HAHAHA Internet

Facebook hrâng!

Kum 6 kal ta atang khan thingtlang atangin Aizawl-ah ka nau, Sang Sangi nen lehkha zirin kan rawn awm a. Kan in luahna chu hmun fianrial tak niin a tawi zâwngin, thenawm kan nei lo a ni ber. Thian dang kâwm lem lovin kan unauvin kan inkâwm chawt a, kan khua a har bîk lo. Facebook, orkut, twitter a rawn lar chho va, mi neih ang neih châk leh mi theih ang theih châk reng renga khawsa ta chuan phone kan tuak a, kan neih hnuin facebook-ah account ka siam nghal vat a, a hnu lawkah ka nau chu ka siamsak bawk a.

Aizawl-ah kum 4 kan awm hnuin ka nau chuan hrisel lohna neuh neuh a rawn nei chho va. Zan khat chu a nâ a rawn zual deuh avangin biak theih lohvin a awm hial a, damdawiina kalpui tumin taxi ka han zawng a, zan rei tawh lam a nih vang leh kan awmna a fianrial deuh avangin a vâng hle. Minute 20 vel hnuah chuan ka hmu hram a, inah kan tlanthla leh nghal vat a.

In chhung ka han lut chu – karei leh!! Ka nau chu saruak ngalngatin khumah thisen nen a lo inchiahpiah niai a, a pumah chemte pakhat a lo bûr vá bawk a. Ka au tuarh a, ka pan hnai a, ka nau nikhaw hre lova awm mek chu rawng taka pawngsual mai ni lovin, lainatna tel hlek lova vih a nih chu! Ka au ri hriain taxi driver chu a rawn tlanlut nghal a. Theih ang anga bawihsawmin taxi-ah kan hlâng a, damdawiin panin kan tlan ta vang vang a.

Damdawiin kan thlena doctor hovin an han en meuh chuan ka nau chu a lo chatthla fel der tawh. Min thâwng kher mai. An postmortem nghal a, a serha mipa chî an hmuh atangin pawngsual a ni tih an finfiah ta a. Chhungte hnena chanchin hrilhin Police Station-ah FIR ka thehlut nghal a. Tichuan, vengchhung YMA-in a kuang siamin puandumin an tuam a, kan khaw lamah phurh haw a ni ta a ni.

Kan khuaa kar khat vel ka châm hnuin exam hun a hnaih avangin Aizawl-ah ka lêt leh thuai a, lehkhazir erawh a har hle. Ka unaunu nena kan awmnaah keimahin ka awm ta ruk ruk a. A hmaa thil thleng avangin ka tih deuh hle nghe nghe. Rilru tihthawven nan ka facebook mai mai a; ka nau account password ka thlak a, account pakhat atana hman mai ka tum a. Mahse, ka inngaihtuah ngial hnuin ni thei ngangin ka hre ta lo va, ka deactivate ta zawk a. A thlalak leh status hluite chuan ka lung a tileng hle a, mittui a parawl kuang thei nia.

Chutiang chuan ka facebook leh ta tlut tlut a. Zan khat chu zing lam dar 1 velah ka muhil chu ka harh hlawl a. Facebook ka kheuh hawng a, thiante status update-te ka en thuak thuak a. Chuta ka thil hmuh pakhat chuan min barakhaih kher mai!

Sang Sangi
Ka rlru hah topzz..:-(

tih chu hnuai lamah a lo awm chu niin! Mi dang Sang Sangi a nih ringin a profile ka’n en a, ka nau ngei kha a ni! Ka phu chiang lutuk!
Eng nge thil awmzia ni ta ang le? Mi’n an hack ti dawn ila, a account ka deactivate tawh a, a password lah chu a boral hnu khan ka thlak a, keimah lo chu hria dang an awm si lo. Ka’n refresh leh ngat a, Sang Sangi like this tih a lo awm leh kalh mai le! Thian ka nei a nih hmel riau mai!

A râpawm zawngin ka ngaihtuah a, hlauvin ka khûr titih mai a. Ka tirilah mi tham er er a, ka khua a tisik ser serin ka hre hial a. Blanket phên atangin kawngka ka en dêk dêk a, a inkalh tha tih ka hriat hnuin puan themin beng ka hnawh a, phone ka switch off hmak a. Ka inlukhûp a, mut a chhuak si lo va, khawvar hun ka nghak ta ngawt ngawt mai. Zan a va rei duh tehlul em!
A tuka class ka kal hnuin mu chungin ka online leh mai mai a. Notification 572 awm zinga Princess Vetops, Kimi Pachuau and 593 other people commented on your photo tihah chuan ka lut nghal a. Chutah chuan thil mak ka hmu leh ta!

Sang Sangi
Unaupa hi cu ses teh my nia..;-)
Tuesday at 2:36am

tih chu! Karei leh!

A profile ka en a, Sang Sangi is now friends with Lalthlanmawia Sailo and 8 other people tih a lo awm leh a nih chu! Chu pawh mak tih tawh nâk alaiin, thlalak eng emaw zât a lo in-post thar a, kan in luah lai thla leh ama ruang ngei ngei thla pawh chu! Mipa pakhat, sual hmel deuh pakhat lo tel ve erawh chu a ngaihna ka hre lo kher mai. Ka’n enchiang a, a hnuaiah chuan Zoram Genesis tih a lo awm kalh a. A va mak tehlul em! Ka hlau lutuk chu ka logout nghal a, ka inbual a, thiante inah ka leng daih a.

Hetiang thil a thlen tâk fo avangin tun hnuah ka facebook ngai ta meuh lo.

Related posts

Phuba ka la

zoho

SRS in Bangalore :-)

benjamin rualthanzauva

Ang Phuau Policy

virgochhas

79 comments

ReMpY_ScisSoR March 10, 2011 at 5:02 PM

Oh! Really? :-O
mmmm! Chhiar ngam ang..ringtu kn nia lom le, hlauh tur omlo..

badboy March 10, 2011 at 5:15 PM

eheu leh :-[

Hrephrupa March 10, 2011 at 5:19 PM

A van hrang nasa ve aw..! kei chu ka hlau e..! 😀 (Y) :-[

actzpro March 10, 2011 at 5:29 PM

eheuu..! a tak tak nge true story :-O

Sang Sangi pawngsuala thattu March 10, 2011 at 5:33 PM

Nang pawh kha lo inring rawh. Kumin chhung ngei hian ka pawngsual ang che a, nupuiah ka nei dawn che. (K)

Craftsmen March 10, 2011 at 5:36 PM

ngaihnawm phian mai a…

megapixel March 10, 2011 at 5:37 PM

Ka thawnthu tawi draft mêk pakhat nen a inang lek lek 🙁 TuaiSialA chu ka rilru i hria…i hlauhawm tlat nangmah zawk hi 😀 😀 😀

Sang Sangi pawngsuala thattu March 10, 2011 at 5:37 PM

Tu pawh ka thil tih puangtu apiang nun nuamin an nung lo ang! (aw khur hlawk2, thum deuha chhiar tur) :-[

Fugitive March 10, 2011 at 5:38 PM

Thlahrang changkang tak a ni. 😀

Sang Sangi pawngsuala thattu March 10, 2011 at 5:46 PM

Zoram_Genesis, lalthanmawia sailo, princess vetop i tih ho khi an address kimchang rawn sawi teh. :thisen chàk:

shailendra March 10, 2011 at 5:47 PM

Uiiiiha, P… Ve…s a hrang a ni chiang mei… uiiiii…

badboy March 10, 2011 at 5:55 PM

ekhai aw…… (tlanchhenghal) :-O

TuaiSialA March 10, 2011 at 6:00 PM

Megapixel, a va mak ve! A hrâng a nih chu! :-[
Sang Sangi pawngsuala thattu chuh! Den rem rem. :-[

mik3s chongthu March 10, 2011 at 6:02 PM

#4 eheu..! atak tak nge true story 🙂
Phuahchawp nge fiction 🙂

Jewel March 10, 2011 at 6:02 PM

uiiii….badboy min lo hngakkkkkkkkk~!!!!! :-O :-O :-O

Jewel March 10, 2011 at 6:04 PM

@mik3s chongthu #14 Beach kama hrang thrin kha niang!!! 😛

badboy March 10, 2011 at 6:05 PM

Tidaih ila khamranga hi misual atang hian abang tawh a mawni le :-S tunkumah misualah k hmuh awmpawh kala hrelo reng2 :-S

khamrang March 10, 2011 at 6:08 PM

Badboy, bang thei ka ni nawh, thlahrang leh sahrang te chu pickle ah siam ila slurppppp 😀

Lersia March 10, 2011 at 6:12 PM

Lalthlanmawia Sailo hi face book khawvel ah hian a lar ber mai awm e!!
Hang ngaihno bei, zûn ngah tak, zei bawn tawp, nelawm tawk chauha nui sen sen thin, rilru chak tak hnial khan hretak, pa lian vaklo zuam sual awltak si a nih duh hmel. Thiam ilang a thlalak ni a ka rin hi rawn chhawp chhuah ka va duh em. (H)

badboy March 10, 2011 at 6:14 PM

ehe he post hi a hrang chiang mai.. khamrang pawh a rawn lang nghal.. lersia (all round development) pawh 😛

Killer shark March 10, 2011 at 6:15 PM

Hlauh awm ve…. :-[

Jewel March 10, 2011 at 6:15 PM

#19 (Y) (Y) (Y) A lo ni tak ang a !!!

Lersia March 10, 2011 at 6:15 PM

@khamrang, i parawl (parole) lai elo i lo lan ve hlawl a?

Lersia March 10, 2011 at 6:16 PM

@khamrang, i parawl (parole) lai elo i lo lan ve hlawl a? Ha ha ha ha ha ha ha . . . .

khamrang March 10, 2011 at 6:16 PM

:-[ (B) (^) (P) (@) (O) (D) :-S ;-( (C) (&) :-$ (E) (~) (K) (I) (L) (8) :-O 😉 (W) (U) 😛 (Y) (N) 😀 (*) 🙂 (H) 🙁 (F) (G) (T)

Jewel March 10, 2011 at 6:24 PM

A hrang tak2 ni don hi kan royte pa thleng2 in an lo lang ta!!! 😀

mamboihi March 10, 2011 at 6:27 PM

Helai chu in va hrang nasa chuah chuah ve!!. Khamrang leh Lersia meuh pawh an rawn hrang anih hi!! 😛

ZerO March 10, 2011 at 6:29 PM

Van ho mai mai. Tak tak emaw tia, ka chhiar thla zel a. Pawngsuala thattu khi Z_G a ni hial lo maw?

mik3s chongthu March 10, 2011 at 6:30 PM

#16 jewel
A rawn hrang round kual anih dawn chu 🙂

kawlhawk March 10, 2011 at 6:31 PM

He Thlahrang/ Fb hrang hi a hran dan a namailo em mai, Zoram-ah khua a var loh phah ang, ka ti. :p

Zodina Fanai March 10, 2011 at 6:37 PM

** Minute 20 vel hnuah chuan ka hmu hram a, inah kan tlanthla leh nghal vat a. (Puak sa pai ngangin a bei niawm tak a ni!! 😀 😀 :-P) Hemi minute 20 chhung hian pawngsual tum ve ta ngat ila chuan texi driver nen hian min van rek phar nasa dawn rua em keizawng!! Tin, Sang Sangi tih hming kher kher!!! Ngaihnawm khawp mai, Orkut hrang te hria kan la awm em??? (H)

Wiskah March 10, 2011 at 6:39 PM

van hrang kher2 ve..

kawlhawk March 10, 2011 at 6:40 PM

E e e… Thil hriatchhuah ka nei. He ‘hrâng’ paws-ah hian Hmailehkhabu-a “H0 BAWM” ho an rawn hrang a nih dawn hi! :p

Lersia March 10, 2011 at 6:50 PM

@mamboihi, zanin chu i hrang dun rial rial ang hmiang. 😀

mamboihi March 10, 2011 at 6:56 PM

Lersia zanin chu hrang dun ila Tuaisiala hi kan hran khum dawn nia!! 😉

RosangaD March 10, 2011 at 7:01 PM

khawngaihtakin ka lo hrang ve thei angem… In dawih viau chuan hran loh pawh pawi ka ti hran chuanglo a :-[ (a den ber hi han dah ve phawt ilah)

ChhawnBura March 10, 2011 at 7:09 PM

A va hrang nasa tak ve awwww…..!!!!!!!!
!!!!!!!!…..wwwwa ev kat asan gnarh av A
¡¡¡¡¡¡¡¡˙˙˙˙˙ʍʍʍʍɐ ǝʌ ʞɐʇ ɐsɐu ƃuɐɹɥ ɐʌ ∀
∀ ʌɐ ɥɹɐuƃ uɐsɐ ʇɐʞ ʌǝ ɐʍʍʍʍ˙˙˙˙˙¡¡¡¡¡¡¡¡

mamboihi March 10, 2011 at 7:13 PM

RosangaD… Welcome to Thlahrang group!!. (Y) In barakhaih vek phawt ang u!!!

RosangaD March 10, 2011 at 7:19 PM

tik tik ka tia nga…. lo bakhaiah dial ru ooo. tumah phut nasat over kher loh tur

Jewel March 10, 2011 at 7:27 PM

Bakhaiah!!! 😀 😀 😀

Chhawnbura hrang dan nei nuai khi va changkang ve!!! 😀

TuaiSialA March 10, 2011 at 7:52 PM

Zodina: I chhiar uluk a, ka lawm khawp mai. Thil sual tih nan hun rei hi a lo ngai lo lutuk a..!
Mamboih, hràn khum ka duh mai mai lo. Hurrrrrrr….. :-[

Lersia March 10, 2011 at 7:58 PM

@mamboih, @Jewel te i reuh hi a hrang no thiam hnep hnep lutuk. . . @badboy in a tia.

Lersia March 10, 2011 at 8:00 PM

@mamboih, @Jewel te i reuh hi a hrang no thiam hnep hnep lutuk. . . @badboy in a tia.
@Chhawnbura chu i van hrang hnawk thiam triah triah ve le. . .

Jewel March 10, 2011 at 8:02 PM

@mik3s chongthu #29 Nala kawr an a tla palh anga chu!! 😛

PimPom March 10, 2011 at 8:18 PM

Ho angreng ve le. Thu tak chhiar a chhiar tum nak laiin, ho zo vek.

Sandman March 10, 2011 at 8:20 PM

Kei pawh tunah hian ka Facebook account a hrang mek… engmah ka access theilo… ka friendlist a in awm chuan ka wall ah thil rawn ziah han tum chhin teh u, in thei miah lovang…

🙁

H.Vangchhia March 10, 2011 at 8:24 PM

“Karei” lai tak khi hairehai 😉 😉

Professor Lalrihema March 10, 2011 at 8:37 PM

in la hrang em? ka lo hrang ve thei ang em?

Jewel March 10, 2011 at 8:57 PM

Professor hi chu an hrang lo pon ka hlau ve hrim2!! :-[ :-[ :-[ :-[

Zoram_Genesis March 10, 2011 at 9:08 PM

.

shailendra March 10, 2011 at 9:11 PM

Jewel, ka lo chan ang cheeeee… :hlaukhurdeuhchungchung:

Jewel March 10, 2011 at 9:15 PM

Huisss..shailendra alo thleng e!! 😀 Professor ron hrang a tum a ka lo hlau hman ltk aaa….

mamboihi March 10, 2011 at 10:26 PM

Tuaisial zanin chu zankhua in ka hran khum dawn che!!. (H) Jewel poh hi kan barakhaih teh ang!!! 😀

TuaiSialA March 10, 2011 at 10:31 PM

Mamboih, min hrankhum tum ziah suh. Tun atangin ka muhil thei lo nghal pang a nia aw..

mamboihi March 10, 2011 at 10:36 PM

TS nih leh Jewel chauh ka hran khum ang e!!. Mumangah min hmu miah suh “Mangchhia” ni mai!!. Naktuk zanah erawh ka rawn rapthlak viau mai thei! 😛

Fugitive March 10, 2011 at 10:43 PM

# 52 chu. 🙂 . Ka friend a la ni lehghal ka ti!

RosangaD March 10, 2011 at 10:44 PM

Zanin chu a sarhu lai te ani sia hran inkhap lo ang u. Naktuk zana kan hran hun kan postpone te chuan hlauhawm a phurawm tawhloh

shailendra March 10, 2011 at 10:47 PM

ka mu dawn… mahse khumhnuai ka bih ngam lo… awiiii ( an awiiii vel dur dur a… (Y) )

RosangaD March 10, 2011 at 10:48 PM

a reng rengah khawiah nge Sang Sangi pawngsuala thattu hi a awm daih a, midang hrang hi a duhtawk ani maw, a phawi ran ran nen, a va duap zel zul ve. akeke

TuaiSialA March 10, 2011 at 10:57 PM

Mamboih, duhtawk tawh teh. Keimahin ka awm a nia! Jewel chu hrankhum tlak a ni lo, a pum a tha lo va, thlahrang thawm a hriat chuan a uak vak vak zel! RosangaD hi hrankhum zawk rawh. ‘A ngam lutuk’ an tih tih thawm ka hre tawh asin.

tristinabelvawtu March 10, 2011 at 11:25 PM

Ruhro trip khat :-[
hlauhawm asin..

RosangaD March 10, 2011 at 11:35 PM

Mamboihi hrang chu a in thlahrung thei lutuk an tia. Ts, i hlau teuh lo mai. Jewel pawn ho a ti teih teih viau ang

matt^version March 10, 2011 at 11:56 PM

Zan rei tawh lamah hetiang thu an post ngai am i.. tunge admin hi.. salaaaaaaaaaaa

Jewel March 11, 2011 at 12:05 AM

mamboih, min hrang khum lo laaaa…i om pangai po ka hlau che niah!! TuaiSialA sawi ang khian rosangaD khi hrang khum zok la??? :-[ :-[ :-[

TuaiSialA March 11, 2011 at 12:18 AM

Matt-a, ka ur palh ang che!
Mamboihi chu thawk na vak leh si lo a ni maw? Rosanga’n a hlau lo em mai. 😀 Welpuii’n a hlau em em mai bawk sia, a hlau zawk zawk hi han hrankhum mai teh, buaithlak!

matt^version March 11, 2011 at 12:20 AM

Thosi ka hlau zawk 😛

RosangaD March 11, 2011 at 12:50 AM

mamboihi chuan min pawngsual anga min that ang tih ka hlau ber

TuaiSialA March 11, 2011 at 12:53 AM

Matt-a, mu mai teh. Ka pawngsual hrep mai ang che. :-[
Rosanga chu! Mamboihi hian mi pawngsual a chîng teh asin. Jewel tih dan a hriat a nia.

Sang Sangi March 11, 2011 at 1:06 AM

Awi helai chu ka hran thu bawk an lo la sawi nia. 🙁
Ka ning chiang.. :-[

lrpa March 11, 2011 at 1:54 AM

Kan uipa..hunter-a nen a va in an hmel ve..kan ei tukah fb-ah i uipa hunter-a tih khan friend request a rawn thawn a..!! 😀 😀

mik3s chongthu March 11, 2011 at 2:45 AM

Hrâng hrâng sawi suu…a tlai tawh ltk:-)

mamboihi March 11, 2011 at 6:45 AM

Hets!! TS a, RosangaD leh Jewel chu nizanah hmun danga ka hran hlanin in lo heti vel ani maw?? Ka pawngsual lovang che u, mahse zanin ah chuan ka rawn chhiatkhum nasa viau ang che u!!!. :-[

TuaiSialA March 11, 2011 at 8:28 AM

Mamboihi chuan ka mumangah min hrànkhum nasa mai. Ka hmuh hun hunah ka vêl dawn!

Maisek March 11, 2011 at 1:56 PM

Hrang hrim hrim hi ka hlau! (N)

lushai_er March 12, 2011 at 1:17 AM

Kei chu facebook hi ka zawm tlai khawp mai!

kobain March 19, 2011 at 3:06 AM

he post baka thil lem hi a awm lo!!!!

chemtatrawta April 23, 2011 at 1:56 AM

He post hi ka thiannuin tun maiah khan thiam lo lutukin min hrilh ve a, ka en a, ka chhiar a..a tawpa ZG lo lang ve khian ti bum vekkkkkkk… 😛

TuaiSialA February 28, 2012 at 11:10 PM

^Hahahaha!!!

Leave a Comment