Advice Lifestyle Whatever

“Mizo Kan Ni” ti ta ila !!!

Mak tihhmel deuhin, “Khawi atang nge inlo kal ? China…???” a han ti he haw a. Kan inmelh kual deuh hnu chuan kan zinga pakhat chuan nui deuh titih chungin, “ Aw, ni e“ a han ti ve mai a, kan nuiho dar dar a, a ni pawh chu a nui ve mai a. Thildang min zawt tawh lemlo chuan a kal kiang ve mai a , keini pawhin zawhna thutak lemlo tak nia kan ngaih avangin kan ngaihtuahzui tawh lemlo bawk.

A hmun kan thleng ta bawk a, tuipui fawn hlup hlup lamah chuan rilru kan han dah vang vang a, hmuhnawm titakin kan thlir thap a, mit a hahdam ngei mai. Tlailam boruak chuan tuipui chu a timawi a , a kam vel boruak leh leilung pawh a lang thianghlimin a felfai tha hle a ni.

Mahse, chutianga foreign atanga kal kan nih takah chuan rinloh takin hmelhriat ngailoh te chuan min duhsakin min ngaihsak a, duhtawka tui dai an phal a, kan bula awm nuam anti a, min be deuh sek bawk. Chumai nilovin thla te min lakpui ta zel a, rinloh takin ‘milar’ chu kan nita der mai. A nuam kan titlang bawk a niang, darkar reilote chhung mah nise kan duhthawh tlang hle a ni.

Duhthusam leh suangtuahna a puitling a, beisei phak bak hmuna min hruailuttu ber erawh kan ngaihtuah pha ta hauhlo thung.

Kan piah lawkah chuan nichina zawhna min zawttu khan lokal thar, puitling zahawm hmel tak takte hnenah, “Foreign atang lokal annih saw !!“ ti ni awm takin alo hrilh zel a, kan lam chu a rawn kawk zauh zauh reng bawk a, dawt kan hrilh tih a hre silo . Chu thil han hmuh chuan rilru a kam ru reuh ta ngei mai. Thuphachawia va hrilh that a chakawm hial a, mahse a hun leh a hmun in a zir tawhlo.

Min hrechhuak ta se engtin tak ngai ang maw ? Ngaihsanna mitmeng nena min be sarh sarh tute , thla min lakpuitu zawng zawng te kha !!!  Phatsantu dinhmun chhiatzia chu sawilan kher pawh a ngai silo. Kianga mite chu an zahawm tulh tulh a, an mitmeng a fin hmel sawt bawk a, inthlahrun a na duh ta ngei mai. A hmun mawina leh boruak thianghlimin rilru a luah thei tak tak tawh lova, chhuahsan thuai thuaina tur hmun aia mawi rilru ah a awm tawh chuanglo.

Tichuan, kan innghahna hmun lam kan thlen phei leh chuan thiandangte bulah kan han sawi a, rilru nuamlo taka hun kan hmandan te pawh kan hrilh bawk. Chutah anni lah chuan ngaihsam fahranin, “ In va remhre ve, in vannei hle mai, keini chu Mizoram atanga kal kan nih thu kan hrilh a, tui dai pawh an phal mumallo, an strick lutuk”, an ti ta daih a. An thusawi chuan min hnem a hnekin rilru a tinuamlo zual sawt a, ngaihtuah thui deuh deuh leh rilru a hah tulh tulh mai dawn niin a lang. Engpawhnise, a tirah khan, “ Mizo Kan Ni” kan ti tawh chuang si lova, engmah hi sawichhuaklo law law ila a tha zawk daih pawh a ni mahna  !!!

(Note:  Hetiang deuh thil tawng hi Mizo zingah kan awm nualin ka ring,  mimal thiltawn ngei pawh ni chiah chuanglo ka rawn ziak a ni e !!!)

Related posts

I Asked God!

rka_49er

Hottest athletes of the Summer Olympics

The_Chhamanator

Secondhand Puanthan

aduhi

20 comments

VaiVa June 2, 2012 at 9:40 AM

Hei chu comment a va tla Å£ha lo ve 😛

Reply
maawma June 2, 2012 at 10:16 AM

Comment a lo theih tawh nih hi a, tukin khan comment close a in tia

Reply
TuaiSialA June 2, 2012 at 10:37 AM

Nia, a in-close rei reuh lutuk. Mihringte hi a lo mak khawp, keimahni ni lovin kan nihna hian mite thinlung a lo tidanglam khawp mai. Mizo leh China mi, mi pangngai rengah pawh an hmuh dan inan lohzia chu a langchiang khawp mai.

Reply
chhana June 2, 2012 at 10:41 AM

Ka tawng fo. Min ngaihsan phah phei chu ka hrelo. Min ngaihsan nana inti ( ka aw fo a) erawh ka ni lo. Ninawm chang a tam duh khawp mai.

Reply
Sony June 2, 2012 at 11:25 AM

India ram state hrang hrang ah hian ka lo cheng ve tawh a. Haryana khaw kilkhawr tawka pirat pakhat tih loh chuan India mi kan ni tih an hai lo reng reng. National monuments luh man hi foreigner tan a sang bik a, India mi kanni tih tih insawi ngai miah lovin man tlawmin min lei tir mai thin.
Hnam dang anga inchhal chu a risky. Chinese tawng thiam apui an tam si. Min be reu reu ang.

Reply
Audreypa June 2, 2012 at 12:10 PM

Silentreader nih rei bawka comment ve te ang (Y)

Reply
lrpa June 2, 2012 at 12:36 PM

Vawiin chu sam ka meh tir ve e ka tia..korean nula che lo tawk in meh ham in lu min suk sak a, a met ta a..a to duh na a a zia khups mai a 😀

Reply
malsta27 June 2, 2012 at 12:37 PM

😀 😀 hrehawm dawn khi a, hetiang hian ka la ti ve lem lova mahse Pathian zarah min en hran vak-na pawh ka la tawng lem lo zia ang reng hmuh ve phak ang chin2 ah.

Reply
TuaiSialA June 2, 2012 at 12:40 PM

@lrpa, Korean hi i ngaisang ve hrim hrim alawm. 😛

Reply
Charice_mizo June 2, 2012 at 1:03 PM

Punjab leh Haryana ah chuan Mizoram leh Mizo hrelo hi an tam khawp mai. College kal laia ka zawhna dawn tam ber ni thin chu..
“Mizoram chu China bulah ami a awm?”
“Mizoramah chuan saptawng vekin ami in tawng?”
“Mizoramah chuan rupee in hmang ve em?”

Ka chhanna tam ber chu..”In mawl ami, in kaw lo phet phut lutuk” 😀 😀

Reply
vakul June 2, 2012 at 1:08 PM

Nia, min ngaisangtute hian Gas pawh in nei lo va, current pawh in nei zeuh zeuh tih hria se an tliak hnawp ang chu.

Reply
lrpa June 2, 2012 at 1:14 PM

TS, fullhouse changtu nu hmingte ka zawt vel a..haha.. 😛 😛 min hrilh a, ka theihnghilh leh tawh..

Reply
TuaiSialA June 2, 2012 at 1:18 PM

@lrpa, lungngai suh. Mizo tleirawl zingah hrilh thei che an tam ang. 🙂

Reply
Leviji June 2, 2012 at 1:30 PM

Vai ho hi an lo a e… Mizoram hrelo tuh te hi zu kat nuk a, college zirlai ah te. Keini te chuan punjab, haryana a an national highway no. te ka hriat thlap lai a.. :p

Reply
Charice_mizo June 2, 2012 at 1:46 PM

#14 I tiduh, an hnam history leh an State lo pian dan thlengin kan hre bel hlui mawle, an bright lo ve hlawm lutuk hi lawm abikin thingtlang atanga lo kal ho hi (H)

Reply
Mx June 2, 2012 at 3:30 PM

Hman kumah Agra a kan kal in vai tleirawl pahnih in chinese emaw minlo ti ani awm e, “ching chang chong chi….” min lo ti khanglang a, tha za tawk lek in kan lo in ve bawk nen, a awm ah ka thram a ka nawr leng lawp mai a’h 😀 ka insum zo lo trep ani… 😀

Reply
TuaiSialA June 2, 2012 at 3:36 PM

@mx, i insum zo tep zawk a nih chu. 😛

Reply
Mx June 2, 2012 at 3:44 PM

Haha.. @TS, Kha ai a ka thleng thuilo kha a vannei teh asin kha vaipa kha 😛

Reply
H.Vangchhia June 2, 2012 at 5:47 PM

Ka hmelhriat pakhat chu Chandigarh lamah (1980’s) vai changkang ho party naa an mi sawmin a hruai tel a. Nakinah chuan vai tlangval thenkhat chuan khawi atanga lokal nge anih an zawt ta ngei a. Ani chuan “Thailand” ati ve thlarawk a. Vai tlangval pakhat chuan apa chu India aiawh a Thailand-ah ambassador a lo awm reng tawh anih thu leh Thai tawng pawh a thiam thawkhat thu a sawi ta. Chumai ala nilo, khawi khawmi nge a nih a zawt zui bawk.

Chu Mizo nula (tunah chuan lecturer nge professor a niin ka hria) chuan chhan ngaihna a hre ta der silo. Thailand thingtlang mi anih a sawi ta ngawt a. Vaipa lah chuan thingtlang khua a fan hnem tawh zia sawi pahin a kal tawh em tih hriat nan an khaw hming ala zawt ta deuh deuh. A kalpui tu, anu Mizo, apa Punjabi chuan “Chhingchhip” a tih sak a lawm mawle. Tlangval chuan ” Chu khua chu kala kal miahlo,” a ti 😛 hairehai

Keipawh hi tum loh takin ka lenpui pakhatin ka nihna lo puiin min sawi tawh a a zahthlak ka ti khawp mai. A hnuai a link-ah hian ka ziak:

http://henryvangchhia.blogspot.com/2012/05/nunhlui-thing-fe-fe.html

Engpawh nise, Mizo kan nih hi zahpui lo ila, minlo ngaisang lemlo anih pawhin dawngsawng thiam mai zawk ila a tha ka ti. Min ngaihsan theihna tur erawhin hnamdang hmuhah mitin mai hian kan chezia leh nundan-ah fimkhur tum erawh a pawimawh khawp ang. (Y)

Ka awmna hmunah hian Mizo an hre ngai lemlo ani maithei. Min zawt an awm chuan ka hrilh a tul chuan ka hrilh hrep zel mai. CNN reporter Gill Dougherty te, NY Senator King te leh Transportation Secretary Lahood thleng hian Mizo tih leh Mizoram an hre tawh. British Anthropologist pakhat Mrs. Grey phei chu ka hrilh nasa bawk ania’ng ama nihna British ho chu, “Divide and rule kha an tih dan ania, an sual asin,” te a ti vel hairehai 😛

Reply
Saitawk June 2, 2012 at 9:33 PM

#19 ang khian Mizo kan nih hi zahpui lemlo ila, nia, i zahpui avanga China atanga kal anga insawi i ni chiah pawn a lang chuanglo.

Min lo hmusit deuh anih pawn a awm tho alawm, ‘enge in state income?’ ti ten min zawt zui ta se a zahthlak ve deuh tho a! 😀

Reply

Leave a Comment