Opinion

A pawi…

Chutia manglam rama khawhar taka ka vah vel ruai lai chuan Pu RAMHNUKTHLIRA nen chuan kan in tawng nawlh mai a. A ni ta pek chu Zawlkhawpui thlir vung vung chunga thuhnu dawn lo lekin an ang ta phiar phiar a:

“ Tul hmasa leh pawimawh hmasa ni si lo, ramin a mawmawh pawh ni lo, puar leh fanna pawh nilo, mamawh pahnihna hnulam Mobile phone, Computer, Car, Bike leh thil neih ropui lamah hian kan tlan tak ang suau suau a. Changkanna kan tih hian hmasawnna dik a keng tel em tih leh ropui kan tih hi a ropui na meuh em tih lam ngaihtuah lo lekin kan at kan so ta anih hi. Heng zawng zawng hi retheite retheihna belhchhahtu leh lungkham tur diklova min hruaitu zawk a lo nih tak hi.

Sawrkar lahin ram mipui tam zawk kut hnathawka ei zawngte lungkham si lovin, khawpuia cheng mi awmthei zawk tena an chen theih changkanna lam an la buaipui tak deuh deuh a. Thenawmten an neih ang apiang neih ve tum tlat, inrinni sa leina tur nei mang silova funte manah buai duh miahlo pa kan va han tam tak em!

Changkanna hi hmasawnna in a hrin chhuah tur a nih laia, changkan hnua hmasawn tum tlat lah kan kuh tul! Kan Zawlkhawpui hi ‘a lehlinga vut tui thlawr’ an sawi ang mai a ni ta. Dik te hi a dik lo zo tawh a, tha te hi a tha lo zo ta. Biri tlawn khat pawh la zial thiam silo hian kan nun dan hi chuan a va tawng sang si em! Sawrkar laipui lei ba tun chung hian kan kamding te lahin Zuma bak lungkham an nei der si lo!

Saw nula saw an thenawm puanthui nu pawisa ba teuh chung siin a scooty chu ava fai nalh em! Saw tlangval saw college pawh kal peihlo leh zial man pawh nei si lovin a bike ava han modify nalh teh reng em! Saw pa saw a fate taima tur leh thawkrim tura zirtir si lovin, car seat dup taka thut a zirtir leh tak saw!

Mi chuan tawlailir sakawr an hnuh tir a, keini ho hi chuan tawlailira sakawr hnuh tir kan tumin a nia ka rin ni!”

Chutia Pu RAMHNUKTHLIRA a rik bawrh bawrh lai chuan ka harh ta hlawl mai a. Rawngbawl paha insu turin kan nuin ka rizai sin lai a lo phih hlim chu niin. Pu RAMHNUKTHLIRA  thukhawchang chu ka kham loh em avangin remchanga mangphan leh turin ka in ngaihtuah ta reuh reuh a.

Related posts

Tunlai India Titi

mzvision

Amazing Race -Honesty-Integrity- Tuai leh Patil

Aryan

Sam 37:5 leh 6 hi lehlin dik lo a ni thei em?

Broundmay

43 comments

Kingpin April 4, 2011 at 1:03 PM

(Y)

Reply
littlerascal April 4, 2011 at 1:05 PM

🙂

Reply
zualbonez April 4, 2011 at 1:06 PM

100 X (Y)

Reply
cookthe April 4, 2011 at 1:10 PM

mumang thatak anih hi le. mi ropuite ngaihtuah chhuah thin ang i mang bik ni mo…kan danglam zel a kan buai zel dawn a nih hi. Good paws!!!

Reply
zualbonez April 4, 2011 at 1:10 PM

(-) 100 at # 3

Reply
doc_lib April 4, 2011 at 1:13 PM

Dek tha vei reuh lutuk.Mahse kha in nu i ti khawngaihthlak lutuk. Rawngbawl pahin rizai kawr suk tir i la tum a, nang a tharum ngah zawng i muthur si. Kei chu nupui ka neih hun chuan ka duat ngawt ang. Chaw kan hlir ka barh ang 🙂

Kan MHIP zauh teh ang. an ni pawl hi an chak. Nuho an hlim chuan pa kan hlim an ti, a nei tawh ho ten 🙂

Reply
kawlhawk April 4, 2011 at 1:14 PM

Dik ful! (Y)

Reply
Z'$ Dr!vE$ April 4, 2011 at 1:17 PM

Bei thra hep hep e (Y)

Reply
hrmizo April 4, 2011 at 1:24 PM

@doc_lib#6….’Rawngbawl paha insu turin kan nuin ka rizai sin lai a lo phih hlim chu niin’……Keimah alawm rawngbawl paha insu chu le.!!!!

Reply
kilung April 4, 2011 at 1:25 PM

Chhiar van nuam reuh e…. (Y)

Reply
lushai_er April 4, 2011 at 1:29 PM

“Tul hmasa leh pawimawh hmasa ni si lo, ramin a mawmawh pawh ni lo, puar leh fanna pawh nilo, mamawh pahnihna hnulam Mobile phone, Computer, Car, Bike leh thil neih ropui lamah hian kan tlan tak ang suau suau a.”

A post-tupa rilru hi ka hriatthiam pui rual rualin management lam kan thiam loh vang hian hmasawnna atana hmanraw pawimawh i mausam hi chu tha ka ti lo.

Babel insang sak kha Pathianin a tihbuai dan kha an tawng atih danglam sak vang em ni kha ? Communication hi kan mamawh hmasakber ani kan ti thei awm e. Computer tello leh mobile phone tello chuan kei chu ka khawr tut tawh mai. Set-square, Slide-rule leh Calculator hmanga hnathawh hunlai kha chuan ke-tam leh rahfuan kan hnuchhawn chen zet ani ta ve ang. Computer phei hi chu intinah ala inhung hrim hrim dawn…… Kan hmandan erawh a dang hlawm mai thei…

Reply
doc_lib April 4, 2011 at 1:29 PM

@post-tupa,
I ti tha leh si e. Chuti chu ‘Pasal tha’ i nih chu. Pasaltha i ni ka ti lo ania, ‘Pasal tha’ ka tih chu 🙂

Reply
hrmizo April 4, 2011 at 1:40 PM

#11…Pu RAMHNUKTHLIRA hian ala sawi zawm zel dawn lawm..i hmanhmawh nih kha… 🙂

Reply
doc_lib April 4, 2011 at 1:45 PM

@ Lushai_er,
A mausam em em kher hleinem. Kan economic phu lo lutuk a khiti lama kan in tlan siak a vei na a rawn pho chhuak ve a ni mai alom. A hmanhmawh bakah an nu in insu tur leh rawngbawl turin a lo tur tawh bawk si, a mumang a Pu ramhnukthlira pawh khian a rawn sawi fiah hman tawh lo anih khi.A mumang part 2 ah chiang kuang zawkin a rawn tarlang tawh mai thei a sin.( An nu in rawng a bawl ve hman tawh a, a in suk hman tawh chuan, lungmuang takin a mu turah ngai ila ) 🙂

Reply
lushai_er April 4, 2011 at 1:45 PM

#13, ha ha ha, a nih lo nghak phawt mai ang auh!

Reply
Fonz April 4, 2011 at 1:46 PM

kan tih sual chu a

Reply
kawlhawk April 4, 2011 at 1:51 PM

Fonztea chu lo edit hman ka ti. Tlawmngaia sawn sak ka lo tum a sin le :p

Reply
Chhangteval April 4, 2011 at 2:02 PM

Pawi tak a ni! (Y) (Y) (Y) (Y)

Reply
varung April 4, 2011 at 2:06 PM

Chhiat rupna te kan thleng a nih loh chuan kan hnam a upa ve anga, kan la jia ve mai ang, lo kawm leh rawh angaihnawm alawm (Y)

Reply
Fonz April 4, 2011 at 2:06 PM

kawlbawih ka lawm e. Hrmizo i mangramah chuan an lo feng chhing em? korean film an lo uar em? cricket te hmuhnawm an lo ti em?

Reply
doc_lib April 4, 2011 at 2:11 PM

A eng chu nge fonz i tih sual a?

Reply
swiftymcvay April 4, 2011 at 2:31 PM

i mang changkang hle mai ka ti.

”Mi chuan tawlailir sakawr an
hnuh tir a, keini ho hi chuan
tawlailira sakawr hnuh tir kan
tumin a nia ka rin ni !”

ka duh beu2 lutuk!

Reply
Jacka Pi April 4, 2011 at 2:35 PM

@#20 Fonz,cricket te chu a hmuhnawm a lawm maw le…

Reply
Jacka Pi April 4, 2011 at 2:39 PM

Vawiin zet chu ka hman bawk a,paws zawng zawng kan chhiar chhuak vek mai nih kha,paws thar a tlem ve hrim hrim bawk

Reply
Fonz April 4, 2011 at 2:42 PM

23, Jacki pa.. tunlai misual.com ho post atang in fiamthu ani tih i hre mai lo emaw ni le? huizzz…fiamthu pawh hi a tawpah fiamthu tih zel a ngai dawn emaw ni le 😀

Reply
Jacka Pi April 4, 2011 at 2:55 PM

@#25 Jacki pa..ka like bawns 😀 😀 (Y) (Y)

Reply
lushai_er April 4, 2011 at 2:55 PM

#14:”Tul hmasa leh pawimawh hmasa ni si lo,” kei chuan mau-sam ka ti!

“Kan economic phu lo lutuk a khiti lama kan in tlan siak a vei na a rawn pho chhuak ve a ni mai alom.”

Ka comment khi chhiar chiang leh la,

“A post-tupa rilru hi ka hriatthiam pui rual rualin management lam kan thiam loh vang hian hmasawnna atana hmanraw pawimawh i mausam hi chu tha ka ti lo.”
ka tih ve hi maw ?

A bawplawkah lak i tum leh thu dang ?

In ngaihdan leh kan ngaihdan a lo inanglo anih paw’n in dem thei kan awm ka ring lo, lenlai a rualloah i ngai mai ang u….

Reply
doc_lib April 4, 2011 at 3:05 PM

#27, A la mang dawn chauh alom.mumang part 2 ah chiang kuang zawkin a rawn sawi fiah ang chu.Han muhil leh phawt se.

Reply
pibuhdeng April 4, 2011 at 3:10 PM

Kan lo OT teng: tunlai ka tata photon hi a chak em em ringot mai ni. enge maw awmzia, midang hmang ve dang ho kha a chak ve em aw?? a lawmawm duh raps.

Reply
hrmizo April 4, 2011 at 3:36 PM

#27 lushai… Pu RAMHNUKTHLIRA hian a mausam nilovin ‘a lehlinga vut tui thlawr’ ang a ti zawk a ni e. A ni hi chu a an te hi a hlawk a nia… a an laia nuih phei chuan a tum tawk mai ang che u

sakawr a tangkailo lova, a tawlailir pawh a tangkailo na hek lo. Mahse sakawr zawk a hmaah a awma a hnuktua a tan loh chuan zawhte kaih ang tlat.. (H)

Reply
H.Vangchhia April 4, 2011 at 3:55 PM

hmmm :-O

Reply
doc_lib April 4, 2011 at 4:09 PM

Pu HV-a mood chu a va fuh loh hmel ve. comment tawi hmuk hmuk emai.Boruak hot deuh han awm se aw. Kha kan vaivawm lah chu an trophy lak kha a duplicate ami? News ah khan chiang deuh zawk a hria in awm em?

Reply
chawnghilh April 4, 2011 at 4:12 PM

Ram hnuk chat thlir kan ni zawk e. Hnuk thlir phaten hmun an chang si lo. A thlir pha chai loten term tam an chang si a nih hi. Thangtharte an khawngaihthlak hle, keini leh ram hnukchat kan inkhuanrual ang!

Reply
H.Vangchhia April 4, 2011 at 4:15 PM

:-S

Reply
hrmizo April 4, 2011 at 4:21 PM

#11…. management thiamlo leh manage theilo chung2 chuan sas(trot) pawh neihloh tur. i kut khan boralna a thlen dawn che ai chuan tan mai rawh, kut bula ‘thisen thisen’ ti a bang lova hah silova zai a tha zawk, khuangpuah i tang ve lo mai dawn nia.. (8) (8)

Reply
doc_lib April 4, 2011 at 4:22 PM

#33, Uai khi chu ka van bo ta em? Hnuk thlir pha chu tu te nge ni a, thlir pha lo chu tu te nge ni ang aw

Reply
triplestar April 4, 2011 at 5:01 PM

Post tupa i last para ah khi chuan in nu zawk insu tur a ang em bawk a nih khi mawle, kei pawhin ka chhiar tirh chuan i rizai sin lai kha a suk atan a rawn la emaw ka ti ve tho a sin he he

Ram hnuk tak tak hi kan ram hruaitu te pawhin an thlir tak tak lo, chutiang bawkin a mipui cheng tam zawkte pawhin a lera changkang tak anga lan ka thlahlel zawk fo 🙁

Reply
saitawka April 4, 2011 at 5:06 PM

Saw nula saw an thenawm puanthui nu pawisa ba teuh chung siin a scooty chu ava fai nalh em!” A Scooty a la tifai peih a, a la ziaawm a lawm le! 😛 A ba pawh hi a rul leh thuai tur ah ngai ang! 😀

Reply
triplestar April 4, 2011 at 5:14 PM

saitawk 😛

Reply
El April 4, 2011 at 5:42 PM

in nu zawk a insu emaw ka lo ti a…..

Reply
chhana April 4, 2011 at 6:47 PM

(N) (N) (N) 😛 😛 😛 Mi thiltih vei em ema mahnina hmalak tum silo, Pu Ramhnukthlirate ang hi ka hua.

Reply
thiana April 4, 2011 at 7:11 PM

Post leh hunah chuan a changtupa hi Ramhnukkhawiha ni tawh se ka va’n ti.

Reply
Benny April 5, 2011 at 12:29 AM

A pawi thei viau a ni. Mihring hi lu chauh emaw thangin taksa peng dang thang silo se, piangsual a ni. Kan changkang viau tawha a lawmawm hle. Kan changkan dan erawh a ler deuh a ni! A la tlai love.

Reply

Leave a Comment