HAHAHA More than words

Kua

Kua hi a lova pawimawh tak  em ! Kua hi a tangkai em em mai a, a thenah chuan a hlauhawm bawk a. Chhui chian dawl tak a ni. Kan sawina tawng a zirin thenkhat chuan ‘Hole’ an ti ang a, vai tha leh tha lo ten ‘surang’ emaw ‘chhet’ an ti ang a. Zopa in ‘kua’ kan ti a. A pawimawh em avang hian hian hringmi khawvel ah hian a tel loin a awm theih loh a. Tangkai loh hun nei mahse a tangkaina hi a tam hle a ni. A kaw tlang tangkai chang a awm a, a kaw tlang lo tangkai chang a awm bawk.

     Chhemthei te hi kaw lo sela chu a nihna a hloh der dawn a ni a. A kuak avang hian kan chhem phut phut thin a nih kha. Tui-um tepawh kaw lo se tui a chawi theih dawn si lova.  Chutiangin mau bur tepawh an tangkai em em a. Hmawngsawi dah nante a tha em em a. Thlai chi dah that nan leh thil dang ah pawh a tha a ni. Mau lam sawi takah chuan kan CM hlui Pu Zoramthanga pawh kha a kaw reuh riau a, chuvang chu a ni ang Agarbatti stick te kan buaipui tak ni.

       Kan infiamna hmanraw hrang hrang Ball lampang tepawh hi a kuak loh chuan a thep vek a, a hmanna tur dik takah a hman theih loh thin a ni. Hmana T-ball kan ham tang tang thin tepawh kha a kua a awm vang a ni a. Awm lo se chu football kha a pet tlak loh a ni mai. Tuna kan Sports Minister pawh hi a kaw riau a, Astro-turf te kan phah vet a mai a. Chutiang in Sports hmasawnna tur hrang hrangah pawh. Tun ai hian hank aw leh zual sela chu Mizoten sports lama kan hmasawnna hi a zuang tawr tawr ngei ang le.

       Kahchik kan hman thin te pawh kha kaw lo sela chu indo nan a hman tlak miah lo ang a. Hamphuh tepawh kan ham phet phet lo ngei ang. A pawimawh em a ni tih hriat nan vai ho Holi ni pawh hian rawng tui hi an kap chik zuai zuai thin reng a ni. Chumai a ni lo Kangthelh Pawl ho hmanruate hi kaw lo sela chu kang an thelh thei miah lo ang a. ‘An lo thleng tlai’ tih pawh a ngai miah lo ang.  Mahse an motor tanky te hi lo kaw ta se chu tui an phur thei lo emaw a ni ang.

       Aw ! kua hi chu a va pawimawh tak  em. Mihring leh ran tepawh hi kua nei lo ila chu kan pung thei awm der si lo ! Kan kuak phit phet avang chauh a pung thei kan lo ni a. Kaw chiah lo pawh hi tih kuak chawp tepawh a ngaih chang a awm a. Amaherawh chu kan kuak leh lutuk hi chuan thil pawi te pawh a thleng thei leh lawi si. Chuvang chuan a hmun leh hun a zira kuak loh thiam tepawh hi a tul thin awm e.

     Nunphung leh hring nun hmachhawn danah pawh hian a kaw deuh te chuan Kulikawn atangin perhkhet an perh khet khet a. Tuipuiral ram an in perh thleng a. Kaw lo deuh hoin kan lo ral ngaihsan lek lek a. Tuemaw zei vak lo tepawh hauh nan ‘I van kaw lo tak em’ tepawh kan tih thin hi. Chuvang chuan kuak deuh hlek te hi a tul chang a lo awm a. Kuak lutuk te, kuak loh lutuk tepawh hi a pawi theih chang a awm bawk. Phek khat mai he “KUA” chuang chang hi sawi zawh theih pawh a nil ova, chuvang chuan phek khat lek chauh hi I han keu kaw phawt teh ang. Phek dang chu midangin keu kaw chawp ve rawh se. 

Related posts

Truck hmachawi i thiam em?

father_sphinx

A na asin…..

hrangkekuala

Kan Nula ten Eden Fashion lam tluang an chhui kir e

PimPom

27 comments

Pakak August 26, 2011 at 9:00 AM

chh1ar 1 la

littlerascal August 26, 2011 at 9:00 AM

Ni e, kua hi a pawimawh

sisen August 26, 2011 at 9:01 AM

a pawimawh third a ni

littlerascal August 26, 2011 at 9:01 AM

🙂

Maya August 26, 2011 at 9:20 AM

🙂 Pawimawh khawp mai , A tawk chauh in i kua ang u 🙂 kuak var huau loh tur . .mawngkua ti a kan sawi te hi kuak lai a nei lo 😛 .

saint sammoo August 26, 2011 at 9:23 AM

Kan va chhangchhe deuh ve aw..!

littlerascal August 26, 2011 at 9:27 AM

Saint 😉

lr hlonchhing August 26, 2011 at 9:38 AM

No comment-comment hmain comment vat teh ang. A ril ru riau

H.Vangchhia August 26, 2011 at 9:44 AM

Kan vun tawpna chu kan mawngkua. Chhip atangin khuh thlak kan ni a, uluk taka pawhmar kan nih hnuah fel fai takin kan mawngkuaah kan vun tawpna (the end) chu bilh luh leh thlap a ni.

sha la la 😛

No Comment August 26, 2011 at 9:49 AM

No Comment.

lr hlonchhing August 26, 2011 at 9:52 AM

No comment ka first khalh chiang e…

Phivawk August 26, 2011 at 10:17 AM

Kua a pawimawh ang bawkin a kua a lut tur emaw, a kua awmna hria emaw a kua luhchilh ngam emaw a kua luhchilh thiam an pawimawh.

Comebackkid August 26, 2011 at 10:19 AM

i hur e a… kua i hmuh tawh vang anih chu.. zahmawha min sawi tir i tum chiang mai 😛 ;-( :-S 🙂 🙁 :-$ :-O

Telphawka August 26, 2011 at 10:41 AM

kaw khat chauh kawmen lo in kaw dang te pawh kawmen tel zel ang u..,., he he

eL August 26, 2011 at 10:58 AM

I post title ka hmuh hian para 3-na khi ka rilruah a lo lang nghal…shalla

redknap August 26, 2011 at 11:09 AM

Kan khuaah puitling film tih ka hrechhuak zok mai 🙂

Dr Mahminga Sailo August 26, 2011 at 11:16 AM

Post-tu pa, High School kan zirtirtu pakhat min ti hrechhuak e… (Y)

Zahmawh a sawi tih dawn a, sawi tak tak silo, i thu ziak ang chiah hian; physics a “thil a lum in a lo lian..” tih vel a’n sawi hot chho thin chu, class-ah kan bengchheng thei rap.. 😛 😛

XaiA August 26, 2011 at 11:41 AM

A pawimawh fu reng a ni.”I kaw lo em mai” tih pawh hi a lawmawm loh tlat 😛

ChhanaPa August 26, 2011 at 1:02 PM

Thlir dan dang i va hre ve. 😀 (Y) . Hnar te hi kaw ta lo se, mawng te. ka te, beng te leh adt., mihring tan awm ngaihna a awm lo.

doc_lib August 26, 2011 at 2:03 PM

A tawk chauh a kuak zir vek tur anih chu.. 😛

chhana August 26, 2011 at 4:12 PM

“Hmangaihna chu a kua a ni” Sangzuala, kan khua.

chhana August 26, 2011 at 4:14 PM

“Mawngkua” kan ti teh fova, mawng hian kuak lai a lo nei reng reng hleinem. A kua ni awma a lan lai pawhin ek-in a hnawh. 😀

loneeagle26016 August 26, 2011 at 4:18 PM

kua lam hi chu kan lawm tlang vau mai ani maw… 😀

LR_rengsi August 26, 2011 at 10:33 PM

Mahni kuak loh chuan midang a tih kuak theih loh..I kaw hle mai a, i ziak kaw phawt mai…..tha ve dangdai riau…:):)

TuaiSialA August 27, 2011 at 1:17 AM

A va ngaihnawm mai mai ve aw! Kua pawimawhna, that lohna, hman dan tawk..adt. a kim hle mai. Post tha lutuk a nih hi.

Thil tihkuak chawpah hi chuan hnar, mitko, khabe, kamsir tih vel tihkuak chawpa ring (thirkual) han bàn uai liam vel hi a awm ngaihna hriat loh thlak ka ti ve tlat.

chawnghilh August 27, 2011 at 2:08 AM

“Ai kaw tawp tan” pawh a ngai a nih hi! Bruce Lee thusawi ka la hriat ve reng thin chu, “Emptiness of a cup is its usefulness,” a tih ve khiah kha! Dina Pa thil thluk dan nen pawh a inchawbe hle mai!

Thosilen pawp/kua pawh hi thui pin peih loh chuan a kaw zawn lehlama tihkuak belh mai a finthlak. Newspaper zial ila, rawlh tlang ila. Thosi a han lut ngei a, a hmawr lehlam KUA-ah a chhuak leh mai a. Min seh lo nge nge. MALARIAL FEVER ESCAPED!

POST ngaihnawm leh bengvarthlak, Haiden Rial Over Lie Ame Amennnnnnnnnnnnnnn a ni tawp!

Chhuanawma Royte August 27, 2011 at 9:47 AM

Kua chu a poimawh tak hle mai a… :-O :-O

Leave a Comment