Poetry

Tho la, ding ta che

(Pu Vanneihtluanga thu ziak kha heti zawng hian ka lo tui pui a, a pawi em lo ang chu maw ? A pawi chuan ngaihdam ka dil e)

Aw, nangni ram thianghlima chengte u,
Thova in din theih nan duhsakna chibai ule.
Hrehawm nasa tak tuara inrumna techuan mual an liam ta e.
Hmana hrehawm tuar hnu, pa leh pa hmaichhanah i in hmachhawn teh ang hmiang.

Hmana kan tawrhna leh hliamte chu,
Dawi chhe mi hnawiha tuam sak kan ni a.
Pawn lam dam, chhung lam nget siin,
Damtak tak awm si lo hian thuthmun kan rem, a pawi ngei e.

Kan zir chhuak e awm awl leh ei tui.
Kan thang narawh e nghet si lo hian,
Vangkhua a hnim, kalphung a bo; Lalruanga dawi bur kan ngai vawng vawng.
Boruaka in sak tum kan iang.

Nunphung, hnamzia, sakhua a dal zo ta.
Duhsakna awmkhauh ka hlan nang che, thova i din theih nan .
Thawhrimnaah hlawhtlinna,
Sum tam tak aia thlan tur hmingthatna, Pekin lukhawng a neio tihte.

Zirtir nang che i tu leh fa.
I inthawina bawlhlo leh hal rimtui pawh,
Nangmah ngeiin hlan tawh la, hlan saktu i ngai love.
Tho la, pheilai khaiin hmatiang sawn zai i rel dawn lawm ni ?

Aw, nangni chhuan beng tla lote u,
Anpai vai sum tel lovin Pawl in din thei lo maw ?
Kamding ho, thahrui aiin thau inngah maw ?
Sim rawh u, hnawl rawh u in ze chhia.

Nangmaha thiltihtheihna awm kha hmang ta mai che.
Retheite hahchawlhna thlam thianghlim tibawrhbangin, nawmsakbawl nan in hmang maw?
Hei hi ka chah duh che, lo ngaithla teh le.
Retheite retheihna hian retheihna a thlen ve palh ang che tih hi.

In hmaah darthlalang ka hun hi en ula, siamtharlehna lo chang teh u.
Hmeichhe fin pawhin tuikhur ral a kai ta.
Mahse sel ngawt suh, an kai tawh tho tho.
Nang, zopa a piah mualah sawn lo va kai la, a phurhhlan lova puahchah ta zawk che.

En teh, saw….bum fin tawh zokhaw paho an ding tan ta e.
In sang phekin Tribal power an ‘show’ dawn e.
Hmatiang an sawnna tur daltu-an i lo ding palh a nih h;lauh chuan;
An chil ngei ang le i thlunglu.

Nangni Thalai rualte u, harhin tho ru, in tan kawl a eng dawn e.
Zoram thahrui chu nangni hi in ni e.
Hrehawmna atangin chhel in zir ta.
Thima thiltih paihin eng thuamin inthuam rawh u.

Lallai partlan lengdangte khum ve nan.
Damna dawi dik in ei ta.
Nang i hmunah kei ka hmunah tiin tuanzai i rel ang hnutiang hawi lovin.
Chutin khuavel kan chhing ngei ang.
Aw Zoram, Tho la ding ta che.

Related posts

Ngai Ve Ang

zofanaia

Ka Pa

Robert April

Min ngaidam ang che

Hringlangtlang

21 comments

Pakak July 2, 2011 at 10:10 AM

Chhiar teh ang!

Pakak July 2, 2011 at 10:11 AM

Kan zir chhuak e awm awl leh ei tui. (Y)

Pakak July 2, 2011 at 10:16 AM

Tha dangdai ve tho e (Y)

ngaihdan tha a July 2, 2011 at 10:16 AM

pos

Pakak July 2, 2011 at 10:18 AM

A tak2 ah chuan, Pu vanneihtluanga ziah ka la hmu lo a sawi vak tur ka hre lo tlats. 😀

Pakak July 2, 2011 at 10:26 AM

No comment! :-O

Pakak July 2, 2011 at 10:29 AM

Tak tak i na, thu leh hla lam ti mi deuh comment chi a nih hi,mahse, hei chu ka van duh tak em…. 🙂
En teh, saw….bum fin tawh zokhaw paho an ding tan ta e.
In sang phekin Tribal power an ‘show’ dawn e.
Hmatiang an sawnna tur daltu-an i lo ding palh a nih h;lauh chuan;
An chil ngei ang le i thlunglu. (Y)

Pakak July 2, 2011 at 10:31 AM

hei pawh hi…
Hei hi ka chah duh che, lo ngaithla teh le.
Retheite retheihna hian retheihna a thlen ve palh ang che tih hi.

Pakak July 2, 2011 at 10:33 AM

A tha vel vek a nih khi, (Y)

Sm0kester July 2, 2011 at 10:35 AM

Lol pakak vek a ni :-O

chawnghilh July 2, 2011 at 10:48 AM

Thawha din reng ka peih lo.

Ka peih zawk chu —Isaia 40:31 LALPA nghaktute erawh chuan an chakna chu an siam tha leh ang a; mupuite angin thlain an thlawk chho vang a; hah lovin an tlan ang a; chau lovin kein an kal ang.

Thlawk chho —a la hautak hahthlak. Hah lova tlan —a la chak mah mah. Chau lovin kein an kal —a damin a PEACEFUL dap ta mai!

saint sammoo July 2, 2011 at 10:57 AM

amah ka hrilh ngei 2 ang… Le le le le… lol

H.Vangchhia July 2, 2011 at 11:22 AM

(Y)

saint sammoo July 2, 2011 at 11:34 AM

prose chuan phek tam a ziah theih hi poetry chuan tlar tlemte ah a muk taka sawr fu a ni a, fir tawh tak a ni. Painting chuan tlar leh chang a nei ve tawh lova, thu tam tak kha hmun khatah a bilh khawm vek a, a ril leh fir tawh lutuk hi a uih hmun thei… lol

Fonz July 2, 2011 at 11:59 AM

kolkata to aizawl kingfisher hi vawiin lengpuiah a tum thei em le? hria in awm em?

restored July 2, 2011 at 12:16 PM

Tho ila i ding tlang ang u. Post tha tak ani.

Thinchhia_ralte July 2, 2011 at 12:30 PM

Nia, online reng chu kawng a kham duh 🙂

CFL July 2, 2011 at 1:38 PM

Comment

chhangteval July 2, 2011 at 2:26 PM

Tha lutuk..ziak zel teh khai (Y)

pa-para July 2, 2011 at 4:34 PM

Ziak tha lutuk…

Zoram hian fuat a nei lo khawp mai..

Pu Vanneihtluanga thuziak chu han post ve tho la…

lenlaini10 July 2, 2011 at 10:48 PM

(Y) Chhinlung naufa[Kawl a eng tanta]!! (Y)

Leave a Comment