Copy Paste Luangliam

Ka nu dawt sawi te

(Facebook THU NGAIHNAWM HUANG-a Red Riding Rogue rawn post a ni a, ama ziah pawh a ni chuang lo. A ziaktu hriat loh. A á¹­ha ka ti em a, ka rawn post chhawng tawp mai a ni e.)

Ka naupan lai aá¹­anga sawi á¹­an a ngai tlat. Chhungkaw rethei takah ka lo piang a, kan duh zawng eitur kan hmu phak ve lo va, kan hmuh phak hi kan duh chawp a ngai á¹­hin. Chaw mumal ei loh chang pawh kan nei ve zeuh zeuh a ni. Nikhua ka hriat tirh aá¹­angin kan chhungkua kan harsa tih ka hrethiam a, ka nu leh pate lakah an tana tih harsa pawh ka phut ve ngai miah lo.

Tuk khat chu kan fairel bel a ruak ta tlat mai a, chaw ei tur mumal kan nei lo. Kan zavaiin a mawi tawkin kan thlengah chuan kan khawrh ve tak na a, a tua te mah chuan kan chanai chu kan puarpui dawn lo tih a chiang reng mai. Chumi ṭum chuan ka nu chuan a chanai min eitir a. A thleng ka lama rawn nawr phei pahin, “Bawiha, ei rawh, ka ril a ṭam lo keichu.” Hei hi ka nu dawt sawi hmasak ber a ni.

Kar tluanin ka nu leh pa chu an inhlawhfa ṭhin a. Kar tawpah hian chawlhni tuka kan hmeh dun tur sa tlemte hi an rawn khai haw ve ṭhin. Chawlhni tuk vawi khat chu, ka saruh khel ban ka nu hian a lo khel ve leh a. Chu chu ka hmuhin hrehawm ka ti a, sa hrang dang chu ka nu ei turin a thlengah ka dah sak a. Ka nu chuan, “Bawiha, nangman ei rawh, sa hi ka ngaina vak lo keichu.” Hei hi ka nu dawt sawi vawi hnihna a ni.

Sikul kai rula ka ni ve ta a. Ka nu chuan chhuna an inhlawhna ringawt chuan sikul ka kai ve thei dawn lo tih hriain zan lamah thawh tur a hmuh ang ang a thawk ṭan ta a. Zan khat chu kuhva kheh tur hi a rawn hawn teuh a. Kan kheh dun a. Zan a lo rei a, ka mut a chhuak ta a. Ka nu chu mutpuiah ka sawm a, ka nu chuan, “Bawiha, va mu rawh, kei chu ka mut a chhuak lo e,” a ti a. Hei hi ka nu dawt sawi vawi thumna a ni.

Final exam kan nei ta a. Kan exam tawp ni chuan ni sen sa hnuaiah ka nu chuan kan ban hun a lo nghak char char a. Kan ban veleh ka tlan chhuak a, ka nu chu ka va kuah a. Ka nu chuan ka in tura a lo dahthat thingpui la lum deuh lep lep chu min pe a. Tui ti takin ka lem khawlh khawlh a. Ka nu hmel chu kan en a, ka tana a hah zia ka ka hrechhuak zawk a, ka in bang chu in ve turin ka ti a. “Bawiha, nangman in rawh, kei chu ka chhawl a hal lo e.” Hei hi ka nu dawt sawi vawi lina a ni.

“Bualtui ka kâm, ka zua thlâ lo fam,” tih ang deuh khan, khawsak harsat naka laiin ka pa chuan min boralsan leh ta zel a. Ka nu chuan kan pahnih tan rim lehzuala a thawh a lo ngai ta a. Kan ṭhenawm maiah chuan ka patea te an awm a, kan harsatna hrang hrang chu a theih chin chinah min rawn chinfel sak ve ṭhin a. Kan ṭhenawm khawvengte chuan kan harsatzia an hmuhin ka nu hnenah chuan pasal dang nei leh turin an rawn a. “Kawppui ka mamawh lo ve,” tiin a chhang liam mai a. hei hi ka nu dawt sawi vawi ngana a ni.

Ka graduate hnu chuan hna te ka lo hmu ve ta a. Hlawh nei ve tawh mah ila, ka nu chuan a tihdan ṭhin pangngai chu a la sim duh chuang lo a. Ka hlawh lak hmasak ber ṭumin ka hlawh chanve lai chu ka va thawn a. Ka nu chuan ka pawisa thawn chu min rawn thawn let leh a, “Bawihte, ka mamawh tawk pawisa chu ka nei alawm,” tih a rawn ziak tel a. Hei hi ka nu dawt sawi vawi rukna a ni.

Hnathawh pahin master degree neih tumin ka la zir zawm zel a. Vanneihthlak takin master degree pawh chu ka nei ve leh ta mial a. Ka thawhnaah chuan master degree ka neih avangin ka hlawh pawh an san ta a. Chutia ka khawsak a lo nawm ve tak deuhah chuan, ka nu chu ka awmna lamah hruai ka duh ta a. Mahse, ka nu chuan, “Bawihte, in nuam leh ṭha takah ka cheng ve thiam lo e a” tiin ka sawmna chu a lo hnar a. Hei hi ka nu dawt sawi vawisarihna a ni.

Ka nu chuan tar alamah cancer natna a vei ta tlat mai. Kan awmna chu inhlat teh mah se ka nu awmna chu ka pan ta vang vang a. A awmna damdawiin chu ka tlawh nghal a, damdawiin khumah chuan a lo mu bam mai a. Ka nu cherzia leh a taksa chhiat tawhzia ka hmuh chuan ka insum zo ngang lo a, a hmuh lai chuan ka ṭap ta a. Ka nu chuan, “Bawiha, ṭap suh, na pawh ka nei hleinem,” tiin min hnem a. Hei hi ka nu dawt sawi vawi riatna chiah a ni.

Related posts

July 15

Dina Pa

Tuirial Jail Escape II

lushai_er

Kan khua chu

lr hlonchhing

39 comments

DXBFreak May 22, 2012 at 10:43 AM

awi ka 1st nia

Reply
DXBFreak May 22, 2012 at 10:55 AM

chhiarzawh vek hnu ah…Thu tha tak ani

Reply
As_khiangte May 22, 2012 at 11:00 AM

a van ngaihnawm e…

Reply
Dr Mahminga Sailo May 22, 2012 at 11:09 AM

Khai aw.., Chhuihthangvala luaithli min va nul tir teuh ve le. A dikin, a ropui a ni, NU hmangaihna hi chu!… (U)

Reply
Chhuaklinga May 22, 2012 at 11:18 AM

Rilru a khawih hle mai. Tun thlenga ka nuin min dam pui a, enkawl let ve thei a ka awm hi ka va vannei em.

tren tren

Reply
PKfanai May 22, 2012 at 11:39 AM

A mood ah ka chèng fuh lutuk a, ka hnuk a ti ulh pha tlat mai. Nu tha chanchin hi ka chhiar ning ngai lo. (Y)

Reply
jpaite May 22, 2012 at 11:49 AM

Min hneh!

Reply
Mr.Chhurbura May 22, 2012 at 11:53 AM

mittui tla zawih2 a kan chhiar chu le.

Reply
Lamji May 22, 2012 at 12:12 PM

(Y) Nu te hmangaihna bawk. Misual ho hian kan lo man chiang ber mai e. (Y)

Reply
TuaiSialA May 22, 2012 at 12:18 PM

Thenzawl atang pawhin thuziak tha a ni tho mai.

Reply
saint sammoo May 22, 2012 at 12:32 PM

e khai, patling pui ka’n hnam sawk chu a..

Reply
CFL May 22, 2012 at 12:43 PM

A va lungrun em aw.. ;-(

Reply
malsta27 May 22, 2012 at 12:56 PM

Va bei pui thei ve, tragical fiction ziah kual dan a ang lek2…. (Y) (Y)

Reply
lushai_er May 22, 2012 at 1:18 PM

Harsa lutuk lova lehkha zir theih hlut zia min hriat chhuah tir e.

Reply
AmiGo... May 22, 2012 at 1:42 PM

Ka chan nen in an tep2 na lai a awm,mahse a ni lak chuan kan la vanneih zia min ti hre chhuak,ka nu hmel ka mitthla ah a lo lang zawk,kum 8 dawn ka hmuh toh loh kanu min va ti ngai thar em…. ;-(

Reply
chhangteval May 22, 2012 at 2:42 PM

Facebook chu nise ka chhiar peih miah lovang (H) (H)

Reply
hlatekhua May 22, 2012 at 2:58 PM

I va’n ziak á¹­ha em! Lung a tichhia.

Reply
Awmtea Khiangte May 22, 2012 at 3:28 PM

A va ngaihnawm tehlul em! A run thlak khawp mai. Nu hmangaihna a tarlang chiang hle a ni

Reply
Charice_mizo May 22, 2012 at 3:47 PM

Ka rilru a khawih, a ziaktu hi ka hre chak hle mai, mittui a ko tlat ;-(

Reply
vakul May 22, 2012 at 3:50 PM

kan nu hriatah ka chhiar ri a, ka aw a fawn ta deuh a ka duhtawk ta a chhiar zel turin min ti a ka ngam tawh lo..

Reply
Kher Kher May 22, 2012 at 4:35 PM

Luangliam zawih zawih teh ang.

Reply
Dinsa May 22, 2012 at 4:38 PM

Ka va chhiar tui ve, ka rilru ah thildang a rawn lut, thenkhat chuan an fate hlimna turin an tuar a ni si a.. Thenkhat erawh chu maw an hlimna turin an fate an kalsan lawi si, khawvelah hian mi chi hran hrang kan awm a nih hi maw ti mai ang.

Reply
H.Vangchhia May 22, 2012 at 4:40 PM

A ngaihnawm khawp mai, mahse dawt a sawi tlem mah mah mihring nisi! 😛 😉

Reply
kiddo May 22, 2012 at 4:54 PM

Aw haw huai, chhingmitui a hnam mai dawn lawm le… (Y)

Reply
hlimthla May 22, 2012 at 6:08 PM

Hnuk a ti ulh thei dawn alawm mawle. (Y) (Y)

Reply
century child May 22, 2012 at 6:30 PM

Rilru ava khawih reuh ve le.

Reply
Mama_B May 22, 2012 at 8:35 PM

Van tha ve le!!! Nu hmangaihna zawng a ropui e…

Reply
mamboihi May 22, 2012 at 9:00 PM

Nu hmangaihna hi chu tluk theih rual a ni lo e.. Misual chauh ni lo, mi ropui leh lar tak tak te pawh hian an nu te hi credit an pe tam ber mai.. (Y)

Reply
awmawmpuia May 22, 2012 at 9:50 PM

Post tha tak leh rilru khawih tak a ni e. (Y)

Reply
Saitawk May 22, 2012 at 10:19 PM

“ka pa dawt sawite’ tih chhiar tur awm lehnghal law law se ka va ti ve. (Y)

Reply
Astericâ„¢ May 22, 2012 at 10:27 PM

“Nu hmangaihna chu a dawheh a Pa hmangaihna erawh a khauh” tihna ni mai lo’ng maw 😉

Reply
Astericâ„¢ May 22, 2012 at 10:36 PM

TuaiSialA te, Pkfanai te, Ignatia te hi hmeichhe tawngkam anga nem deuh, thinlung lam a tha emaw tha lem lo emaw mahse tawngkam tha deuh hluam hluama hneh chi anni in ka hria. A chhan chu hetiang lam thu hian a shock na thei bik riau. An mittui hi ka ti tla sam ngawt ang 😉 :pil vang vang:

Reply
Astericâ„¢ May 22, 2012 at 10:50 PM

^ tih Hot ka tum ania 😉 :jeih jeih:

Reply
TuaiSialA May 22, 2012 at 10:50 PM

Khi thuziak chu Serchhip atang pawhin a lo la ril viau mai.

Reply
Charice_mizo May 22, 2012 at 10:54 PM

Rawn lang leh zuai te’ng, mutchhuak tawh hle mahse (ham bui bui) :-O

Reply
mizohero May 22, 2012 at 11:45 PM

Nu hmangaihna hi chu a tem hnem ber pawl ka ni a..a tluk hi Pathian hmangaihna tih lohah chuan a awm thei in ka ring lo..

Reply
chhana May 23, 2012 at 4:29 AM

I nu dawt sawi ang hi chu nu zawng zawng deuhthawin an sawi ang. Mahse, I pawisa thawn a rawn thawn let kher che hi chu a ti mah mah ka ti.tak tak a nih Ka awihloh phah deuh.

Reply
yitzhak May 23, 2012 at 5:57 AM

a ngaihnawm khawp mai. ka hnuk te pawh a ti ulh……..

Reply
TuaiSialA May 23, 2012 at 6:26 AM

@Chhana, thil awm thei lo a ni miah lo, nu hmangaihna ropuizia ngaihtuah chuan.

Zing thawh hlimah pawh thu tha a va tling tehlul em!

Reply

Leave a Comment

Skip to toolbar