Advice Lifestyle Opinion

Nupa inthen chhan zanlai service?

Tunlai chu facebook THU NGAIHNAWM HUANG hi ka bih ngun khawp mai. Vawi hnih lai chu ka blog ami pawh ka thian pa’n min post sak ve tawh bawk a, ngaihnawm ka ti thin khawp mai. Mahse inlo chinglet ve thin em aw ka ti, Tragedy story ho reng reng hi sex problem a ni deuh vek mai a. Chu pawh chu mizo ram leh ram pawnlam thil thleng deuh vek ami a ni, mizo te vek a tawngtu  an la ni bawk.  A tak nge a lem chu ka hre hauhlo a, mahse background nei chu an ni thung. Hetiang hi a nih chuan aizawl thleirawl kum 13- 24 inkar khi chu sex ah hian nasa takin an lutthuk tawh tih a hriat mai. Tenawm thawkhat deuh chu a ni!Ka thian pakhat chuan ti hian min hrilh fo thin; hmangaih leh duh em em, an tello va awmhar kan tih thin ngawih ngawih te hlut zia hi i hria em? Kan hmangaih tak tak avangin an thianghlimna pawh laksak kan la phallo a, midang te zinga inchhuan ruk nan kan hmang fo thin. Nu leh pa te phalna ve ve a zanlai khum chungah hmangaihna par inthliah dun mawlh mawlh te hi a special tiraw…Mahse duat leh lungchim taka  dawm, an thianghlimna pawh ngaihhlut sak a  dil lui ngailo hi nupa kan nih zan, khumlai zawl chung ngeiah a virgin lo tih han hrechhuak ta ila na ka va ti dawn em a ti thin.

Nilah taka , hmangaihna hi pure heart ringawt a ni ngailo. Mipa hmangaihna chu thluak-ah, hmeichhe hmangaihna chu thinlung ah a ni daih. Hetiang a nih chuan sex leh heart hian 50+50  angin hmangaihna hi an siam a tih theih mai awm e. Anilo ti tur banphar rawh se ti ila 30% vel chu mihring pangngai zingah ah hian an awm a rinawm chauh bawk. Kohhranin diklo taka hmangaihna ah hian sex alo hnawl ngawt mai thin hi a pawi ngawt mai, bible ziahdan a ni der silo! Thalai ten hmangaihna awmzia an bo map map a, in “khilai”  tur a maw an inti a. Virgin-na hlan hi hmangaihna emaw ti tlat pek an awm a, virgin nih hlau an tam a, virginity nuihsawh tu an awm bawk.

Mipa lah bang hek suh. Nupui lo tur chu an kawr phelh saklo mai se tha tur a nia. Hmeichhe virgin tlemna chhan tam tak hi mipa demand a awm vang a ni. Demand thintu chuan virgin-lo nupui nei ngam rawh se. “Virgin kher a ngai mi” ti tu pawn sawi sawilo mai se, hmeichhia ten hetiang rinna der dep tak hi innghah nan anlo hmang a,  an inthlahdah fo thin.

Thupui lam hnaih tawh teh ang. Nupui chu ka la nei hauh lo. Mahse presumption zam ang aw; Hmangaihna avanga nupui pasal inneih hnu reilo te a nupa inkara inhmuh thiamlohna, inthenna hi engvang nge ni ang tih hi ngaihtuah a ngai khawp mai. Thalai tan a pawimawh si a. Past life leh future hriltu ka ti hial thin. Ti hian ngaihtuah chhin ang aw…

Nupui pasal inneih chhan ah chuan hmangaihna mai bakah sex hi a ni tel tih chu tupawn kan hai loavang. Duh tak, thianghlim tur a an ngaih te nen nupa a insiam ve leh tuma hriatlohin sex hman a ngai a. Chutah tak chuan sex hian “Past” chu a rawn pholang thin. Chutah chuan an  hun kal tawh a an nun dan chu sex an hman chuan a pholang ta a. Mipa in sex alo hman fo tawhna hmeichhia te a diriam thin zia kha  a hrechuak a, a lungawi lo, hmeichhe hmusit si. Hmeichhia inthlahrung, inthen leh mai zak tawh si, mipain a hmuhsitna hre ve kur tawh bawk si. Chu an problem solve tur a chhungte pun chu an pahnih duhthlanna avanga innei an nih tawh avangin an zak bawk si. Inhmusit ru tak leh indiriam ru takin thu sawtlo tak takah intithiamlo in reilote ah an inthen ta thin niin ka ring.Enge inngaihdan le????

                                             

Related posts

Vanram leh Hremhmun Awm Lohna Hmunah

moia

A khingphel chauh thlirna- Mei zuk

MaMuantea_U

40 robbers Vs 1 Gurkha

NotGood

32 comments

TuaiSialA April 25, 2012 at 6:15 PM

Chhiar ila…

Reply
Master Kim April 25, 2012 at 6:19 PM

Dik maithei.

Reply
H.Vangchhia April 25, 2012 at 6:29 PM

I ngaihtuah ve fu anih hmel e, a tha khawp mai hairehai (Y) 🙂

Reply
ultimate April 25, 2012 at 6:32 PM

Kan nupa chungchangah chuan a dik lutuk lo. Midangah chuan ka sawi thei lo.

Reply
buh-duha April 25, 2012 at 6:36 PM

Ani tlat emaw hi in ti tlat thin sia le 🙂

Reply
H.Vangchhia April 25, 2012 at 6:40 PM

Nupa nuna pawimawh thenkhat nia ka hriatte:

1. Inchawimawi tawn.
2. Tihtur bik inthliar hranloh.
3. Chhungkaw ngaihsak.
4. Holam mai mai a pawisa hmanloh.
5. Sex a inpawhna thatak neih.
6. Inhriatchian dun a fellohna nazawng (pawi em em nilo) inngaihdam theih.

Reply
M_Pautu April 25, 2012 at 6:41 PM

(Y) A tha e. Kan thianpa pakhat chuan,”Kohhran inzirtirna a, inneih hnuah chauh sex hman tur, tih hi keini ang MIRETHEI tan chuan nupui neih ala hla si a, a fairlo em mai”, atia. Tunah chuan hmeichhia a…

Reply
Maisek April 25, 2012 at 6:43 PM

ka hre lo le… (U)

Reply
buh-duha April 25, 2012 at 6:45 PM

#6… (Y)
7. Tuina zawng a theih chin chinah intuipuitawn thiam

Reply
H.Vangchhia April 25, 2012 at 6:47 PM

#9 a dik (Y)

Reply
hiho April 25, 2012 at 6:52 PM

Gin/Gin lo case lampang a ni mawmzz :-S

Reply
Master Kim April 25, 2012 at 7:01 PM

A dik a nih paw’n a pumpelhna a awm. In ngaihzawn tirh in engkim tlang taka sawi a tha ang. Sawitir dan erawh thiam angai.

Reply
PKfanai April 25, 2012 at 7:07 PM

“ka awihlo” han ti ngawt dawn ila, virgin lo tih ka hriat chian leh a virginity a hlohna pa pawh hrechiang ta ila, enge ka rilru ni ang? Ka hrethiam chiah bik lo. Engpawhnise, kan nupui annìh hnua kan tana an rinawm tlat techuan thìl kaltawh intìbuai tir leh thìn te chu a, ‘a pa lo’ em mai a.

Reply
ltachhakchhuak April 25, 2012 at 7:19 PM

Pka fanai- rilru natna chhan pakhat pawimawh deuh chu “a thianghlimna alo roh pui em em, khawih pawh a la phalloh, inneih zanah chhungte phalna ngei a khawih a tum; diriam deuh a min anlo khawih tawh tih a hriatchhuah leh thin vang hi a nih ka ring.

Reply
ltachhakchhuak April 25, 2012 at 7:26 PM

Ka thianpa chuan tihian a ti fo thin, ” infawh pawlh chu ka pawmdam hram thei, inhawlhpawlh erawh ka pawmdam thei lo a ni”

Reply
hiho April 25, 2012 at 7:27 PM

“Past” pholang vek khopa sex hman chu.. an ti nasa mah mah a ni lo maw le 😛 haha

Reply
PKfanai April 25, 2012 at 7:33 PM

ltachhakchhuak, ka ring ber lem lo tlat. A naupan chhiat thlak em mai a. A Pathian thu lo em mai. “Sen lar angin sen tawh mahse, Vur angin a var ang”, “Kal la tisual leh tawh suh” tih anih kha. “Lalpan thianghlim leh nupuia neih tlaka a ruat chu, lo lungten ve tlat tur ani dawn em ni?

Reply
XaiA April 25, 2012 at 7:38 PM

Inneih dawn chuan hmeichhia chu a past life an zawt a…mipa chu a future an zawt,an tia lawm!

Reply
Dr Mahminga Sailo April 25, 2012 at 7:39 PM

I ngaihtuah thui hle mai… 🙂

Mihring a zir a ni mai lo’m ni? Tlangval/nula hnahkhat leh nuthlawi/pathlawi innei nghet tak, chhungkaw entawntlak din pawh an awm tho va.
Sex hi chu inthen chhan tam tak zinga pakhat a ni maiin ka hria… ti ve vak ila, nangmah ang tho, ka confi lem lo a nia… 😉

Reply
ltachhakchhuak April 25, 2012 at 7:51 PM

Pu Pka fanai- Pathian chuan “ti su” a tih hi “ti ru” ti ang velin tunlai chhuan teah hian a awm tlat tawh a lawm. Naupangchhe dawn i tih pawn ka hre thiam, nupui ka la nei lo, ni nang..ngaizawng pawh pakhat chiah ka nei a, minla ban zui a nih kha. 🙁

Reply
zoho April 25, 2012 at 8:31 PM

*nupa inthen chhan zanlai service?* a dikvek lemlo. Mipa, an nupuite an thenna chhan ah “a lo virgin tawh lo pek a” ti an awm ka la hre lemlo. I thil ngaih pawimawh hi chu a dik a, i rawn present chhuahdan erawh a diklo ka ti a ni e. A hot dawn viau chuan ka sawi duh loh loh ka rawn sawi ang.

Sawi hawn nan……KS kawm thin 70% hi mipa pawmlai nei an ti, HIV+ hi zokhua ah a darh nasa tawh em em an ti bawk.

Reply
Soberboy April 25, 2012 at 8:39 PM

(Y)

Reply
TuaiSialA April 25, 2012 at 9:09 PM

Pendrive hi computer hrang hranga vihluh (hawlhpawlh) a pawi duh viau, tiin ka rawn OT lawk.

Reply
malsta27 April 25, 2012 at 9:23 PM

Nupa tan chuan in-mil tih hi a poimoh ber in ka ring lo ti ve ngot teh ang………………nupa nun(sex), sum(wealth) adt adt tih te leh eng2 emaw ho hi chu in mil loh vang leh zah zel ve lek a nih duh hmel lo ti ve ngot teh ang 😀 .

Reply
paeia April 25, 2012 at 9:34 PM

Post chhiar tlak tak a ni. Nupa nunah sex hi a pawimawh khawp mai.

Reply
zoho April 25, 2012 at 9:36 PM

Mizo society a inthenna tam ber a ka ngaih chu ‘past life sex related’ nilovin, ‘present life sex related’ a ni zawk ka ti. Hei a symptom chu – Zan khat chu, an pa in sex hman a duh a,an nu in sex hman a peih si lo( hei hi life science atanga chhui in awmzia an lo nei khawp mai)

He symptom hi kum khat ah vawi 20 chuang a lan chhuah a, kum 2 chuang a nih vaih chuan – mipa in inchhung aiin pawmlam ah nula dang a hmu tai ta mai thin a ni…………….

Reply
CFL April 25, 2012 at 9:48 PM

Midang nun chu ka sawi thei lo, nimahsela virgin ngeiin nula virgin ngei nupuiah neih ka tum tih erawh ka rawn sawi ve lawk.

Reply
PKfanai April 25, 2012 at 9:56 PM

Pre aiin Pro/present a pawimawh zawk. Pu Hva leh Pu Zohoa te sawi hi ka pawm thlap e. Tupa fiamthu ang rengin, “Nupa inthen chhan dik tak hi chu ‘intihthiam loh’ vang mai mai a lawm”. Ran nena kan danglamna lian tak pawh ani awm e.

Reply
Rumtea April 25, 2012 at 9:57 PM

Nupa inthen chhan tam ber, ‘intih thiam loh vang’ 😀

Reply
ltachhakchhuak April 25, 2012 at 10:24 PM

Zoho- Post para tawplam ah khian ka ziang langin ka ring. He nupa ka sawi hi “nupa tuaktir- kum 2 pawh invuan bet zolo, fa pai tingtang tawh si ho” hi a nia ka rawn mean chu. Present time nei em em lo, future tur aia past in nupa nun ala luah tam zawk hunlai a ni.

Reply
Lamji April 25, 2012 at 11:55 PM

Kan nu hi virgin lo in nei ta ila,a nulat laia a mipa kawm thin te hria hre ta thin ila. Tuna ka rilru sukthlek leh chumi past nei case a ka rilru sukthlek chu a dang daih ka ring…keimah ah chuan. Sex hi ka la zam ve ngai lova,a thianghlim anga zah tha ti mi ka ni. Mahse mihring kan nih chuan kan nih dan leh kan rilru sukthlek a in an put-put chuan a dik nang..tha ti an awm anga,ho ti an awm anga,thalo ti an awm anga. Ani mai lo’m ni??

A pawimawh berah chuan nupa a insiam ‘DAWN’ lai hi uluk a ngai ka ti,titi tam a inrawn tam hi a tha in a fair em em ani. Inneih hma a subject lian vaka ngaih loh inneih hnu a lak vawng vak vak chuan thil thalo bak a thlen thung ka ring lo.

Reply
Dr John April 26, 2012 at 8:18 AM

(Y) Very Crucial Post. Comment-ho pawh chu a va tha ve! A mamawh awm tur ten chhiar luai luai sela a that dawn hi,,, a pawimawh riau mai (F)

Reply

Leave a Comment