Luangliam Mizo Society & Culture More than words

Khawpui Zin Thu-II

Rahsiveng tlangval ka ni tlat!
Thingtlang khaw mawngping; lirthei awm chhun te lah thlangra, belval leh kawi te an ni mai a. Chu thingtlang atang chuan khawpui, Leitlangpui tia an koh duat ngatah lehkhazir chhunzawm turin, mi inhnuaiah kan invawm lut ve a. Mahse, khawpui tlangval ni tura ka rilru inpuahchahna erawh beisei ang a ni lem lo. Khawpuia awm ve e ti lovin, Rahsiveng mawng; tawng mawi lo ni lo se, zu zuar tamna vengah rawlthar hun ka hmang ta a. Thingtlang atanga danglamna ka neih awmchhun chu, nitin alu-kan leh dal hang-hhum kan ring kha a ni mai awm e! πŸ˜€

Hei vang hian maw; Rahsiveng tlangval tam zawkin, Γ’β‚¬ΛœKei chu Rahsiveng tlangval ka ni tlatÒ€ℒ tia hmai zangthal he hawa an sawi thin kha, ka sawi ve chi reng a ni lo. πŸ˜‰

Zawlkhawpui pan turin
Mumang a an zawk hial! Mizoram khawpui ber, Aizawl hi ka dam chhunga hmuhna hun ka neih ka ring ngailo. AmaÒ€ℒrawhchu, pi leh pute sawi angin, thing delh loh lung delh loh chu, mahni tawk teah ka seilian ve a. Lehkhazir chhunzawm zel ka tum avangin Zawlkhawpui pan turin ka inbuatsaih a. Kan thiante Aizawl zin tawhin, lirthei a tamzia te; Aizawl ngaihtuah chuan, Lunglei chu thingtlang khua ang lek an tih te chu hre rengin, Aizawl hmuh hlan chu ka nghakhlel em em. Mahse, Aizawl ka zin chhan erawh exam bei turin a ni thung.

One day Congress Party!
Vanneih a siamin, a thlawna Aizawl kalna lirthei remchang a awm hlauh mai. Pu Hawla pawlte, Vana Pa Hall-a inhawrkhawm turin bus pahnih an hmang dawn a. An ruala kal theih kan inbeisei. Exam atan pawimawh tur leh Aizawl cham chhunga mamawh tur suitcase te fel ren rawna khai ap chungin, inla-congress party mi leh sa em emin congress bus hmanah chuan ka chuang ve ta. Nang khawi unit nge? min tih hlauh a, Rahsiveng unit tia chhanna inring rengin bus-ah ka chuang a.

Kalkawngah chuan huphurh ru bawk si, phur deuh tak bawk siin, helhhawlh urhin bus hnunglamah thutna ka rem a. Hruaitu titi ngah deuhvin, congress party chungchang an sawi te, Pu Hawla an fakna awka leh sawrkarna an chan leh thuai tur thu an sawi te chu, mahni party niawm takin, an thu leh hla ka thlawp der a ni tih entirnan thuthmunah lu ka bu nileng ve zak!

Ramhlun North Presbyterian Biak In bul
Vawikhatmah Aizawl ka la zin loh avangin ka thlen in tur awmna ti hian ka paÒ€ℒn min hrilh. Bawngkawn atangin in tlan phei ang a, Ramhlun North Presbyterian Biak In lianpui chhak chiah ah khan a ni mai tiin.

Tin heti hi a ni a. Zemabawk kan lut a, lirthei chu an sawi ang ngeiin a lo tam na ngiang; tawt tak tak in an tawt. Bawngkawn an tih kan thleng phei a, Ramhlun North Presbyterian Biak In chu khawilamah tak awm ang maw? ti rirlu rauh rauhin kawngpui tawt em em chu ka thlir phei zel a. Aizawl zawng, khawpui tak tak a lo ni e ti rilru chung zelin, bus atanga chhuk thlak hlauhawm hial khawpin lirthei a lo tam si. A ni, Rahsiveng mawnga mi inhnuai luah ve mai tan chuan zam loh chi a ni lo! πŸ™‚

Ka vaÒ€ℒn vannei tak em!
Hrangbana college, a thlalak ka hmuha ka ngaihsan em em ah exam kan nei dawn a. Kal dan erawh ka hre map lo. Vanneihthlak takin, Ramhlun North atanga exam tura ka chhuah chuan; high sikul-a kan warden, aizawl a hnathawk ta ka hmu hlauh a. A bike-in ka exam-na hmunah min va thlah a. Khami tuk khan, sir kha hmu ta lo ila, ka che buai viauvin ka ring. A hun takah hian tanpuitu an lo lang leh thin.

Γ’β‚¬ΛœLalhmingmuana SailoÒ€ℒ a awm em?
Kan exam zawh ni chuan, phur takin ka exam paper ka thehlut dawn chiah tihah; exam vengtu atangin, Lalhmingmuana Sailo, Lunglei Rahsiveng a awm em? tiin an au lauh lauh a. Kei lahin phur takin Γ’β‚¬Λœaw awm eÒ€ℒ ka ti a. Kan exam-a min duhsaktu tur an awm ta em maw ni? tiin beisei sang takin min kohna lam chu ka pan phei a. A teuh lo lutuk! Kha pawnah khan police-in an nghak che, police station-ah va zui phei rawh an ti ta mai! Ka vaÒ€ℒn bangbo teh reng em!

(Chhunzawm tur…)

Related posts

Ka laptop thar

Chhinga

Hmeltha hi an va hlu tak!

father_sphinx

Ka ar thai

The Real

37 comments

sisen June 19, 2012 at 8:33 PM

Ngaihnawm dawn e, first em aw…

Reply
hiho June 19, 2012 at 8:39 PM

tawp dan chu lee.. πŸ™

Reply
VaiVa June 19, 2012 at 8:50 PM

Kei pawh a tawp dan chu ka van bang bo em! :-O

Reply
Jacka Pi June 19, 2012 at 8:56 PM

Kei chu a tawp dan lampang khi chu ka chhiar tawh rin ran

Reply
chhangteval June 19, 2012 at 9:14 PM

Rahsiveng tlangval ka ni tlat! an tih apianga ka hriat chhuah tak zel chu, nikum kum leh a lammuala he thu a sawi zawh rual rual a, tlar 5 vel lai thui lum thla tura aizawl tlangval in a hnek kha πŸ˜› πŸ˜›

Reply
Dr Mahminga Sailo June 19, 2012 at 9:36 PM

@ Jacka Pi… πŸ˜€ Nula ka bem tawh, min duh lotu ngei te pawh hi ka bem nawn leh dawn dawn thin… πŸ˜›

@ chhangteval.. πŸ˜€ Kei chu Rahsiveng tlangval ka ni tlat! ka ti ngam ve reng reng hlei nem πŸ˜› Rin aiin he thu hi a lo lar daih :-O (lar dan tha tehchiam ni lo mah se.. πŸ˜‰ )

Reply
chhingdailova June 19, 2012 at 9:38 PM

A tawp lak lawh chi chet hle mai a. Bakah a in zawm na hi a kar a rei in ka hria ( phunchiar lawks)

Reply
Chhuaklinga June 19, 2012 at 9:42 PM

(Y) A va laklawh ve aw. Han chhunzawm thuai teh khai. A ngaihnawm dawn e.

Rahsiveng tih hi ziah zawm loh tur a ni zawk lo maw, Chhinga veng, Sarawn veng, Rahsi veng, Awmpui veng, adt ang hian. πŸ™‚

tren tren

Reply
Chhuaklinga June 19, 2012 at 9:48 PM

Leh lawks, nang chu an sawrkar loh lai pawhin congress zar i lo zo thei bik a ni maw.. πŸ˜€

tren tren

Reply
Charice_mizo June 19, 2012 at 9:50 PM

Rahsiveng tih zawk tur a ni e. Ngaihnawm dawn tiah tiah ngei mai a… πŸ™‚

Reply
kilung June 19, 2012 at 9:53 PM

A tawp dan chu Vai serial film ava ang ve… πŸ˜›
Ngaihnawm tan dawn e..

Reply
sheldon June 19, 2012 at 9:56 PM

Mahminga hi thu leh hla hi a thiam thar riau alawm. A ngaihnawm lehpek e. Thil i hrerei thei a, i vannei khawp mai. Kei chu ka naupan deuh lai thil hi ka hre tawh mang hlek lo. Mumang ang vel ruai ani.

Reply
saint sammoo June 19, 2012 at 9:56 PM

@doc : :-O … ka chhiar tawh chiang..khawiah nge ka chhiar tawh kha aw….???

Reply
Γ‰ΒͺÌ£uΓ‰ΒͺÌ£pnoΓ‰Β₯ June 19, 2012 at 9:58 PM

Va ngaihnawm lehpek ΓƒΒͺm. (Y)

Reply
saint sammoo June 19, 2012 at 9:58 PM

OT loks.. banner hmu peih lovin maimitchhingin ka scroll nghal a.. mahse hmuh a lo nuam leh ta thluam mai… thanx to all admins

Reply
Dr Mahminga Sailo June 19, 2012 at 10:08 PM

@ Chhingdailova… I comment a tangkai e.. (Y) Ka thuziak khi ka en chiang leh ngat a, a inkar a lo hla em tak mai. A thui viau dawn si a, ka rek bung ta tawp mai… πŸ˜‰

@ Chhuaklinga.. Ka chiang bik miah lo. A chang leh Rahsi-veng ti te’n ka ziak thin.. πŸ™‚ Mak deuh asin, NLUP tha mi an sem hma daihin, Pu Hawla party zar hi ka zo tawh. Lunglei N MPC party candidate tling za ta lo paw’n, Aizawl ka kal man min tumsak tawh bawk. Tun thlengin vote ka la thlak miah chuang law… πŸ˜›

@ sheldon… Jacka Pi sawi ang khian, thu thiam lo na na na chuan, kan ziak tawh sa kan thual nawn vel mai mai a nih hi… πŸ˜€

@ Saint… Thu thenkhat khi (Ref. Jacka Pi πŸ˜‰ ) ka thuziakah ka telh tawh a, mahse tunah hian a chipchiar deuh hlek thung… πŸ™‚

Reply
Chhuaklinga June 19, 2012 at 10:13 PM

Charice_mizo@10, Kan khuaah pawh Rahsi veng hi kan nei ve a, ka awmna veng a ni nghe nghe a, Rahsi veng tiin a sin kan lo ziah thin. πŸ™‚
Rahsiveng tih leh Rahsi veng tiin han google ve chhin mah teh. (H)

tren tren

Reply
Saitawk June 19, 2012 at 10:16 PM

Lal Mahming, i tawk fairlo… ka admin hunah hetiang chi hi chu ka pending char char tawh ang! chhunzawmna tur nen vawikhat a vawrh chhuah suau ah a itawm alawm le! πŸ˜€

Kei chu Rahsiveng sir atang ngatin ka comment! (Y) πŸ˜›

Reply
Jacka Pi June 19, 2012 at 10:16 PM

Post tupa #6 try,try again an tih ve bawk kha maw le πŸ˜‰

Reply
Charice_mizo June 19, 2012 at 10:20 PM

Rahsiveng tih hi ziah dan tam zawk a niin ka hria. Mahse Rahsi Veng tia ziah chu technically chuan a dik zawk. Kei chuan Rahsiveng tih hi a nalh zawk ka ti, a awmzia a danglam phah chuang lova πŸ™‚

Reply
Dr Mahminga Sailo June 19, 2012 at 10:30 PM

Jacka Pi… Comment dangah ka sawi tawh kha. Nula min bemtu an awm hma chu, ka bem tawh dawn bik lo reng reng. Tlangval bemtu zinga mi, an duh ber kha “Yes” an ti zaih zel. An hahdam bik em mai… πŸ˜€ πŸ˜›

@ Saitawk… Arabian knights kan en thin ang khan, laklawh deuha tawp a that ve ka ring deuh a… πŸ˜€

Rahsiveng sira nula chhelo deuh kha a la nula em le aw…? πŸ˜€

Reply
Chhuaklinga June 19, 2012 at 10:35 PM

A dik zawk ni a ka hriat ka rawn tarlang ve mai mai. Kan google a Rahsi veng ti deuh hlirin a lo inziak bawk nen, a dik hi kan duh thin em a, haha… (K)

tren tren

Reply
Saitawk June 19, 2012 at 10:44 PM

@Dr Mahminga, kha nu te reuh kha maw? Hmani ah chanmari tlangval nen tiam tlat e an ti leh ta! nang leh kei chu min changlo leh ta phawt tihna nih chu! πŸ˜€

Reply
Dr Mahminga Sailo June 19, 2012 at 10:48 PM

# 23… (Y) πŸ˜€
@ Saitawk… Tlangval tak tak hmain, khiang min awihsan zel mai a nih hi maw… πŸ˜›

Reply
century child June 19, 2012 at 10:54 PM

Ngaihnawm hle mai. (Y)

Reply
mamboihi June 19, 2012 at 10:58 PM

Mahminga hi Sailo nih i inhmeh loh hmel te ka tia!! :-S I scooty nge ngaihnawm zawk hei hi tih ka lo committee phawt teh ang haha πŸ˜€ Aizawl zin thu pawh ti hian in ziakthiam bik a… (Y)

Reply
Dr Mahminga Sailo June 19, 2012 at 11:03 PM

K’u mamboih, Sailo saphun te pawh ka ni mai thei a nia… πŸ˜€ πŸ˜›

Ka scooty pawh, ka tan rinawm takin a la tlan ve beuh beuh e; a seat hnung erawh tuktin ka hrufai hliau hliau thin. πŸ˜€

Reply
sheldon June 19, 2012 at 11:09 PM

@mamboihi, post tupa kha zanin chu England support turin han sawm teh. A thawnthu ziah kan chhiar tha bawk a πŸ˜€

Reply
mamboihi June 19, 2012 at 11:21 PM

Mahming Sheldie’n England tan vek tur a ti!!!! I thuziak ngaihnawm ti em em in a chhiar ziah dawn bawk a….

I scooty seat hnung hrukfai man a va awm har tak em! πŸ˜›
Sheldie hi phur mai rawh πŸ˜€

Reply
Dr Mahminga Sailo June 19, 2012 at 11:33 PM

England ka tan lutuk hi, awm dan ka thiam lo. Ka mu dawn nge, ka lam dawn zawk… πŸ˜€
Sheldie maw, a lo zin hun hunah, a duhna apiangah a thlawn ngatin ka phur kual ang… πŸ˜€

Reply
sheldon June 19, 2012 at 11:42 PM

Hahaha…mamboihi leh mahminga hi football in tui lo ve ve tih ka chiang πŸ˜€

Reply
Rokob June 19, 2012 at 11:43 PM

Serial film en nen a dang vak lo, I rawn chhawpchhuah zawng poh khi a ngaihnawm viau a, a ngaihnawm lehzual dawn chauh a I rek bung daih a lawm le, Part III chu lo chang leh poh teh ang.. (Y)

Reply
mamboihi June 19, 2012 at 11:54 PM

Sheldie kan tui over awm ngaihna kan hre lo aniang haha!! England phei chu kan tan lutuk kan aw a chhang tep!

Reply
zolawkta June 20, 2012 at 12:14 AM

Rahsiveng leh Rahsi veng danglamna chu Lungleiroad leh Lunglei road tih ang vel a ni thei em?

Reply
thiana June 20, 2012 at 7:57 AM

Khua a varna pawh a rei tawh tehreng nen…i chhunzawm har , ka khua a har. Silent reader pawh a nih theih loh ve !

Reply
hlatekhua June 21, 2012 at 5:20 PM

A ngaihnawm leh pek hle mai. I thlenin tur kal pelin Hrangbana College bulah i chhuk dawn emaw ka ti hman a.

Reply
PKfanai June 21, 2012 at 5:37 PM

A ngaihnawm thin e. a chhunzawmna pawh chhiar thuai thuai a chakawm (Y)

Reply

Leave a Comment

Skip to toolbar