Fiction Mizo Society & Culture

The Marble Statue

Ni leh thlate a liam a, hunpui a rawn inher chhuak dawn nen mitin te rilru ah Christmass rawn thleng tur chu awmin atu ate pawh an buaiin mahni theih ang tawk tawkin an inhmakhua theuh hlawm a. Kei erawh ka hna lama ka buai em avangin bazar pawh kala kal hman loin ka U fate hnena an duhzawng lei kalo tiam tawh pawh kala kalpui hmanlo in min tur sek hlawm a. Zan khat chu, chaw eikham hnu vel aniang thianpa Lawma’n YMA commitee tura mi rawn sawmin ka insiam lai chu ka room ah min nghakin vawin lama a thiannu a bazarpui chungchang leh hmeichhe bazarpui a ninzia te a sawi luam a. Chutah, hrechhuak thut niawm takin,

Thianpa, vawin chu i ex ka hmu a, a fanu alo bazarpui a.

Ka nui ringawt a, ka changlo

Thingpui dawrah ania, kan titi luam a, an lo inthen ani awm e, “ I thianpa chu a ngaihawm thin ngawt mai a tih kha”.
A sawi pah chuan a nui uar uar a, ka chhan lemlo avangin thil dangah a pakai a. Ka rilru erawh chuan nunhlui a chhuikirin ka study table a, a chhawng chung bera ka dah sailungvara siam vantirhkoh lim lianvaklo chu ka han melh zauh a. Thianpa Lawma’n a hriat ka hlau nen titi chung chuan kan chhuak ta a.

Ani lah taka, Lawma hi ka school kal lai atanga ka kawm niin kan inhrechiang a, unau ang maia inpawh, a chhia a tha inhrilh tawn kan niin a kawm pawh kan inkawm ngeih hle a. Kan tlangval tirh atanga nula lam kan hriat ve atang pawhin, nula rimdun leh in tihpui tawn, engmah zep neilo kanni. Mahse, Sangpuii nena kan inkar erawh atir atanga min hriatpuitu nimahse thil sawi vek a rem lemloh avangin kan inthen dan chanchin phei kha chu ka hrilh loin a hriat pawh a hrechiang heklo. Ani lah taka, han sawi vek ila thiante annihna angin min thinrimpui anga, a chanchin a chhe zawnga an sawi chang a awm dawnin chu ngei chu ka rilru tina lehtu leh min vaw let lehtu ani dawn tih ka hresi.

Nia, kum 5 lai a liam ta, kei pawh tlangval senior tiha chhiar theih tawh leh thlaleh maia nupui nei tur ka niin sangpuii chu ka tan hmanlai ani tawh a, mahse engkim, kan inhmuh tirh atanga a hmel ka hmuh tawp ber nite kha nimin ang maiin ala chiang si. Nia, kan college kan chawlh avanga aizawl lama ka haw lai aniin tihtur dang vak ka neihlo avang leh ka U fanu ina Lammual a Mela an buatsaih a kal ve a chak leh min sawm zin avangin ka kalpui ta ani a. Thil chi hrang hrang kan khelh leh kan en zawh hnu chuan Ka nau hruai, kum 4 mi vel chuan merry-go-round a chuang a ngen ta mai a. Ka hlauh zawng tak aniin tihngaihna a awm silo, tichuan kan chuang ta in ka nau chu pawmin hmeichhe thianho pawh anlo chuan ve a, an zinga pakhat pawh kan bula thuin kan chuang ta a.

Hetianga chuan hi ka hlauh zawng aniin vairama ka awm chhung zawng pawh khan ka chuang miah heklo. Kan vir ta ruai ruai a, ka tiril a khurin ka mawng atang hian ka hit chho muai muai ta mai a. Men pawh ka meng ngam loin ka nau hruai leh ka chuanpuinu erawhin an hlau lo namai loin nuam an tiin an au vel ruai ruai a. Ka hlau hmel chu ka bula nula chuan min nuih nasa in min chhaih zui vak vak a. Tichuan kan hun chu a tawp a tawpah a zoin kan chhuk hnu chuan, min fiam pahin thingpui an in dawn thu sawi pahin tawngkam tha tih hriat takin min sawm ta a. Ka lu ala hai deuh muai avang chuan intihharh pah nan kan zui ta a. A thiante pawh chu tleirawl rual tih takah an tawng bawrh bawrh min han dem fiam nghal ringawt a. Thil ei pah chuan kan titi luam a, a hming tak chu Lalsangpuii niin Ramhluun south a awm anlo ni a. A hmel chu a tha e tih chiam tur nilo mahse a chhe lemlo in chumai bakah a mizia te reuh chuan mi hip ta nghal riau mai a. Ani taka mihring te hian mize milpui awm deuh chu kan hre vat thin reng ani. Tichuan, zahtheihloh chhuahin a number ka dil a, nui saih paha min pein min kalsan ta a.

Ngaihzawng pahnih pathum vel nei tawh mah ila, keima tawka tunlai tawng taka ka rawlthar chhuah hlima ka luck ve thin avangin hmeichhia hi kala ngaizawng hmasa ngai lo a. Sangpuii ngei pawh chu a tira be tamlo mah ila , kan in SMS zing tual tual a, message a tawk ta loin kan in call hnem chho ta tial tial in, ka leng ta hial a. Nula hi kala rim ngailoh avangin ka huphurhin Lawma nen ngei kan leng ta a. Thla hnih lai kan chawl nen ka leng zing tual tualin a tawpah phei chuan, ka duhthu te hrilhin ka ngaizawng ta hial a. Mahse, a mizia leh a chezia ah min huatna langlo mahse, min chhang thei silo. Chuti chung chuan nitin ka message a chhang a, tha deuhin kan inbe nitin si. Vawi tam ka duhthu ka hrilh a, hmeichhia hi “ Ka hmangaih che “ la tilo mah ila, Sangpuii hi chu ka thinlunga ka vei em avangin thla hnih chhung lek pawhin “Ka hmangaih chein ka hria” ka ti thei vat reng ani. Tumkhat, beraw tlanga science center kan tlawh tumin ka duhthu leh ka rilru a amah a tlak natzia ka hrilh chuan,

“ Min hrethiam rawh, keizawng ngaihzawn tlak ka nilo”

“Sangpui, nang aia ngaihzawn tlak hi kala tawng lo asin”

A ngawi ngal a, thlanglam en pah chuan a lehhawi a, a bianga mittui tla chu ka hmuhhmaih silo, chutah hreh tih hriat tak, zawi sapin,

“Ka thianghlim tawhlo”

Chu thu ka han hria chu ka thinlung hi teka den anga awmin a awmin ka bing mup mup a, ka hma a ding ka duh em em chu chutiang ni thei turin ka ngai phal silo. Mahse, phallo mah ila amah berin a sawi miau si. Sawi tur reng kan hre tawhlo, ngawi rengin kan haw a, an in thleng thlahin nidangah chuan leng kawi ziah mahila ka leng kawi loin ka haw tlang nghal a. Ka rilru a buai em em a, tihngaihna ka hre silo in chaw pawh chhuanlam siamin ka eilo. Ka room ah awmin , ka rilru hah chuan guitar perhin ka awm mai mai a. Kan kawmthlangte ina an kohhran thalai hlazir thawm chu reilo te ah rawn awmin, zan 5 lai chu an zir tawh a. Mahse, kalo chik ngai lemlo. An hlasak,

“Ka tlinloh anga nangin min pawmin, minlo duh si” tih chu ka thinlungah rawn lutin, ka ngaihtuahna a hruai thui hle a. Enge ka niha, ka duh leh ka hmangaih nia ka hriat ina a thil tihsual vawi khat ka ngaihdam theihloh ang tih chu ka inzawtin, vawin chhuna hreh tak chunga a sawilai hmel te kha ka mitthla ah a rawn thar lehin ka khawngaih letling hle a. Ka va phone nghalin, rei tak kan inbia a, chumi zana a thu sawi chuan ani tun thlenga ka rilru khawiha ka nun kai danglamtu pakhat chu ni.

Tichuan kan inngaizawng chho tain, thla hnih hma lama ka hriat ngailoh chu rei lote chhungin ka thinlung lalnu ah a chang chho a, a awka leh a SMS te chu ka tan hlimna thlentu aniin kan hlim hle thin. Rei lote ah ka chhuk a hunin, kan hreh dun zia te kha. Ka chhuk hnu pawh chuan hmun hla ah awm mah ila, nikhat pawh inbe loin kan awm ngai silo. Naupang zawk anih angin ka thu a ngaithla a, a zawm a. Upa zawk ka nih angin kaihhruai ka tum si thin. A ni telin kan ingaina a, chu chuan induhna a hringin hmanagihna alo chuak a, kan inhmangaih a, nikhat pawh inbe lo a khawvel hman kan hreh si thin.

Mahse, mihring hi zawng alo hlim reng theihloh ani e. Sangpuii ngei pawh a rilru puitling viau mahse tlinlohna tamtak a nei a, a chang chuan hriatthiam har kati si thin. A thin a rim thut thut a, a chang leh mi ning em em a, tunlai tawng takin a EMO in engemaw hlekah a inngaihtuah vak vak a, a thim zawnga thil thlir a chingin, a taksa a hrisello nen kan inhau hnem chho tial tial si. Inngaizawng nih chuan phutlet kanlo nei ve nen min ngaihsaklo nite hian ka hriain, biak hmasak leh SMS hmasak loh chuan mi biak nachang a hre silo. Kan inhau hnem chho tial tial a, kan inngaihna erawh a bang chuang loin hre thin mah ila, chu ngei pawh chu hun a liam a, hunin kan inngaihna leh hmangaihna chu a liampui tih reng tunhnu hian ka hrechhuak hnuhnawh leh thin si. Ani taka, a tir kumkhat kha chuan inhau thin mah ila ni 2 vel bak kan daih loin kan ingai zual emaw tih mai turin kan awm thin si.

Ni leh thla a liam a, vawi tam kanin then a, kan ni leh a, mahse a tawpah chuan kei aia hmangaih a neih thu min hrilh tak hnu leh mi ka atanga ngeia ka hriat hnu chuan rilru na takin kan inthenin a tawrh pawh ka tuar hl e. Thianten,
“a inla changkang chi ani a, nang i simple ve si. Baka long distance ani nen an rualpui chuan an peih rei tak taklo” anti te chu a dikna chen awmin ka hre ve si. Ani, taka ka “di” ka hmangaih Sangpuii pawh chu minhring ani ve tho si. Ka rilru erawhin kum tam kalta a, Science center kawt thingbuk hnuaia,

“Ka thianghlim tawhlo” atih te ka chhuikirin khami zan a ka va phone atanga inngaizawng kan nih te kha ala theihnghilh lova. A hnu kar khat hnu a, Durtlanga ‘Thlan ropui” antih kan tlawh ni a,

“Ka thianghlim tawhlo ka tih hnu pawha min hmangaih thei leh min pawm hi ka lawm asin. Ka hrilh lo anga che ka tia,mahse ka hrilh ang che. Ka duh vang anilo asin, kum 12 ka nihin min pawngsual a” tih thu mittui tla zawih zawih chunga min hrilh erawh engtikah mah ka theihnghilh dawn silo.

Kha avanga a mizia te kha mak aniin, kha thil khan a rilru ah amahin hrelo mahse piansualna a thlen a, kha avang khan atirah in control mahse hun a liam a, kha avang ngei khan vawi tam kan buai si. Kan inhauhna tam tak pawh a rilru a stable loh vang ani si thin. Midang ka nei atih pawh kha ka rilru chu ana, mahse a tira ka chunga a innghah lutuk leh a nun hlimlohna a khat, zan tam mangchhia avanga mu theilo kha keimah a beiseina lian a neih kha mihring ve tho ka nih avangin a duhkhawp lo a. Hlimna tak tak ka nilo tih a hriain atan chuan a hlimna tur nia a ngaih mipa dang a pan ani mai ani. Mahse, kei anga hmanngaihtu a tawng dawnlo tih ka hriain kha avanga ngaidam fo ka ni. Sangpui ka hmangaih khan chu chu a hrethiam silo in, ka demlo mihring ve tho ani si.

Mipa dang bula a kal kha a hlimna tak tak anilo tih ka hriain ka dawn thiam angin atun an dawm thiam dawnlo tih ka hria a, chu avang chu a hnu thleng pawhin theihnghilh har ka ti a. Ka hnena a rawn let leh erawh ka phal tawh bik silo, mihring ka ni ve miau a, mipa tan chuan ngaihzawng ten mipa dang vanga min kalsan hi a tlawmthlak si. A chanchin erawh ka chhui zui reng a, rin ang ngeiin a ngaihzawng nen an inthen vata, a hnu lawka mipa dang nen an inru in, fa 1 a neih hnuah an inthen ta nge nge a. Khatia, rilru na a ka awm pawh kham min hmangaihna ala reh bikloh avangin a hreawm ati ve tho a, min kalsan phah tak kei aia zei leh tunlai zawk nena an inthen hnu phei kha chuan a inchhir tih a thiante hnen atanga a tawngkam atangin ka hresi. Mahse, ka thei tawh bik lo ani e.

Tunhnua a chanchin hriat nuamlo ka hriat te hian rilru ala na a, hmangaih tawhlo mah ila a hma kala ngai si. A bul erawh mihring sualna avanga pawngsual anih vang kha ani tih ka hriain, kha thil ina a nun leh a rilru a hliam a siam kha hun a rei a, a lang chhuak tial tial si. Kan ram zim te nuai 10 vel mihring awmna ah hian kumtlinglo khawih te hi ava tam em, pawngsual kherlo mipat hmeichhiatna hman hma lutuk te hian pychological effect anei tih thalai ten i hre tharin, chanchinbu a kan hriat a thinrim thu sawi vak vak mailo hian mipa te hian i do lehzualin kan nula te pawh hian nupui pasal neih hman a sex hman pawizia hi i hrethar ang u. Tin, hmeichhe awm tha duhlo chanchin ( hnamdang kawp, ks etc) te hi sel kan awlsamin, hetiang ho hi vanduai vang leh ka sawi tak vang te a nun kal diklo hi a tam zawk anni si. zoram thalai, pheilai vawrin tan ila ang u.

Related posts

Eng eng zûn emaw phur tân!!

Mapuia

Tiranga leh Chhungkaw Pêla Rawngbawlna

mi_sual

Mahni tawng humhalh

Whatever

34 comments

TuaiSialA June 13, 2012 at 4:52 PM

Chhiar dawn ila…

Reply
Dr Mahminga Sailo June 13, 2012 at 4:54 PM

(Y)

Reply
whotalk June 13, 2012 at 4:59 PM

sei ve in thlen hunah kerh2 pah in ka lo chhiar kerh2 dawn nia

Reply
lr hlonchhing June 13, 2012 at 5:03 PM

Tunlaiah nula thianghlim leh tui thianghlim a awm tawh lo, nula thianghlim i duh a nih chuan; mi naute puak lai pawhthlak tawp a ni mai.
Virgin (centre fresh) ngei neih duh mi ka ni a. Chuvangin, virgin lo (centre shock)…ka sawi peih tawh lo.

Reply
Charice_mizo June 13, 2012 at 5:04 PM

A ngaihnawm hle mai, he thuziak hi i thinlung atanga lo chhuak niin ka hria, a tawp kharna pawh a tha e. I sawi ang hian a nawlpuiin kan hriatloh tam zawkah hian nula, tleirawl leh naupang, an duh vang reng ni lova an thianghlimna tihbawrhbansak hi an tam em em reng a ni, a pawi ngawih ngawih ka ti thin.

Reply
bbney June 13, 2012 at 5:10 PM

Khawngaihthlak reuh hle mai a.

Reply
LaMea CâcTùs FLh June 13, 2012 at 5:15 PM

Lr hlonchhinga bawrh2 chu. Mi chiah tawhsa i ngaizawng nimaw;-)

Reply
bbney June 13, 2012 at 5:16 PM

Racists, rapists leh corrupt ho hi khawvela ka mihuat ber ber an ni ka’n ti leh hram ange.

Reply
LaMea CâcTùs FLh June 13, 2012 at 5:22 PM

8. Kanin draw

Reply
TuaiSialA June 13, 2012 at 5:25 PM

#9 Si khatin ka hneh che.

Reply
H.Vangchhia June 13, 2012 at 5:25 PM

Ngaihnawm lainatawm :-S

Reply
Charice_mizo June 13, 2012 at 5:28 PM

@ lamea, nang chu ni ila, a rape tupa kha ka zawng chhuak anga, vawikhat tal chu a lu chungah arsi ka lentir ang mawle… 😉

Reply
LaMea CâcTùs FLh June 13, 2012 at 5:46 PM

Charice, “a nun insual a phalloh” bakah khapa kha kungfu thiam ania.
Tak2a, rape case thar hriat h chuan ka farnu,fanu ni ta se tiin ka rilru a na in, a tuartu kha ka khawngaih ngawih2 thin..

Reply
Mx June 13, 2012 at 5:46 PM

A va’n sei :-O
Mmm… muang mar in chhiar chhuak dap teh ang 😛

Reply
cotdarz June 13, 2012 at 5:56 PM

Ka van khawngaih dun ve. Mahse hmeichhia khian a mipa chu a duh tawklo ami aw ka ti 🙂

Reply
cotdarz June 13, 2012 at 5:56 PM

Ka van khawngaih dun ve. Mahse hmeichhia khian a mipa chu a duh tawklo ami aw ka ti :- (Y) )

Reply
Sasaks June 13, 2012 at 6:20 PM

Post tha tak a ni. Emotion tel leh tel lo thuziah hi a hriat tlat thin. (Y) Nia, hmeichhia khian mipa khi a duh thlu zan lo a nih hmel (a thawnthu ngawr ngawr en chuan)

Reply
Charice_mizo June 13, 2012 at 6:27 PM

Ka ngaihdan chuan…hmeichhia khian mipa khi a duh lutuka, mahse psychological trauma a neih avangin a hmuhphakloh, leh khawih phakloha awm mipa (amah hmangaihtu pawh nise) laka inpumpek thlapa, a thinlung zawng zawnga rin bur kha chu ani, hmeichhe derdep leh mipa nunrawnna tawpkhawk lo tuar tawhtu chuan harsa a ti a nih ka ring, thlamuantu leh duattu, amah vil rengtu a mamawh vangin a thinlungin a duh ang kha a taksain a zawm thei ta lo a nih hmel zawk…

Reply
LaMea CâcTùs FLh June 13, 2012 at 6:34 PM

Charice chuh, hmangaihna lam i expert hmel. Anh duh hmel phian

Reply
Charice_mizo June 13, 2012 at 6:36 PM

LaMea, mahni’n tawn veloh midang tawn hi, a kotlang atang hian lo hriatthiampui a awl duh phian..hehe

Reply
Sasaks June 13, 2012 at 6:36 PM

Hmeichhia hi tawhsual tawk tawh pawh ni lo ta se, a daih rei lo chi a ni mai thei. A mizia hi mize nghet lo a nih hmel a. Tin, mipa hian hmangaih hle mah se chu chu a rilru mawngphah ah a chiang tlat –
“Thianten,
“a inla changkang chi ani a, nang i simple ve si. Baka long distance ani nen an rualpui chuan an peih rei tak taklo” anti te chu a dikna chen awmin ka hre ve si. ”
Character study ti dawn ta ila, hmeichhe hian thiamloh a chang zawk ngei ang. A aia rila chhui chuan – ama thiamloh pawh ni lovin society influence vang pawh a ni thei. Materialism sanna ber chu Aizawl a ni ang, a bialpa simple ve si ai chuan midang ‘simple lo zawk’ duh turin ‘influence’ tam tak a nunah a awm ngei ang. ‘Pawngsual a nih tawhna’ hi he thawnthu ah hian a lian ber thei lo tlat, khawngaihthlak hle mah se.

Reply
LaMea CâcTùs FLh June 13, 2012 at 6:46 PM

21, ka tum pakhat i man chiang khawp mai.

Reply
Sasaks June 13, 2012 at 6:49 PM

#22 Ziaktupa, Charice hi hnial thiang lo ang deuh hian kan en hlawm riauvin ka hria a 😛 enge a lo sawi leh dawn ni?

Reply
LaMea CâcTùs FLh June 13, 2012 at 6:58 PM

Tunlai zawng Charice hi a in luling tlat;-) tak2a, emotional tortured rapthlak zia hi, ka chhiar nasa a, overcome har anti thin.. Oprah ngei pawh hi child molestation victim alo nive ani awm e..
Tin, kan society nunphung leh dark side hi engmah nilo mah ila ka hmu thiam in ka vei nasa thin..

Reply
Sasaks June 13, 2012 at 7:02 PM

Hmeichhia ni ve lo tan chuan ’empathize’ a har, kan tih theih tawk ‘sympathy’ sang ber erawh kan pek a, kan dawm thiam chu an tul tak meuh e! Hmeichhia hi victim an ni hma bik a, hetiang hmeichhe ‘rahbi rap sual laklawh’ ka hmuh hian ka rilru a na ve vawng vawng thin. Chutihlaiin, hmeichhe ‘fing’ leh ‘fing lo’ , ‘principle leh integrity’ nei leh nei lo kar chu a va hla si em!!

Reply
doc_lib June 13, 2012 at 7:30 PM

Kum 12 a pawngsual tawk anih ngat chuan psychological trauma a nei nasa ngawt ang le..Pawngpaw dem theih a ni hauh lo. Kum 16 hnuai lama an duh vang reng a sex hmang pawh nun chhiat phah an tam ania. Chutah a ni phei chu kum 12 ah, pawngsual ala ni zui…chuvangin a tak tak ni ta se, pawngpaw dem theih ani lo..A chhungten an hriatpui leh pui loh lam a sawi tawh si lo a. Hetiang hi kan chhungte an lo awm palh anih chuan, dimdawi taka enkawl a, hmangngaihna nen zawi zawi a enkawl chhoh a, pasal an neih hma chu uluk taka enkawl tur..Tin pasal an neih pawhin an pasal te khan dimdawi taka enkawl tur..A ka va han sawi zui chiam chak em..A sei dawn lutuk bawk si.

Reply
Charice_mizo June 13, 2012 at 8:06 PM

Sasaks, hnial thianglo a ni? akekekek, i thusawi khi ka pawm viau dawn na a, i base a thiante thusawi a ni tlat khian ngaihtuahna a ti pelhe hret, nge ni a i rawn quote satliah ve mai mai… 😛 A thiante version ai chuan amah, a tawngtu ngei, nula version khi hriat a chakawm hle mai a. A hmeichhe ‘psyche’ tak tak kan hriat theihloh vangin cognitive behavioral study te chu kan ti thei lo anga, mahse inngaihzawnna leh hmangaihna thil ah hi chuan psychologist ni kher lo pawhin emotions thuk tak a inrawlh tih kan hre vek a. Chuvangin a naupan laia a pawngsual a lo tawh tawh (cause)sawi tel miah lova a, a symptoms leh result ah chiah kan focus dawn chuan “We’re doing injustice to her…”

Amah a post tupa ngei pawn a rawn sawi tel nual khi, kha thil thleng hnaisailo tak avanga a rilru puthmang (patterns of thoughts) danglam nasat phah zia khi. Engpawhnise pawisawi velo a bialpain ‘zawnga tuar ai’ a tuar, sob3, hi pawi ka tihpuia, khuareiin ala hnem ngei ka duhsak takzet.

Ka sawi ta duaha, my point is, material influence leh lust satliah ai chuan an inthen chhanah hian psychological factor a lian zawk (in ka ring) tih te mai hi mawlee..

Reply
sheldon June 13, 2012 at 8:34 PM

Lame, i ziak thiam lehpek e, rilru a khawih khawp mai. Novel puitling ziah chu i la tum na pek nge??

Reply
Sasaks June 13, 2012 at 9:09 PM

Hmeichhia hi ka hrethiam tehchiam lova (chuvanga la heti hi ka nia!) – mahse, mipa aiin hmeichhia hi ‘material’ leh ‘lust’ hian a tibuai zawkin ka hria. Tin, he nu chungchangah hian a rinawm lohna hi Post Traumatic Disorder (an ti mi kha?) chu ni theiin ka hre tawh lo, kum 12 a nihlai daih ami kha a nia. Anxiety, depression, etc chu a nei em em ang, chu chu amah pawhin inhria-in a inpuang reng a, “Ngaihzawn tlak ka ni lo” a ti thlawt reng a. Chuti chunga pawmtu leh hmangaihtu a phatsan leh si hi – psychological ni lovin influence tu factor lianpui pui vang zawk a ni e…ka ti ve mai mai.

Reply
vakul June 13, 2012 at 9:16 PM

a tak tak nge phuahchawp.

kan tlangval laia sms thawnna tur la rawn chhuak chho lo kha kan vannei nge vanduai pawh ka hre lo.

Reply
LaMea CâcTùs FLh June 13, 2012 at 11:09 PM

Doc_lib, ania sin. Hetiang h hriat kanei a, an awmdan hriatthym a har in an khawngaihthk asin. Tin, chhungte zep hi an awm nual ania ka rin..

Reply
LaMea CâcTùs FLh June 13, 2012 at 11:11 PM

U sheldie, novel chu true story behchhan a ziak tura ngen dertu ka tawng ve hlauh a.kala buaipui ang.kum tawplam atangin

Reply
Chhuaklinga June 13, 2012 at 11:13 PM

Post-tupa chu a thupui putu ber i neih na chhan khi i sawi dawn emaw ka lo ti a. Kan hriat ve kher ngai i ti lem lo a ni maw… 🙂

tren tren

Reply
Lamji June 14, 2012 at 5:06 AM

Uiii…in fin hlawm ziaaaa hi. I zas die. 😛

Reply

Leave a Comment

Skip to toolbar