HAHAHA

Vanramah

Rinna-a kan thlir thin Vanram hi kan thlir dan a in chen lo thei hle ang a. Rinna tlem leh chak deuhte thlir dan phei chu a inthlau hle ta ve ang. Chutiang bawkin a thlirtu hawiher changkan leh changkan lohin a zir hle bawk ang. Hmunkhawhar- Kalvari atanga thlirtute tan chuan nghahhlehawm tak leh nuam takin a lang ngei ang a.

Casino Royale, La Vegas vela chetla te tan chuan thlir man awm lo, Vegas aia nuam awm pawhin a lang kher lo ang. Mizo ringtute zingah pawh dam ver vawr lai chuan vanram hi kan thlir vakin a rinawm lem loh va.

Chu vanram ropui tak chu ngai lo leh thlahlel lo taka kan awm thin vang erawh chuan kan Pathian hian thihna hmangin min kai harh thin a lo ni an ti. Thihna leh lungngaihna te hi awm lovin tawng miah lo ila chu Vanram hi thlakhlelhna chang pawh kan hre kher lo ang.

 Vanram fang tawhte hian a nawm dan leh ropui dan an sawi uar viau zel a. Hmu ve lo tan chuan mitthla ngaihna pawh a awm lo. Sight-seeing tura han dah ve zawk lah a chi der si lova, a buaithlak ru tlat.

Ka mumang lama ka vanram fan tlemte kan sawi ve teh ang.Vanramah chuan NLUP kan sem dawn cheng chuti zat kan pe ang tih vel leh chutiang zat kan pe ang kan ti lo tih hi a lo awm ve miah lo nia !!

Chubakah Lengzem neitu Pu VNTA te pawh hi an tih tur hre lo hi an lo hawi vel mai mai a. Lengzem next issue tur leh Zonet hlawk zawk a kalpui dan tur suangtuah ngaihna pawh hre lo ni awm tak hian a lo vei mai mai a. Zonuni of Zonet lah chu thawmhnaw design thar a awm loh vang nge maw ni a lo hawi vak vak a.

Zonet-a a thawh zui zel leh zel loh ka zawh lah chuan “ Ka senior deuh hnu khan min hmu ‘khal’ ta vak lova, ka bang daih a. Dawr te ka siam hi a lo ti a. Mak hi ka lo ti khawp a. Chutah Pu BTSA hi a rawn ti ti phei nawk nawk a. AMC councillor a nih hnu a a zalenna bo then tak thu hi a rawh sawi mawlh mawlh a. A hnung lawkah chuan Dinga of Zonet tho hi a rawn kal a”Eng e i tih ?” ka lo ti a. A ni lah chuan “Eeeeee…. helai chu Advertisement tur a vang lutuk a, tih ngaih na pawh ka hre lo” tiin min chhang a.

A piah deuh ah chuan LPS ho hi an lo bawr lat lat a. “Helai ah te chuan sattellite kal tlang  pawn picture leh sound a tha a, tupawhin kan programme an hmu thei a. Monthly fee awm bawk si lo, a hlawk lo eee mai “ an lo ti nak nak a. Hruaitea leh Pu Vana tepawh pro-fight buaipui tur awm hek lo, an lo thle vel mai mai a.

Harry Khiangte lah chu an nu pawnfen hi a lo pawt pharh duai duai mai bawk a. Chhuangi lah chuan kawr design thar hak tur nei hek suh, a lo ha thing em em mai bawk a. Mimi-i lah Revival Speaker kawm tur hre hek lo, a lo sssshhhh kual vak vak bok a. Mak hi ka lo ti khawp a.

A…. ka dinna hi a fuh lo a ni tal ang ka lo tia, ka awm hmun kan sawn deuh a. Pu KL Liana hian a fate ho hi ukil lemahte, misual lemahte, witness lemahte a lo chan tir a. Court lem hi a lo hawng a, a lo buai ve em em mai bawk a. A thu chhuak changin Sylvie, LMI, Puia etc hi an lo dak fan awr hlawm bawk a. “Vanram hi a lo va ho ang reng e” ti a  ka ngaihtuah lai chuan ka harh ta daih a.

Related posts

10 reasons computers must be Males

father_sphinx

Chhêmdam

TuaiSialA

Ouch!

benjamin rualthanzauva

19 comments

Ruata Pachuau November 10, 2011 at 10:38 AM

.

TuaiSialA November 10, 2011 at 10:39 AM

Tha khawp mai.

PKfanai November 10, 2011 at 10:46 AM

Vanram te Hahaha huanga han dah tak mai chu, a va ho tak ve maw le.

RenghangMan November 10, 2011 at 10:48 AM

Ram hnuk khawih thil a nih hi hei chu 🙂

awmawmpuia November 10, 2011 at 11:02 AM

Ka vanram kal chakna i tibo vek a lawm. 😀

hlimthla November 10, 2011 at 11:06 AM

I vanram hriat leh ka vanram hriat a in anglo anih khi mawle 😉

vakul November 10, 2011 at 11:24 AM

Tin heti hi a ni a, ka vanram hriatah chuan i sawiho hi ka hmu hlawm mang hauh lo va… 😀 😉

Kawnga November 10, 2011 at 11:28 AM

I fan ve hi Vanram a ni lo tawp mai! Bang lovin ‘Thisen, thisen…’ kan ti dawn alawm.

Tak taka, kan hlaphuahtute pawh hian an hmuh dan a inang lo ve hlawm viau a nia. A thenin nunna tui hi a laiah an luan tir a, a then ve thungin, a sirah an luantir ve thung a.. 🙂

^-||R@lT€||-^ November 10, 2011 at 11:40 AM

i vanram hmuh ah hian i kal chak em¿ 😉 😛

mr.Duhlova November 10, 2011 at 11:52 AM

Vanram chu fang de de lovin, Pathian hnena a kan awmhlenna tur a ni. Lo fang lawk ho hian an ti ho (common) deuh tlat.

Mihausa leh Lazara chungchangah khan Isua khan a sawi chiang khawp. In kal pawh kha a rem ti lo bur a nih kha maw? Keini hi kan lo special deuh thin nge ni, kan lo Han fang lawk leh mai thin a.
Zawlnei leh Mosia (a Hun lai a Pathianthu hriltu te) thu awih lo ho kha chuan, Mithi zing ata pawh zu kal se an awih chuang lovang a ti hmiah a NIH kha.

Dawt tih theih chiah si loh, Pathian thu en a ni thei mang silo te hi a tam ta riau…… ;-(

Soberboy November 10, 2011 at 11:56 AM

a va mak ve hi2 😀

Kawnga November 10, 2011 at 12:11 PM

Tunlai chu post a tlem deuh a ni maw? Han tang deuh teh u a..

ReMpY_ScisSoR November 10, 2011 at 1:32 PM

Vanrama i hmuh ho khi a takah an kai ngut angem aw..hahaha nangmah tiamin

Jacka Pi November 10, 2011 at 1:42 PM

Post tu pa,i mumang a niang!:fth:

century child November 10, 2011 at 2:00 PM

HAHAHA

Asteric November 10, 2011 at 2:50 PM

“Mi â chuan hlimna lam ringawt a ngaihtuaha;
Mi fing chuan thihna lam thu a ngaihtuah á¹­hin” tih pawh Thufingte ah khan a awm kha mawle 🙂

Alfred.ralte November 10, 2011 at 11:04 PM

#10 ka ngaihdan chiah ani i lo sawi hi, Mi hausa khan reilo te tal chhuk a dil pawn theih tlat tawhloh, kan mak in kan danglam bik thin a nia, thihnu dam leh tih te hi, mihring tan vawikhat thih ruat a ni chumi hnu ah rorelna a awm ang tih te a ni sia, an thi miahlo tihna ah ka ngai hmak, inlarna hmu, a in tiha a lo pianthar phah chuan ka lawmpui tho zel e…

chhana November 11, 2011 at 12:48 AM

Vanram chu kan beisei aia nuam tur a nih thu-ah hian ka chianga; a nawm dan tur erawh ka hisap thiam lo. Kal ngei thei tura in buatsaih hi a pawimawh bera chu a ni.

freerolls March 11, 2012 at 12:24 AM

freerolls…

[…]Vanramah | mi(sual).com[…]…

Leave a Comment