Luangliam Mizo Society & Culture More than words

Dawn an tisei thin!

(Ka’n luangliam leh lawk te’ng. 🙂 ‘Ka felin ka hlim reng e’ ka tihna ni lovin, ka rilrua’n a riak ve reng si a…)

Malsawmna ka chhiar seng lo…
Ka rilru a inhnial a, mahse ka duhna chuan min nawr chak zawk si. Pathian zarah zirna leh hnathawhna vangin Mizoram pawnah ka awm a. A malsawmna avang liau liauin, ka phu tawk hna ka nei a. Hman leh hunawl neih apiangah theih tawkin Mizo khawtlang tan hun ka hmang ve thin. Kumin phei chu tling lo tak chungin, hruaitu te zingah ka’n tel chho ve lehnghal.

Sawichhuah kher a tul em ni?
Ka thiltawn beitham tak te hian ka ngaihtuahna an la peng fo. Kan hre theuh, Mizorama hna vanzia leh, thil man to si zia te; khawsak a hautakzia leh sum thawhchhuah a har lawi si zia te. Ka thalaipui thenkhat, hna tha zawk beisei a, neih phakbaka sum inpuk chawp hiala hna zawng a lo chhuk, beidawng leh si te ka hmuh hian ka lainat thin. Tihsak theih lah ka nei der si lo.

Entirnan mai mai, mi in emaw company emawa inlawhna tura hmu, thla khata Rs 5000 vel hlawh it a Mizoram chhuahsan inhuam ka hmuh te hian na ka tihpui thin. Chu a chhapah, an beisei anga an hlawh dawng leh si lo te, an awmna/thawhna fuh lo leh hrehawm em em te a la ni zui. A then te phei chuan, an duh leh chak reng vang ni lovin, hum sual an dai phah a, nawhchizawrh leh sual thim pan nan an la hmang zui. A va’n rapthlak em!

Lawmthu ka sawi thin.., mahse…
Mahni hnathawh bakah, nuam ka tih leh ka tuina em em (Uite te zingah 🙂 ) hunawl neih changin ka la thawk thei zel zui; mahni phak tawkah, nihlawh ka inti thin. Chutih rualin, ka thalaipui an duh reng vang ni bik lova an hringnun rahbi pial ta te hi an lainatawm. Dawn an tisei thin!

Tihtheih dang nei si lo hian, a ngai tein; ‘Khawvel tak hi chu aw…’ ka ti leh vawng vawng thin.

Related posts

Lunglen

M J

Zonun mawi

Emi

Mizo leh Music (Production)

Beta_lr

25 comments

Awmtea Khiangte May 22, 2012 at 6:02 AM

Hmasaber hi ka ni thei lo mang eeee 😀

Reply
Awmtea Khiangte May 22, 2012 at 6:07 AM

A ngaihnawm dap dap khawp mai.. Tin, i vanneihnaah ka lawmpui a che. Hna hi chu a vang lem lo, a thawk tlak (eligible person) hi an tam lo zawk mai niin ka hria

Reply
TuaiSialA May 22, 2012 at 6:13 AM

Dawn a tisei a ni awm e.

Reply
Awmtea Khiangte May 22, 2012 at 6:43 AM

#3 TuaiSialA, eng nge a hmaa i thu post, thu chhuah chhawn chungchang vel kha? A magazine hming te pawh i ziah lanna kha, ka va hre duh ve

Reply
Kawnga May 22, 2012 at 7:14 AM

Uite te zingah (????) Sipai bo ka bang.. 😀

Reply
Chhuaklinga May 22, 2012 at 7:15 AM

Tha hle mai (Y) Eng hna pawh nise, mahni hnathawh/eizawnna nuam ti tak leh phur tak a thawk thin te hi khawvel a mivannei ber an niin ka hria. Mahni hna theuh hi midangte tana rawngbawlna a ni tih hre reng a, taima tak leh rinawm taka kan thawh hian malsawmnain a lo zui mai thin a lo ni. ( belh ve leh ta duah mai 😀 )

tren tren

Reply
H.Vangchhia May 22, 2012 at 7:41 AM

Hetiang lam hi ziah fo a pawilo maithei (Y) 🙂

Reply
malsta27 May 22, 2012 at 8:00 AM

Uite te zingah te hna a thoh theih a mawn le? 😀 😀 Vety Dr lo ni ta ang la chupawh a zahawm tho. Eng hna pawh tupawh in thawk se, a hlawh tam emaw tlem emaw lam nilovin a mihring a rilru a kha a pawimawh ber fo…….hnathoh zah tih lampang hi, hnathoh zahthlak ti a dem tute emaw lo hmusit tu te an awm avanga zahthlak a an ngai a nih chuan, lo hmusit tu a te kha an hmusitawm hle zawk tih hi hriat a hun tawh khawp mai………….Tha lutuk tlat (Y) (Y) .

Reply
Dr Mahminga Sailo May 22, 2012 at 8:59 AM

@ malsta27… (Y)

In va’n tho hma hlawm ve. 🙂
Nia, kei hi ka insawi leh vak thin. Office ban hian, kar khata ni 2/3 hi evening pet clinic lian lo teah ka thu ve thin a. Office hna buai tak kara, clinic-a uite rawn kal leh a neitu te (nula.. ehhh 😉 ) nena inpawh taka han titi vel te hian hah a tidam sawng sawng thin.. 🙂

K’u sheldon-i tih danin: Tuk chhuah nuam vek u le.. 🙂

Reply
maawma May 22, 2012 at 9:01 AM

Hna thawh tur avang hi an ti teh fo a, inhlawhna tur chu vai awm ho hian an hriat khawp mai hi mawle, vai Rawng mistiri ringawt pawh hian an hlawh hnem teh mai a nia, Bekang zuar ringawt a chhungkaw chawm pawh sawi tur an tam em mai, thlai hnah zawrh vanga fa nu fapa Engineer, nurse nei ngat thei an awm chuan hna hi a vang lutuk lo a niang, kan taimak na in a tlin loh zawk vang a nih duh hmel ka ti.

Reply
chhangteval May 22, 2012 at 9:08 AM

Mahni chan tawk a lungawina aia duhawm a awm chuang hleinem (Y) (Y)

Reply
saint sammoo May 22, 2012 at 9:09 AM

i luv ma profesawn.

Reply
sheldon May 22, 2012 at 9:24 AM

Tukchhuah nuam vek u le.

Hetiang post hi a tha, chhiar a nuam. Lungawilohna leh vuina lam thu hi post ka ching deuh a, ka insiamtha tawh ang 😀 Hetiang post hian min fuih a, kan huntawng zelah lungawina chang te, lawmna changte min hrilh. Good post (Y)

Reply
James Bond May 22, 2012 at 9:42 AM

Mizoram ah (Manipur ah pawh ani ta ve ang) sustainable development a awm that loh vang nge, private sector investment a tlem vang nge, sorkar hna leh contract lo chu sumdawnna hlawk a tam lo viau emaw ni dawn ni. Thla khata Cheng 5000 ($100 pawh tling tawh lo) hlawh lak huama Zoram chhuahsan ngai an lo awm anih chuan a pawi vawng vawng hle mai.

Tunlai thilah chhungkaw budget Cheng 50,000 aia tlema khawsak a harsat tehlul nen. Cheng 5000 chuan eng mah a lei thei tawh lo. Mahse unemployed tan chuan engmah tih loh aiin a hlu si. Tah a chhuak.

Zawlkhawpuiah in Cheng vaibelchhe tam man a awm ngek nguk a (lignghing in a sawi chhiat a hlauhawm na chungin), swimming pool filter tana ringawta Cheng 1,200,000 (nuaih 12)hmang ngam minister inneih lai te kha. SUV (4×4) Cheng 1,000,000 (nuaih sawm) man Aizawl traffic jama tang mai mai tur lah an hralh chur chur a. Hausa ho lahin Johnie Walker Blue Label (a man ka hre chiah lo, Cheng 8000 vel ani maithei) an in dawklak.

Hmanni a tuten emaw Maoist ho anga hel kan ramah an lo awm ve mai a hlauh thu a ziak pawh min ti hrechhuak.

Reply
lr hlonchhing May 22, 2012 at 10:31 AM

Sawi duah tur leh tlak ve duah tur ka nei lo. Hei hi ka nei (Y)

Reply
CFL May 22, 2012 at 12:50 PM

(Y)

Reply
lushai_er May 22, 2012 at 12:58 PM

@maawma sawi khi ka pawm zawng tak a ni. Vai ho hnathawh peih ang chi hi Mizote hian “HNA”-ah kan ngai tak tak lo em ni?

Hmeichhe (Burma mi) awmpui tur pawh Aizawlah an vang viau an ti a ni lawm ni? Lang a kalna tur pawh a tam mai an ti !!!

Reply
PKfanai May 22, 2012 at 1:15 PM

“Others respect those who respect themselves and their own proffession” ka ti ve thuai teh ang. (Y)

Reply
Dr Mahminga Sailo May 22, 2012 at 1:22 PM

Sawi hawn takah chuan: An lo chhuk chhan dik tak hriatsak vek lo mah ila, thenkhat hi chuan phaia khawsak chu nuam leh zalen tura an ngaih vang te pawh a ni mahna.

Tin, mi tlemte phei chuan, sual rawngbawl paha, awlsam taka sum lakluhna remchang te pawh an tin zawn mai thei bawk. Thenkhat erawh tum reng vang pawh ni bik lova rahbi pial ta te pawh an awm nual ang… ;-( Hei hian an nunah pawisak neih lohna te, sual ngaihzam mai te a hringchhuak; a pawi takzet a ni.

Reply
Lamji May 22, 2012 at 3:11 PM

Chhiar a nuam. (Y) Kut hnathawh kan zah chhung chu kan changkang lovang. Eng hna pawh thawk ila,kan tuina dang a pocket money tal la lut tur hian hun hi kan nei tawk. A sum thawkchhuak em em lo paw’n tui zawng dang tih na hun hi kan nei tam lutuk. Entirna pe ila.. Sawrkar hnathawk carpentry/interior designing a tui tlat te awm ta se,a tuina ti tur in weekend leh hna ban hnu hunawl a nei teuh. Kan main profession bak thil dang tih hi tlawm ah kan la tit zel a,kuthnathawh lek phei chu. Hun awl kan ngah lutuk pawh hi tlakranna.

Reply
kiddo May 22, 2012 at 4:48 PM

(Y) (Y)

Reply
mamboihi May 22, 2012 at 11:30 PM

Mahminga post tunah ka hmu ve chauh 🙁 A tha in dawn a tisei mang e! (Y)

Reply
bbney May 22, 2012 at 11:51 PM

Good post (Y)

Reply
TuaiSialA May 23, 2012 at 12:00 AM

@Awmtea, ka hre tawh mai lo ve aw… Ka lo en/zawng dawn nia.

Reply
vakul May 23, 2012 at 4:53 PM

mahming…i ti tha thin khawp mai..chapo ni miah si lo hian i ziak thiam a.

han ti zel rawh mi dang fuihnate.

Reply

Leave a Comment