Religion

Thei-ei bawhchhiatna nge, Inngaihna sual…?

By- L.R.Colney

I fa duh tak mai khan ei loh tur i tih alo ei palh avangina chungah  hremna rapthlak tak thlentirin a chanvo tur zawng zawng chu chhuhsakin I hmelma ah hial idah nghal mai theih I inrng em? He thil hi Pathian in Adam leh Evi chunga a roreldan kan thinglunga kan rindan leh sawidan tlanglawn tak niin alang.

Ngam leh ngamlo chungin   Pathian zawk chu I mawhchhiat ruk lek lek fo chang I nei thin fo lo maw..? Chhia leh tha hriatna thei, eithianglo anlo ei avanga  anchung a hremna leh rorelna rapthlap tak mai, an mahni leh an thlahte zel pawhin kan tuar hi Hmangaih Pathian rorelna atan chuan a dik thei dawn em ni le tih mai changte I nei thin lo maw?

Bawhchhiatna kan tihfo thinah hian “thei ei bawkchhiatna” chauh ni lovin bawhchhiatna dang alo inphum reng zawk ani lo maw ? Chumi avang zawkin Pathian thin urna leh hremna chu hring fate chungah lo thleng a ni zawk lovang maw?  I lo  chhuichiang deuh teh ang:

Genesis 3:14-15 kan en chuan: “Tin Lalpa Pathian chuan rul hnenah chuan, Hetiang hi I tih avangin ran zawng zawng leh ramsa tinreng zingah chuan anchhe dawngin I awm ang a….. tin nang (setana) leh hmeichhia ka indo tir ang che u a, I thlahte leh a thlahte pawh kala indo tir bawk ang……” a ti a.

He Bible bung leh changah hian Pathian in  “i thlahte” leh “a thlahte” tiin asawi avangin thlah pahnih chanchin  a rawn  sawina a ni.. Saptawng chuan “seed” a hmanga, he ta thumal “thlahte” tih hi mihring inthlah chhawng zel hi a kawk a ni. He tawngkam tlukpui chiah  (Hebrew) chu Genesis 9: 9 ah,  Nova hnenah “in hnenah leh inhnua inthlahte hnenah pawh” ti a asawi leh  Genesis 15:3ah Abraham an “chi reng reng mi thlah tir si lova”  a tih tawngkam te hi tawngkam thuhmun vek an ni.

I thinlungin zawhna I neih vat ka ring: Evi  thlah chu mihring vawiin nia mite hi kan  maia,  a nih leh Setana (Ramhuai) thlah vethung chu tutenge nita ang le.? tiin

Genesis 3:14 ah chuan Lalpa Pathian chuan rul hnenah chuan “ Hetiang thil I tih avangin ran zawng zawng leh ramsa tinreng zingah chuan anchhe dawngin I awm bik ang..” Helai Bible chang “thil itih” English chuan: thou hast done this” a ti a. A awmzia chu Ramhuai chuan  tawngkam mai ni lovin Evi chungah chuan thiltih( physical act) enge maw a nei tihna a ni.

Chuti anih chuan Setana chuan Evi chungah chuan engthil nge a tih?: ka chhiar zel chuan “I thlahte leh a thlahte pawh kala indo tir ang”  tiin thu a sawi tak zel atang hian an thil tih chi chithlah tura in gnaihna bak kawng dang a awm kher lovang. Chi thlahna tur chuan Evil leh setana ramhuai chuan mipat hmeichhiatna an hman angai ngei ang. Ramhuai chu thlarau ani a, eng tinnge thlarau leh tisa neimi an inpawl theih ang kan ti mai thei. A theihna ilo en leh phot ang.

Genesis 6:1-2 kan en chuan: “ lei chungah mihring an lo puna fanute anlo neih hlawm chuan, Pathian fate chuan mihring fanute chu hmeltha takin an hmu a; tichuan an duh zawng apiangte chu nupuiahte an lo nei ta thin a” (He lai Bible chang hi thenkhat chuan Kaina Pathian lung ti awilo thlah leh Setha thlahte an ni ange an ti bawk) Tutenge Biblein  Pathian pate  atih ber chu ni ta ang le..?. Vantirh koh paihthlak emaw Vantirhkoh mahni nihna pawm lo Juda 1:6 in a sawi te an ni ngei ang. He Bible a kan chhinchhiah tur chu “vantirhkoh mahni awmna pangngai kalsan” tih hi ani.Vantirhkoh anga awm lova, mihring anga mihring fate hnena khawsa a, nupui pasal hial neite an ni.

Ramhuai  Setan a chuan Evi   bumin a ngaihtuahna ram chu hruaisual sakin, chu tak mai chu remchangah lain in ngaihna sualah a tlaukpui ta ni ngei in alang..

Adama leh Evi hnena Pathian thuthlung chu “lo inthlah punga leilung hi luahkhat rawh u” tih a ni. Chu inthlahpunna chu Pathian thu angin leh hmangaihna karah ani tur anih laiin Setana chaun tisa chakna sual hmangin Pathian duhdan chu dodalin in ngaihna sualah chaun alo tlukpui ta a ni. Khawvela  inngnaihna hmasa ber chu hmangiahna tello leh Pathianthu  lo anga in ngiahna a nih chu. A vanrap thlak em, mahse chu thlarau chuan vawiin ni thlengin hna a thawk a,Pathian duhdan chu dodalin in ngaihna sual leh diklo zawk hmangin  leilung hi luahkhat turin setana  chu a hmanhlel em em ani tih chu tun kan hai awm love..

Evi leh Adam a chu tisa chakna sual, hmangaihna tel lova inpawlna chuan Pathian lakah mahni thamloh inchan tirin zahna leh hlauhna chuan an mahni chu a bawih nghal hmiah a ni. Theipui hnahin an zahmawh ankhuh ta anih kha. Mahni bawlhhlawh  leh zahpui awm tak ni an inngaih chhan chu hmeichhiat mipatna hmansual vang  ani.. Thei ei mai bawhchhiatna nise chuan an zahmawh ni lovin an hmui an hup ngei a rin awm.Tin, bawlhhlawh tak a inhriatna leh zah ngawih ngawihna chhan em em tur enge awmang le.. ? An zahmawh ni lovin an ka an hup ngei bawk ang. A maherawh chu vawiin ni thlengin he sualin a bawih tawhte rilru ah chuan,  mahni intenna te, zahna ten an nunah thu a nei thuk em em thin. Ruilo hailo chuan an ti ngam lo hial thin.

Gen 4:1-2 ah chuan: Tin Adama chuan a nupui Evi chu a pawl a, tichuan a rai a, Kaina a hring a, Lalpa tanpuinain mipa ka lo nei ta a ti a. Tin a nau abela a rawn hring leh a. Tin Abela chu Beram vengtuah a awma, kaina erawh chu lei lettu ah..

He tah hian a landan chuan Kaina leh Abela chu Adam fate ve ve niawm tak an ni. Kaina lek phei chu Lalpa tanpuina a nei ang hialin an sawi si a. A nih chuan Bible in thlah pahnih indo tur awm atih te chu khawnge an awm tak ang le?  Kaina leh Abela te chu pa thuhmun  leh nu thuhmun an nih si chuan thlah khat an ni a, an mizia chu in anglo, unau ngainat zawng inanglo satliah mai an ni mai dawn a ni.

He Bible changah hian kan chhinchhiah tur chu  Adama hian a nupui a pawl thu vawikhat chiah a inziak a, mahse fa pahnih an nei lawi si hi ani.  Chuti anih chuan Kaina chu padang ramhuai (setana) fa bak tufa angmah  a ni  thei lo. Evi chuan pathian atanga a thilpek dawn ang chuan rawn auchhuah pui ngial mahse, a rah atangin leh ahnu a thuthlung thar lamah te a landan atangin alo fiah mai zawk a ni.

Evi thinlung chu dawtpa (Setana) bumna hnuaia tang tawh  hnu thil thleng a ni. Fa an neihhma hian anbawhchhia tawh a ni  tih leh Pathian ruahmanna tel lovin an tisa chakna anlo puitlin tawh avangin an zahmawh pawh Pathian hmaah hial theipui hnahin anlo khuh tawh a ni tih hi kan hre reng tur a ni. Bawhchhiatna hnua an thu leh hla chu setana thu leh hla leh duhdan vek alo ni tawh zawk ngei ang.

Awle, Bible zirmi thenkhat chuan Kaina leh Abela hi phir an ni e te anti ve  bawk a.  Chu pawh chu nise (anatomical phenomenon) mihring taksa inreldan an hmuh chhuah ropui tak ah chuan phir pawh mi pahnih fa  an nithei tih a ni. Chu chu Google search hmangin awlsam teiin I finfiah thei ngei ang.

A tifaih leh zual nan 1.Johana 3:12 ah chuan : Kaina misual lak ami, mahni unau thattu ang kha… tiin a ziak a. Johana lehkha thawn ah hian Kaina chu saul atanga chhuak angin a sawi tawp mai. Strong’s Concordance a lan danin “ lak a mi” tih tak mai hi “Original One” tihna a ni. Chuti  anih chuan a lo pianchhuahna chu saul Setana a ni tlat mai tihna anih chu.

A tifiah leh zualtu atan chuan Genesis 5 thua Adama thlahte chhuina ah khan Kaina hming alang ve miahlo a ni. Enga tinge? A chhan chu Kaina Chu Adama fa nih Ve loh vang a ni.  Genesis 5:3 ah chuan Adama chu kum130 a nihin amah ang tak ama anpui ngei Setha a hringa tih kan hmu ta daih mai.

Engvanga Mosia hian he tia ziak ta daih nge anih ang le..? A hmain Kaina leh Abel ate hnu daih apiang a tanga a tan daih mai le…Kan hriat angin  Abela chu Kaina kut tuarin a thi tawh a. Abela hmun rawnluah turin Setha chu alo paing ta a ni.

Aramaic Targum(s) in a tarlan  danah ilo en ve the ang:  Aramaic Targums hi Babylon sal tanlai 550 BC vela ziak kha a ni a. Rin tak tak rawlah chuan helehkha bu hi chu rawntlak ber chu a ni hauhlo. Hei ai chuan Dead Sea Scroll a rin tlak zawkin zir mite pawh ka keichuan karawn zawk bawk.

And Adam knew that his wife Eve had conceived from SAMMAEL the angel (of death) and she became pregnant and bore CAIN. And she said: I have got a man from the angel of the Lord.

Mizo tawng chuan Adama chuan a nupui Evi chu a pawl a, tichuan Sammael vantirhkoh  zarah loraiin Kaina a hringa,  Lalpa vantirhkoh chaknain fapa ka neita a ti a..

Sammael awm zia chu wikipidia lamte kan en chuan “sam” awmzia chu “Tur” (poison) tihna a ni a. “El” erawh chu Pathian  tihna a ni. Chuti anih chuan a awmzia  chu “Tur Pathian” hnen atangin a rai a nih chu. Tur-pathian chu tunge ni ang le..? Setana bak a nilo.

Genesis 3:20 te kan en leh chuan  Evi chu minung zawng zawngte nu a ni tih kan hmuh laiin  Adama erawh chu mi nung zawng zawngte pa anihna Bible ah record pakhatmah a awmlo. Chuvangin EDEN bawhchhiatna avanga Pathian thinurna lo alh chhuah chhan chu a duh em em leh amah ang tak a siam mihringte kal tlanga Setanan thlah alo nei hi a ni mai lo ang maw… Kaina chanchi chhuina chu nidangah thung aw….

Related posts

Kristian Martar te chanching ngaihnawm – Operation Auca

He Pa

Ka Pian Ka Sei Lenna

Rinzova Khawlhring Lalhnam

Hinduism in Mizoram (Contribution of articles)

^-||R@lT€||-^

45 comments

Vitamin_C March 6, 2011 at 7:08 AM

Amen

Reply
H.Vangchhia March 6, 2011 at 7:42 AM

Genesis 2:21 ah khan Adama kha thinthiin (tui taka muhil)Pathianin a muthuilh tir tih kan hmu; a thawh leh reng ziahlan a nilo!

Reply
lrpa March 6, 2011 at 8:10 AM

Zoho-a rawngkai lam ani maw.. 😀
Han amen pui kan tum deuh a, a har riau mai a..
Eden huanah khan ‘chhia leh tha hriatna thing’ a awm a, a rah nghe nghe a. Pathian chuan ‘hemi in ei chuan in ei ni la la in in thi nghal ang’ a ti lawk sa diam ani. Rul fuihpawrh na a zarah an ei ta a, hei hi Pathian in a huat em em chu ani mai dawn lawm ni?

Reply
hp.swing March 6, 2011 at 8:26 AM

@lrpa, i soi hi dik ka ti zok. @h.vangchhia..chu a mu hil char2 ta in i ring em ni..hahaha

Reply
rose10 parvuli March 6, 2011 at 8:31 AM

sawi belh tur a vang hle mai :-0

Reply
H.Vangchhia March 6, 2011 at 8:53 AM

hp.swing#4 Lo hawlo hram la, awmze dang daih a ni 🙂

Reply
ninja March 6, 2011 at 9:04 AM

#3 lrpa, kei pawh ka amen lem lo

Reply
bucko March 6, 2011 at 9:06 AM

Ngaih zam kan va huai sawt ve le………
Engatinge Pathian thu bu a kan hmuh hi kan duh tawk mai lohva rin dan/a ni thei ang a/ ngaihdan… kan zam chiam chiam mai le. Kan Bible ring hlel nio awm takin Bible phen ah rin dan zam vak vak hian enge sawtna a neih le????
Pathian thei ei loh tur a tih kha an ei a, Pathian in a hrem ta ni mai. a tawk em em a ni. Zeldin hi kan huai deuh mah mah ka ti… :-[ (N) (N) :-[ (N)

Reply
Benny March 6, 2011 at 9:13 AM

Inngaihna sual hi chu eden bawhchhiatnaah hi chuan kan bible hi chuan a sawilo a nih hi a!

Reply
donald March 6, 2011 at 9:32 AM

Bible-in chiangtaka min zirtir lam ai chuan thu harsa leh controversial deuh deuh lam hi kan tuipui ber zawk a nih hmel :-$

Bible-in original sin min zirtir dan chuan thupek bawhchhiatna kha a ni tawp mai — thei ei kha. Amaherawhchu thupek bawhchhiatna kha engpawh lo nise ( ka mimal ngaihdan chuan sex a involve chuan ka ring), thei ei tih baka min hrilh tlat loh avang hian, extreme lutuka doctrine kal pui chu a him ber kher lovang.

Evi leh Satana te inpawl anga zirtirna hi thil thar a ni hauh lova, a lo chhuahna bulpui ber chu Gnostic writings (1st century AD) atangin a ni tih kan hriat a pawimawh in ka hria. Gnosticism hi Johana’n a lehkhathawna a dodal ber kha a ni. Sap tawng chuan Serpent seed Doctrine tih a ni a, Kohhran Pa Irenaeus leh Augustine-a te ho khan he doctrine hi an hnawl fithla thak a ni.

He doctrine hi kan pawm a nih chuan tun thleng hian Setana biological seed an la awm tih pawh kan pawm a tul dawn tihna a ni. He doctrine advocate te chuan tuiletah khan an thi vek tawh tiin tang mahse, an Bible chang tanchhan pakhat Johana 8:44: “Nangni zawng in pa diabola hnena chhuak in ni a, in pa duhzawng tih in duh a ni” tih hi tuilet hnu daih, hmanni lawka Lal Isua’n Juda ho hnena a sawi a ni tlat. Chuti a nih chuan Setana thlahte chu Juda ho khu an nih hmel !! Hemi avang tak hian he doctrine kalpui fawr deuhte chuan Juda ho khu an hmu Setana em em a, an hmusita, an hua a, chhandam tlakah pawh an ngai ve lo a ni.

Reply
donald March 6, 2011 at 9:42 AM

Ka sawi tum ber ka sawi theihnghilh a lawm le …

Serpent Seed Doctrine hi Orthodox Christianity zirtirna a ni lo tih mai te hi.

Reply
caribou March 6, 2011 at 10:36 AM

Bible hi mahni ngaihdan ang angin chinglet kual chiam zel teh suh u. Mi te rinna tiderthawngtu in nih palh chuan a pawi viau ang.

Reply
nastycool March 6, 2011 at 10:40 AM

Bible hi chu rin dan tawk thiam a har a nih hi. Original copy van a tanga Pathian in a lo forward a ni bawk si lo a. (In la rinna nghet ho chuan ka comment hi an ei vak lo maithei)

Reply
matea_tmj March 6, 2011 at 10:55 AM

Amen!!!
Evi thlemtu rul kha eng rûl nge??? annaconda nge King Kobra??? Thei eiloh tur kha Kawlthei puam a ni a mi??? ha333 🙂

Reply
James Bond March 6, 2011 at 11:03 AM

Theology thar, liberal thelogy ani. Bible in thei an ei a tih chuan an ei ani mai.

Reply
zoho March 6, 2011 at 11:50 AM

A tha e. Hetiang lam hi hmanni ah ka post a, comment atanga a landan chuan misualho hian an lo mamawh vak lem lo in ka hre deuh.(comment lo/silent reader tiamloh in) Thuawihloh leh thei ei, inherit theih hauhloh hi inherited sin/original sin ah an la pawm thei hmiah mai(Plain text believer).I thlirna tizau turin he post hi lova chhiar ve teh.A comment zz te nen.

http://www.misual.com/2011/03/01/eden-natna-hi-corrupted-dna-ani-em/

Reply
bucko March 6, 2011 at 12:05 PM

Hetiang ngaihdan hi chu sawi tam vak chi pawh a ni lo.. kan hriat loh tha tha/chhia chhia hi kan kristianna ti derthawng tur zawng hian chhuah fo chi a ni lo….sawi mai mai hi chu a la zia a, ziak meuh hi chu a ral mai mai silova chuvangin fimkhur teh ang u…
Thenkhatin Isaia 2/3 awmin an la sawi leh nghal… Bible in min hrilh ang hi lungawi taka pawm mai tur.. bngaihdan ka nei e ek e bal e tih fo hi hremhmun a hruai lut tu tur che u an ni e…

Reply
kawlnicolney March 6, 2011 at 12:09 PM

Hria inti leh ding nghet chu in ti ve awm chu ni sia le….mahni ngaih dan dan a thlarau thianghlim tel lova Bible lo interpret ve vak vak tak mai a,i hur lutuk a ni lo maw,thei ei chungchang pawh sex ang zela chhuah i tum tak mai le

Reply
Krista March 6, 2011 at 12:12 PM

Pu LR Colney-a meuh pawn heti zawnga alo ziak tak chu le. Hui ham…..Bible awm dan pela a ngaihruatna a in zirtir hi chu ka haw deuh viau e. A nih ang hian pawm ila.

Kan Theologian thenkhatte pawh hi an zir nasa lutuk a tha lo a ni. Kei chuan a chunga thuziak khi ka pawm lo. Hetiang a nih chuan Chhia leh Tha hriatna thing te kha a awmzia lo. Tin Isaka fapate ah khan Jacob-a kha Pathian in a thlang zawk a. Esau-a kha Setana thlah a ni ang a….:fiamthu:

Reply
donald March 6, 2011 at 12:16 PM

#18 @kawlnicolney 😀 😛 (Y)

Reply
caribou March 6, 2011 at 12:17 PM

Kei chuan kan innghahna ber Pathian lehkhabu thianghlima thu inziak te hi a kipa kawiin ka pawm thlap vek mai. Pathian nihna te, mihring a din tan dan ah te hian sawisel ve phak ka nei lo. Bible ah a inziak a, ka lung a awi tawk khawp mai.

Huan lai takah chhia leh tha hriatna thing a awm a. A rah ei loh tur anih vangin chu thing chu hnaih pawh hnaih loh mai tur a ni. Pathian hian ran thisena inthawina aiin thuawihna hi a duhzawk. A thu awih lovin Evi leh Adama chuan theirah an ei ta. Pathian dan zam tawh chu tumahin an phelh thei lo. Dan chu dan a ni tawp mai. An ei ni la la atangin Pathian lakah mihrang an lo ni ta. Eden huana awm tlak an ni tawh lova, hnawh chhuah an ni ta. Lo chhui chipchiar viau hi kan tihtur ber pawh a ni lo. Chhui vak vak mah ula, in fin phah chuang lovang. Bible a thu inziak te pawm tha duh mang si lo, Pathian thu awih inti ho hi an mak ka ti. Kristian chuan Bible hi a pawm thlap tur a ni zi ri thrawh mai.

Post tupa rin dan leh ngaihdan hi a zahawm ka ti a, mahse midang rinna tichhe thei zawng erawh chuan hma la lo sela ka duh khawp mai.

Reply
piu_piu March 6, 2011 at 1:36 PM

a hur deuh hi chu kan hriat mawle..NOI

Reply
mr.coment March 6, 2011 at 1:47 PM

Misual.com hi social network anih angin thu tin kan post thin.

Pathian thu zirna lama mi hawizau tak tak leh miril tak takte an awm ani tih hrian in khi article khi ka ron chhawp chhuak a ni.

Mahse atam zawk comment a alandan chuan atricle thu ziak chu hrilhfiah a, a nih lohna kawng emaw sawi tlan laim laim ai chuan a article hrim hrim kan pawng huat mai niin alang.

Khawvel hi kan in thenawm khawveng vek tawh a, zirtirna chi hrang hrang hian minla chim tam tulh2 dawn a, chu tah chuan pa/nu anlo cheh thiam tak nih aiin mi puite lo rhilfiah sak thei mi chu mipuite leh Pathain pawh an lawm zawk a rin awm..

Bible a kan hmuh Pathian in Rul hnenah i thlahte leh a thlahte atih hmangin article ngaihdan awm thei zau takin arawn ziah khi lo hlauh vak tur a awm lo. sawi ho liam liam zawk mai tur. Vawiin ni a, kohhran ten kan pawm pawh hi Pathian thu zir mi mi hmasate ngaihdan ve tho asin. I doctrine rinawm taka ilo pawm poh kha Calvina zirtirna a ni mai thei a sin. Calvina ama ngaihdan dodal tu that hial tu ve mai bawk a sin.

Mahse kum zabi 21th te hi chuan calvina spirit ang chu paih pathian thu an lo zir ho da dial dial zawk ani. Eng pawh nise, nangma rinna a a pawimawh ber.

Reply
mr.coment March 6, 2011 at 3:32 PM

Gnostic ho rinnah chuan Eden huan kan tih hi a awm tak tak lova. Mihring hi eden huan ani a, alai tak atih hi kan zahmawh hi a ni chu mi chu setana thu anga hman na kha bawhchhiatna ah an pawm ani…. khi mi article khi chu Gnostic ho zirtirna a nih na alang lo.

Kan thil tih avanga misual kan ni lova, misual kan nih avangin kan thil tih zawng zawng hi saul ani zawk a. chu chu Pathian pawm zia reng ani lo. A chhan chu setana thuawihna hnuaiah mihringte chu an tlawm tawh vang ani.

Pathian thu awih tha inti apiang hi a comment huai huaiah in tang anih hmel hle mai…

Reply
keimah March 6, 2011 at 3:34 PM

He zirtirna hi ni thei awm tak, ni si lo niin ka pawm. “Setana thlah” tih tak mai hi a “Biological seed” ang tak takah chuan pawm har ka ti deuh. Amaerawhchu, heti tak maia sex hmanga mihring min han tikhawlo erawh hi chu sex hi Setana hian a hmang tangkai thiam thlawt tih erawh chu a chiang khawp mai. Evi kha a lo chetsualpui tak tak a nih pawhin thil mak tak chu a ni lem lo vang. Setana betuten sex an hmatheh nasatzia te hi a mak ve reng reng.

Engpawhnise, a pawimawh ber chu sex emaw sex lo emaw, kan thlahtu bulten Pathian dan an bawhchhiatna avanga thi kan nih lai khan Pathianin Ama Fapa ngei, Krista Isua hmangin min rawn tinung leh a, chu chu a ring apiangte tana Chhandamna tura Pathian thiltihtheihna a ni tih te mai hi!

Reply
lrpa March 6, 2011 at 3:51 PM

Genesis 3:15.
‘I will put enmity between you and the woman,
and between your offspring(hebrew-seed) and her offspring;
he shall bruise your head,
and you shall bruise his heel.”
..Thu tlangtlam ve tak anih hi a. He thu hi Pathian in rul (serpent) hnena a sawi ani a. Setana rul hmangtu hnen a a sawi ani lo!
Rul thlah ch rul, Hmeichhe thlah chu mihringte ti a ngaih hi a hahdam thlak zawk hle awm e.
Rul hrim hrim (Rulngan te pawh telin 😀 😀 ) mihringin kan huat zia atang hian a hriat mai a lawm le.

Reply
Epistemology March 6, 2011 at 5:13 PM

Khatih lai hun khan, sual dang inphum se, Pathian khan action ala mai lo, “Theipui rah” an ei chiahin anchhe dawng an ni chauh a ni. A nih leh Sual hi adama ten an bawhchhiat hmain a awm tawh tiin, lo hypothesis ta ila, enge kan hlawk puina awm ber le? Kohhran ten kan pawmdan pangai lo deuhin interpret thar ta ila, Kohhran ten enge hlawkna kan neih tih ka lo zawt let mai mai che…?

Reply
Epistemology March 6, 2011 at 5:15 PM

Bible hi Derrida deconstruction theory ang deuh a, reading kan neih dawn chuan, a rinhlel awm rum rum zawk lo’ng maw?

Reply
blackmagicwoman March 6, 2011 at 5:40 PM

He thil ziaktu hi Orissa a missionary LR colney hi a ni em aw? http://www.mizokhawvel.com/2009/09/aw-orissa-pathianin-hria-che-orissa-ram.html ….a nih chuan…no comment!

Pu Keimah-a comment ( #25) khi ka ngaihdan ve chiah a ni e!

Reply
vakul March 6, 2011 at 6:24 PM

He laiah chuan Gnosticism thlipuiin min nuai mek a ni maw?

Reply
mate ainawn March 6, 2011 at 7:28 PM

@ Post tupa..BiBle ah khan i kut zen lut la,”a then pawh ka hrelo, he luikam atang hian” tiin, tihtak zetin..i hriatna leh rinthu nilovin..Pathian Pathianna hre turin tawngtai chhin teh.

Ei lo leh khawih miahloh tur kha..Van indona chawk chhuaktu khan..thlemin eichakna ah Eve kha a hnuk lut a, a thei kha ni lovin, siamtu duhdan nilo kha an tih tak avang a Edena Huan chhak a thil thleng kha i sawi nep riau in ka hria. (N)

Reply
Asteric March 6, 2011 at 7:37 PM

Evi leh Setana sex hman khawloh avangin Adama chungah anchhia a tla ve ngawt tihna emni ni dawn? Adama’n Pathian anchhia dawng tur khan enge a tihsual ve tak?

Reply
zodaifim March 6, 2011 at 8:30 PM

Thu ziak tha tak ani..pawma pawm loh ka nei boka.mahse hetiang zawnga ngaihdan i neihna hi chu hriatchian a chakawm khop mai i lehkhabu rawn lakchhuahna bakah hia..Tin,i theih chuan hetianglam ziakna dang ineih chuan min lo mail keuh teh..ka interest khop mai..mahse kaina thlah tihvel hi chiangkuang lo deuh a..Nice post.. (N)

Reply
Benny March 6, 2011 at 9:01 PM

LR Colney hi missionary lo ni ta sela, manipura thawk thin kha a ni em aw? Mr comment? Anih chuan pathian thu te pawh a zir ve kha mawle. Pastor a ni thei talo hlauh a. Anih loh chuan ka hre lova. Eden huan bawhchhiatnaah khan setana leh rul inngaih thu hi a awm si lova, zeldin thu-ah pawm sak mai hi a hahdamthlak dawn anih hi.
He thu chauhlo pawh Pathian thu bible zirtirna pela hrilhfiah hi a tam khawp mai.

Reply
Maisek March 6, 2011 at 9:13 PM

Lr colney, i thuziah hi pawm chi niah pawh ka ngai lo! (N)

Reply
beethugs2 March 6, 2011 at 9:24 PM

Nuam chiang a sin..!!! Ngaihnawm hle mai a. Hetiang hi chu Chawngchilhi thawnthu ang deuh a pawm tur ania, thil ni thei a rinawm loh, engtin emaw a ni ve thei si a ni ber in ka hria. (Y)

Reply
Epistemology March 6, 2011 at 10:06 PM

Chawngchilhi kha Evi alo ni reng alawm le…:)

Reply
ngente March 6, 2011 at 11:52 PM

ih ih ih ka sawi tum ve chu NUNNA THING kha awm tho si a tine an ei mai loh leh an nun leh nan tih hi a nia, a rah loh lai em ni aw ka tia…????

Reply
winning March 7, 2011 at 9:30 AM

Zeldin thuin bul a tana, niin a lang a tichhunzawm leh a, a tawplamah phei chuan amah leh amah a inbum chho ta a, thutak emaw a ziah tiin a thutak sawi ve hmiah hmiah ta anih hi. Hetiang ang thu vavuk pawh hi thenkhat chuan kan lo thutak bawl zel mai tawh si a, kan ngaihtuahawm deuh chu a ni,thenkhatte hi chu.

Reply
thian tha March 7, 2011 at 9:47 AM

#3, #8,…adt. ka thlawp rualin ziak tha ka ti tho thung!

Reply
laldoma March 7, 2011 at 11:17 AM

He ngaihdan hi ka tawmpui lo. Evi leh Adama kha Eden huana an chhuahna chhan kha an mutdun vang a ni lova, thei ei loh tur, chhia leh tha hriatna thei an ei avangin Pathian thinur in a hnawtchhuak a ni. Thei an ei hnu khan saruak an ni tih an inhria a, an zakin theipui hnahin an inkhuh a ni.

Reply
laldoma March 7, 2011 at 11:19 AM

A ngaihtuah peih na hrim2 hi a tha a mahse hetiang thu belhchian dawl vaklo, zeldin thu leh kan doctrine tibuai thei hi chu chhuah vak chi a ni dawn a mawni le????

Reply
mr.coment March 7, 2011 at 1:03 PM

han comment zel phot teh u… a thu ziak aah khian ngaihdan han sawi liam liam teh u a..a zawm ka ron post leh hma in. Bible scholar ropui tak takte an ngawi ve aw.. he thil hi hmanlai atanga tunlai thlenga bible mithiamte lo in beih na pakaht anih vangin i chai liai teh ang u.. critic lam pon..eng zawng pohin han thoh ve teh u…

Reply
mamoitea March 8, 2011 at 8:06 AM

A zawm nghahhlelh om toh hle mai…
He thu Misual.com atang a ka lo hre ve hi ka lom hle mai…
ka ngaihtuah phak bak a ni e, ka gaihdan cuan a dik ka ring.

Reply
PKfanai November 8, 2011 at 9:23 AM

Misual.com ka luhchilh hma ala nia. M.commer zingah Theologian tha tak tak an lo inphum ve thluah hi a thlamuam thlakin a lawmawm ka ti tak zet. He post thu ken hi chu, ngaihtuahna sual atanga lo chhuak zeldin thubäwl liau liau niin a lang. Bible a inziak chin hi ring zawk phawt ang. A chhui lam zawnah chuan, Thil a record chipchiar that em hi maw.

Reply

Leave a Comment