Religion

Yoga leh Christianna

Sivananda Ashram, Kerela ah Yoga zir in thla khat ka zu awm ve a,  nimahsela laina thenkhat ten an lo hriatin min duh pui loh zia leh sual a nih zia min hrilh chiam a, ka hrilhail khawp mai.

Kan zu thil zir ber chu rilru leh taksa sawi zawi a ni a, zing karah “OM” in kan tan a, an vai mantra pawh ka sa ve mai zel.  Saskrit chanting leh Hindu philosophy min zirtir nasa a mahse kei chuan physical fitness lam chauh ka ngaihtuah vang ka zir nasa lo, exam pass nan erawh ka chhiar ve nual.

Hei hi Kristian ka nihna (Am Roman Catholic) atang hian sual ani em? ka misual pui te u min han hrilh thei u la ka lawm hle ang.

Related posts

Delhi a ka Sunrise Service hman hmasak ber

chhingdailova

Relin min tlansan !!!

digimalt

Siamthar ka ngai ani-PBK Liankhuma

ThaiBoy

51 comments

sisen April 20, 2011 at 5:05 PM

Ka van hre mai lo em

Reply
roseparvul April 20, 2011 at 5:07 PM

sual kan tih hi kan tehna atanga sual ni leh nilo a awm thei mahse yoga hi chhu kristianna atanga en chuan hindu sakhua leh a kaihnawih thil a nih avangin a dik chiah lo ani.

Reply
mr.Duhlova April 20, 2011 at 5:11 PM

Mihringin sual kan tih leh Pathianin sual a tih hi a in ang lemlo. Lal Isua rin loh hi Pathian ngaih a sual a ni a, khawvel thian nih hi Pathian hmelma nihna a ni bawk – Bible-in, uire a ti.

Yoga zir lemlo pawhin ‘rilru leh taksa sawi zawi’ a theih tho a lawm le. “OM” in in tan a, an vai mantra pawh i sa ve mai zel…….chu chu a awmzia i hre zawk ngei a nga. Pathian fa te tan chuan sakhaw dang nen a in chaw-be vak chi ah ka ngai lemlo. …kei mi sual hi chuan.

Reply
kawlnicolney April 20, 2011 at 5:14 PM

ka la experience loh thil lutuk ania ngaihdan pawh ka nei fumfe thei lo

Reply
keimah April 20, 2011 at 5:19 PM

Yoga hrim hrim hi sual a ni lo mai thei. Amaherawhchu, he thil hi Hindu sakhaw thil mai ni lovin, thlarau khawvel thil nen inzawm tlat a ni a, kal thui zel phei chuan ramhuai (demon) thiltihtheihna bawiha tan theihna a nihzia, “Death of a Guru” tih lehkhabu, Hindu puithiam Kristian lo ni tain a ziakah hian a chiang khawp mai. Fimkhur hle turin ka rawn a che.

Reply
burgerstud2005 April 20, 2011 at 5:32 PM

sual a ni lo. nangmah ah khan i rinna a nghet a nih chuan a poina a awm lo. i rinna a nghet lo a nih chuan a poi.mahse zir zel turin ka duhsak a che.i rinna erawh chu vawng reng la.

Reply
Ultraviolet April 20, 2011 at 5:47 PM

Hindu sakhua leh a kaih hnawih thil anih vang hrim2 hian ka support lo khawp mai. Kan awmnaah hian a lar vet2 tawp, India atanga zir chhuak phei chu an duh tawp. Ka thiannu(kristian)hian ati thin a, aerobics lamah a inlet daih, hindu nen a inzawm tih a hriat atangin..

Reply
Sony April 20, 2011 at 5:57 PM

Mizoram ah chuah:
Yoga: sual
Contract hna chhe deuhva thawh: sual lo
Wine/beer in: sual
Sorkar sum eiruk/eilan: sual lo
Mipa leh mipa inkawp: sual
NLUP dik lo taka lak: sual lo

Reply
Prof. Snake April 20, 2011 at 6:04 PM

Sanskrit hi ka zir chak ve mai mai khawpmai.

Reply
vakul April 20, 2011 at 6:08 PM

Yoga i zir a i thawh hma peih ang khan tho hma tho la OM lam lovin ISUA hming lam la, mantra aiah ” Thinghlim, Thianghlim” emaw “Aw khawngaihtu Pathianin” emaw sa la, i rilru a hahdam ang a(tunah chuan i confi lo) i hrisel zawk bawk ang.

Ka hmuh dan chuan tuktin Hindu zing tawngtai inkhawmah i kal a ni; sakhaw dang hi kan zing tawngtai inkhawmah kan Upa leh Pastorte hnen atang councelling rawn dawng ziah se a inhen ang.

“Fimkhur rawh u, duh duha in tlat theihna hi mi chak lote tan tlukna a lo ni hlauh dah ang e” Kan Pathian Thu chuan a ti. Remember the Ten Commandment. Inkawm ka chak hle mai.

Reply
ninja April 20, 2011 at 6:11 PM

le le le leh, meidil i tla dawn a nih chu 😀

Reply
kilung April 20, 2011 at 6:15 PM

Tih loh tawp atan ava tha ve,, Rinna kawnga chak lo deuh tan phei chuan chi loh bur…

Reply
ruata April 20, 2011 at 6:18 PM

Thikthu chhia kan Pathian hian a lo thik ngawt ang!!! OM tih vel mantra tih vel i lam ve zel nih chuan nangman engamah ngai lem lo mahla nakin ah chuan i hriatphak bak in chhungril ah SETAN’an bu a khuar palh hlauh enge. Fimkhur roh!! Kal fimkhur rawh!

Reply
swiftymcvay April 20, 2011 at 6:19 PM

ekhai,a tullo lutuk,gym kal zawk rawh

Reply
bulaya April 20, 2011 at 6:29 PM

Anthony de Mello-a lehkhabu ziahte hi han chhiar ve chhin hlawm teh. Ka sawi tum zawk chu #8 Sony khian a man chiang khawp mai 😛

Reply
littlerascal April 20, 2011 at 6:38 PM

10 VAKUL comment first Para khi zawm mai la a tha ber ang

Reply
Fingber a April 20, 2011 at 6:50 PM

christian (Roman catholic) Isua ring i nihna atang chuan sual cu a ni khawp mai… mahse khawvel thlir atang chuan sual cu anilo khuups..

Yoga (N) Airborne disease lamah fimkhur la.. Hmun thawveng deuh ah lo chuan thawk chiam2 te kha a thalo ania.. ve mai2 in a..

Reply
thiana April 20, 2011 at 7:05 PM

Keimah lo chu Pathian dang nei suh : Neiin i inhre lo maithei.
Milem be suh : Biain i inngai lo maithei. Mahse anni chuan an ngai nghet khawp ang che.
OM chu engnge a nih i hria em ?
@ 10 # Vakul khi lo kawmngeih teh.
A rawn dikdak satliah nazawng hian i problem an ngaihven tak tak lo thei tih pawh hre tho mah la ka han tuihnih ve duh ngat bawk e.
* A pawina hre lo, hria pawh nise pawisa chuang loho chuan he thil hi chu in luhchilh loh hram ka beisei.

Reply
keimah April 20, 2011 at 7:34 PM

He thil hi ka ngaih pawimawh riau avangin ka’n tuihnih leh lawk!

Yoga hi Hindu philosophy nena thuk taka inzawm tlat a ni a, a hming awmzia pawh hi mihring thlarau leh Pathian(Hindu ngaih dan chuan engkim hi pathian a ni thei vek) thlarau inzawmtirna tihna ang deuh a ni awm e.

Yoga hi stage hrang hrang a awm a, chungte chu “eight limbs of Yoga” an ti bawk. Chungte chu Yama, Niyama, Asana, Pranayama, Pratyahrya, Dharna leh Samadhi an ti.

Yama chuan mihring pawnlam nungchang a kawk a, Niyama chuan chhunglam nun a kawk thung. Asana chuan taksa siksawi dan (posture) a zirtir a, Pranayama chuan thawk dan a zirtir. Pratyahrya chuan mihringa hriatna chi hrang hrangte thunun dan a zirtir a, Dharna chuan ‘meditation’ lam a zirtir a, a tawp berah Samadhi chuan Pathian nena inzawmna tak tak a thlentir ta a ni an ti. Hindu ngaihdanah chuan mihring (nangmah) pawh kha Pathian i ni a, i inhre lo mai mai a ni. He Yoga stage 8-na i thlen chiah chuan pathian i lo nihzia kha i hre chhuak ang a, chu chu “self-realization” an ti bawk.

Yoga kan lo hriat lar chin ho chu Asana leh Pranayama te hi an nih hmel. Hengte hi taksa sawizawina tha tak angin an sawi mawi a, a nihna takah chuan Yoga stage 3-na leh 4-na mai an ni.

Hindu ho Pathian ngaih dan leh Christiante Pathian hriat dan hi a inpersan hlauh a, kan sakhaw zirtirna pawh a inkalh deuh vek bawk.

Chuvangin, Kristian ka ni intite tan chuan heng thilah hian kan inhnamhnawih loh a tha ber. Yoga phenah hian thlarau (thianghlim ni lo!) thiltihtheihna a awm tih hi hriat tel ngei ngei tur a ni a, rin aia thukin min tibuai thei tih hria ang che. Tin Hindu Pathian kohna “OM” han tih ve ruah ruahte kha Pathian lawmzawng chu a ni lo khawp ang.

Bansan nghal hmak rawh. Reng reng thuah Nangmah lam pawh kha i Lal Isua i rinnaah i chiang chiah em tih infiah a va tha ve maw le! NOI.

Reply
keimah April 20, 2011 at 7:40 PM

*Stage 7-na Dhyana ka ziak hmaih…sorry! Stage 6-na Dharna hi ‘concentration’ lam a ni a, Dhyana hi ‘meditation’ lam a ni zawk e.

Reply
s dala April 20, 2011 at 7:41 PM

Engkim maihian thatna kawng leh chhiatna lamhi a neivek a chutih rual chuan a lozik chhuahna lamhi pawimawh khawpmai keini ringtu te tan chuan tihchi berlo maithei yoga antih hi hindu ho atang a rawn zichhuak a nih miau a vang hian kawng hrang hrang ah hindu sakhua in serh na te zirtel a ngaia mihring reng reng hian kan hriat ngun leh minchen chilh miau chuan kan hriat loh hlan hian kan rilru hi nasa takin kha ilamah khan a lo kalthin kristian kan nih miau a vang hian hindu sakhua tih dan leh an serh leh sang kan zir nachhan turhi awmin kahre lo.He yoga hi hindu sakhua ram lakna ber leh ram tamtak anlak mek zelna hman rua mai ah kangai,pathian nung betu tan chuan hnaih chiahka ngailo kan kristian nanen a inkalhlo tih tehi
chusawi mawina tangkam mai maiah kangai rina nen a inmilloh miau a vang in tiang a kan kristian na nen a inkalhlo ti a sawimawina maiah keichuan kangai inkalh lo tak taknise la hetiang a sawifohi a ngaimiah loang kan hriatloh lama hindu sakhua ram lak na hmanrua hman nasat ber ah kangai

Reply
mirage_isme April 20, 2011 at 7:47 PM

@keimah, pranayama leh asanas chauh hi chu ka hlawk pui viau asin. keimah hi ka hrisel vak lo a.

Reply
mirage_isme April 20, 2011 at 7:48 PM

thil pakhat ka rin dan hindu hi religion niin ka hre lo, philosophy dah khawm mai niin ka hria.

Reply
Astericâ„¢ April 20, 2011 at 7:59 PM

He milem Pathian hming lama meditation hmanna hi kei ka tih atan ka duh lo,…. chu chu nimai 🙂

Buddhist ho style Hindu in an copy niin ka hria…

Reply
vakul April 20, 2011 at 8:04 PM

Hindu hi religion nge society tih hi mi thiamte lo debate-na a ni fo thin a. Philosophy phei chu an nei tha khawp mai. Heng, Mimamsa/vedanta philosophy kan tihte pawh hi a ngaihnawm zawnga thluk chuan ril tak a ni. An philosophy hian a goal ber chu ‘Self realization’ a ni tlangpui thin a.

Swami Vivekananda-te pawh khan finna hi realisation of self-ah a intan an ti a. An ni chauh an ni lo, Greek philosopher-te pawh kha an ni tho, Socrates chuan ” Finna(Wisdom) hi mahni tlin lohna(ignorance) pawm ngamna(recognition)-ah a awm a, inhmu ngam lo chu nung tlak an ni lo… an ti a. Khawvel phylosophyah hian Wisdom leh self realisation hi an buaipui berte zinga mi an ni.

Mahse Biblein engtinnge a tih, Thuthlung Hluia Wisdom chu Lal Isua sawina a lo ni a. Tichuan Finna chu Lal Isua neih hi a ni. Mahni inhriatna pawh Lal Isua-ah lo chuan a lo fiah thei lo-kan inhriat phak loh avangin kan nihna dik tarlang turin Lal Isua a lo kal a ni zawk. Inhre chhuak pha lote min rawn zawng hi alawm ‘Khawngaihna’ Grace-charis-chu

Reply
vakul April 20, 2011 at 8:13 PM

Thil tharah hian taimak chhuah a awl khawp. Mahni rama thawk peih der lote pawh Israel-ahte an pem a, an thawk tawk tawk a, an nei phian bawk. Kristian Sakhuaa serious miah lo kha mi dang sakhua practice-ah a taimak leh theih viau.

Yoga institution-a meditation hman ang hian Christian-ah hmang ve ta ila kan spiritual khawp ang. The power of meditation hi a awm ve hrim hrim.

Engvanginnge kan lo nun, engvanginnge kan lo chet, engvanginnge kan lo awm unending debate in philosophical circle, Paula chuan mawl tein “IN Him we live, we move, we exist” ti theuh mai. Dik bawk si, Through faith-hnial rual a ni ta lo.

Reply
keimah April 20, 2011 at 8:14 PM

@mirage, comment sei tawk ka type hnuah a bo leh tak daih chu! Ka han type nawn leh ang e:

Taksa sawizawi hi chu a tha reng mai. Mahse Yoga hmang kher lo pawh hian a theih tho a sin. I rin aia thukin a influence thei che a nia. Hei tunah pawh Hinduism hi sakhua ni lovin philosophy mai niin an sawi chu i pawm der tawh a nia!! Chu tak chu hindu sakhaw hlauhawmna hi a nia sin! Hinduism-ah chuan engkim hi a leng vek a, Isua pawh pathian zinga pakhatah an pawm thei reng. Amaherawhchu, Lai Isua chauh hi Vanram thlenna tura Kawng awmchhun a ni han ti chiah la chuan an sahuata khawih sak ang zak an ni mai ang.

Tin, Hindu sakhua hian khawvelah ram a lak nasat tawhzia chu New Age ho zirtirna tam ber hi Hindu sakhua atanga lak a ni tih pawh i hriat ka ring. Philosophy lamah phei chuan an ril lutuk a, Kristian sakhua te hi chu an hmusit ngawih ngawih zawk a ni. Keima mimal ngaihdan mai maiah chuan Hindu sakhaw phena thuneitu hi chu Setana a ni ka ti hmiah! Hindu ho ka sawichhiatna a ni miah lo a nia. Mahse, Lal Isua hriatna dal tur leh Hremhmuna thlarau chhiar sen loh hnuh liamna hmanrua atana Setana hmanraw tangkai ber zinga pakhat chu Hinduism hi a ni ka ti ve tlat.

Reply
chhangte_ll April 20, 2011 at 8:20 PM

Ommmmm….he he he. I rinna a derthawn phah loh te chuan a pawi vak emia. Yoga hian a huam zau ve em a….Ommmm..tih kher ngailo pawh TV serial ah a chhuah tam tawh em hi.

Reply
vakul April 20, 2011 at 8:48 PM

Chhangte pa, kan lo councelling uluk tawh tehreng nen phuk phak lo deuha i rawn tawng tak chu.NOI

OM-e OM- lo e, a goal a dang lo.

Reply
Ignatia (33-115 AD) April 20, 2011 at 8:50 PM

Post tha tak anih hi…ngaidan siam thei lo an awm nual ka ring thin….

Tum khat chu Baptist pastor pakhat hian Yoga chungchang hi Vanglaini ah alo ziak ve a. Pu Biaksiamate leh midang ho in an liak hrep mai.. 🙂 ::rehai rehai:: BCM GS in “Vanglaini hi hetiang lam sawi nan Pastor Platform a ni lo e” a tih kha. A reh hmaks.

Reply
H.Vangchhia April 20, 2011 at 9:20 PM

Yoga hi Kristian inti tamtak te hian anti- Christian thil anilo ti thin mahse, Kristian sakhua a inhmang tak2 leh Hindu sakhaw awmzia hria chuan chu2 an ngaihdan ani lo fo.

(If yoga contains non-Christian Eastern spirituality, one can do the physical exercises but refrain from the prayers.)

A exercise chauh kha ti la, an tawngtaina lam erawh tilo mai la!

Heihi lo chhiar chhin ta che:
http://forums.catholic.com/showthread.php?t=14225

http://newsfeed.time.com/2010/09/22/is-yoga-an-anti-christian-practice/

Reply
bulaya April 20, 2011 at 9:25 PM

Yoga te chu rilru sawrbing nan te hian a tha a nia. Hindu philosophy zirna chance te i nei a i vannei kher mai. Tawngtaina tak taka i hmang dawn a nih erawh chuan Hindu Spirituality lai kha han chhawk keuh la Catholic Spirituality (i hriat ang ang, a theih chuan Ignatian Spirituality ni thei ngei se) khan han thlak la. I meditation (contemplation) pawh kha a kal ding phah viau mai thei. Tin “Contemplation to attain love” hi “Pantheism” te nen ngaih fin chi a nilo a nia.

Reply
Formerly Known as Fonz. April 20, 2011 at 9:30 PM

Yoga sawi hi chuan kamasutra film kha a lang tlat zel an ti

Reply
loneeagle26016 April 20, 2011 at 9:38 PM

Comment khat tawh fu maia, kan ti ve ang e !
Yoga hi Hindu laimu nena in zawm tlat thil ani a, a bik takin rlru lam sawrbingna atanga vision nei tura an in zirtirna ang chi te phei hi chu Kristianna atang chuan a hrisel lo khop mai !
Han share che ka tuma, ‘the truth about yoga’ tih christianity.com ami hi lo chhiar ta che, ka share mai thei lo a, lo google ve tawh mai teh.
Taksa hriselna atana yoga exercise ang chi hi chu a pawina awm turah chuan ka ngai lem lo kei chuan.

Reply
zoho April 20, 2011 at 10:12 PM

In sawi hnem viau tawh na a, post tur a ka hual lawk “passivity” lam a rawngkai a ni bawk si a, tlem kan thai lang ve.

‘OM’ tih thumal hi a sanskrit tawngbul ah chuan ‘union with Brahma’ tihna a ni. Hinduism a an vanram chu ‘escape from re-birth, non-existence, Nirvana’ a ni. Chutichuan ‘Union with Brahma’ chu ralthakna,thawktawhlohna(denying the breathe of God-neshamah) tawng dang chuan ‘suicide’ a ni.

Breathing exercise chu ‘meditation on your breathing consciously’ tih a nia. A tum tak zawk chu sense channel dang zawng zawng khar vek a, thil pakhat a rilru sawrbingna a ni zawk. Hei hi passivity diktak, thlarau khawvel nen a inbiakpawhnan a hmakhawsang atanga occult,witchcraft, hypnotism leh oracle ten a an lo hman reng thin chu a ni.

Yoga chauh pawh a ni lo, shoalin, ninja, mantra, repetition (chham ngai hlir chham nawn, Isuan a phal miah loh kha),mesmerism,tawnghriatloh,khuang thlarau (repeated monotonous sound) ho zawng zawng pawh hi passivity rimnam vek anni.

Heng ten an tum ber chu blood circulation control a ni. Thluak in a mamawh ai a tlem emaw, a mamawh aia tam emaw thisen a dawn chuan activeness atangin passivity ah a lut mai dawn a ni, chulai tak chu thlarau khawvel atanga kan thisen a mutated DNA kan tih fo an rawn trigger na hun rangkachak chu a ni. Spirit ten kan Soul(psychic) power rawn kaihthawh a, kan hriatloh a superpower kan neih nan a min possess an tumna a ni, awilo teh mah ila, a ni miau si.

It is the SOUL(psykhe) that is sinning.(Ezek 18:4b,18:20)
The SOUL(psykhe) is in the BLOOD(Lev 17:11).

A sei ta, ka thil post tum ka rawn sawi hawng ta zeuh bawk.

Martial Arts leh Yoga sports ang lek a kan kalpui erawh a sualna ka hrelo, mahse a level sang erawh chu a sual pawh a ni lo, a hlauawm tihlam zawk a ni e. Testamony sawitur pawh ka hria,ka sawilang hrihlo mai.

Sports leh physical fitness leh health ang tal in ti ta ila, India hi sports leh health a kan dinhmun en hian, yoga ai a discipline tha zawk a awmtam zia hi pawm mai a tha ber e.

Eastern Mysticism propogated by the so-called western celebrities thlipui pawh hi rawn post teh u,i lo chai ho teh ang u.

Reply
aduhi April 20, 2011 at 10:24 PM

hmanni ka thiannu nen kan khawlai kal lai hmeichhe pakhat hian keimah kha min rawn bia a, yoga class i kal duh em tih min lo zawt. ka’n inen chiang chu ka lo in fit loh hmel teng tung lutuk a!

Reply
H.Vangchhia April 20, 2011 at 10:45 PM

Enge Yoga chu?

Ele hei hi:

http://en.wikipedia.org/wiki/Yoga

Reply
vila April 20, 2011 at 11:11 PM

yoga exercise hi a tra khop mai, ka zir ve thin a kan sakhuana nen a in mil lo lai deuh ni a ka hriat chu tlang tak in ka sawi mai a min ti lui ngai lo bawk, a exercise lai chauh hi chu tha ka ti ve khop mai.

Reply
H.Vangchhia April 20, 2011 at 11:22 PM

yoga lo eksar lak dan tha a tam e 🙂

Reply
zoho April 20, 2011 at 11:24 PM

Kei pawh 2 chu ka practice mek.

1. Mu zangthal zar la, i taksa englai mah kha a tang eih tur a ni lo, i kutzungte pawh, i ring pawh, sec 60 vel, very refreshing.

2. Thil engemaw i ti dawn a, i mut a chhuak, i zawi, i nguai chuan heti hian ti rawh. Taksa tihzawi vek tho, sofa a thatchhe deuh a thu in ka ti mai thin, chuan hmun sang deuh atanga tla thla vawn vawn ang a in ngaihtuah tur, sec 60 vel tho, mawng a za chuai, fatigue gone.

Yoga tak tak erawh chu ka ngaihdan pangngai chu ka comment tawh e.

Reply
Chemtatrawta April 20, 2011 at 11:33 PM

Yoga lo pawh hian kan pipute pawh kha an lo hrisel treng trong thei khawp aa.. 😀

Reply
H.Vangchhia April 20, 2011 at 11:36 PM

zualbona hi yoga lovin a fit khawp mai 😀

Reply
VaiVa April 20, 2011 at 11:38 PM

Taksa sawizawina chikhat leh hriselna a tan a tha hi an ti teh fo va, kan sawi ve mai mai! A hmasain a sual leh sual loh ka hre lo.

Kei sipai hian, ti teh duah i la, hun engemaw ti chen atang khan PT aiah hmun thenkhat ah chuan YOGA hi an ti thin a. OM tih vang ni lovin ka peih lo ve hrim hrim. Taksa hrisel hmel deuh deuh hian na hi kan ngah khawp a, a lo tha pawh a niang. Ka tih ve duh lona chhan chu tar ho damdawi ka ti mai. I hrisel that lai khan i taksa sawizawi uluk la, i fit reng mai ang! Dam tha ver vawr thalai ten a thatzia an sawi fo hian kei chuan taksa sawizawi pangai tluk awm in ka hre lo. A thatchhiat thlak ka ti. ve mai mai a. Hma takah tho la, han kal vawk vawk mai teh i tlan peih loh pawhin, i taksa chu a hrisel vah reng mai ang! (O)

Reply
H.Vangchhia April 21, 2011 at 12:38 AM

#43 (Y)

Reply
hiho April 21, 2011 at 7:37 AM

physical fitness duh hrim i nih chuan taekwondo zir zawk la. Christiana na nen a hnaih zawk a nia.

http://www.pastornet.net.au/response/articles/117.htm

Reply
mr.Duhlova April 21, 2011 at 7:51 AM

37

# Huish…….. (Y)

Reply
lalpeace April 21, 2011 at 11:08 AM

@8 khi ka han LIKE phawt ang a, a bak chu i duh dan dan a ni mai. Midang sawi nazawngah innghat lem suh, i chhia leh tha hriatna kha fim takin hman tum rawh khai…

Reply
sihal April 21, 2011 at 11:17 AM

@post tupa, engtin nge practical exam te, keini chu group 1 ah 4 zel kan awma, a thiam ber thlek dan dan khan ka thle kawi ve nawk nawka ka pass ve mai.. 😀
Insawi tha hlawm khawp mai, kan tana pawimawh ber chu engang pawn zir duhin duhlo mah ila kan course a awm miau chu % tha tur leh pawl sawn tur chuan pass kha angai a ni mai yoga subject ah khan….. :-S

OT: class 12 result a chhuak an tia mbse website ah en ka tuma a tha theilo reng reng!!

Reply
karei April 21, 2011 at 11:23 AM

I chhia leh tah hriatna hmang mai teh, helai a rawn post vak pawh a tul love.
I Yoga zirna state kha mihring phakar ho awmkhawmna anih kha 😉

Reply
RR Kullai April 21, 2011 at 12:56 PM

Hindu ho hian Mizoram rawn luhchilh hi an tum lutuk a. Mamawh lohna lai laiah te vai sipai an rawn dah a, an awmna apiangah an tempul an sa ve zel bawk a. Mizoramah hian hindu tempul hi a tam tawh phian a nia. Mizoram governor te hian an tlawh peih thei em em bawk a. Puja nikhua te hian eitur eng eng emaw an han sem a…

Pathian thu chuan milem biakna inthawina thil ei lo turin min ti bawk si a…

Reply
april April 21, 2011 at 4:50 PM

Tlai khawhnu ah kan comment ve lok.

#50 sawi ang khian, Prasad hi mizo te leh north east Kristian dang te poh hian, ngaihtuah manglova ei ngot kan ching. Prasad ani tih ka hriat chuan kei ka ei ngailo. Ei tur dang poh kan ei mi anih loh zia ka hrilh hram hram thrin.

Kum 3 vel kalta khan Yoga hi career atan tha don riau a ka hriat vang in zir ka rilruk ve a. Magazine leh news paper tin ah a lang a, a lar zual zel don ni in a lang bok a.

Vawi 2 chu Mini Thapar Shastri hnuai ah class ka la ve a, ka ngaihtuah chiang a ka rilru ka thlak leh. Sakhuana la runthlak lemlo leh Pianthar leh tharloh poh ngaihtuah ngai lemlo ni ila chuan, tha ka ti ngang mai.

Reply

Leave a Comment

Skip to toolbar