Information Mizo Society & Culture Nature

Vapual (Hornbill)

[Source: MUP Tlangau April 2011 Pu K.Malsawma ziak]

[ ‘Pu Saitluanga Sailo’ ,  Sialhawk lal fapa pasaltha (kum 87 mi) sawi dan !]

“Vapual(Horn-bill) hi tunah chuan Mizorama Sava lian ber a ni tawh mai thei! Sava mawi tak mai a ni a. A nu aiin a pa hi a mawi zawk a. Vapual pa ngat phei hi chu thingzara an han thu hi “Tlai lam lukhum”  mawi tak khum ang vah mai hi a ni.  Phaibawm ngawpuiah a cheng ber a, Zo ngawpuiah a cheng ve ngai lo.

Bung rah hi a tlan duh berte zinga mi a ni. Sava mit var tak a ni a, kah erawh chu a har khawp mai. Thing lianpui kawrawngah bu a chhep a, a bu chhehna tur thing kawrawng chu a hmuiin a tuk kua a, chumi kuaah chuan an lutin an chhuak thin.

Vapual hi nupaa cheng thin an ni a, a rualin an awm ngai lo. A nu hi a tui dawnin bu an chhep a, bu an chheh zawhah a bu kawngka-ah chuan a pa chu a chhuak a, a nu chu kawng a khar hnan a, a bu kawngka chu hlum emaw thil chang takin a char phui  tlat a, a chhunga a nu awm chu a pa chuan a chawm a.

Chaw an inpekna atan chuan a hmui leng tawk lekin an tikua a, chu kua atang chuan chaw an inhlan thin. Tin, a nu chuan a chenna tur bu chhuat kha uluk takin a hmulin a phah dap a, chutah chuan tui a awp a. A keu hma leh a keu hnu pawhin a note chu mahni a khawsa tura an indan theih hma chuan a chawm ngar ngar thin.

Vapual nupa inhmangaih thiamzia hi sawi tham a tling. A nu in a fate a chhawm puitlin hma loh chuan a pa in a chawm ngar ngar a. A bu chhungah a nu hovin an tawm tlat a. An thlawh chhuah theih hma chuan a bu bang kha an thiat ngai lo.

Thil mak tak chu a pa in Vapual nu dang laka a uire san chuan a bu chhunga a nu, an fate awplumtu khan, a pa in chaw a rawn pek kha a ei duh lo thak mai a. Tichuan, a fate nen khan an thih thlengin an pa lerh chu an tuar ho thak mai a ni. (N.B: Vapual nu hian a pa uire hi a rim atangin a hre thei an ti)

Mizo Upate chuan, “Vapual no chawm lak chu- a pawi lo berah pawh nupa tang thenna” an ti thin !  

Saptawnga Vapual chanchin chhiar belh duh tan tah hian Link !

Related posts

DUHTHLANNA SANG BER By Denis Lalfela, Rome

H.Vangchhia

Superhero for real?!!

H.Vangchhia

NLUP Survey hna YMA ten kan kengkawh ang maw?

elldy

34 comments

PKfanai March 24, 2012 at 9:42 AM

Pic. A mawi hle mai. Mizoramah Vapual a la awm a mi? A la awm mial anih chuan lo humhalh tha hle teh u. Mizoramah a extinct palh hlauh dah ang e.

Reply
ahooma_ March 24, 2012 at 9:49 AM

(Y)

Vapual, vahai, kawlhawk tih vel hi tun lai hian kan hriatpawlh ta nuaih maiin ka hria! :-S

Reply
sheldon March 24, 2012 at 9:55 AM

Ka net muan lutuk vangin Pu Pk-a’n min lo first khalh 😀

Pics a hmuhnawm lutuk e.

Reply
roseparvul March 24, 2012 at 9:59 AM

Ka pawm chak! A tui hmel ti pawl kha in lo awm leh ang e :-[ :-[

Reply
Awmtea Khiangte March 24, 2012 at 10:00 AM

Vapual video hi discovery channelah ka en tawh a. Hmuhnawm ka ti kher mai. Post tha tak a ni.

Reply
mr.Duhlova March 24, 2012 at 10:11 AM

An lo kapthla leh mai a nge aw 😀

Lo enkawl tha rawh u (Y)

Reply
Dr Mahminga Sailo March 24, 2012 at 10:18 AM

Post hmuhnawm si, bengvarthlak bawk si… (Y)

Reply
TuaiSialA March 24, 2012 at 10:25 AM

-do-

Reply
century child March 24, 2012 at 11:04 AM

Bengvarthlak hle mai. (Y)
Vapual hi Zika an ti tho em khah? :-O

Reply
sillyBoy March 24, 2012 at 12:02 PM

Ka lo la hmu ngai miah lo a, Vahai ka hmu tawh a, an inang ka ti. Post tha tak a ni. Sava/ Ramsa kan hmuh ngai loh han hmuh hian nun a ti hahdam thei nia.

Reply
Sanga Zodin March 24, 2012 at 12:27 PM

Ngaihnawm hle mai…mahse a tawi deuh!! Rawn ti zel teh khai..

Reply
Soberboy March 24, 2012 at 12:46 PM

nalh reuh ve

Reply
lushai_er March 24, 2012 at 12:58 PM

E he.. a lo chhuak a ni maw ? Vawiin chu post ka vil ve hman ang chu maw?

Vapual pa hi a nu aiin a lian zawk a, a mawi zawk bawk (an ti)! A chang (hmul) hi an tawn thin tih te chu ka hria a, kan naupan deuh lai khan ka NI pasal hian a kap a, kha bak kha chu chiang taka hmuhna pawh ka neih ka hre lo…e tak a, Sahuanah a awm thin tak e.

An makna em em pakhat chu nupa chauhva khawsa an ni hi a ni (monogamous pair). Engvang nge an bu hi an char thin niang aw…? Sik leh sa vang nge? Hmelma laka an inhumhimna atan ?

Reply
ChhanaPa March 24, 2012 at 12:58 PM

Vapual leh Kawlhawk hi an in ang reng in ka hria..

Reply
lushai_er March 24, 2012 at 1:02 PM

#14 , @ChhanaPa: In ang love Hornbill family zingah chuan Vapual hi a mawi lawr lak ang.

Hornbill family dang ka hriat leh Museum a hmuh theihte chu Vahai, Va-awk leh Kawlhawk te an ni a. A lem rawn upload kan tum ang e.

Reply
ChhanaPa March 24, 2012 at 1:02 PM

‘ Zika kan ngai a che’ :-O

Reply
lushai_er March 24, 2012 at 1:07 PM

Hei Vahai chu le : http://i1093.photobucket.com/albums/i424/lushai007/Vahai.jpg

Vawikhatah link dah tam kha kan phal vak si lova, a mal malin rawn dah kan tum ange.

Reply
Dr John March 24, 2012 at 1:12 PM

(Y) Post-tupa, a ngaihnawm khawp mai. Ka lung a ti-leng riau, ;-( A chhan ka sawi chuan Pi Rose-i leh Pi Tete-i te muhil ka kaiharh ang tih ka hlau si! 😛

A “Message” hi a pawimawh ka ti hle bawk. Pu PK sawi ang khian, “An Mang mai tur Venhim” lam hi a pawimawh tawp-khawk a. Hmalak dan tur leh tih-dan tur leh tul-te thawh liam liam pawh a tha viau a ni.

Postu-pa, ka hriat duh em em i ziak tel lo tlat, “Vapual” tih hi a Tawngtial chuan “Hornbill” an ti a, a hmui ret-rut vanga puttir an ni tih a chiang nghal mai a. Mizo-te pawh hian thil reng reng hi hming kan put-tirna chhan a nei ve vek a, Vapual pawh hi chhan a nei ve ngei ang…

“Vapual” hian engtia a hming hi lo pu ta nge maw, ni reng reng le? A Post-tu i ni bawk a, i zawh chi ber ang a? :-S

Reply
ahooma_ March 24, 2012 at 1:22 PM

Vahai leh Vapual chu a inang(duhhmel) hle mai. Hmun dangah hmu i la ka hre hrang kher lo ang. Post tupa a fakawm e! (Y)

Chuan hmannia ‘Zika’ kha vapual nge vahai?

Reply
caribou March 24, 2012 at 1:25 PM

Good post.

Reply
lushai_er March 24, 2012 at 1:45 PM

#21, @ahooma: Zika kha Kawlhawk a ni lawm ni ? Kei chuan ka hmu ve hran lova, Sandmana video kha ka hmuh ve chhun chu ani mai. Vahai leh vapual chu an inlenhleih em mai, i hre hrang hrim hrim ang. Vahai hmui chu a tawi fe zawk bawk.

Reply
lushai_er March 24, 2012 at 1:52 PM

#23, @lrp: Good link, ka vawikhat hmuhna!

Reply
XaiA March 24, 2012 at 2:02 PM

A nagaihnawm hle mai,kan chhiar chhuah thak chu!

Reply
sheldon March 24, 2012 at 2:05 PM

Zika kha chu Vapual (Hornbill)an ti.

Reply
lushai_er March 24, 2012 at 2:18 PM

#20, @Doc John: I zawhna hi a van har ve, rin dan i nei zawk lo maw?

“Vapual” hian engtia a hming hi lo pu ta nge maw, ni reng reng le? A Post-tu i ni bawk a, i zawh chi ber ang a?

Mahse han attempt dawn chhin i la :-

1.Pual : Chanvo, chanai, ta bil. Eg: Hei hi chu ama pual a ni.
He thu atang hian Va-pual chu : Sava, mahni chanvo nei tihna ani thei ang em? Monogomous pair an nih vangte hian ?

2.Pual : tha lo, fiah lo. Eg : A mit a pual.
Hemi vang hian Vapual tih a ni thei ang em? Sava mit pual sawi nan Vapual..? (A awihawm chiah loh)

3. Pual-Chang-Kawk : Siksil chi khat lu leh taksa pum khuh thei.
Hemi zulzuia an phuah a ni thei em? He sava hi pual-chang-kawk khum a ang em mai, Va-Pual-chang-kawk ti mai ang an ti a, hun a lo rei a, Vapual tih a lo ni ta a..(awihawm loh)

4.Pual-eng: Thing chi khat hming, a ril chu a eng deuh sut!
Vapual hmui hi Pualeng ril nen a inang em a, Va-pual-eng i phuah ang u an ti a, hun a lo rei a, Vapual an lo ti ta a.

5. Puallawi : Hrangturzo tlangpanga Mizo khaw pakhat hming. Vapual lawi duhna ram.
Hemi khawhming chawiin Sava rawn lawi thin chu Va-puallawi tih an sa ta a, hun a lo rei a, Vapual an ti ta a (awihawm loh). Puallawi hi tlangsang tak hnuaia tlang pang sawina a ni a, Vapual vanga phuah a ang zawk se.

6.Pual-nam: Arakana cheng hnam chi khat.
Pualnamah hian Sava lian tak a tam a, an hnam hming chawi hian Va-pual-nam an ti a, a lo rei a Vapual an ti ta a…(a hnaih deuh)!

Han sawi ve teh u…..!

Reply
lushai_er March 24, 2012 at 2:27 PM

#27, @Sheldon : misual.com-ah i luhna a la rei lo deuh ani maw? Zika chungchang chu an post tawh kha, hei link hi lo chhiar rawh, i fiah mai ang.

http://www.misual.com/2011/02/07/sava-khawngaihthlak/

Reply
Dr John March 24, 2012 at 2:31 PM

(Y) Post-tupa Very Gud Attempt 😀 Ngaihdan pawh ka nei hauh lo. I rawn sawi zinga pakhat tal khi chu… fuh mai awm-a mawi a ni e. I Skim-Thro-Research a tha khawp mai. Mahse, nangmah berin, ‘ngaihdan fum-fe tak’ i neih bik si loh chuan, ‘final decision’ chu kan la siam thei si lo? Pu Chawnghilh-a hian a hria ang a? Tunlai chu a reh riau… Engnge maw a tih reng reng le?

Reply
lushai_er March 24, 2012 at 2:34 PM

Point pakhatna khi ka thlang ber ang, mahse a dik ber ka ti miah lo! A thluk hi a hniam zawng a ni leh si a!

Reply
Ignatia (33-115 AD) March 24, 2012 at 7:24 PM

Mizoram hi Indo – Mayanmar Bioidiversity Hotspots huamchhungah kan awm. Kan vannei khawp mai. Mahse humhalh ngai tamtak kan nei thung. He post hian humhalh lamah tan min lak tir se a va tha dawn em!

Vapual hi endangered species category-ah a awm ve hialin ka hria. Kan khua-a Forest Reserve Sanctuary-ah sawn an awm ngei mai a. Ka puitling hnu lam hian miin an kap thla tawh meuh lo. A takin keipaw’n ka hmu ve ngei tawh a. A thla zap ri pawh a thawm a tha khawp mai.

Sava no neih a hun chho leh dawn a. Silai leh Sairawkherh hmanna hmuna awm te’n kan insum hram hram a hun khawp mai.

Reply
Mx March 24, 2012 at 8:08 PM

Vapual hi hman ah(2004 vel) phawngpui tlang a kan kal tum in ka hmu tawh, closeup tak chuan ka la hmu ngailo. An lu a lawk lutuk a, mawi ka ti vaklo 😀
Vaki leh Vakul hi mawi ka ti.

Reply
vakul March 24, 2012 at 10:44 PM

thanks superpingpong, ka phu lo 😛

Vapual hian ka lung a ti leng mang e. Kan tleirawl lai chuan kan veh thin a, kan perh thla ngai lo, an mit a var em mai.

Reply

Leave a Comment

Skip to toolbar