Fiction

Marriages: They are made in Heaven

Ka bula tui taka mu ka pasal chu ka han en a, ka lung a awiin min hmangaihtu min petu Pathian hnen ah pawh ka lawm a, ka nunhlui te ka han thlir letin kum 3 kalta a mangang leh ruma ka awm nite kha chuan tun dinhmun hi ka thleng ang tih ka ring pha silo. Ka pasal hi mite pasal leh mi pa te aiin a tha bik ka ti a ni lo. Mahse, ka tan chuan a hlu in, ka mize milpui, min hrethiam tu leh Pathian hnen a min hruai thleng leh tu anih avangin ani ka nei hi chu ka lawmin ka lung a awi a, lawmthu ka sawi nawn leh fo thin.

Ani taka, kei hi mahni infak thu lohah chuan sakruang leh hmel ah mi te phalo mah ila a rualpawl tawk leh mite pawh ‘a hmaifang a tha’ an tih ve ka niin ka thluak lah a tha in tette atang pawhin rualpui te zingah pawh lehkha thiam thei pawl ka ni ve thin. Ngaihzawng lam erawh ka ngaihtuah harin unau mipa 4 zinga hmeichhe awmchhun ka nih vang nge, ka rualpui tena ngaihzawng an neih tawh lai pawh khan ka naute ho nena cycle khalh te, bearing tawlai a intlansiak te leh Chite luia tui chen leh sangha man tih te kha nuam ka ti zawkin rualpui mipa te pawhin ‘Puii hi chu a hmeltha a, a mawl em ani’ min ti fo thin.

Ka han than chhoh a, nulat ka hriat tantirh pawh khan “Pasal atana ka duhloh chu ka ngaizawng lo anga, Ka bialpa hmasa ber pasal ah ka nei ang” tih rilru ka puin bialpa ka han neih pawh khan ka la serious in atan ka inpumpek in ka hmangaih a, rilru a ka pasal tur atana ka iailoh ani bawk nen a hlimna tur ka duhin a lawmzawng a awm tumin ka theihtawp pawh ka chhuah ve thin.

Mahse, nulat tlangval inngaihzawnna kawng ah chuan inhauh leh intihbuai nite alo thleng lo thei silo. Chung ni a lo thlen te khan ka rilru a tliakin ana thei hle a, mittui a tlak a mahni a ka room a ka tah chang a tam fo thin.

Fianrialah mipa leh rukru chu rin lohtur anlo tih hi a dik ania nge, min hmangaiha keipawh ina ka duh êm êm a chuan kan inngaizawng rei tial tial a, ka lakah beiseina a ngah tial tialin, a tawpah phei chuan khumkhat lai kan lawi dun ta a. Ka rilru chu nuam zanlo mahse ka hmangaihna avang leh kan pahnih inkar ka lak thutak em avang chuan mi pawhin an titho tiin ka inthiam chawp chho ta zel a. A tawi zawng in sawi ta mai ila, a hlimna tur atana eng pawh ka ti hrehlo chung leh min hmangaih zual phah ka rin avanga ka thianghlimna ka hlan ka bialpa chu keimah ah a lawm a kim thei silo. Ho tete ah a thin a rimin, kan inkar a chhe tial tial a, ngaihzawng dang te min neih sanin, keichuan ka ngaidam in keimah ah a beh ngheh nan tiin a thu thu anga awmin ka theihtawp ka chuah a. A tan zawng a tawklo ania nge, ka laka a awm dan a dang tial tialin a tawpah phei chuan min then ta hial a.

Ka rilru a na in, ngaihzawng ka neih ngailoh bakah amah ka hmangaih êm avang leh kan inkar ka lak thutak em avang chuan ka thinlung a keh sawm in a tliak a, a rum in hlimni ka hmu tawh silo. Pathian lakah te pawh ka vuiin ka nu leh pate leh ka thiante lakah zep thin mah ila ka nun chhungril a ral a, ka lehkha zirlai ah te pawh ka tla hniamin mipa ka hua a, ka tan chuan HMANGAIHNA hian awmzia a nei si lo.

Hun leh kum a ral a, pawnlang ah ngai awh mah ila, ka chhungril erawh a ruak a, ka rilru natna avang chuan kum tam ngaihzawng neilo leh rilru hliamin ka awmin amah ka hmuh te leh kan sulhnu ka hmuh chang te chuan rilru a tharin thinlai na a let leh si thin.

Mahse Pathian hi chu a thain ngaihzawng neilo a kum tam ka awm hnu leh ” Nula Senior” tia mite pawhin min koh fiam hnu leh pasal neihna chang hrelo tih khawpa ka phanchang hnu ah kan pa hi ka tawng ta a. Kan rilru a inmilin min hrethiam a, min hmangaih mai bakah Pathian min hriattir lehin nupa ah hial kan insiam ta a nih hi.

Tleirawl lai leh thatlai chuan ngaihzawng neih a thalai nun chen chu a awmlo theilo, mahse nupui pasal thu ah chuan kan thulo in keimahni duhthlanna a ka nupui, ka pasal tan ka duh tih a ngaihzawng chungchang a serious vak hian kawng tha lo ah min hruai thei in kan nun a tichhe thei si.

Ngaihzawng lap deuh a neih a then zung zung tur ka ti a ni lo, mahse ka tihsual ang tisual ve lo turin ka ngen che u in, kan bialnu/bialpa chungchanga harsatna a awm a kan inthen anih pawhin tawngtai chungin pawm ngam a tha, kan tana tha tur chu chunglamin a
hre si.

Keipawh ka bialpa hlui nen kan buai khan ka tawngtai nasa a, a rem thei silo. A hunlai khan lo pawm ngam ila tha tur. Mihringa tihlawm ka tum khan sualna ah min hruai lutin tun thlengin hlet anei anih hi. Kei zawng ka experience atangin ‘MARRIAGES ARE MADE IN HEAVEN’ tih hi a dik tih ka chiangin ka pawm ta thlap e.

Related posts

Hmangaihna Inphiar

aduhi

Wednesday Fiction: Aw..Jenny..! by Mr.TSA

aduhi

I’m Back – Assam Rifles Ram Bomb Ang!

zopaFX

27 comments

Rimenhawii January 26, 2012 at 3:12 PM

I nupui pasal,in neih fuh te hi chu an lawmpuiawm..:)..

Reply
zualbonez January 26, 2012 at 3:20 PM

http://www.youtube.com/watch?v=2MaVyPoD-E8 hetiang hi pasal atan chuan very husband material anti (Y)

Reply
Soberboy January 26, 2012 at 3:49 PM

queen hla made in heaven ka hre chhuak zawk nia!!

Reply
chhangteval January 26, 2012 at 4:09 PM

Relationship hi siam that theih tawh loh chin a awm a, hetiang hunah hi chuan mahni intih chhiat phah nana hmang lovin theihnghilh tum zawk tur 🙂

Kan theihnghilh hma leh kan dam hma ani mai. Anmahni min hriat chhuah thei thil (entirnan.. an thlalak, gift, etc) te dah bo ngam ila a tha ber. .. an tia 🙂

Reply
keimah January 26, 2012 at 4:45 PM

Kawppui turte hi chu Pathianin a ruat thlap tih hi ring ngam ila chuan tih sual a tlem deuh mahna.

A tlangpui thuin mipain hmeichhe hnenah hmangaihna lantir tura mutpui kher (inneih hmain) a ngiat chuan a hmangaih tak tak lo tih hriat tur. Hei hi hmeichhe tam takin an hre phal lo va, bumin an awm leh thin. Mipain duh duha kan theih hnu hi kan ngaisang ngai lo! (ti tawp mai ang). Hmeichhe ho kha harh rawh u!

Reply
Astericâ„¢ January 26, 2012 at 4:48 PM

lamea25 hian min chhui a tum siah comment ka hlau deuh hlek a, mahse comment ve hram ang.

Ziak tha khawp mai, ka lo save hmak e 😉

Reply
bk January 26, 2012 at 4:53 PM

Ziak thiam hle mai…

Reply
saint sammoo January 26, 2012 at 5:03 PM

Ka hmangaih ber ka nei thei lova..min hmangaih tu ber(ni a ka hriat) ka nei a, kum tam a liam ta, vawi khat mah ka la inchhir eih lo.

Reply
Tialthluaii January 26, 2012 at 5:07 PM

tha hle mai,rilru nat hi avan hreawm tak!hla ngaihthlak ngamloh a tam si.hahaha

Reply
saint sammoo January 26, 2012 at 5:14 PM

Hmangaih ber neih theih loh chu nupui fanau te mut rehah pawnah chair lak chhuah a van lam thlir voh voh a awl..haha..

Reply
sheldon170 January 26, 2012 at 5:26 PM

Va ziak thiam ve. Mahse ‘All marriages are not made in heaven’ tih hi thudik zawk…an tia 😀

@saint sammoo, a nih duh hmel hle tak mai 🙂

Reply
buh-duha January 26, 2012 at 5:27 PM

Post tha thei hle mai. Drama ziah chauh hi i chemkalna a lo ni hauh lo a nih hi le! (Y)

Reply
lamea25 January 26, 2012 at 5:40 PM

#10 innu in a hmu ange aw.hairehai.
Tak2a, thalai te zingah hian tiang lama rilru nat hi lak dan kan thiamlo thin a

Reply
lamea25 January 26, 2012 at 5:42 PM

U sheldie, kawppuite hi hmangaih bur ila atha ber e.

Reply
H.Vangchhia January 26, 2012 at 6:51 PM Reply
muansakhi January 26, 2012 at 7:56 PM

A ngaihnawm dap dap hle mai. Nula te u insirkhen mai mai teh suh u.

Reply
lamea25 January 26, 2012 at 8:07 PM

U muan, Sirkhen.. Hairehai

Reply
Tete-i January 26, 2012 at 8:18 PM

Post á¹­ha tak a ni….Pasal ka la nei ve si lo a…Pasal min hmangaih bur tur leh ka hmangaih bur nei ila ka van ti e…

Reply
lamea25 January 26, 2012 at 8:20 PM

U tete, nupui chu sawiloh, bialnu pawh kala hmulo. Eehh

Reply
lrpa January 26, 2012 at 8:24 PM

In va lerh hlawm ve 😀

Reply
Tete-i January 26, 2012 at 8:25 PM

tunge lerh? mai mai 😀

Reply
lrpa January 26, 2012 at 8:31 PM

Tetei hi a lerh hmel e 😀

Reply
lamea25 January 26, 2012 at 8:37 PM

U tete, Lrpa hi aler

Reply
Fonz January 26, 2012 at 9:17 PM

in ruk chu “hell” a siam inti deuh ami hei? 😀

Reply
superpinqponq January 26, 2012 at 10:18 PM

KZP

Reply
chhangte_ll January 26, 2012 at 11:11 PM

Hmmm…’Agape’ ni chiah lo ‘Hmangaihna’ ve tho anih hmel..Pathian a inrawlh peih dawn emawni le :-S

Reply
bbney January 26, 2012 at 11:47 PM

Hmangaihna hi a awm tak tak emaw ni le..induhna hi hmangaihna kan ti mai mai á¹­hin ni berin ka hria.

Reply

Leave a Comment