Information

Bangalore-a awm tum te tana hriattur pawimawh

Bangalore-ah hian zirna kawngah leh sawrkâr leh company hrang hrang-ah te, eizawnna kawng chi hrang hrang te a in hawng zau zel a. Hetianga eizawnna leh zirna sâng zawk hi mimal leh chhungkua mai nilo, kan ram hmasawn zelna atan pawh thil pawimawh tak a ni a.

Mahse, chutiang chu a nih laiin, thil fello tam tak a awm thin mai bakah, buaina tawk tam tak an awm thin tak avangin hna zawngte leh zirna sâng zawk umtuten kan hriatchian tûr thil tam tak a awmin kan hria a. Chuvangin, Bangalore-a zirna leh hna zawng tuten buaina leh harsatna kan tawh loh nân Bangalore Mizo Association chuan heng a hnuaia hriattur pawimawhte hi kan târlang a ni.

1. Mizoram State pâwna zirna zawngte tân
Mizoram State pâwn atangin Mizoramah Zirna college/institution puitlinglo thenkhat ten brochure lem te hmangin Mizo zirna zawngte an bum thin a. Zirna hmun an thlenin an sawi ang leh an hrilh ang a lo nilo leh thin a, Mizo zirlai thenkhat ten buaina an tawk thin. Chuvângin, heng laka kan fihlim theih nân, heng a hnuaia kan târlan te hi hriat ngei a tha:
1.1 Zirna institution chu eng ang affiliation nei nge a nih tih hriat chian tûr.
1.2 Institution address-te chiang taka hriat tûr ani.
1.3 Agent an awm thin a, hengte hi middleman niin ei an nei thin a, institution mi leh sa dik tak an nih leh nih loh finfiah a tha. A tul a nih chuan I-Card dil mai tur.

1.4 Institution chuan eng subject nge on offer a, eng subject combination nge an neih.
1.5 Institution chuan hostel tha leh him a neih leh neih loh hriat hmasak.
1.6 Institution tak tak awm lo, handout leh brochure siam chawp hmanga mi bum thin an awm tih hriat a tha.
1.7 Bangalore Mizo Association hotute thurâwn lak ngei a tha. (Bangalore Mizo Association website ‘www.bangaloremizo.info’ ah zirna hmun thate pawh tarlan a ni a, zawhna zawh theih a ni e.)

2. State pâwna hna zawngte tân
Mizoram pâwn atangin company thenkhat chuan Mizoramah AGENT te neiin, hnathawh tur an zuar a. Mizo thalai thenkhat thil chinchang hre chiang vak lote leh fimkhur dan hrelo zawkte an bum ta nual mai. An thawh tur an tiam ang lo ni leh tak tak si lote, hna tha tak anga in kawhhmuh si; himlo tak tak te pawh a awm a, tunah pawh a la awm mek zel a ni.

Mizorama hna zuar te, Admission Agent te ngampa taka lokal thinte hi uluk deuh zawk a lo finfiah ngei tur ani. Tunlaiin Human Trafficking lamah mi an huaisar em em avâng leh mi tam tak inbumna a awm thin avangin, mipui leh khawtlâng hruaitute pawhin hetiang lamah hian beng kan chhit deuh pawh a ngai hle a ni. Hetiang inbumna hrang hrang awm thei lakah hian Mizo mipuite fimkhur turin kan ngen takmeuh meuh che u a ni.

3. Inluah Chungchâng
Zirna leh hnathawka Zoram pawna lokal nula leh tlangval inluaha khawsa an thahnem viau mai a. Heng zingah hian nupa pawh ni silo, inngaizawnga inluaha awmdun an awm nual ta mai te pawh hi a fel lo khawp mai a, hetiang lamah hian Nu leh Pa ten kan fate awmdan leh chanchin kan ngaihtuah zui a kan thlithlai zui thin ngei a ngai a ni.

Bangalore-ah hian hnamdang, sakhaw dang bia, conservative society kara awm kan ni bawk nen, hetianga khawsa te hian Mizo hming an tichhe thei a ni. A hmunah kan tlawh theilo a nih pawhin midangte kaltlang talin an khawsak dan chiang taka hriat a tha a ni. Chutiang ti ngei tur chuan nu leh pate kan beisei nghal bawk a ni.

http://www.bangaloremizo.info/bangalorea-awm-tum-te-tana-hriattur-pawimawh.html

Related posts

Mizo Padma Bhushan & Padma Shri awardees

SiLent_Man

Kelawng a tlan a tha

H.Vangchhia

Downloading Music and Movies: For Tutorial Purposes Only

perek

16 comments

olgo May 15, 2012 at 5:34 PM

He tiang in hril hriat zel hi a tha †

H.Vangchhia May 15, 2012 at 5:47 PM

Tlangau-na tha leh bengvarthlak tak a ni e. hairehai (Y)

Lamji May 15, 2012 at 6:05 PM

Daily mag a chhuah ngei ngei chi.

Alejendro May 15, 2012 at 6:05 PM

Ka chhiar chhuak vek tawh bawk a, Bangalore ah kan chhuk teh ang. 😛

rotekawlasepa May 15, 2012 at 6:12 PM

Ava tha ve aw, mi zawng zawng chhiarah ka va duh ve.

Hunrei tak hnua comment ka siam lehna hmasa ber a ni.

Astericâ„¢ May 15, 2012 at 6:48 PM

3na khi a pawimawh bawn top

Soberboy May 15, 2012 at 6:57 PM

eng emawni president khan lo post rawh a ti ami 😉 Pil nghal

vakul May 15, 2012 at 6:59 PM

chhiar tur awm tak ten chhiar tak maw. heng article hi chu ruk i phal tal ang u… :-S

mr.Duhlova May 15, 2012 at 7:26 PM

(Y) (Y)

olias May 15, 2012 at 8:27 PM

Post tha khawp mai…. point pathumna khi chu ngaihtuah tham tling a tha e…hei hi chu hruai tu te hian hmalak dan awm lo mi aw te ka ti ve mai mai a kei mimawl hian 🙂

Dr Mahminga Sailo May 15, 2012 at 8:42 PM

# 6 & 10… Thla hmasa khan Mizoram nitin chanchinbu hrang hrangah chuan kan chhuah tawh e.

A mamawh leh hre tur awm te’n an chhiar lo tlat hi a pawi thin.. 🙁

XaiA May 15, 2012 at 9:51 PM

A bengvar thlak e,heng thu leh hla hi zawm a him ber thin.

olias May 15, 2012 at 11:14 PM

*****Dr Mahminga i ti lawmawm e… rilru a ka vei ve reng thin ania….

James Bond May 16, 2012 at 10:31 AM

Tha lutuk. A tawi zawngin “When in Bengaluru, don’t try to do always as NE people do.
Tualchhung mite culture tlem tal hriat sak la, cricket lam titi pui thei ni la, an tih ngai loh (uisa ei, zan rei deuh deuh thlenga party, adt) ti ve lo la, modest deuh hlekin a tul changin inchei la. Tichuan buaina i tawh tlem phah deuh ang.

Dr Mahminga Sailo May 16, 2012 at 10:41 AM

# 14… (Y)

tribepower May 16, 2012 at 10:57 PM

Vai buh ei threuh2..

Leave a Comment