Mizoram Opinion

Vai thuhnuaia awm loh nan…

Vai i hua em? I haw viau lo a nih pawhin an thuhnuaia awm chu i chak kher lo mai thei. Mizoram chhungah ngat phei chuan vai thuhnuaia awm chu i hreh hle ṭhin lo’m ni? Mahse tuna hma i lak vat loh chuan duhthlan tur dang i la nei lo thuai ang.

Hnam dang thuhnuaia kun hi eng hnam mahin, mahni duhthu chuan, an thlang ngai awm lo e. Hman deuhah British-hoin sipai chakna hmangin khawvel ram tam tak an thuhnuaiah an dah a, India ngei pawh chung zingah chuan a tel. Ram tam tak chu thi leh thau pawlha á¹­angin, nunna tam tak sengin an tal chhuak leh thei hram a nih kha.

Asia-ah pawh Japanese-hoin an ram hnaivai, China leh Korea te sipai chakna hmang bawka tudaiin an thuhnuaiah an dah a, kawng hrang hranga sawpin an tinawmnah á¹­hin a nih kha. Tun thlengin Chinese leh Korean zingah Japanese-ho hua an la tam hle.

Keini Mizote hi kan inenchian a ngai ve takzet asin! Sipai chaknain vaiho hian min rawn runin min rawn nghaisa tawh kher lo maithei. Mahse sorkar inrelbawl dan en hian an thuhnuaiah kan kun thuk telh telh ang tih a hlauhawm a ni. Han ngaihtuah ve teh mah…

1960’s leh 70’s chho vel kha chuan Mizo te hi India ram tribal zingah All India leh Central Service-ah an tam lawr viau ṭhin. Chung kan officer chhuanawm tak tak te chu tunah hian an hun a liam a, an retire zo dawn titih ta der mai! Mizoram sorkar hmunpui, Secretariat hi han thlir ve teh.

Mizoram sorkar website-a a lan danin June 9, 2011-ah khan Secretary/Commissioner 21 an awm a, an zingah chuan Mizo IAS officer direct-a lut 3 chiah an awm! (chu pawh Chief Secretary leh Special Secretary pakhat chhiar telin). Post dang te hi IAS conferred 3, IFS (Forest) 2 leh Central Service (IRS) 2 bakah Mizoram chhung service hrang hrangin an luah a, chu bakah chuan hnam dang hming a awm leh ta nual mai. He mi hnu hian vai officer dang rawn zawm thar an awm leh tawh bawk. District-ah pawh vai DC leh SP an awm fur hi.

IAS conferred te hi sawi hniam tur an ni chuang lo a, officer fel leh IAS nih ve phu tak takte an ni. Amaherawhchu direct-a lutte nen chuan kawng tam takah an inang á¹­hin lo. Central sorkar leh ram dang, hmun dang dawr tur pawhin duhthawhna á¹­awngkam hriat tur a awm fo a, chutiang chu political level aá¹­ang ngei pawhin a ri á¹­hin.

Chu chang a ni lo, a tam zawk chu an service hmasaa an senior tawpkhawk, an retire dawn hnaihah IAS confer an ni a, IAS-ah an senior chho vak hman tawh lo a, chutih laiin department lian leh pawimawh te chu officer senior deuh te laktir an ni leh fo bawk si. Central sorkar lam han dawr pawhin bureaucracy-ah chuan seniority a lo pawimawh lo thei lo a, ‘eng batch nge i nih?’ han intih mai te hi a awm fo a, junior deuh tan chuan nuam lo hi a awm fo thin.

Tunah hian Mizo IAS officer direct recruit hi 15 emaw chauh an awm a, a senior deuh te lah chu retire hnai tawh tak tak an ni lehnghal. IPS lamah phei chuan an tlem lehzual a, pathum-pali lek an awm tawh. All India leh Central Service dangah hian tlem tlem an la awm pheuh pheuh. Hetiang zela kan kal chuan rei lo te-ah Mizoram administration hnukpui, Secretariat-ah hian vai officer senior pui pui an la ngir khup mai dawn asin.

Vai pi leh pu hrawn hi nuam kan ti meuh na maw chu? Meeting han ko se Mizo á¹­awng an thiam ve miau loh avangin sapá¹­awng hman a lo ngai a. Keiniho lah hi sapá¹­awnga á¹­awng hreh tak, a á¹­ul tawpkhawkah lo chuan ngawih thlang zawk deuh vek kan ni si. Kan ngaihdan leh kan hriat dan te sawi chhuak lovin, kan vai pi leh pu te thu thuin kan sorkar hi a then vel mai ang tih a hlauhawm takzet a ni.

Chu chang a ni hleinem! Vai officer Mizoram-a an post tam zawk hian hremna angah an ngai a, hrehawm an ti ngawih ngawih reng mai. A theih anga tam phai lama zin dan an ngaihtuah a, duty-in a daih bak rei tak tak chawlh la-in an thang bo á¹­hin. Dem viau tur an ni lo. Tunge hremna tuara lunghnur chungin á¹­hahnem ngai takin hna thawk peih ang? Kan ram hmasawnna erawh chu min enghelhpui ngai mawlh lo ang!

Misual.com chhiar á¹­hin zingah hian zirlai bright tak tak in awm á¹­euh ang. Rilru thar puin thapui han thawh hlawm teh u. Hawh u, á¹­an la thar i la, All India leh Central Service lamah hian i lut á¹­euh á¹­euh ang u. Chuti lo zawng vai thuhnuaiah duh lo chung chungin kan kun kumkhua palh ang e! Mi pawhin an theih chuan eng vangin nge kan theih loh bik ang le?

Related posts

Kan ni bik em le ?

lzboikhar

Tooth Paste

mzvision

Mizote hla ropui!

H.Vangchhia

53 comments

littlerascal August 17, 2011 at 11:14 AM

Vai lehkhathian lo mawl deuh ho hi an tawrhhlehawm

Reply
PKfanai August 17, 2011 at 11:19 AM

Post tha tak a nih hi. Kan Lehkhathiam filawr ho ten technical line an zawh vek vang hi a ni pakhat thei angem aw? Doctors leh engeneers, bright tak tak ho hian tih tak takin bei ta se la, an hlawhtlin theih ka ring mang e.

Reply
littlerascal August 17, 2011 at 11:20 AM

Mipa sari kaih ho te hi ka hlau tawps, vai hrim2 hi chu ka nel lo a ni ber mai

Reply
Sandman August 17, 2011 at 11:24 AM

No offense, pu hlatekhua, mahse i post kan chhiar tan chuan a ngaihnawm dawn viau emaw ka tia, hetiang hna hran hrana vai hnuai a thawhloh nan a tan lak lam a ni dawn emaw ka tia, mahse kan chhiar zel chuan central (UPSC) line lam chauh a lo ni leh si a… Hetiang tho hian line dang, private, entrepreneurship, call center, investment banking, tech, advertising etc ah te pawh tan la ve tho i la, nakinah kan hnuaiah Mizo ngei an rawn thawh ve zel theih nan, ka ti deuh.

Tunah tak chuan i post hi Mizo te eng hna ah pawh tan la tura infuihna ai mah in Central Service a luh infuihna chauh a ang ka ti deuh. Central Service chu a tha em em tih chu a hai theihloh, mahse chutih rual chuan line dangah pawh hian Mizo te tan opportunity tamtak a awm tih hi kan hai fo in ka hria.

Reply
dawntliang August 17, 2011 at 11:25 AM

Post tha tak leh Mizo thalaite tana infuihna tha leh chona duhawm a ni e

Reply
mamoitea August 17, 2011 at 11:27 AM

Post tha tak ani e…..

Reply
Kitty August 17, 2011 at 11:27 AM

Good Post (Y) . Manipuri ho pawh kan tluk tawh loh hi, lehkha thiam, la naupang tak2 ho kha han tang teh u.

Reply
no_nick August 17, 2011 at 11:50 AM

4 Sandman: (Y)
@hlatekhua: Vai i tih khi ka helh deuh tlat…!! hahaha.. 🙂 Vai hnuaia awm a trul lai chuan awm thiam a tha rih mai lo maw..? Entirnan, engemaw business lian tak tan ve i lo tum ta a, mizoram ah i duh ang thiamna i hmuh lova, vai chauh an awm ta si a, chutiangah chuan vai hnuaia awm chu a pawimawh rih (temporary) tihna anih chu… Kha pa atang khan i inzir chho ve xel anga, kha pa thiamna ang i thiam ve hunah i hnuaih Mizoram mi i ruai ve anga.. tichuan inzirchho xel dawn a lawm…!! I post tha e…!! Attitude thlak deuh hlek a ngai rih..! Pu sandman a sawi ang deuh khian Civil service ah chauh nilo.. Line dang2 ah te Top Job kan lak a pawimawh tih hi hai miah lovang u…!!

Reply
Dr Mahminga Sailo August 17, 2011 at 12:00 PM

Thla hmasa a Delhi ka zin khan (tlangkam atang a ka hriat danin) IAS Coaching kal mek, Mizo thalai an tam thu ka hria a. Ka thla a lo muang ve ngawt pek a :-O :-O

Reply
hlatekhua August 17, 2011 at 12:41 PM

Sandman@4, ka sawi tum i man fuh khawp mai – Civil Service-a lut tura infuihna chiah a ni, Mizoram chhung bikah vai thuhnuaia awm loh theih nan. Ngaihnawm tur zawnga ziak ka ni lo, thiam pawh ka thiam lo. Ni e, line dang pawh a pawimawh lutuk reng a, mahse post pakhatah chuan sawi sen a ni lo ang. Kei aia hria-in line dang chu rawn ziak rawh u.

No_nick@8 Mizote hian hnam dang sawina/kohna kan nei a, sap, vai, tuikuk, takam etc. Chu chu i lo helh a nih chuan tih vak ngaihna ka hre lo, i lo helh awl awl mai a niang chu! 🙂 . Administration/sorkar hna lam ka thlur bik a ni tih chu i hriatthiam tho kha.

Reply
saint sammoo August 17, 2011 at 12:44 PM

i khaw hawi a zim deuh.

Reply
hlatekhua August 17, 2011 at 12:49 PM

#11 ;-(

Reply
Sandman August 17, 2011 at 1:08 PM

Nia Mizoram chhung chauh i sawina a nih chuan ka rawn comment khi ka ziak lovang, achhanchu khing line ka sawi a hmasawn hi Mizoramah chuan a la tangkai chiahlo maithei, market leh infrastructure te pawh a la awmloh avangin. Mahse i post rawn tan dan –

Vai i haw viau lo a nih pawhin an thuhnuaia awm chu i chak kher lo mai thei. Mizoram chhungah ngat phei chuan vai thuhnuaia awm chu i hreh hle ṭhin lo’m ni? Mahse tuna hma i lak vat loh chuan duhthlan tur dang i la nei lo thuai ang.

Heta ka lo hriatthiam dan chuan khawi hmunah pawh awm i la, phai ah emaw Mizoram ah phei chuan vai thuhnuai a awm hi kan hreh, tih ang zawngin ka lo chhiara, ka lo hrethiamlo a nih hi.

Reply
no_nick August 17, 2011 at 1:09 PM

@10: lo helh awl awl mai ang.. 🙂
11@Saint sammoo chu sawi tlem hle mai a…!! Khaw hawi a zim vang pawh ani chiah dawn mawni le… ??? a ziak tha ve tho va mahse hlatekhua a hi liberal vak lo tih ka hrethiam thei ve tlat he post atang hian…!!a khaw hawi zim vang hrim2 chu ani lovang… NOI

Reply
no_nick August 17, 2011 at 1:13 PM

@hlatekhua: rilru ah zawhna a lo lang tlat… 🙂 Mizoram chhungah hian IAS te, sorkhar head ho khi sap thiamna tha tak tak ni ta se, an thuhnuai a awm i hreh ve tho ang em le?? An thuhnuai a awm i chak lo ve tho em?

Reply
Sandman August 17, 2011 at 1:16 PM

hehe pu no_nick a sawi ang hian he post hi a hawi zim na chhan tur ka hrelo. Mizoram a kan thalai te tana tan lak infuihna tha tak a ni e. (Y)

Reply
hlatekhua August 17, 2011 at 1:23 PM

no_nick@15, i zawhna hi a hypothetical deuh a, thil thleng ngai lo tur a ni. Mahse tawi te-in ka’n chhang tho ang che…Mizo zingah chuan sap ngaisang lo pawl tak ka ni e (mimal ngaihsan leh á¹­hian á¹­ha tak tak chu ka nei tho na-in).

Reply
olgosaphu August 17, 2011 at 1:24 PM

:-[ Vai thuhnuaiah chuan kun ka tum lo hrim hrim.Hmse mi neinung leh thil tihthei deute hian kun turin min ti hlui deu thin in a lang.Sim vat chi a ni

Reply
saint sammoo August 17, 2011 at 1:25 PM

line khat chauh ka sawina a ni a, kawng dang a tam ka tihna mai a ni e.

Reply
TuaiSialA August 17, 2011 at 1:28 PM

Zirlaite tana chona leh fuihna tha tak a ni. Civil Service lama luh erawh ka tum lem lo.

Reply
no_nick August 17, 2011 at 1:30 PM

17 hlatekhua: ta se..!! tih a zawhna mai mai ani….!!
“sap pawh nise an thuhnuaiah ka awm chak lo” tih a i rawn chhan deuh pawp ka ring deuhva.. I hesitate ve deuh ani maw..!!

Reply
no_nick August 17, 2011 at 1:32 PM

OT loks: Breaking News: Anna to come out of jail any moment.. Anna Hazare set to come out of the prison after a night-long protest demanding that he be allowed to launch his indefinite strike from a venue of his choice in the capital….

Reply
doc_lib August 17, 2011 at 1:35 PM

Han lut chur chur teh u Central leh Civil services hrang hrangah chuan.Thalai te u cho in in awm anih kha, in tlawm mai dawn em ni?

Reply
restored August 17, 2011 at 1:37 PM

Sap leh vai hi halaia ka thiante hi an ni hlawma, khaikhin chi loh tawp anni an nunphung. Vaihi hi chuan kan inkawm vek chung pawhin sap hi chu an liak duai2 lo chauh, an ngaisang lutuk. Mizo chuan kan kawmte reng2 kan zawlpui en thei vek. A ziaktuin a tum ber chu kan ram humhim a nimai.

Reply
saint sammoo August 17, 2011 at 1:40 PM

@nick: theih chu ni se, ka thu hnuaiah hian a sin kun vek ula ka tih..haha.

Reply
ChhanaPa August 17, 2011 at 1:47 PM

I ngaihdan chu a tha viau. Mahse,kan ti teh ang. Mizo thalai lehkhathiam zawng2 te Central Service a luhtir tum vek erawh zawng a fuh ber dawn a mi? Politician tha te pawh kan mamawh alawm. Sawrkar hna a pension hnu a ram hmangaih thar ta thut ho hi chu….

Reply
no_nick August 17, 2011 at 1:48 PM

@25: hahahah… tha lovang..!! 🙂

Reply
doc_lib August 17, 2011 at 1:55 PM

Prime minister ka nih hunah vai thuhnuaiah in kun lo mai ang 😀

Reply
hlatekhua August 17, 2011 at 2:03 PM

ChhanaPa@26, i sawi dik e, an vai chuan luhtir tum pawh ni ila an lut thei dawn chuang lo. Politician á¹­ha hlei hlei hi a nia kan mamawh reng ni.

Reply
shylo August 17, 2011 at 2:03 PM

I thahnemngaihna a fakawm e.

Reply
Ignatia (33-115 AD) August 17, 2011 at 2:06 PM

Tha lutuk! Mipuitling tak tak kan zingah in awm hi tha ka ti hle… (Y)

Ngaihtuah chiang ang u. Rual ute hian an sawichhuak fo a nia. Ngaihthah chi a nih loh hmel!

Reply
Atom c August 17, 2011 at 2:16 PM

Vai kan tluk theihlohna pakhat ni a ka hriat chu kan technology a inthlau hman tawh em em mai hi a ni. Keini thalaite lehkhazir mek, thiamthei ve tak ni a kan hriat, kan chhuan em em te hi an rama lehkha zirte anni tlangpui a, chutihlaiin anni thalaite chu foreign ah an inthawnchhuak ve leh tawh thung a. Chutiangte nena mizo thalaite khaikhin kan ngaih tlat avang chuan kan hniam lo theilo a ni…. A tlemna berah kum 10 emaw chhung tawp hi engmah tilovin minlo nghak tase kan tluk pha angem aw, tih pawh hi chhut tham a awm ang chu, kan la tluk pha kherlo thei bawk….

Reply
vakul August 17, 2011 at 2:25 PM

Hlate khua–i post tha khawp mai. Line zawng zawng a hrut hman vek loh bawk a, Central/all india service i rawn thlur hi a tawk hrih e.

Vai tih chungchang chu a issue lem lo e.

ka lo vei ve em em ka ziah ngam si loh, a fuihtu tur takin i rawn fuih a ni e.

Reply
s dala August 17, 2011 at 2:29 PM

Vai thu hnuai a awm lothei pawh kannihloh hi india ram a tanga hruai chhuah che u chu kathiam a hruailuh che u kathiamlo kahruai lutche u a nihchua kachalah ngen mu inthun ngamlo anihchuan mizo tlangval ka tingai lo angche u titu ngeikhan india ramah min hruai lut leh miau a vaithu hnuai a awmtur in a hnung kan zui miaua khua hi varlo eem a ni :-[

Reply
Duhlian Pa August 17, 2011 at 2:39 PM

Hman atang tawha,VAICHHIA mai mai tih tawngkam hmang thang Zofate kan ni miau va,vai kan huatna hi chu zofate rilruah chuan engtikah mah a reh tawh dawn lova, mahse Vai ho mai mai ti lova,keimahni lam kawng tam taka kan insiam ve chu a ngai a ni.. Post tha tak a ni…

Reply
Sony August 17, 2011 at 2:40 PM

Eng vang chiahin nge Mizo staff ten office a English a tawng an hreh aw? Hreh tur ani lo asin. Tawng tam leh nalna ani si a. English medium a school kal lo tan pawh tawng harsa ani lo va, thiam vek a tha asin aw. Khawvela tawng pawimawh ber ani si a. Tehna chi khat chuan India ra mhi English thaim/hmang tamna ber ram ani tawh asin. An zingah tel vek ang u.

Reply
doc_lib August 17, 2011 at 2:45 PM

English hi kei pawh duh aiin kan zah deuh niin ka hre thin. Kei mizo medium a middle thleng kal pawh ka tawng ngam chuan in tawng ngam tur ani ringawt. Tawng te chu hman tama thiam ani mai. Zah vak tur ani lo, a broken deuh anih pawn kan hnam tawng anih miau loh a vangin zah vak tur a ni lo bawk.

Reply
beethugs2 August 17, 2011 at 2:54 PM

British in India an awp leh India in Mizoram a awp hi khaikhin chi ah ka ruat chiah lo. Mizoram chu India ramah awm miau vangin kan duh emaw duh lo emaw vai thuhnuai ah chuan kan awm tho tho ngai.

Mi zawng zawng tan Central Service a nih theih loh, tin, Vai thuhnuai a awm lo tur chuan kawng engkim ah kan advance ve tawk a ngai a, chumi thleng thei tur chuan vai tluklehdingawn chuang hi kan tam hneh ve phawt angai. Chu erawh ala hla ang.

Reply
malsta27 August 17, 2011 at 2:58 PM

Tha hle mai a………….. (Y) (Y)

@Sony/doc-lib: soi poh hi dik khop mai……..sap tawng a nih avanga zah tak dukna hi a awm deuh a maw ni le!!!!!! a tih theih. Thiam ang2 in han sawi ve pop2 mai ila an hriathiam loh leh kut zaizir in han ti leh ila an hrethiam hrim2……. 😀 😀 . Grammar tihte hi kan thiam hlom ltk vang hian kan hlau deuh te poh a nih hmel ka lo ti mai2……..

A thiam lo2 hian kan ngam ni mai in ka hria………………ho em mai.

Reply
CFL August 17, 2011 at 4:16 PM

post tha tak a ni e.
Central Service Exam hmachhawn tuma rilru buatsaih ve mek hi mi rawn inspire thar leha ka lawm hle mai. (Y)

Reply
hlatekhua August 17, 2011 at 4:23 PM

CFL@40, Ṭha deuhin i ti dawn nia! Duhsakna nen kan lo thlir reng che tih hria la, theihtawp chhuah ang che.

Reply
Ignatia (33-115 AD) August 17, 2011 at 4:25 PM

Mizo chhulchhuak zinga la ti tha ber- Dr Christina Zothanpari Chawngthu (Apa hi a lar em a, a hliahkhuh deuh mai pawha) pawh hi medical doctor atanga inziak tling a ni. India ram pumpuia 35-na ni pha ngat kha a ni. A namai lo khawp mai. Ani pawh hian MBBS lama a paper thlauh thlain Public Administration lam atangin a beiin ka hria.

Tih duh phawt chuan tling ngei ngei tur- thluak tha leh thil manchak in awm a ni. Han tum chhin teh u.

CFL (Y)

Reply
CFL August 17, 2011 at 5:43 PM

@41 hlatekhua & 42 Ignatia, in chungah ka lawm e.

Reply
hnapmana August 17, 2011 at 7:10 PM

Hawh u IAS vek tawh mai ang u.

Reply
hlatekhua August 17, 2011 at 9:09 PM

hnapmana@44, ni e, ni sup sup ang u!

Reply
H.Vangchhia August 17, 2011 at 9:13 PM

Vai thuhnuaia awmloh nan:

1. Nasa lehzualin zirna lamah tan ila ang u.
2. Kan hnathawh theuhah i rinawm ang u.
3. ILP leh special immigration dan kan neih te khirh leh uluk takin kengkawh ang u.
4. Vai fa kan hmeichhia ten hrin sak fo suh se.
5. Mizoram chhung mai nilo, vairamah te thlengin mi tih khalh tum/duh vangin emaw thamna (bribery) hi i sim ang u.
6. Mahni nihna aia lan san kan tum na hmang hian vai ho hian an thuhnuaiah thiam takin min tuai vir fo, sim ang u.
7. Keimahni chipui ngei te in hmuhsit kan chin hian hnamdangin min thlir a min nuihzat ru viau thin ang tih hria ila..chu chuan nasa takin kan tangrual ani tih a hriat tir anga, an zah kan kai phah thei.

Reply
hramtea_pa August 17, 2011 at 9:50 PM

A post tupa soi tum hi in man chiang lo ani lo maw le misual ho chu le….

Line dang a tam, mahse kan ram administration hi hnam dang kutah a la innghat dawn a (kan tran loh chuan), chumi a vei vanga rawn sawi anih hi!

Keini hun lai te khan hetiang zawnga min fuihtu hi lo awm se chuan ka liluh chiang ngawtin ka ring…ka zirna line a ka hahzia ka ngaihtuah letin Central Service atan khatiang khawp khan lo inbuatsaih ve ta ila ka tlin lohna chhan tur hi ka hre lem bik lo nia mawle!

A post tupa hian a chiang bawk ang, a hnung zui tlak kan tam loh em hi! Thalai rual ho, tuna in online zat zet hi lehkha han chhiar tak tak ula, in tling thei em em ang tih hi zu ring tlat a mawle…..chum on yaaaar 😀

Reply
H.Vangchhia August 17, 2011 at 9:54 PM

hramtea_pa #46 ah khian point thliah2 in ka tar chhuak ve a. Tah khian a post tu rilru mil niawm a ka hriat, zirna uar lam leh a dang pawh ka dah. hairehai 😀

Reply
hlatekhua August 17, 2011 at 10:45 PM

hramtea_pa@47, i comment para 2-na chuan a va khaikhawm nalh tehlul em! Ka sawi thiam loh tawi te-in i rawn sawi fiah a, ka lawm e.

Reply
Asteric August 18, 2011 at 3:11 AM

He post hi á¹­ha ka ti khawp mai, sawi belh ve tur reng ka neilo 😉

Reply
Benny August 18, 2011 at 12:44 PM

Fuihna tha tak a ni. A tha khawp mai. Hna dang hrim hrimah pawh infuih thar kan ngai hle mai

Reply
century child October 30, 2011 at 11:35 PM

(Y)

Reply
malsta27 October 30, 2011 at 11:48 PM

(Y) (Y) ………….

Reply

Leave a Comment