Fiction

Sapui leh Vankunga

Kum tam a liam tain a hun laia a khawtual titi tui ber nimahse a tun an hre tawh loin thawnthu anga a hunlaia awm la dam ten an tu leh fate hnena thawnthu sawia an sawi chhawn bak chu hria an awm tawh meuh awm love. Indopui 2 na zawh hnu, Mizo mipui te Independent thlarau ina min chiah hma leh UT sum luh that vanglai, a tu ate pawh sum mena an men leh tihhreh an neihloh hma niin Mizoram ala ralmuangin ala thianghlim a.

Suahsualna a tlemin khawpui nun a tun an ngai loin, an lawina tlang leh mual an khua bak ngaihhlut leh ngaih atun anla nei silo. Mizo te mizo kan nih lai niin kei chu hmar kani tih thuhla ah inhnial buai ala awm lova, khawchhak lama kan unau te Burma mi anla ti heklo in annin thil thalo leh sum avanga unaute bum hreh lohna thlarau anla chang heklo.

Tlangzawl khua pawh favang awllen lai ani nen hnuhlak leh ram hna thawh tur a awmlo in a khaw pum an thla a muang a, nula leh tlangval tan inrimna huntha leh thlamuang a sangha den, ramkal hun aniin chhungpui nu tan lah fanu te tha chhawr remchang lai chuha pawnpui an ban hun niin boruak a nuam hle a, kawtlaia archhiar te thleng chuan an thlamuangin damlai an chen nite hian a hriat si.

Tlangzawl khua hrim hrim hi in 100 nufa lek nimahse a khaw per a nuamin tlangdung a tlangbawk liantak pakhat chhipa awm niin, a khaw hmun pawh tlang chip nimahse a zawl deuh avanga a khaw hmingput chan pawh ani reng a. A boruak a thiangin tui a tha a, buh leh barah an tluang nen khaw nuam tak ani.

Lal ban hmaa an khaw khawnbawl upamin Vanthuama fapa Vankunga pawh a lawmnu leh a hmangaih em em Thangliani teho nen luikal an tum avangin a hlim in a ke pen a zangkhai hle a, a patea sipai bangin a pek a ulhbun phir tha tak chu ak chungin a thianpa Roluaia sawm pheiin Thangi te thianho sawm tur chuan an chhuak a. Ani taka, Lal ban hnu kha chuan Mitha leh hnamchawm tih vel khan awmzia a nei thui tawh loin tunlai angin hmangaih lohte nena khuangchawi nula ten anla thlang zawk heklo nen.

A thawkrim te neihna khawvel ala niin tlangval tan lah rim ngamloh tih kha awm tawh heklo, nula leh tlangval nun a nawm hunlai ti ila kan sawisual awm love. Vankunga ngei pawh a nun nawmzia leh hlimawm zia hi chhutpui dawn ila tunlai rilru nen chuan kan hrethiam pha tawh awm love.

Karhnih hnu vel ani ta, ni dang ang lo takin khua a duai a, ruah pawm chhum nilo mahse chhum a zing riaiin sar thli a thaw vuk vuk nen pitar putar puithu te deuh phei chu an ngaih a tha loin tunhma hun chanchin an sawi siam siam hlawm nghe nghe a. Chumi ni chuan ruah sur lo mahse khua a zuai nilengin khawtlang nunin ngai a awh meuh lo.

Tlai lam, behliang mun hnu vel ani, Vengsang lam pa thenkhat lui kal haw lamin sapui hnu an hmuh thute an sawi hlawm a, a hnu lawkah rawlthar thenkhat thang enin tuikhur mual piahlamah sapui thawm an hriat thu an sawi bawk nen khaw mipui an chiai a, ran neiin an ran khaw pawna tla te ko hawin, a mal pawhin an kal ngam meuhlo. Mipui an ti a, chanchin chhia ngaichang in a tu ate pawhin sawi chuak silo in ngaihthat lohna nen an beng an chhi kar si.

Zanriah ei hnu vel chuan Pi Mankungi mangang chuan an pa Pu Dokunga, thlam thawmtha tura a kal ala hawloh thute sawiin khawtlang hruaitu te a pun a, an in kohkhawma an rel hnu chuan zawn an tithlu in tlangval leh pa an in kokhawm a, Val upa in rorelin silai neiin ken tur tiin mizo tlawmngaihna lantir hunah chuan Tlangzawl khua zawng anlo duailo, mipa fa puitling chin chu an kim ti ila kan sawi sual awm love.

Rei an rial lo, Pu Doa zawnga an kal chu sapui thawm an hriatna lam ani nen tuikhur mual lamah chuan kalin a ruang pawh chu luite hnar an tih mai, amah Pu Doa te lo panna lamah chuan an hmu thuaiin, Sapuiin alo ei hman nual nen hmuh tlak a awm meuh lo.

Pu Dokunga sapui kuta a boral chuan khua ati ralti in nun a tikhaihlak a, a tu amah thlamuanga awm an awmlo. Naupang tan sava veh a ngawmawm lova, nula tan thingphurh. Tul avanga lo lam kal duh te pawh pali panga inzuilo chuan an ngam meuhlo. A tu amah hrilhlo mahse an khaw parawn nunna titawpa, ran tamtak sehtu sapui chu a hnuk tihtawp chakin tlangval huasen deuh te chuan a tul thuta che thei turin an inbuatsaihin an inring ru khiau theuh a.

Vankunga ngei pawh a bang biklo, a theih anga inbuatsaihin a tul huna che thei turin a inring a, a silai pawh hriak tha mi a hru faiin vawi duailo a enfelin a silai zen te pawh tlawlh lo turin a hem tang at nghe nghe a.. Amah Vankunga hi mi huaisen thisen atanga chhuak niin a pu Hranghluta phei chu ram lama mihrat leh ram lama thangchhuah pha ngat ani.

Mahse, a tun an chang chhuak loin a tu an hlawhtling theilo. Upa deuh chinchang hre deuh te phei chuan an khaw ti buaitu sapui hi hman kuma khawthlang sakei sual antih, an kah hlum theihloh kha niin an khaw lam rama chu lam atanga rawn chho anih te an ring a. A chezia leh sulhnu vel atang chuan sapui lungfing tawh, a hriselna a that tawhloh leh a chak tawh vakloh avanga sa seh harsat, chu avanga mihring leh ran lama tuan ta ni a ngaiin a dik ngei pawh a rinawm. Ani lah taka, tun hma te pawhin an khua hian sapui kut tuar fo mahse Tlangzawl khua, ama tawka pasaltha chham ngailo hian rei sapui vangin a tuar ngai silo.

Ni a liam a, an thlakhlelh favang awllen te zoin, boruakin thlasik rim a nam a, buh a hmin tanin lo lam hnathawh te pawh hahthlak aiin a nuam zawk tawh si. Ani lah taka, thlasik boruak a rawn thaw tan a, ni eng no riai mai leh thlifim dam tak thaw hem hem mai hnuaia kan thawh hah liau liau rah buh rawn hmin tan thlir chunga hnathawh bak a nuam hi a awm silo. Mut leh chaw ei a tuiin maian bai leh hmarcha bawl ringawt hmeh pawhin thlan tla hluamin chaw kan ei thei a, mihring te mahmawh chaw ei tui leh muttui chu kan mahmawh tawk kan hmu si. Chan tawkah kan lungawi a,thenawmte kan awt lova, tunlai anglo takin kan thawh rim phawt chuan thenawmte aia kan berh na chhan bik tur a awm silo.

Thla khat chuang sapui, Pu Doa thattu khan thawm a nei tawhlo nen nunin ngai a awh chho a, a tu ate lo lamah buaiin ngaihthatlohna em em an neilo. Vankunga erawh , thla hmasa lama an lo lama a hnathawk a kawng a herh avangin in lamah kar 2 lai a awm tawhin vawin pawh lo lamah a feh lova. A kawng na erawh a dam chho tanin, kal pawh a harsat tawhlo a, ngai a awh ang chu ani tawh a mahse a chhungten an la phalloh avanga feh lo ami ani.

Chawhnu lamah chuan a thang kam te en pahin tuikhur mual lamah chuan a u fapa nen intih thawven nipahfawmin an zu kal a. An thang kam te pawh a per thain sava 2 leh chepa 1 awkin hlawhtling inti tak chuan ani chuan ipte a an sava awh chu akin a U fapa thingput tur a siamthat lai chuan, mual thlanglam, tuikhur kham an tih mai hnuai lamah chuan hmeichhe thlabar te leh tap ri an hre thut mai a.

A rang a rangin a U fapa rawlthar ve tantir nen chuan an chempui keng chung chuan tlan thlain, a kawng ala damlo nen a vahpa chu a um phalo hle a. Aw lo chhuahna lam kham chu rei lote ah thleng thlain, kham panga an zu dah chuan vankunga leh a vahpa chuan tihngaihna reng an hrelo,

Kham awih vut mai, fai tha tak tawpah chuan Sakei lian mangkheng, sum ruk chuang leh a seizawng pawh mizopa hlam 2 dawn tura lian hi hmeichhe pakhat bulah chuan lo dingin “ka thei asin” tiawm takin a hawi ang vual vual a, chu sapui bula hmeichhe let reng lah chu a la thi loin chau takin kham kotlanga Vana te 2 lam chu a han hawi tawk tawk a. Chu hmeichhia lah chu tu dang ani lo, Vankunga lawmnu, a ngaihzawng leh a hmangaih em em Thangliani ngei niin a hliam avanga chetha hlei theilo leh chau tak chuan,

“U Van min chhan rawh” a ti chuai raih a,

Vana tan lah tihngaihna a awmlo, a silai a kenglo in chem nen bei dawn pawh nise kham chu a sangin a ni dam thalo tan chhukna chi ani silo. A ngaihna hrelo leh mangang tak chuan lungin a han vawm ngial a, chu sapui chu a che eih silo. Tlangval huaisen eng ang pawh nimahse sapuiin a hmangaih a seh a, dim lo taka a sa a ei lai hmuh zawng a hreawm aniang e, Tlangzawl pasaltha Vankunga meuh awrawl chhuah meuhin a tap ta hawm hawm a, tihngaihna a awm silo.

Related posts

Pu Sanga Krismas

evergreen

That cold rainy day..

ReMpYâ„ 

Red-Blue Fire (En mai mai chi!!)

zopaFX

58 comments

Aino June 11, 2012 at 6:48 AM

tawp hma vele..hihi

Reply
zosanga39 June 11, 2012 at 7:14 AM

va laklawh ve..

Reply
sheldon June 11, 2012 at 7:22 AM

Tukchhuah nuam vek u le (L)

Post chhiar peih rih lo. Mit a na 😀

Reply
khawpuia June 11, 2012 at 7:46 AM

in va hma hlom ve aw..
A bul i tan tha khop mai.. (Y)

Reply
saint sammoo June 11, 2012 at 8:24 AM

chaw ei khamah misual mitin ka lo chhiar ang e.

Reply
CyberThug June 11, 2012 at 8:43 AM

Kuhva thial pahin kan chhiar tak tak ang e

Reply
CyberThug June 11, 2012 at 8:53 AM

A duh in a phuah belh theih em?

Reply
Dr Mahminga Sailo June 11, 2012 at 9:15 AM

misual dik tak i ni :-O
Ngaihnawm ti takin ka chhiar a, rin loh deuhva i tihtawp ngawt mai le, chhunzawm leh nghal vat rawh, mai mai… 😛

A ngaihnawm. Pi leh pu te nunhlui, thiam tak maia ziak chhiar hi a nuam ka ti berin ka hria… (Y)

Reply
LaMea CâcTùs FLh June 11, 2012 at 9:52 AM

Mizo tawng mawihnai hman ka tum ve a, ka lehkhabu ka keng thla hlaw si lova. Vawi khat pawh lo a la fehlo tan chuan ziah Zo a har khawp mai.

Reply
Dr Mahminga Sailo June 11, 2012 at 10:36 AM

Post-tupa, hei tak hi a nia, i thuziak ka ngaihsanna chhan chu, tlat mai a. Vawikhat pawh la feh lovin, Mizo nunhlui leh nunphung hre thei tura i inchhiar leh i tuipui tluka hlu hi a awmin ka hre lo, Mizo tlangval tan chuan… (Y)

Thingtlanga awm tih takah, pawl khat kan nih kum atangin lo vatin ka pa ka zui tan a, hlo thlawh tak erawh hlothlo rual kan nih laiin high sikul kan kal avangin ka thlo hman meuh lo. Buh phurh/chhek erawh kan chhungkuain ka tangrual thin, iptepuiin buh phurh ka tan. Kan vawkte lakhran rual keite sualin min laksak thin erawh a uiawmin rilru a na thin… 🙁 Ramhnuai kan kalin SAKEI hming hi kan sawi ngam ngai lo, SAPUI tia koh duat a hlawh thin; hlauhawm tlat hek.. 🙂

Thal khua a thlenin thian te nen tui kan theh-kang a, furruah a tlakin aite kan khawrh a, vaimim thar hun laiin vaimim phurin thiante lovah kan infeh chhawk a; favangah thing kan tum a. Inrin niah kan inbual fai a, Pathian ni chawhnuah hmawng kungah (Bawlhmuntlang kan ti) lawnin, Ukulele nen ngei zai kan vawr thin… 🙂

Ka’n sawi kual duatna chhan chu, i thuziak hian thingtlang nunhlui min tingai em a ni… (Y)

Reply
LaMea CâcTùs FLh June 11, 2012 at 11:13 AM

Sapui zawng, a dan a dang e. Hmanni Bhandhavgarh tiger reserve kan kal pawh khan, a chaina tual leh a hnuk chahna hmun ngei, ramhnuai pilril a sakei sum 6 chuan khawih chu thi tawh mahse engtin emaw takin ka awm..

Reply
Dr Mahminga Sailo June 11, 2012 at 11:26 AM

Nia, Sapui hliam, thinrim tawh lehnghal an luhchhuah ngam kha chu huaisen tak an ni… (Y)

Vawikhat chu, Guwahati Zoo-a sakeibaknei chaw an pe tur kan en luai luai a. A sa ei tur an thehthla chiah, kan chuhpui dawn emaw a ti a, an hungna thir lam hawia zuang chunga a rawn Haaa-Hummm mai kha chu(h). :-O Thir hungnain min dal mah se, hmulthi a ding ur ur tho nia. 🙂

Reply
dolly dollz June 11, 2012 at 11:29 AM

A hun lai hre pha ve lo mah ila hmanlai mizo nunphung han chhiar hi chuan ka lung a tileng ve leh ngawt zel.

Reply
malsta27 June 11, 2012 at 11:38 AM

Phuah belh awih ti teh a post tu pa? 😀 😀

Reply
TuaiSialA June 11, 2012 at 11:40 AM

A ngaihnawm hle mai. A tawp laklawh danah chhunzawmna a awm turah ka ngai. Nge, chhiartute suangtuah zui atan i dah zawk? 🙂

Lo ngai haw hran lo la. Thu inzawm leh zawm lo te, thu ulh deuh mah mah leh a hmasa zawk tur a hnuhnunga awm ang chi te, hawrawp chhut sual leh tawngkam chuangtlai ka hmu nual mai. A thu ngau ngau chu ngaihnawm tak a ni.

Reply
LaMea CâcTùs FLh June 11, 2012 at 11:48 AM

Suangtuah zui tur.. Tuaite, fimkhurloh leh mizo tawng ziah thiamloh chu a bulpui nimahse. Muang mara edit na hun ka nei thinlo ani. Ziah zawh tawh chuan submit ka duh thin bawk nen..

Reply
TuaiSialA June 11, 2012 at 12:12 PM

@Mete, i remtih chuan ka hman hunah ka rawn phuah chhunzawm ang aw…. :O

Reply
Dr Mahminga Sailo June 11, 2012 at 12:28 PM

To
Mete-a leh Tuaite-a,

Tuaite-a zilhna khi, Mete-a khian pawmin, zawm hram hram tum se a tha ka ti hle mai… 😀

Tawk rih mai se…
(&)

Reply
LaMea CâcTùs FLh June 11, 2012 at 12:49 PM

Tuaite phuah chhunzawm rawh. Mahminga cu ka phallo, a changtu nu khi brahmin nula ah a chhuah anga, a chang tupa kham atanga zuangthlain sakei bula a zu tum ding chat anga. Hockey stick in a vawhlum palh ang (biru nghal)

Reply
TuaiSialA June 11, 2012 at 12:55 PM

Mete-a’n a phal zãn bawk a, ka chhunzawm dawn khawp. Nuihzatthlak deuhvin emaw, lungchhiatthlak deuhvin emaw, lungkuai deuhvin emaw, hlauhawm deuhvin emaw…..ka thu thu!

Reply
Dr Mahminga Sailo June 11, 2012 at 1:05 PM

#19… 😀 😛

Thangliani khian sari a kaih tlata ka lo ngaih chu le… 😀

Keite bawk chu sawi leh thin ila, an chimawm khawp mai, chan fuh an har bawk si. Vawkte pakhat Rs 700 man hu vel min sehhlum sak thin kha chu(h), bul hnai lawka man theih ni se, ka piai nasa ngawt thin ang, kha keite chimawm kha chu… 😀

Reply
LaMea CâcTùs FLh June 11, 2012 at 1:21 PM

Tuaite, i thu thu. I duh leh a changtu khi Saphai khawi tirla( hei pawh pilbo nghal)

Reply
buh-duha June 11, 2012 at 1:21 PM

A ngaihnawm lehpek thin mange aw…Ka la chhiar zo lo deuh. A bul tanna lai khi ka misual mitin ka lo thlir ve mai mai a :
“Indopui 2 na zawh hnu, Mizo mipui te Independent thlarau ina min chiah hma leh UT sum luh that vanglai, a tu ate pawh sum mena an men leh tihhreh an neihloh hma niin Mizoram ala ralmuangin ala thianghlim a.”
Independence fighting = kum 1966
UT = Kum 1971

Reply
sheldon June 11, 2012 at 1:53 PM

Khawnge keiman kan phuahzawm teh ang. Tunlai version in Pu Doa leh Vankunga te hi mobile phone ka ah tir ang a 😀

Tak tak a, a ngaihnawm, rilru a hneh khawp mai. Hmangaih berte thilai, chutah pawh sar thi lai hmuh chu pasaltha tan pawh chhel a har teh ang chu.

Reply
Lamji June 11, 2012 at 1:56 PM

Chhiar chak tawh. Hman veleh chhiar ang, apa Tsa lehkhabu pahnih ka nei ran mai,kan khi hui reng mai a tha khawp mai. Han lei chur chur te u,a ngaihnawm leh nawm loh ka hrilh dawn lo che. Chhiar la..i hre mai ang. 😉

Reply
LaMea CâcTùs FLh June 11, 2012 at 2:00 PM

23. Buhduh. Indopui 2na zawh hnu, rambuai hma tihna. UT khi chu kan rilru ala thianghlim zia sawifiah nan ka hmang mai mai ani e. Eiruk, sum duh luat etc te kha UT zawh hnu atanga kan hmelhriat chian lehzual ani si a

Reply
Dr Mahminga Sailo June 11, 2012 at 2:18 PM

Chuan Preeti chuan.. Awh khaih 😛 Thangliani chuan, a hmangaih Vankunga, lungtea sakei a vawm avanga a kawng na zualkai ta chu beidawng takin a va thlir ngawih ngawih a. Vankunga lah tihtheih nei si lovin a ding her tluih bawk si. Sakei lah chuan a khat tawkin Heeuuuu.. (PC Laltnapuia tih dan copy khanglangin) a lo ti chhen bawk si… 😛

A ziaktu style-in, boruak khi a sang em a, ka hah tlat; tawpsan ve phawt te’ng… 😀

Reply
LaMea CâcTùs FLh June 11, 2012 at 2:28 PM

He2.. Thangliani khi sihphir nuthlawi anilo ania

Reply
RZA June 11, 2012 at 2:35 PM

OT KA MISUAL LEH THEI TA E.. KA PASWORD KA HRE LEH TA E.

Reply
TuaiSialA June 11, 2012 at 2:36 PM

Engtin tin emaw ziak ila, a changtunu khi raitir daih te’ng.

Reply
sheldon June 11, 2012 at 2:37 PM

Nia, raitir ta ila, phir te hring ta se e miang 😀 😛

Reply
CyberThug June 11, 2012 at 2:41 PM

@10, Thingtlanga awm tih takah, pawl khat kan nih kum atangin lo vatin ka pa ka zui tan a

Pawlkhat i nih chuan i va lian tawh awm ve aw. Awih a har mang e ka ti

Reply
TuaiSialA June 11, 2012 at 2:44 PM

Ka ngaihtuah a, a nuihzatthlak dawn lutuk. Keimahin ka nui kur kur mai. 😀

Reply
Dr Mahminga Sailo June 11, 2012 at 2:47 PM

Ka’n chhunzawm leh ang e… 😉

Hetia, thlabar taka an awm lai hian, Vankunga hian a mobile phone-a contact list a’n enkual a. Ngai teh, a va’n hlim tak em! Thangliani paw’n mak a ti, heti taka a bialpa a hlim hi a hmu ngai lo.

Engdang a ni law, Vankunga chuan Sakei hlauh chu sawi loh, Sakei kawm ngeih a, an thinrimna la kianga, duhtawka sawisak theih dan thuruk hria a phone tlang thei ta. Chu chu tudang ni hek lo, misual rum rut mai; a sakhming koh pawh LaMea, the 25 an tih huai huai kha niin.
He pa hi, Sakei awmna apaingah chuan, chawpleh chilhin a thleng mai thei tih Vankunga’n a hrietchhuah a, a’n sms zauh chuan, rei rial lovin an sawi, nula * em em K’u LaMaea, the 25 chu a rawn lang ta hlawl a. Sakei thinrim lo Heeuuu reng mai chu a nui ta kur kur a. K’u Lamea’n eng eng maw a’n chhem khu er er a, a airgun pai a’n kap rik keuh tak ah chuan, sakei huai, tihbaiawm em em mai chu tui takin a mu ta siai siai a… 😀

Reply
Dr Mahminga Sailo June 11, 2012 at 2:53 PM

# 32.. CyberThug… Pawl khat ka nih khian kum 6 ka ni e. Ka pa lo vat ka zui khian, lo ka vat ve kher tihna ni lovin, lo vah nihphung ka hriat chungchang sawi ka tumna mai a ni e. A nihna takah chuan, tun thleng pawh hian ka lian em em chuang lo… 😛 😀

Reply
CyberThug June 11, 2012 at 2:54 PM

@34, chu kum thansan an tih ang deuh kha i ni ve elo? 😉

Reply
Benny June 11, 2012 at 2:55 PM

Mahni bialnu ei ri bup bup lai han thlir reng chu a tlin rei lova, vka chu a tlu ta hnawk a

Reply
malsta27 June 11, 2012 at 3:03 PM

Ka phuah chu ni se Sapui khi ka telh miah lovang mawle, chuan Vankunga leh thangliani khi ka in neihtir hrim ang. Nunhlim tlang tak a khawtlang awm ho za dial2 lai a, Sapui lo awm ringot hian a ti bum vek ka ti deuh……a lo awm ringot dan lah khi a phuah chawp ang reng bawk si, sapui lo awm ta teh reng pawh ni se, a zia ang ah chuan an kap hliam a nih loh chuan mihring han seh ngawt chu a nih dan phung a ni si lo………… 😀 😛

Reply
Dr Mahminga Sailo June 11, 2012 at 3:03 PM

# 36… 😀 😛

Reply
Charice_mizo June 11, 2012 at 3:06 PM

A van ngaihnawm teuh em….mahse i sawi ang khi i nih chuan i tan mizo nun phawk chhuak tak tak tura ziah chu a harsat tur zia chu ka hrethiam….kei pawn ka lo tum ve tawh….mah reng reng se kei ai chuan i thiam e 🙂

Reply
sheldon June 11, 2012 at 3:13 PM

In ho, kan ho 😛 😀

Reply
lrpa June 11, 2012 at 3:35 PM

sakei hian misual memberah tunge ei a chak ber ang le ? 🙂 ka cher tan deuh a, min it em lo ang chu!!

Reply
Chhuaklinga June 11, 2012 at 4:06 PM

Vahpa tih chungchang khi saw ve duh lawk ka nei. Ka hriat dan chuan Vankunga khian Vahpa a nei thei lo hrim hrim, vahpa nei thei chu hmeichhia chauh an ni. Hmeichhia chuan an nutate fa hi an vah te an ni a, mipa an nih chuan vahpa, hmeichhia an nih chuan vahnu. Mipa chuan an unau mipa fate chu an fapa emaw fanu emaw a ni ve mai. An unau hmeichhe fate chu an tunu emaw tupa emaw a ni leh mai. Chenna a dan anga sawi dan a dangte a nih chuan thu hran nise. 🙂

A ngaihnawm lungchhiatthlak hle mai. (Y)

tren tren

Reply
Dr Mahminga Sailo June 11, 2012 at 4:31 PM

# 43… Kan hriat dan a inang e. Post hlutna i belhchhah e.. (Y)
Keini lahin, dukdaklo zet zetin kan lo chhunzawm kual leh ngheng mai pek hi.. 😛

Reply
century child June 11, 2012 at 4:39 PM

Sakei chuan Thangliani chu a ngaizawng ta a.. :-O 😀

Reply
lrpa June 11, 2012 at 4:49 PM

sakei hlam hnih! lian ve rapthlaks! a mei atanga hlam nge a mawng tam atangin? 🙂

Reply
LaMea CâcTùs FLh June 11, 2012 at 5:32 PM

46.Lrp kar hmasa a ka sakei postmortem kha head to tip of tail 117 inches.. Chhua£ings, ka farnu te fa hi kalo vah ve ngawt mai asin,huis..

Reply
LaMea CâcTùs FLh June 11, 2012 at 5:36 PM

Tuaite,mahming phuah zel teh u.. Thangliani sakeiin a seh tur chu vankunga saphai khawi chuan a zu chhan a ;-). . Nge, vankunga chuan thangliani scoty chu khalhin a zu chhan a 😉

Reply
Mx June 11, 2012 at 5:36 PM

Kan naupan ve deuh laia sava veh a ram kan kal thin lai te khan Sakei hi Ramhnuaiah chuan Sakei kan ti ngam ngailo :-O
‘S.K’ tiin kan sawi ngam trawk 😛

Reply
Dr Mahminga Sailo June 11, 2012 at 5:37 PM

Tlangval lai laiin vah te i lo nei mai mai, ka ringhlel riau mai che… 😛

#49.. S.K.. 😀 (Y) Ka la hre reng, kan thian hova ram kan chhuahin, Sakei ka lo ti palh a, kan boss-in min melh rum raps… 😉

Reply
LaMea CâcTùs FLh June 11, 2012 at 5:43 PM

Mahminga, a changtupa khi seh zawk se, a chang tunu in scoty khalh chungin rawn chhan se 😉

Reply
Dr Mahminga Sailo June 11, 2012 at 5:55 PM

# 51.. A chuangtunu’n scooty a khalh chuan, Brahmin tleitiri a ang dawn em mai… 😀 😛

Reply
malsta27 June 11, 2012 at 6:27 PM

😀 😀 Mahminga LEh………..Mate …oh 😛 mete, Ka mumang nen khan Phuah zawm daih teh ang a,A chang tu nu hi an khaw zirtirtu ni se, Sakei hi an va kah thelh dan te, thang an va kam dan te i ziak tel si lova, awm miah lo tur a nih hmel zawk mah a …chuan eng tin nge an in neih theih dan tur zawng teh ang a 😛 😀

Reply
TuaiSialA June 11, 2012 at 6:48 PM

A changtunu hian saphai khawi se…

Reply
LaMea CâcTùs FLh June 11, 2012 at 6:54 PM

Tuaite 😉 malsta, phuah chhunzawm rawh.. Ziak duah ila,a thui iti leh awm sia . Zirtirtu..eeh;-)

Reply
malsta27 June 11, 2012 at 8:10 PM

Mete rawn phuah chhunzawm maithei ni phur/tul viau chuan, England zanin an in khel dawn bawk a english zirtirtu ni ta mai se,zirna kha high sikul a awm tawh a ngem ka hre lo,zirna sang ber a zirtirtu kha a ni tur ni tawp, khatih lai a thalai ho khan an hlau tur a ni tawp. 😀 😀 . Sakei kha ziahlan talh kan Duh leh sakei ram tla mai2 lai kah hliam tum a, A chang tu pa te leh a changtu nu ngaizawng ve tute’n a an veh dan zawng2 te kan ziak tel a nga 😉 😛 .

Reply
vakul June 11, 2012 at 11:04 PM

ka hel reng a, a lo ngaihnawm em em a. i thuziak a puitling khawp mai.

Reply
bbney June 13, 2012 at 10:21 AM

A khai a…a tawp dan mai mai chuh. :-O A changtupa khian sakei khi huk dup khawpin a chhuih leng lawp dawn emaw tih nak alaiin.
Ngaihnawm khawp mai.

Reply

Leave a Comment

Skip to toolbar