Education HAHAHA

Sangpuiipa School ah Science Concept man ang aw

A taka kan thil tawn leh hmuh mai theih ang chi thil te a rilru sen hi chu a har lo thei a, hrilhfiah maitheih in a tak hmuh tur a awm avangin kan man mai thin bawk a ni. Hmuh theih chu a awihawm leh awihawm loh dan pawh a lan vek avangin hriat a har lem lo thei bawk a ni, thenkhat chuan “seeing is believing” te antia mahse Science ah chuan alo ni vek hauhlo. Hmuh theih thil (shape, size, mass nei) zawng zawng hi hmuhtheihloh thil atanga annihna(character) hi in tan alo ni daih a, chuvangin an chanchin zir tur chuan la hmuh ngai loh leh suangtuahna mitthla hmanthiam te alo ngaih avangin kan man thiamlo thin a ni.

Pathian thu ah lut lawk ang, Lal Isua pawh khan hmuh theihloh rinna thu leh vanram chungchang a zirtir pawh khan annihna ang ang a thlarauva sawi lovin, hmuhtheih thil hlir tehkhinna a hmangin a sawi á¹­hin a, kan man thiam phah ta em em a ni. (Jesus is best Prof. I have ever heard)

Science subject a hriathiam har ka tih em em chu Mathematics leh Physics hi a ni, a chhan chu formula/equation tam tak te leh thil te tham tak tak te zir hi ka suangtuahna mitthla hian a man thiam lo a ni, tam zawk chu in nih ve tho ka ring. Chuvangin Science kan zirin tehkhinna siam thiam hian a Concept man a lo awl zawk a, vawn rei pawh a awl a ni.

Three dimension kan zir chuan direction pathum alo lang nghala, entirnan equation ah x,y,z a awm tawh phawt chuan kan in chhuat dung(x) leh vang(y) leh bang kil(z) inzawmna lai hi mitthla ah hian lolang nghal tawp maisela, a alphabet ang ang a en chuan a buai nuaiha kan thluak a hnawk hma em em a ni(Spherical ah phei chuan a buai duh leh zual). Chutiang deuh chuan mitthlaa kan hmuh theih thil ang te a suangtuah thiam hi a tha khawp ang, mitthla thiamloh chuan QM te hi thiam ngaihna a awm reng reng lo.

Zirtirtu tha chuan example pek tur angah e an ti thin, class 12 kan zir laia Cyclotron leh Rectifier hriatfiah thiamdan hi Sangpuiipa School ah hian ka sawi awmzia leh ka concept in man theih nan han thawh ta mai mai ila. Engemaw ti zawng tak chuan a nuihzathlak a, a dik famkimlo tih pawh ka hria mahse min vawn rei tir a, Idea a build up ve zel tu a nia. Sangpuiipa in A.C. & D.C. a rawn sawi fiah khan ka rilru ah lo lang thar leh a, He lai hmuna kan mithiam te in hmuam up kaih harh nan pawh a á¹­hat ka ring.

1. Cyclotron: Sipai lubawk pakhat hi an Holder in sazai (punishment) a pe a, field bial lai tak(center) atanga tlan tan a kual zau tial tial turin a ti a. Field chu a lai tak atanga ding lam leh vei lam fit 1 vel ve ve ah line hnih a rin tlang pawp a field ko tlang thleng rawk in, field bial chu D pahnih in opposite angin a awm a nih chu. Chumi line hnih inkar(D in kar gap) a rawn tlan luh apiang chuan a mawngah a lo vaw zel a. Center-a a awm lai atangin a vaw tan a, D in kar chu alo a thlen apiangin a vaw zel a, na a ti tial tial a.  Line rin chhung (D in kar gap) chu a hun pangai ah zel tlan thleng turin a ti a. A vuak apiang khan a nat belh zel avangin a kual zau tial tial a, line rin hun pangaia thleng tur chuan a tlan chak tial tial a ngaia a vuak apiang khan a speed a chak sawt zel a. Kual chhungah(D chhung ah) chuan a speed a ngai reng a, a vuakna lai line chhung ah chiah khan a chak sawt zel a ni. Spiral angin a tlan a, a kual zau tial tial a, kual zau tak a tlan phei chuan a chak tawh hle a a rawn kual chhuah meuh chuan speed sang tak neiin target a lo thlenga a energy pawh kan lo teh ta thin a ni.
Hrilhfiahna:

Hrilhfiahna:
Sipai lubawk = positive ion(charge particle)
Holder = A.C apply
D chhung = source free region
D in kar (gap) = Source region
Spiral path = magnetic field
Target = Detector

Cyclotron hmanna thenkhat: Cancer treatment (radiation damage), best source of high-energy beam, proton therapy, etc.

2. Rectifier:
a) Half-wave:– Marble dum leh var hi a in karthlak zel a dahin kan lum a, ti chuan kawng khar pakhat hi lo dang turin a awm a. A dum a rawn kal apiangin a in hawng a, a var alo kal apiangin a in khar a, sir lam ah a luang bo zel a. Ti chuan kawngka lehlam ah chhuak in marble dum chauh chu marble var luan bo hnu zel ah(kar awl awmin) alo luang chhuak ta pheuh pheuh a.
b) Full-wave:– Marble dum leh var tho chu a karthlak bawkin kan lum leh a, mahse kawngkhar pahnih, a dum luhna tur leh a var luhna tur alo awm ve thung a. Tichuan marble dum leh var chu a inchhawk in an kawng khar ah chuan an lut ta zar zar a. Mahse an chhuah lehna tur kha kawngkhar pakhat chauh a nih avangin rawng var kha rawng dum ah alo in thlak ta zel a, emaw, rawng dum kha a var ah alo in thlak ta zel a. Tichuan rawng in ang thap chu kar awl awm miah lovin alo luang chhuak ta zawih zawih a.

Hrilhfiahna:
Marble = A.C. Power supply
Marble dum = Positve half cycle of a.c power
Marble var = Negative hafl cycle of a.c. power (or vice versa)
Kawngkhar = Diode
Kawngkhar in hawng = Forward bias diode
Kawngkhar in khar = Reverse bias diode
Rawng chi khat chauh lo luang chhuak = D.C output

Rectifier hmanna te: A.C atanga D.C a covert na a ni a hmanna a tam khawp mai, Adapter/Eliminators, power radios, televisions, computers, battery chargers, mobile phone chargers, d.c kan mamawhna reng reng kha nimai.

Tun ah chuan hemi zir rual hi in awm ka ring tawh chiah lova, a zir lo pawhin in line lam tur ah in kal daih tawh anga, hei hi chu pawl 12/Grad. zirlai ania. Hetia ka rawn ziah deuh duah chhan chu pawl hniam lam pang kan nih lai atanga mithhla a suangtuah thiamna emaw, ngaihnawm ti thei tur emaw, kan vawn rei theih dan tur zawnga science hi kan zir loh chuan pawl a sang tial tiala kan buaina a in mung chho lian tial tial duh viaua ka hriat vang a ni.

Equation alo lang nuaih nuaih tawh mai si a, khang kha a tak rama lo chenpui hi a har tawh thin a ni. Tin, pawl sang chin a an zir lai te hi mi dang zir ve map lo hrilhfiah chu har tak a ni tawh, Mizo tawng bungrua kan nei tam bawk silo. Sap ram zirna hmun thenkhata an class room te hi a hnawk thei a nia, heng te hi an explain tumna vek te a ni hlawm. Pawl hniam lam atanga a inkahpuk chaw avangin zir á¹­an tir te tan ka han vei thar ta vel mai mai a.

In tui viau chuan LHC pawh ka rawn phuah leh ang 😀

Related posts

Funeral service…

Sandman

Ka D a…

Xonas

Sensex after 21000! Quo Vadis?

maawma

84 comments

Ruata Pachuau February 1, 2012 at 5:03 PM

.

Reply
Sãñgpüîípã February 1, 2012 at 5:17 PM

Good post. (Y)

Reply
Ruata Pachuau February 1, 2012 at 5:23 PM

Cyclotron leh Rectifier……….. luckless romeo, christa te comment-ah dah ang, a hming ringawt pawh hi ka la hne.. :-O

Reply
Fellington February 1, 2012 at 5:26 PM

Cyclotron…rectifier…half wave…a.c generator..ka va han hne thei hlawm tak…Physics kha chu ka hne a ni ber e… 😀

Reply
Sãñgpüîípã February 1, 2012 at 5:28 PM

Rectifier sawi takah chuan ka siam hmasak ber hi ka ti puak thak tawh. Diode kha a letling zawng in ka lo vuah pek a. Kan sir in dawhkan ah min din tir a. Ka zak bawk si. Kha thil thleng avang khan tun thleng hian a siam dan kha ka hre bel em em ringawt tawh mai. Ka tìhsual vangin ka thiam chian phah.

Reply
Sãñgpüîípã February 1, 2012 at 5:38 PM

Mithiam pakhat tal cho chhuah kha ka tum a. Ka cho fuh ta a ang hle mai. Midang pawh khan rawn ti zel teh u.

Reply
Ruata Pachuau February 1, 2012 at 5:39 PM

#5 Haha………. Lunglei bazar venga kan thianpa pakhat pawn transistor lem a en vung vung a, Thirzaiin E,B leh C ang turin a han connect kual vel a, a on chiah mai chu an in a thim vek. 😀

Reply
funnyâ„¢ February 1, 2012 at 5:41 PM

vawikhat chu ka thianpa te decoration light chhia siamsak ka tum ve a, a circuit ka modify vel na lamah ka lo ti short palh a transistor hi ka ti puak pawp tawh. A hma aia chhe zawkin ka pe let. lol

Hetiang deuh hian ka thianpa te tape deck pawh min siam tir a tum ve a, ka’n on ti chhin chiah chu a resistor a indawt in a puak phei pawp pawp thei mawle, siam ngaihna awm tawhlo reng reng. Chu pawh chu short circuit alo awm ruk vang tho. Che chhe thei tak tak ani. hihihi

Reply
Astericâ„¢ February 1, 2012 at 5:42 PM

Fiamthu a nih khiiii… la thutak ren run suh u….in lak thutak lutuk thin vang a nia in thiam theihloh 😉 CERN ho pawhin an thil tih/siam (Expt.)te hla ah an siama an sa vel mai mai alawm 😀

Reply
Nguntang February 1, 2012 at 5:44 PM

Hrilhfiah thiam dap dap hle mai.Kan zir hun lai(hmanni lawk) khan lo ziak daih tawh la,ka pass that phah sawt tur ania.Capacitor leh barrel pawh hi a inrem phian a nia.

Reply
lrpa February 1, 2012 at 5:46 PM

(Y)
Khawnge maw kan Krista kha a awm daih le?
Post danglam tak anih hi! ka la chhiar hman lo zui!

Reply
VaiVa February 1, 2012 at 5:47 PM

Thangsir apa’n mai a lum e, hui ah… tih nen chuan a va in ang lo ve (Y)
“Thiani vawkte pathum ka lei a, an zat ka chhiar thei der lo mai min lo pui teh” kha tia. Thenawmnu nen vawi in an thutchilh a, “Pakhat, pahnih….. an inchawhchawrawi leh ta!” an tih te pawh kan hriatchhuah chu le 🙂

Reply
Astericâ„¢ February 1, 2012 at 5:48 PM

Ignatia chuan a rawn chhuah thutak leh viau ang 😀

A ngaihnawm thei ang bera ka ziah anih khi, a takah chuan a boring top 😉

Reply
Sãñgpüîípã February 1, 2012 at 5:51 PM

Kei chu han zawn kual vel hi nuam ka tia. Tun thleng hian MOSFET check dan hi ka la thiam thei lo. Class ah ka lo mutthluk san thin bawk sia. Hmanah kan thianpa te fridge current kal thalo min entir a. Current an lo on reng niin. Ka hre si lova, kut lawng in kan pawt phawi chiah mai chu ka phu nasa teh ania.

Reply
Levi February 1, 2012 at 6:06 PM

Haha… 😀 Ka chhiar zo hman lo,hman ve leh ka chhun zawm ang good post (Y)

Reply
buh-duha February 1, 2012 at 6:34 PM

He post hi ka van like teh reng em! Zirtirtuin hetianga a sawifiah a nih chuan naupang tan chuan a class-a awm a nuam ngawt ang le. School levela mathematics laboratory neih theih te pawh hi a chakawm ve ta khawp mai! Kan rama mathematics kan hlau lutuk te pawh hi a ziaawmin ka ring thin.

Reply
ReMpYâ„  February 1, 2012 at 6:40 PM

Sangpuiipa school..! 😀 (Y) ka hrethiam chuanglo reng reng.. 😀

Reply
Sãñgpüîípã February 1, 2012 at 6:46 PM

@rempy, ka thil sawifiah atangin a piangthar ani awm e. 😀

Reply
buh-duha February 1, 2012 at 7:09 PM

Pawl 11 kan zirlai velin kan inah electrolysis hmanga chi(NaCl) atanga Sodium(Na) lakhran ka tum ve a, battery chhia te lakhawmin electrode tur vel kha chu ka nei thei mai a, mahse current atan khan DC hmang lovin AC ka lo hmang pek a, ka solution-a current ka’n kaltir chiah chu kan in wiringin a tuar ngei mai(fuse wire chhah chi hman bawk chuan! 😀 )

Reply
H.Vangchhia February 1, 2012 at 7:32 PM

I ziah kual dan chu a nuihzatthlak angreng si a entirna a tha viau lawi a. Fanai thiltih tha tak pakhat a ni ve thei mai em? hairehai 😀 😛 (Y)

Reply
Ignatia (33-115 AD) February 1, 2012 at 7:37 PM

Pawl hniam atan chuan mithla hi a tha lutuk mahse thil tamtak hi chu a mitthla tumloh hi a tha fo. Thil kan zir hian QUALITATIVE leh QUANTITATIVE a awm thin a. QUANTITATIVE-ah chuan thu leh tawngkamin a sawifiah zawh loh kha mathematics hmangin an ti mai thin a ni. Mitthla theih chu sawi loh ANALOGUE theih reng reng lohte hi an tam khawp mai.

Hmuhtheihloh zir hi a logic hle a. Definition leh law, theory valid tak takah a innghat vek a ni. Definition bak bak hriatthiam tum hi mizo naupangah a tam hle a, kei ngei pawh hi ka bang chuang lo. Chungte chu PHENOMENOLOGY an ti thin tlang pui. A lo awm a ni mai. Definition chu enge ni ang a nih leh? Physics zir apiang chu physics zirlai han ti ta ila..hei hi definition chu a ni mai. Engvangin nge Physics zirlai an nih? An zir vang…. Ka nu leh pa tan kei hi an FA DUH TAK ka ni..hei pawh hi definition chi bawk. An fa ka nih theih chhan chu min hringtu a nih vang a ni. Engvangin nge min hrin tia ngaihtuah let vak vaka thil nihphung rin harsa, SKEPTIC SCIENCE STUDENT hi a awm theih fo!

Science lama theory leh law tamtak hi a dik vek chuang bik lem lo; mahse kan nunphung pangngai a sawifiaha hmantheih a nih phawt chuan pawm a ni mai, a chhan chu a aia tha sawifiahna emaw hman theihna dang a awm lo miau a.

3D mittlha chu a la zia alawm le, ORTHONORMAL SET- Spherical harmonics hmanga quantitative approach pekte hi mithla theih chu sawi loh point mass anga ngaih tur emaw tiin ka hawi chhaw rei ve fu a ni!

Cyclotron hi pawl XII(Sc) exam tur lo online sela sawi luai luai hlawh viau se ka lawm hla a ni ang. Magnetic field inchhawng(perpendicular) avanga ion lamkual hi particle accelerator chi khat a ni e.

Astericji thumbs up!

Reply
ReMpYâ„  February 1, 2012 at 7:57 PM

Ignatia comment hi hrethiam tur chuan example hran hmanga soifiah leh phot a ngai ang 😀
cyclotron hi chu Transformers ah autobot tuemaw ber hming a nih duh hmel

Reply
Astericâ„¢ February 1, 2012 at 8:15 PM

#22 😀

“Science chu reality a ni a, a awm ngei a ni tih kan hre tur a ni. Thil awm ngei pawh suangtuah thiamloh chu thiam har tak a ni. Thiam tur chuan engpawh hmanrua ah hmangin example kan set thiam tur a ni” tih hi ka rawn ziah thupui a ni. Intih thiamnana hmanga harsa tak taka zirtirtu ten thu chaikual hi kan ching hle a, mithiam apiangin thil an sawi awlsam thiam thin” tih hi ka pawm dan a ni.

A ngaithla tuten an hriatthiam loh tur thu sawi ai chuan sawi loh mai tur. Intih thiam hi a tul lo ve pangbal 😀

Reply
Tete-i February 1, 2012 at 8:24 PM

# 13….hihihiihh (Y)

Reply
Tete-i February 1, 2012 at 8:29 PM

Aste, i thil post hi a thui eeeee…nakinah ka chhiar ang..a á¹­hat hmel khawp mai.. 😉

Reply
Astericâ„¢ February 1, 2012 at 8:38 PM

#22@RemPy….Cyclotron chu pawl 12 ah pawh khan i zir tawh lawmni. Particle tih chakna a ni mai, particle pakhatin energy sang tak a neih theih nana a speed tih chak vak kha Cyclotron principle chu a ni.
Chuan particle energy sang tak kha cancer cell chhun hlum tu ah te an hmang a 🙂

Engtin nge particle speed chu kan accelerate dan tih kha sipai inhrem hmangin ka mitthla thin a, chu chu thil awlsam taka ngaihtuah alo that zia example ah k rawn hmang nih chu 🙂

Reply
Mizokop February 1, 2012 at 8:40 PM

Post tha tak a ni, Ignatia comment pawh a ngaihnawm e, mahse physics lam lo bakkaih ve hlak tawh tan lo chuan particle accelerator etc. vel hi chu hriatthiam a har deuh. Zirlai leh zirtirtu engzatin nge he post hi chhiar dawn ka hrelo a, mahse kan ti teh ang science hi a basic deuh hi chu a tak pawhin a entir theih a awm teuh mai a, a bikin elementary leh secomndary level, helai stage hi tun ai hian kan ngaih pawimawh a ngai hian ka hre thin. Zirtirtu tam takte hi ka duh ai chuan an taima lo deuh. Teaching methods leh techniques tam tak a awm a, hengte hi haichhuah a hman tangkai a tha khawp mai.
Tin, Science a mathematics rawn telve hi a tibuaitu nilovin a tifiahtu leh a ti famkimtu a ni fo bawk a. Hengte hi zirtirtute hian kan zirtir fuh phei chuan science ti awltu a ni hial thei niin ka hria 😉

Reply
lr hlonchhing February 1, 2012 at 8:41 PM

“Cyclotron is based on the principle that a ve ion can acquire sufficiently large energy with a smaller alternating p.d by making it to cross the same electric field time and again by making use of a strong magnetic field” ti a Cl-XII Sc a kan vawn lai ka la hre reng thin.
Manipur teacher thiam zet maiin, thlan tla dapa a sawi lai khan ka hmang tangkai ber a. Particle accelerator chi khat ai hian addition leh substraction erawh ka la hrethiam zawk a. Ka la hmang tangkai zawk bawk.
Chuan, sine of theta, cosine of theta hmanga nula rim a ngai lo pawh ka vanneihna a ni. Ka sawi tum tak chu, kan zirlai hriatthiam a pawimawh rualin; ka tana hman tangkaina tam lem lo hian min disturb pha chiah lo.

That’s my backward principle… 😛
Anyway, nice job. Good post.

Reply
funnyâ„¢ February 1, 2012 at 8:48 PM

Cyclotron aichuan cyclone hi a hlauhawm zawk. Ve kauh mai a. 😛

Reply
Astericâ„¢ February 1, 2012 at 8:49 PM

Mizokop & lr hlonchhing (Y) ka rilru in rawn man dik chat chat e. Elementary vela suangtuahnaa min tuh thiam loh chuan a chung lama a har tawh zia a ni. Equation tlar 1 a nih laia a awmzia kan hriat loh chuan tlar 10 vel lo bawr thiau chu hriatthiam ngaihna awm lo. Mathematics chu chawh dik a nih rualin Physics ah chuan tools a ni a, meaning a nei ngei ngei tur a ni thung. Chu chu min hrilhfiah thiam tur a ni, a chawh dik dan nilovin.
Kan naupan laia zirtirtute an thiam ang aia min zirtir that loh zia…………ka hnuk a ulh ;-(

Reply
nell_maiden February 1, 2012 at 8:52 PM

va lunglengthlak tak ve.. Van deGraff generator leh Cyclotron hi XII kan zir lai khan an in chhuak chhawk thrin board exam ah khan..

Sawi ngaihnawm thiam sawi takah chuan Pu A Sawihlira(RIP) kha a sawi ngaihnawm thiam e an tih kha mawle. Kan tawng ve phalo na a, a lehkhabu threnkhat, viz Finna Kailawn, Science Thu Ngaihnawm a ziah dan atang kha chuan math leh science chu a zirtir nih a chakawm hmel khawp mai.
XI Maths a permutations and combinations a hman trangkai dan, thawnthu deuh roh hmanga an ti kual vel te kha a ngaihnawm ngawt mai.
Geometric progression phei chu example a siam nasa lehzual.
HV a comment ang deuh khi keipawh ka ngaihdan chu a ni ve tho mai.. Higher level a zir tak tak chuan, mitthla tum kher hi a fuh vaklo.. Pathian thu ang deuh hi ania physics hi chu.. hehe hmulova ringtute hi kan eng a thawl a ni. Tih tak emah chuan sub particles te chu sawiloh, physics bulpui a sawi atom takngial pawh tuman an la hmu hleinem le..

Reply
Astericâ„¢ February 1, 2012 at 8:56 PM

@nell_maiden: Atom te hi tumahin kan hmu lo, mahse ngate a lem an ziah chuai chuai si. A orbit te kan rinkuala photon jump dan te a lem kan ziak thin a ni lawmnu. Imaginary atang lo chhuak a ni, chu ngaithuah thiamna tak chu conceptual an tih chu a ni lawmni. Chutiang atanga ngaihruatna siam tal loh chuan atom te hi zir ngaihna awm hleinem ;-(

Lal Isua pawhin vanram chu aná¹­am chi nen te a tehkhin, dawidim nen te, a concept kan man theihna turin a ni lawmni, a tum a á¹­helh chuang lo 😉

Reply
nell_maiden February 1, 2012 at 9:11 PM

Isua tehkhin thu nen kha chuan compare chi a nilo.. tehkhin thu hman chhan kha a concept man nana tih a nilo.. mi thenkhat te tan a niveloa.. mi thenkhatte tan chauh(thlante) a nih avanga midangte hriatthiam ve loh nana tehkhin thu a sawi ani zawk.(MAtt 13:10)

tak tak ah i sawi khi chu a dik alawm.. mahse ka sawi tum zawk chu, khing2 chu elementary stage atan chauh a tawk.. hrefiah chiang tak tak tur chuan abstract(mathematical) a luh leh a ngai tho tho. electron lem te chu dah ve thrin ni bawk mahse…(tunah phei chuan an dah tawh ngailo..since HEisenberg uncertainty)a nihna tak2 a phaw chhuak pha chuanglo… textbook/blackboard ah a leng theilo hrim hrim..
nucleus kha atom hmun 20,000 a threna hmun khat a tling ve trok a maw kha a nia…

Reply
sangteaoptics February 1, 2012 at 9:19 PM

nell_maiden (Y)

I sawi tum leh ignatia sawi khi ka thlawp e. Elementary ah hian mithla lam hi a tam ang.Zirna sangah chuan a ni thei lo.Atomic model an pek dawn pawh khan alem siam chiah a ni mai a bak zawng chu mathematics astract lutuk vek a ni.Sei hlawm bawk si.Tumah hian hydrogen wavefunction chawhchhuahte hi an mithla ngai dawn lo reng reng.Mathematics dikzia rin kha ni mai.Zin lai a nia ka lo misual ve.ka insum thei loa comment.

Reply
Astericâ„¢ February 1, 2012 at 9:21 PM

#34 Hydrogen wavefunction te pawh graph representation a awm zel alawm, Energy eigen value leh eigenfunction hmangin, chu chu mitthla na atang bawka lo chhuak alawm, chawh chhuah mawl tawp a ni chuang hleinem 🙂

Reply
sangteaoptics February 1, 2012 at 9:26 PM

He he I sawi sual alawm.Mathematical modelling atanga lo chhuak ani zawk.Chu chu kan hmang a ni.Tin alo chhuak baklo chu engmah a mithla theihloh chu pawh modelling hmang thoin.Electron probability distribution cloud pawh mathematical modelling thovin.

Reply
Astericâ„¢ February 1, 2012 at 9:28 PM

Kha Mathematical modelling i tih pawh kha tu law atang emaw a lo chhuak vek tho a ni. chu law chu a mal te te a lak chuan imagine theih vek tho ala ni 😉

Reply
buh-duha February 1, 2012 at 9:28 PM

Asteric ka lo tan ve lawk. Mitthla tur awm lo chuan physics-a hmuh theih loh thil(physical quantity) te hi man ngheh an har thin. ‘Electron SPIN’ kan tih pawh hi hmuh theiha spin tak tak a ni lo chung pawhin ‘spin’ tih hming mithiamten an vuah talh tho anih hi. Mitthla tura thil a lo awm tel ve hian thil chu a fiah hma zawka, vawn rei a awl zawk bawkin a lang.

Nimahsela, a diak diaka tehkhin theih loh thil tam tak erawh chu a awm tho mai.

Reply
Astericâ„¢ February 1, 2012 at 9:32 PM

@buh-duha….clap clap clap….Quarks te pawh hi chi thum an awm Green, Red leh Blue, mahse a takah chuan an colour tak tak tihna a nilo, a zirtu in charge particle leh non-charge particle a thliar hran theihnan colour kha charge angin an vuah ve tawp a ni. Hengte hi mitthla chawp tur liau liauva colour hi pek a ni.

Reply
buh-duha February 1, 2012 at 9:32 PM

sangteaoptics …hydrogen wavefunction te kha mitthla theih turin a angular, radial etc.. dependence te kha lehkha phekah kan plot thin a ni lawm ni! Crystal Field Theory phei chu mitthlaa wavefunction plot ho tel lo chuan a zir theih loh tluk a ni.

Reply
nell_maiden February 1, 2012 at 9:34 PM

ngawiteh u in sawi ril lutuk.. a line ni velo tan.. a boring lutuk dawn.. hehe
Ti zawng hian ti teh ang. Zo trawng takin mathe man fuhloh chuan physics hi a zir thui theih tak takloh.
Example mawl deuh kan hmang leh ange.. Ni leh lei inlenhleih zawng ringawt pawh hi blackboard ah emaw ziak dawn ta ila(same ratio), lei diameter ah cm hmang ta ila, ni kha blackboard ah a leng miah dawnlo. chu ai chuan, Ni hi lei let 330 vela lian a ni tih khan mathe thiam tan chuan a fiah nghal vek thung..
Ni leh lei inkar hlatzawng leh ni leh Neptune inkar hlatzawng te pawh hi same scale in siam leh dawn ta ila, blackboard ah lan ngaihna a awm leh maplo… Mathe a hriatfiah leh tawp a ngai tho mai.

Hmanlai chuan, khawchhak hovin, “A picture speaks a thousand words” an ti emni, mahse Physics zirna sang lehzualah chuan picture hian a daih meuhlo chu a ni e.. lol
Picture tih khi number tiin thlak se a inhmeh zawk ang.
🙂

Reply
Astericâ„¢ February 1, 2012 at 9:40 PM

#41 nell_maiden: i rawn sawi real leh lutuk 😉 kan mitthla tur kha exact tur tihna ni kher lo, suppose tur a ni. Chutiang ten Universe engtinnge kan zir theih ang 😛

Reply
buh-duha February 1, 2012 at 9:46 PM

nell_maiden…Physics-a concept eng emaw bikah mitthla harsa tur khawp eng emaw thil a awm emaw chu han chhawp chhuak chhin teh, i sawiho teh ang u

Reply
nell_maiden February 1, 2012 at 9:47 PM

#42.. hehe.. chuvang tak reng a.. mathe chauhin a zir theih ka tih reng.
SAwi leh ta zel ila, post dang han siam law law teh engtin nge mizote hian mathe hi kan thiam lehzual theih dan tur? tih ang deuhin. High School level atrang hian a nawlpui hian maths hi an hlau deuh rohva. Maths thiam/man tak tak loh chuan Physics, Chemistry, Economics etc hi a tih theih bau siloh.

Reply
Ignatia (33-115 AD) February 1, 2012 at 9:50 PM

Inlo intibuai elaw?

Mithla tur a awm a, mithla loh tur a awm thei bawk ang. Ka sawi ang khian qualitative approach kan pek chuan mitthla a ngai chiang bang. Mahse quantitative approach pek ngai- thu, picture leh tawngkamin a sawifiah zawh loh chu mathematics bak lo chuan a tih theih loh.

In dik ve vein ka hria. Mithla theih hi pawl hniam lamah a awmzia a sangah pawh a tul tho mai. Mahse a tul vek lem lo mai thei bawk a. Tensorte hi mithlana khua a kaw lo khawp mai definition atanga lo chhukthla a ni. Physical interpretation lam chu a tak viau thung.

Quarks sawi takah chuan a rawng physicist hoin an pe thlap hi EPISTEMOLOGY lam hian an haw lutuk a chhan chu thil awm lo hypothetical a nih avangin. Nuam ve mai mai. Physicist ho hi an lo tha e, Pathian thu pawh an hriaa, phylosophy of life pawh an man tlat, he forumah hian… Funnyte phei chu tawhkhirh tak a nih hi.

Reply
nell_maiden February 1, 2012 at 9:54 PM

43.. kan sawi tum dan a inang ta lo tlat.. keichuan, exact deuhin pix in a hrilhfiah theihloh thu ah daih a ni ka tran ni. A chunga khi ka sawi tawh khi. supposition atan erawh chuan ka pawm tho e.

Reply
Chemtatrawta February 1, 2012 at 9:55 PM

A thiam hi chu in thiam mawle aww… keini pawl thum science pawh bei fe tan chuan in ropui mang teh e.. Nula pakhat atchilh bur atan chuan a ziaktu hi ka ui mange.. 😉

Reply
Astericâ„¢ February 1, 2012 at 10:03 PM

@Chemtatrawt….Sawi simple ka tum tehreng nen an rawn in ti thiama a bam leh vekkkkk tawh 😀 😀 😀

Ka concept hi chu an man tho chuan ka ring mawle, buh-duha chuan hrethiam khawp mai ah. Tlema kan thiam zawng an rawn sawi hian lo lansarh ve loh hi kan hlau thei riau in ka hria 😉 fth

Reply
Chemtatrawta February 1, 2012 at 10:07 PM

Asteric, Cheng 10 note aia, cheng 1 thir pathum leh cheng 2 thir pakhat leh cheng nga thir 5 ngaihlu tlat hi an tam ve chawk ania. Khawi hmunah pawh hian tuithawl aknawi pawl hi chu an awm zel.. 😉

Reply
Ignatia (33-115 AD) February 1, 2012 at 10:12 PM

Tete-i comment number 13na chu indirect lutukin min nuih a ni maw.

Helaiah hian Pu Muantea, Pu Caribou, Pu Vakula, Pu Chawnghilha, Pu Zoho-a, Pu Donald, Pu Art, ldt., awm loh hnu hian mal ka inti satliah lova RIAKMAW aiangin vai ka inti asin. Anni awm lai kha chuan han HO ve zuai pawh kha nuam tih tak a awm a mahse tunah zawng ka inkhek khal a ni e.

On the contrary: We don’t see people as they are but as we are.

Reply
chhangteval February 1, 2012 at 10:13 PM

me is bery2 bo :-O

Reply
funnyâ„¢ February 1, 2012 at 10:13 PM

mitthla in sawia quark te in sawi kai bawka 2004 nobel asymptotic freedom tehi layman tena ngaihtuah dan an thiam dan turin an sawi awlsam thiam khawpmai. An equation in enge a sawi a, a nihna tak an zu chiang bawka. 🙂
http://www.youtube.com/watch?v=sQcVm8UCYQg
hmanah khan rubber nena a khaikhina a explain kha ka hmu a, tunah a link ka hmu ta mai theilo.

Reply
Astericâ„¢ February 1, 2012 at 10:18 PM

á¹­en á¹­en…. funny hian heng harsa kan tih em em hi rap a phuah chhuah a tum mek tih ka hria. A music mil te pawh a zawng mek 😉 A phal anih ngat chuan ka la rap pui ve ang 😀

Reply
Ignatia (33-115 AD) February 1, 2012 at 10:19 PM

Vanlalfunny: Hmanniah David J Griffiths-a thla ka lakpui a nia aw. Tin, he wave pendulum hi lo en ve chhin teh awmzia riau asin. Mithla a ngai ti lama tangte tan plus point…..

http://www.youtube.com/watch?v=yVkdfJ9PkRQ

Reply
nell_maiden February 1, 2012 at 10:22 PM

khaia… a zialo em mai.. inti fing zawnga intih chu a? hehe..
in sawi tum chu ka hrethiam lutuk alawm… hman pawh ka hmang ve fo reng.. a limitation thenkhat ka rawn tarlang mai mai a ni e.
ka theih ang tawkin pix leh graph hi chu ka hmang nasa ka students te hmaah pawh..
a hma a ka rawn quote, sap or chinese thufing khi dik riau hian ka hre roh va.
😉

Reply
Sãñgpüîípã February 1, 2012 at 10:22 PM

Science chu a tih a tih ani. Nula rim pawhin science nen chawhpawlh loh tur. 😛

Reply
funnyâ„¢ February 1, 2012 at 10:25 PM

Heihi 2011 nobel prize. non-linear correction of hubbles law. A bul thumah chuan Pu Einstein-a alo in rawlh leh hman tlat pek. (Y) Hetianga an sawi hi chuan a awlsam ve hmel fu zel asin. hehe 😛
http://www.youtube.com/watch?v=v6o2bUPdxV0

Reply
sangteaoptics February 1, 2012 at 10:26 PM

Lansarh lam ni loe.Kan hriatve zawng leh tuizawng kan comment ve alawm.coment tur awm ber niin kan in hria.A posttu hi alangsar ber.

Reply
Ignatia (33-115 AD) February 1, 2012 at 10:29 PM

HNA(KAAM) ka ngahzia hi ka theihnhilh leh thin. Saalaa….

GNITE ALL!

Reply
funnyâ„¢ February 1, 2012 at 10:29 PM

haha ignatia ava mawi reuh ve. ka va haw ve tawh ange, ka va mu til tel teh ang. Lo inhnial hot zel ru. 😛

Reply
Chemtatrawta February 1, 2012 at 10:30 PM

Commerce hi a chawh a chawh a ni. Science ai hian commerce hi tih hmasak a tha, a tih a tih ngawt ai chuan a chawh hian chawh fel hmasak phawt zel tur. 😉

Reply
lrpa February 1, 2012 at 10:31 PM

ka thianpa vai pa mathe thiam deuh hna thawh ka en sak a, a awmzia ka va bo tak..Fractals, Wavelets, Approximation Theory te atia ka bo tulh tulh a…iit, madras ah a awm tawh..

Reply
Astericâ„¢ February 1, 2012 at 10:32 PM

nell_maiden & sangteaoptics Ka ti bik lo che u,2nd sentence khi chu kan nihna tlangpui (including me), science ah chauhlo pawh ka sawina ni (for all post)

humour ah i seng lut ang u 😀

Sangpuiipa School ah Science Concept man ang aw ka rawn tih deuhna chhan kher khi in hre lo em ni 😉 Sangpuiipa hi chuan a hria ang 😀

Reply
Sãñgpüîípã February 1, 2012 at 10:35 PM

High School kan kal lai khan Biology subject ah kan zirtirtu in ‘hman than apiang a lian’ a tia. Kan han lawm mai mai khawp a. Kha kha tun thleng hian ka la hre reng. A kawh tum bo chuang lova entirna leh hriat awlsam theih dan tura inzirtir hi a lo tha khawp mai.

Reply
nell_maiden February 1, 2012 at 10:43 PM

hehe.. my conclusion:

Ignatia (33-115 AD) hi big bang theory serial a Sheldon Cooper-a nen khan an inang ka ring.

Astericâ„¢ hi chu Leonard Hofstadter or Howard Wolowitz

lol…

#64
keini pawh kan math teacher in, angle bisector leh point of contact hi mipa englo te nen an tehkhin chiah mai chu, tumahin kan theihngilh thei tawh reng2 lo.. haha…
a lo inang em lah tak ah. an hnathawh dan hi..
😀

Reply
Astericâ„¢ February 1, 2012 at 10:44 PM

@sangteaoptics…ngaihruat harsa in tih te chu rawn chhawp chhuak ula, tuemaw chuan nuihzathlak deuhin a lo sawi thiam leh mai thei a sin. Hei hi nia David J Griffiths-a lehkhabu pawh miten chhiar nuam an tih em em na pakhat chu. 🙂 Boring lutuk tur kha engemaw word tlem belhin a sawia, nuih a ti zaa kha khan a boring na a hliahkhuh ve phah hlawm hial a ni. 🙂

Reply
Sãñgpüîípã February 1, 2012 at 10:47 PM

High School ah kum khat vel IT ka zirtir a. Practical a an khawih hma in theory in ka zirtir a. Entirna nen ka hrilhfiah thin a. Kawngka leh tukverh ah hian entirna ka siam thin a. Practical kan tih khan an mahni ah theory a entirna nena ka lo hrilh tawh avang khan awlsam taka an ngaihruat thiam tawh avangin kawhhmuh hran an ngai tawhlo a. An ti thiam nghal zel tawh mai. Left click pawh hi zungchal phut zeuh tiin han hrilh mah tehu, an hrechiang ngawt ang.

Reply
Astericâ„¢ February 1, 2012 at 10:54 PM

@Sangpuiipa…Kinetic Theory of gases pawh hi kan zir lai khan ka ning lutuk a, ka chhiar rualin gas molecule kal dan apiang khan lam pahin ka kal zel a, collide with the wall a tih te khan ka room bang te kha ka su der a….rei lo te ah nui vur vur chungin kan bel hle tawh mai ni 😀 He thil ka hriat chhuah apiang hian ka hriat thiam dan kha ka hre chhuak ziah.
Hetiang chiah hian Scientist te pawh hian an thil hmuhchhuahna hi an mitthla ah a cham ve reng zel in ka ring. entirnan: Isaac Newton sawi leh Apple tla kan hre deuh ziah ang hian 🙂

Reply
Sãñgpüîípã February 1, 2012 at 11:02 PM

#68 (Y) Kei pawh hi ka dangdai ve hrim hrim a. ABC leh number hi bus lem leh helicopter lem hmangin ka zir thin. Chutiang anih loh chuan ka thiam thei ngailo reng reng. Mahse khatianga zir thin khan kan class ah top ka nih loh pawhin pahnihna aiin ka hniam ngailo. Fiamthu tel hian in zirtir ila a fiah uarh bik in ka hria. AC leh DC te pawh kha a hrilhfiahna pangai chuan sawi ila a la hre ngailo tan hriat a har dawn a. Ban atanga rawn lut han tih mai kha chuan tu pawhin kan mitthla thiam mai ang. 😀

Reply
lushai_er February 1, 2012 at 11:04 PM

Psychiatrist ka entir vek dawn che em maw ni chu le…! 😛

OCPD 😉

Reply
Sãñgpüîípã February 1, 2012 at 11:08 PM

#70, science zir ho hi chu an â hû zel an tia. Tak tak ani ang. (Y) 😛

Reply
VaiVa February 1, 2012 at 11:59 PM

Zanin chu mut hmunah Asteric a te, funny a te Ignatia te, sangteaoptics te, za vaiin zawng zawngin ka lo mitthla hlawm teh ang che u. 😛 ReMpy leh Tete-i hi picture ve chi an ni em? quantitative nge qualitative @ Asteric &Ignatia 😛

Reply
kawlhawk February 2, 2012 at 12:25 AM

A hmasain paws hi ★★★★★
Kan Tv zang-fak-awma paws zet chu kan mithiamho an fuankhawm nasa hle mai a…!!! (Y)

Broiler ar note-in thla khatah chaw kg engzat nge a ei? Thla hnih a nihin hral ta ila a note man, a chaw man, damdawi man, enkawlna man engzat vel nge sen ngai? Eng tiata lian/rit nge a nih theih? kg 3 a nihin hralh ta ila engzat nge hlep awm thei? A nunga hralh nge hlawk ang a, a puahsain…????????????? In hre bik a mi? lolzzz :p

Reply
Astericâ„¢ February 2, 2012 at 12:29 AM

#73@zang-fak-awm….haha, Broiler nanana chu kan mitthla a mi pawh i rawn chan sawm thei ang chu male 😀

Reply
kawlhawk February 2, 2012 at 12:40 AM

At phah lek2 khawpin lehkha ka zir e… in tia, in thatlai, in vanglai hun zz zir nan in hmang a, kum 35 hnuah pawh la inzir chhuak hleithei lote in awm a, nun in tihah tlat! 2 +2 = 4/ 2 * 5 = 10 in thiam chuan a tawwwwk! hna thawk ula, sumdawnna lamah kal rawh u… lolzzz Ka pu min zirtir dan a nia. hahthlak asin awwww… 🙂

Reply
Sãñgpüîípã February 2, 2012 at 12:45 AM

#75 😀 A dik hmel fu ni.

Reply
Astericâ„¢ February 2, 2012 at 12:47 AM

#75@zang-fak-awm….mahse khi aia thlan zawk khi ka nei a ni tih erawh kha chu hre reng la 😉

Reply
lamea25 February 2, 2012 at 12:52 AM

Zanin chu lung ava leng ve

Reply
bbney February 2, 2012 at 12:53 AM

A va á¹­ha ve aw.. Albert Einstein a em ni, “If you can’t explain it simple enough, you don’t understand it enough” titu kha..

Reply
Astericâ„¢ February 2, 2012 at 12:57 AM

#79@bbney…Nie mawle, kha kha lawm nachina sawi ka tuma ka hriat chhuah lawk loh chu (Y)

@lamea25….i harh lai vel a mi kha nih khi 😀

Reply
ChhanaPa February 2, 2012 at 2:09 AM

(Y)

Reply
funnyâ„¢ February 2, 2012 at 12:01 PM

Asteric techuan periodic table pawh hetiang zawng hian an memorize duh hmel. 😛
http://www.youtube.com/watch?v=TIYSTbopHH0&feature=related

Reply
Astericâ„¢ February 2, 2012 at 1:58 PM

#82 hahaha…. hai chhuak mak thei be awwww 😀

sual pa pa dawt sawi dawt fuih pawrh fuih pawrh gi daw daw suh

Hei hi enge i hria em?

Shell Model configuration
s,p,p,d,s,d,f,p,f,p,g,d,d,s,h

a nih hi 😀

Reply
Chhuaklinga February 2, 2012 at 3:31 PM

Ka hriat thiam aiin ka hriat thiam loh a tam mah zawk, a tha hrim hrim e. Rectifier erawh khi chu ka hmang tangkai ve nasa mai. (Y) 😀

tren tren.

Reply

Leave a Comment