mai, malsawmna kan dawn hian lawmthu sawi nachnagte kan hre lo fo thin. Kan mangan ni erawh chuan kan au chul leh si thin a..

ka’n edit theih miah loh chu..

Kawnga February 22, 2011 at 12:56 PM

He hla hi ka duh thar te zinga pakhat a lo ni ve mek asin!!!

Vittea February 22, 2011 at 2:38 PM

A mawiin a nalh ngei mai,han comment em em dan erawh ka bangbo phian lawi si,a tha in a dik famkim hle mai ti tawp mai ang aw

ChhawnBura February 22, 2011 at 2:46 PM

He khawvel hi hlimna hlira khat a ni bik lova, hrehawm changte, harsat changte a awm thin. Chung hun chu a ni, kan rinna fiaha a awm hun chu!

(Y)

vivia February 22, 2011 at 3:28 PM

He hla hi Mizo (tawng)-in ka hre hmasa tlat, Reachout Ministry-in ‘Muanna Pathian’ tiin an sa a, Local channel-ah hian thlan theihin a awm. Ka duh khawp asin. Sap hla pawhin alo mawi tho a nih hi!!

VaiVa February 22, 2011 at 3:35 PM

vivia chu keimah emaw kan tih chu le! 😛

vivia February 22, 2011 at 3:48 PM

VaiVa te chu in lian a lawm. Kei ve chu min ben hlum loh tum hian kan vi kan vi ve ringawt a ni mai a. Kan vi na thin hi mi beng bul tak alo ni thei em em lehnghal a!!! Hai tham ka ni lo ve.

H.Vangchhia February 22, 2011 at 5:08 PM

Hemi te zai hi 2001 khan Virginia ah ka en ve ngat tawh. Ka gospel concert en tawh zawng2 ah min la khawih/hneh ber tu a ni hial awm e.

Broundmay February 22, 2011 at 5:30 PM

I post ka lo hmutlai hnuhnawha, a thu tha ka va ti em. Kristiante an huat na em em hmun, Kristian sikul pawh tunhnai maiah vawi thum an hal chhiat sakna hmunah ka awma min hneh hle mai,,, (Y)

Fugitive February 22, 2011 at 6:02 PM

Ekhai, #10, tuar hram hram rawh. For you’re never alone. (F)

Fugitive February 22, 2011 at 7:22 PM

Lal pu HV, ka va en ve chak ve! A sa tunu khian hun inhnaih te te ah a pa, a u, a ni, a thiante thihna avangin a chan a, Pathian ala fak thei a sin!

thiana February 22, 2011 at 7:28 PM

Ka pi chu tunah cancer avangin a na hle. Ka nupui leh ka fate lungngai hmel hian ka lunglai an kuaiin ka khawngaih takzet a ni. Tun maiah pawh hian thisen kan pe mek. In ah ka haw a, ka han misual a, he hla hi i lo post tlat mai. Kan chhungkuain kan mamawh lai tak a ni. Min va hnem nasa em. Ka download a, vawi 7 kan play hnu ah ka rawn comment a nih hi.
Kan chhungkuain lawmthu kan hrilh che a, he hla hi kan tan malsawmna lo ni zel rawh se.

Fugitive February 22, 2011 at 7:39 PM

# 13, ka lo tawngtaipui ang che. Pathian remruatna hi a mak a nia. Kan tana tha tur zelin a rel thin. I pi chu a lo tha chhuak emaw, a tha chhuak ta lo palh a nih pawhin kan chunga roreltu in kan tana a rel a ni tih pawm thiam turin thlamuanna nei mawlh ang che. Lalpan zah a ngai ang a, a dam chhuah beiseina nen ka lo tawngtaipui dawn che nia.

# 12 khi han chhiar teh le, ani tawrh pawh khi a nep lo asin. Hemi chungchangah hian enge a sawi? ” Whenever I’m worried, God on the mountain comes to me and each time I sang this song, I am blessed!”

Zodin_RM February 22, 2011 at 9:40 PM

(Y)

blackmagicwoman February 22, 2011 at 11:19 PM

Broundmay Says:
Kristiante an huat na em em hmun, Kristian sikul pawh tunhnai maiah vawi thum an hal chhiat sakna hmunah ka awma min hneh hle mai

Ka lo tawngtaipui ve ang che u. Hei Pu Fugitive-a post ang hian, hmana red sea pawh a mite chhan nana sat pheltu kha, tuna awmpui rengtu che tho kha a ni. A hun takah ropui takin a rawn che mai ang. When we say its already 4 days late, for God its the perfect time to perform his miracle 🙂 May God give you strength and peace.

@fugitive: good post! he hla hi keipawh ka duh a ni awww 🙂

Fugitive February 23, 2011 at 12:26 AM

@ bmw, thankiu. A nalh tiraw.

memoirs February 23, 2011 at 7:21 PM

(Y) Amazing Song!

Leave a Comment