Advice Information Lifestyle Mizo Society & Culture Opinion

Cosmetic Surgery Hi Mizote Tan A Tih-chi Dawn Em?

1. Introduction…
Plastic Surgery tih hi Greek “plastikē” (tekhnÄ“), or “plastikos” tih aÈ›anga lak a ni a, “siam È›ha or siam danglam” (to mould/modelling) tihna a ni. Hemi atang hian “Aesthetic Surgery” (Cosmetic Surgery) pawh a lo chhuak a ni. Plastic Surgey hi India-ah B.C. 800 khan Sushruta (the Father of Surgery) chuan a lo hmang daih tawh tih hriat chhuah a ni. India aÈ›ang hian Europe, Italy, British leh Khawthlang (Western world) ram zawng zawngah a lo lâr a.  Joseph Constantine Carpue chuan kum 20 chhung zet Indiaa hetiang lam hi a zir hnu-in kum 1815 khan a takin a hmang chhuak. Egyptians, Romans, Greeks te pawhin B.C. 1-na velah khan an lo hmang ve tawh bawk.

Kum zabi 20-na a lo inherchhuah khan, a pawimawhzia a lang-chiang tulh tulh a. World War I khan New Zealand Otolaryngologist Harold Gillies leh a thawhpuite chu indonaa hliam tuarte enkawl turin US chuan a ruai nghe nghe a, World War II thleng pawh khan an la țangkai hle a ni. Kum 1946 khan, Dr. Gillies hian hmeichhe ‘thil’ chu mipa ‘thil’-ah a thlak sak theih tak thu (carried out the first female-to-male sex re-assignment) a puang a! Hemi hnu phei hi chuan khawvelin Plastic Surgery-ah beiseina sang tak a nei a, ngaihven a hlawh ta em em a ni.

2. Plastic Surgery Tum Ber Chu…
Plastic Surgery hi chi hrang hrang a awm a. Taksa emaw fuke emaw fuh lo leh mawi lo lai siam danglam leh thup-bo hi a hnathawh pawimawh em em chu a ni. Anihna takah chuan, Plastic Surgery lo chhuahna chhan hi chu, pianpui emaw, chetsual vang emaw-a taksa khawi emaw lai ber a nih tur ang ni ta lo (any disfigured part of the body or any physical disfigurement, whether from birth or acquired later), rilru leh taksa-ah ser leh landan hmuh hrehawm em em te a siam avanga tih-danglam leh khuh-bo țula hriatna ațanga lo piang leh hman-chhuah tak a ni ber.

3. Hmel leh Pian Duhtawk-lohna Chu…
“I hmel mawina itsik vangin” tih hla ang deuhvin, kum 40 liam ta vel aÈ›ang khan, Plastic Surgery hi È›angkai lehzualin, Siamtu Pathian (Creator) ngaihdan pel rawk khawpin khawvel hian a tuipui ta niin alang. Hetiang lam hna hi, Plastic Surgery pawh an ti satliah lova, “Aesthetic Surgery” (Cosmetic Surgery tia hriat lar a ni mah zawk) tiin an vuah ta hial a ni.  He Cosmetic Surgery hi chuan a È›ha pangngai, Pathian thilsiam È›ha pangngai (natural beauty) kha, tih-È›hat belh tumin, a aia È›ha zawk leh mawi zawka siam danglam tumin an bei ta a ni (it dare to give finishing touches to God’s most beautiful creation-the human body). An taksa emaw, taksa peng emaw-a an duhzawng ni lo apiang chu an tidanglam ta zel mai a nih chu!

4. Cosmetic Surgery Chu Duhthusam A Ni Em?
Duthusam chu ni teuh nang aw, “a teuh loh mai, a teuh loh mai” tih hla ang kha a ni. Plastic Surgery ti tawh reng reng hian, in-enkawl zuina an mamawh a, special cream te, hun leh lum leh vawt leh engkim mai-ah an fimkhur a ngai bik a. A buaithlak zualna lai ber chu, an inven fimkhur a ngai ta em em a, mi pangngaite (plastic surgery ti ve lo te) angin tui te an hmang ve ngawt ngawt ngam lova, lum leh vawt-ah te pawh duh duh-in an awm ve mai mai thei tawh bawk lo hi a ni!

Cosmetic Surgery hi chu, Plastic Surgery pangngai, pianpui avang emaw, tawhsual tawh avang emaw-a damchhunga hmuh theih (leh hmuh-theih loh pawh telin) lama ser awm tihbo leh thup-mawi lam kha ni tawh lovin, Siamtu kut-chhuak kha a mawi lohna awm em em chuang si lovin, mawi an ti tawk lova, thiamna hmanga tih-mawi leh-zual an duh ta a ni. A tlangpuiin, an hmai, hnar, hmui, mit, biang, nghawng, hnute, etc. te chu Cosmetic Surgery hmangin an duh danin an siam danglam ta țhin a ni. Mawi lehzual duh avanga Cosmetic Surgery ti te hi tam tak chuan an mawi-puiin, ti-fuh tak tak an awm laiin, ti-fuh lo, damchhunga ser lian tak in-siam ta te pawh an awm ve bawk.

5. Ka Inchhir Ngawih Ngawih A Ni…
French mi, actress hmelÈ›ha tak Emmanuelle Béart chu kum eng emaw zat chhung chu mi tam tak-te ngaihsan rawn leh entawn a ni. Mahse, France-a 36th Deauville Film Festival Opening Ceremony, September 3, 2010-ah chuan Cosmetic Surgery a tih avanga a nun khawngaihthlak zia leh a inchhir zia a rawn sawi chhuak ta! A inchhir thu a sawi hi a lainatawm tak zet zet, “Profoundly affected by having plastic surgery and would not consider it again… It is a grave act in which you don’t necessarily foresee all the consequences” a ti hial nia!

Ms. Emmanuelle Béart hian ama tawn-hriat ațang ngeiin, Cosmetic Surgery țhat-lohzia sawiin a campaign kual nasa hle a. Tunah hian UN Ambassador niin, South East Asia-a  Child Exploitation and Hunger tan a campaign mek bawk.

Hollywood film star zingah pawh Leslie Ash, Saffron Burrows, Britt Ekland, Melanie Griffiths, Pamela Anderson, Angelina Jolie leh Meg Ryan, etc. ten an ti ve ngei tih an puang bawk! Nikum 2011-ah khan Britain leh US-a etc., hmeichhe țhenkhat  chuan an Amul-bawm (breast) an siam danglam tirna-ah Company lam ten a țha lo deuh zawk (cheaper industrial-grade silicon rather than the medical-grade silicon) an lo thun sak a ni awm e! An thil thun (silicon) hian Cancer (breast cancer) te a siam theih dawn avangin an buai nasa a nih kha! Bollywood film star zingah pawh Cosmetic Surgery hi an uar ve em em tho a ni (e.g. Katrina Kaif, Preity Zinta, Shilpa Shetty, Priyanka Chopra, Sridevi, Shruti Hassan, Juhi Chawla, Hema Malini, Aishwarya Rai, Madhuri Dixit, etc.).

6. Mizote Tan Hian Engtin Nge?
Mizo-te hi kan neih-in a tlin chuan, hnamdang tihdan hi kan la zung zung a. Kan chhiat pui hial pawh a awm niin a lang. Hmel țhat te, zei te, nalh te hi duhlo kan awm lo. Hnaivai deuhva a awm hunah chuan, mizote hian kan ti leh sup sup dawnin a lang. Kan sum neih-in a tlin ve tan tawh a. Keinin “engnge ka ei ang a, engnge ka in ang?” kan tih laiin, Mizoram-a mihausa țhenkhat chuan Ui vulh tur pawh Foreign ațanga chah thla-in, Rs.1.5 Lakh chuang man pawh an nei leh nual tawh ni awm a ni. Keini ang mirethei thil neih zawng zawng (assets) belhkhawm ai chuan heng mihausa-te Ui man pawh a to zawk tihna a nih chu! Hengte hi chuan an duh chuan Cosmetic Surgery chu an ti thei chiang sa tihna a ni a?

Chuvangin, Siamtu min siam dan mawi leh nalh tak (natural beauty) duhtawk lova Cosmetic Surgery kan tih ve hi Mizote tan hian a țha ang em? Bible zirtirna nen a inkalh-in kan hria em? Kan hlawkpui ang em? Hnamdang leh ramdangah kan hming than phah ang em? Kan nula, tlangvalte hian hnam changkang leh nei-nungte nupui/pasal an hmuh tam phah ang em? Cosmetic Surgery kan hman avangin ramdanga kan rawngbawlna ten hma an sawn zawkin kan ring em? tih te hi in zawt chungin, Plastic Surgery (Cosmetic Surgery bik)-in Zofate min luh-chilh tak tak hma hian i lo khel lawk teh ang u.

PICS: Emmanuelle Béart, Cosmetic Surgery a Tih hma leh a Tih hnu Thlalak-te.

http://i1164.photobucket.com/albums/q572/drjohnhlychho/1Emm.jpg

http://i1164.photobucket.com/albums/q572/drjohnhlychho/2emm.jpg

http://i1164.photobucket.com/albums/q572/drjohnhlychho/2emma.jpg

http://i1164.photobucket.com/albums/q572/drjohnhlychho/emma1.jpg

http://i1164.photobucket.com/albums/q572/drjohnhlychho/Emma4.jpg

Related posts

Evita

Prof. Snake

Goverment Zirtiri Residential Science College Website

Zopatriot

Mi chi 3

Awmtea Khiangte

33 comments

Chuaublack April 20, 2012 at 4:48 PM

Goodpost (Y)

Reply
^-||R@lT€||-^ April 20, 2012 at 4:53 PM

Post tha tak leh bengvarthlak tak a ni (Y)

Reply
caribou April 20, 2012 at 5:21 PM

Pictures ho khi ka en a, Cosmetic surgery tih hnu khian a hmel a rawn chhe ta chiam mai tihna em ni? Ka va hrethiam lo ve.

Reply
James Bond April 20, 2012 at 5:23 PM

Mizo kan ni kan hmel a tha
Plastic surgery /Botox kan mamawh lo.

Reply
Dr John April 20, 2012 at 5:27 PM

#3 Pu Carobou, i sawi dik e. A hmui (lip) ber khi Surgery a tih tir chu a ni a, a fuh ta lo hle a ni. A lainatawm reuh khawp mai. A tar tulh tulh ang a, ala chhe zual zel dawn a ni awm e, lehnghal a. ;-(

Reply
caribou April 20, 2012 at 5:37 PM

A hmel a that tehlul nen, that lehzual a tum lutukna lamah a chhiat phah zo ta anih ber mai chu maw…… Tu te emaw luck lutuk nih an tumna lama duh loh thleng thlenga an kal ta mai te pawh min hriatchhuah tir e a. Mahni hmel neih chhunah hian lungawi tawk lo mah ila, a nat ngut ngut lem loh chuan tha te tea mahni hmel neih chhun put reng mai hi a lo fuh ber mai.

Kan nihna ang anga min iai hauh lova min duhtu te hi an hlu ber mai tih rilru chu pu se zawng, khi tiang khian cosmetic surgery an ti hauh lo vang leeeeee……..

Reply
PKfanai April 20, 2012 at 5:43 PM

Bengvarthlak thin hle mai. (Y)

Reply
sheldon April 20, 2012 at 5:50 PM

Post BVT (Y) Ka la chhiarchhuak hman lo deuh. Pic lah chu ka en thei miahlo.

Reply
Chhuaklinga April 20, 2012 at 6:03 PM

Tih ve mai ka lo rilruk lai takin i rawn sawi fiah a, ka thulh leh mai teh ang. 😛 😀

Tak takah a bengvarthlak kher mai. (Y)

tren tren

Reply
H.Vangchhia April 20, 2012 at 6:14 PM

Mawngtam chawi-chhin nan chuan atha viau maithei hairehai 🙂

Reply
ChhanaPa April 20, 2012 at 6:18 PM

Misual member ah hian Hmaikawr phelh ngai an tam viau lo maw?

Reply
Dr John April 20, 2012 at 6:53 PM

#4, James Bond, (L) (Y)

#6, “a nat ngut ngut lem loh chuan tha te tea mahni hmel neih chhun put reng mai hi a lo fuh ber mai… Kan nihna ang anga min iai hauh lova min duhtu te hi an hlu ber mai” (Y)

#8 Pi Sheldon, NET a tha lo lutuk a, vawi tam ka ti-nawn (Edit) tawh. Atawp berah kha chuan PIC-te khi a lang vek asin mawle! Pawi e… Sandman lah Delhi-ah a awm daih a, a pun theih si lo. Keima fel loh a ni e. ;-(

Reply
RenghangMan April 20, 2012 at 7:13 PM

Zaina hmuamhma ser deu do tihmawi nan chauh hmang se te ka lo ti ve mai mai.

Reply
sheldon April 20, 2012 at 7:58 PM

Khawvela celeb lar ho zingah pawh plastic surgery hmanga an taksa peng khawih danglam hi an tam viau awm ania. Natna or piansual vanga kan mamawh anih loh chuan ka support lo khawp mai.

Reply
Dr John April 20, 2012 at 8:09 PM

#14 Pi Sheldon, thlalak link khi “high-lighted” la, “right-click” la, “Open link” tih-ah click la awlsam deuhvin a hawng thei mai e. Han try teh…

Reply
mamboihi April 20, 2012 at 11:23 PM

Natural Woman nih ka thlang zawk e.. 🙂 Accident leh thildang vanga tih ngei ngei ngai anih loh chuan Pathian min siam ang ang ah hian lungawi mai hi a hahdam ber..

Reply
lrpa April 21, 2012 at 12:12 AM

Tih chi lutuk mawle Mizo hmeichhe ho tan.. 😛
brazilian nula 60% deuhthaw khuan hnute tih len a tum ani awm e 😀 puar mar khi tuar in ti kawh hlawm teh se..

Reply
mamboihi April 21, 2012 at 12:25 AM

Lalropara mai mai chu aw… I va lawm ve mawle! 😛

Reply
lrpa April 21, 2012 at 12:29 AM

@18, hei..mamboih.. 🙂

Reply
mamboihi April 21, 2012 at 12:37 AM

Larpa Mizo mipa ho pawh hian Cosmetic Surgery chu try ve chhin ula hahah…

Reply
Astericâ„¢ April 21, 2012 at 12:41 AM

@mamboih…kepawh ka hnar hi chu siam tir ila ka chhe lo lehzual ngawtin ka ring 😛 wehhhhh…..

Reply
lrpa April 21, 2012 at 12:42 AM

20 @ mamboihi…haha..tha mai thei ani..haha..ka nghawng hi ka duh aiin a sei lo a..necktie awrh hian a buaithlak thin a..ka tih sei tir dawn emaw ni le..ka hnar kua pawh hi tlem in ti thuk deuh ta ila..haha 😛
Hnar pawngpaw pawn lang lutuk a a rawn kaw ve ngawt hi a tha lo haha

Reply
mamboihi April 21, 2012 at 12:46 AM

Aste and Larpa… In pahnih hian try hmasa tawh u.. in lo mamawh ber zawk anih chu hhahah…

Reply
lrpa April 21, 2012 at 12:48 AM

23..hets mamboih..Lalaste a nen min rawn palzam rual ringawt suh aw 😀 ka duh miah lo ania .. 😛

Reply
Astericâ„¢ April 21, 2012 at 12:54 AM

hehe….chhechhawnga te vai dawr kan va ang ta ve 😀 😛

Reply
lrpa April 21, 2012 at 1:00 AM

😀 😀

Reply
mamboihi April 21, 2012 at 1:07 AM

Larpa lo hets suh!! I nghawng chu pawhsei tir vat rawh! 😛

Reply
lrpa April 21, 2012 at 1:13 AM

mamboih..hehe..nia..vawksa hmeh pawn a tui thui deuh ang chu 😀

Reply
mamboihi April 21, 2012 at 1:31 AM

Larpa haha!! tui thui deuh tura i duh chuan hlam sawm zeta seiin pawhsei tir rawh hahhah 😀

Reply
Lamji April 21, 2012 at 3:01 AM

Show biz a awm ho tam zawk hian an tih tir lo maw? Kan ngaih phak bak ai hian ti an tam zawk in ka ring. Natural beauty I tia,a ‘beauty’ nilo in,ka natural ‘sakhmel’ hi ka duhtawk khawp mai. 😀 Bengvarthlak khups mai. (Y)

Reply
maawma April 21, 2012 at 9:06 AM

Plastic Surgery hi Mizoram ah pawh lan hmel that leh zual duh vanga ti an sawi ka hre tlat, mahse hming chu sawi dawn lo rengs :-).
Breast implant an ti lai hi vawi khat video ah ka en a, tun thleng hian ngaihtuah zawng ringat pawhin ka la rap, a thi sung mai.
Hang Mioku, Korean Celebrities pawh hi a hmel a pangai teh reng nen, a in siam khawlo zo vek a lawm
http://famousplastic.com/2008/11/28/hang-mioku-plastic-surgery-addict/
Pathian in min siam dan ang hian i lungawi tlang i la, i er vel ngek nguk hlawm mai ang u, a ho em mai 🙂

Reply
Dr John April 21, 2012 at 10:15 AM

#21, Asteric, Brooklyn Decker hian a Hnar a siam-that-tir a, a in-hmeh fu mai, hei… {Brooklyn Decker before and after nose job}:-
http://famousplastic.com/2012/04/10/brooklyn-decker-ruined-her-face-with-bad-plastic-surgery/

Reply

Leave a Comment

Skip to toolbar