Advice Health Mizo Society & Culture

Thisen Hlu!

(June 14, World Blood Donors’ Day la hla deuh mah se; thisen pek chungchang hi ka vei ve tlat. Thling hnathawk tha thei lo (Aplastic anemia?) avanga kum hnih chuang, mi thisen dawnga damchhuak ta, Mamuani tan he thuziak hi ka hlan e. )

Kum kaw kal ta khan…

Aizawl Civil Hospital Casualty khum pakhata, nula tleirawl chau taka mu chu ka thlir vang vang a. Thisen dawngtu chau leh dang bei mai hrethiam ni awm takin, a thisen dawnlai pawh muang changin a far kauh kauh va. A natna tawrh mek chu chu tuar ve ta mai ila; indawm kun ngawih ngawih mai loh chu tih theih ka neih ka ring lo. Rawlthar vanglai, inlakpa khengkhawnglai ni mah se; chu natna chu ka vei atana ka ngaihtuahin, ka cho lo; ka tim uai uai.

Ka rin ang a ni miah lo!
Ka nau-i chu a tawng peih tho avangin, ngawi renga thut ai chuan tiin, a natna chanchin ka zawhna te chhangin a titi melh melh a. Mi tlawmngaite thisen pek avanga chauha la dam mai a nih thu min hrilh lai chuan ngaihtuahna a kal thui vawng vawng. Tlawmngaia thisen petu an awm tawh loh huna a nunna tawp ve mai tur a sawi lai phei chuan ka hnuk a ulh teuh. Chu natna tihbaiawm tak chuan kum khat chuang lai a lo bawhbet reng tawh niin!

Ni, a taksa mamawh tawk thisen siamchhuak turin a thlingin (bone marrow) hna a thawk tha thei lova. A khat tawka midangte thisen dawnga nung mai a ni. Chu natna chuan thlei bik nei map lovin, nula thalai tak, nun par vul mek chu kawih kur sakin, a sawisa a nih ber chu. Chu-a-chhapah, nula a nih avangin, thlabi a chhiar ve tho bawk si. Vawikhat phei chu a patea’n fiamthuin ‘mi thisen i dawng a, i la paihchhuak ve khanglang bawk si‘ a ti hial!

Thisen pek leh Mizo tlawmngaihna
Thisen pek leh Mizo tlawmngaihna hi an inzawm tlatin ka hria. Natna emaw hliampui tawrh avanga nunna hlu tak chan mai tur dinhmuna an awm laia, phut let nei miah lova thisen hlu tak kan inpe chhawng thin hi chu a hluin tlawmgngaihna parmawi tak pakhat a ni ngei mai.

Kan thiannu chungchang bikah hi chuan, a thiante leh laina hnai te’n a mamawh hun apiangin thisen an pe mai thin a. An mangan tawp lamah keini min rawn pun ve chauh zawk a lo ni a. A chang leh thisen an lei zauh zauh bawk. Mahse, kan nau hi vanneihthlak takin thisen unit 50 chuang a dawn hnuin, zawi zawiin a damchhuak leh ta! Pathian zarah tun thlengin a insawisel leh ta lo.

Thisen pek, kan duh thu a nih laiin, kan thu miah lo!
Thisen pek hi kan thu liau liau, a nawr a innawr luih chi a ni lo. ‘Nang hi I hrisel tha, I banbul pawh a sek tha, thisen rawn pe ve tawh rawh’ tia inngen ngawt chi lah a ni hek lo. Kan duh thu ngeia pe tur kan ni.

Chutih laiin, I taksain thisen pek a phalsak phawt che a ngai. Thisen pek tur neiin, pek duh teh mah la; I taksa hriselnain a zir tlat loh chuan tih ngaihna dang a awm chuang lo. Chu hriselna chu I kuta awm a ni lo, Siamtu Pathian kuta awm a ni si.

I thisen hlu tak an dawn vanga, hringnun an hmang leh thei te; suala tlu tawh te tana sual simna hun I pawh seisak thei a ni tih te I ngaihtuah thleng ngai em? Taksain thisen a neih tlem vanga chau, thichhawng a let reng te’n beiseina thar nen he khawvel eng an thlir leh thei te hi a hlu asin.

Krista thisen hlua tlan Kristian-te
Isua Krista ringtu te’n, kan sawi zin leh kan duh ber, Isua Krista thisen hlua tlan ka nih hi a ni awm e. Ni, a hlu reng a ni, chatuan nun kan neih theihna a ni si.

Khuanu’n a bik taka kan nunna tura thisen min pek hi khawvel thiamna sang zelin a tlukpui an la siam chhuak thei hauh lo. Chu thil hlu tak chu hrisel pangngai I nih chuan I nei a, a hlutzia kha hre nawn fo la. I taksa a hrisel tha a, thisen pek tur i neih chuan, tlawmngai takin a mamawh te tan pek tum thin ang che.

Thisen pe la, nun chhanhim rawh

Related posts

Mihring, Zukchal leh Keipui Intlansiak Ropui

Tluanga Chawngthu

Mizo ṭawnga pachhia — Mizote!

TuaiSialA

Rinawmna hian Mizo nih a tinuam thin

mizo

41 comments

TuaiSialA June 1, 2012 at 6:45 PM

#1 (Y)

Reply
H.Vangchhia June 1, 2012 at 6:48 PM

Syphillis, HVC/HVB, HIV tih vel tel lohna thisen chu a hlu vek lawmni kati mai asin. hairehai 🙂

Reply
H.Vangchhia June 1, 2012 at 6:59 PM

#2 double ‘l’ lo tur 😛

I ziak tha khawp mai, mahse Mizo teah hian mît-liam (jaundice) lo vei tawh te’n thisen anpe thin tho niin ka hria a, a pawi kan tilo emni le?

Reply
chhana June 1, 2012 at 7:22 PM

A tha mai.
Mizote hian fiamthu hun leh hun lo hriatthiam a va tul em.
Thisen pe la, nun chhanhim rawh. Tichuan, vanah ro I neih phah thei bawk.

Reply
Chhuaklinga June 1, 2012 at 7:23 PM

Post tha tak a ni. A dawngtu tan chuan a lawmawm thin ngawt ang. Mamuani chu a lawmpuiawm hle mai, Pathian zarah lo dam zel teh se. (Y)

Thisen ka pak hmasak ber kha ’90 kum vel ni tain ka hria, tih than a neih harsa ka ti khawp mai. Thisen pek dawn chuan beer no khat vel hi han tlak pawp ila a zia phian. 🙂

tren tren

Reply
sheldon June 1, 2012 at 7:26 PM

Thisen hi a va hlu tak em! Phal taka mamawh tu te hnena thisen petu te an ngaihsanawm. Mizoramah hi chuan mimal leh pawl anga pek kan intihhmuh a a tha ngawt mai.

Thisen hi damna anih rualin thihna khawp natna hrik min kai theitu ani bawk si.

Reply
TuaiSialA June 1, 2012 at 7:27 PM

Vawi 4 chu ka pe ve tawh. 😉 Chhiar tawh ang.

Reply
TuaiSialA June 1, 2012 at 7:28 PM

Tin, thisen ka pek hian ka hmeltha sawt zel. Theih se kartin tala pek ka duh.

Reply
TuaiSialA June 1, 2012 at 7:38 PM

Ka chhiar chhuak ta e. I thiannu damchhuak chu ka lawmpui kher mai. Thisen hi a mamawh ngawih ngawihte pek a nawmzia a dang a, hahdam taka mi nun chhanchhuahna a ni bawk. Chutih rualin pe duh ngawih ngawih pe thei lote hi an khawngaihthlak ka ti bawk. World Donor Day puala la rawn sermon tur a nih hi. Thisena tlante hian a mamawhte tan thisen i pe zel ang u. Post tha lutuk e. (Y)

Reply
Chhuaklinga June 1, 2012 at 7:43 PM

Tialkhara khan thisen chu a pek hnem tawh kha mawle 😛 😀 :fth:

tren tren

Reply
Dr Mahminga Sailo June 1, 2012 at 7:58 PM

Tunla chu k’u Tialkhara a tial mawi tlat… 😀 Nia, Mamuani khi ka lawmpui, beisei phak loh a ni, thisen vawi 3 ka pe ve hman. A natna a dangdai avang khan, chawhmaa thisen kan pek ngei dawng a, chawhnua a lo tha leh mai hmuh khan a nuam dangdai ve thin. Pu Hv, screening an uluk turah ka ngai ngawt asin… An uluk lo a nih hlauh chuan a hlauhawm dawn em mai… ;-(

Reply
Astericâ„¢ June 1, 2012 at 8:17 PM

Hmangaihna hian nunna pek a huama, nunna leh hmangaihna chu a inzawma, chumi dawt chiaha hlu chu thisen pek hi niin ka hria 🙂 Ka la pe tam lo khawp mai, vawi 5 vel chauh ka la pe, zan ka mengrei thin sia ka ngah lo ve bawk em atin ni, hahdam hunah kan la uar turah ngai ang 😉

Reply
Charice_mizo June 1, 2012 at 9:29 PM

Thisen hi vawikhat chiah ka la pe. Kum 18 ka tlin tuk chiahah ka thiannu nu cancer vei chau tawh tak chu ka pe ve a. Hrisel that lai a ni bawka ka chauh phah miah lo. Mahse hmundangah college te kan han kalzawma, hriselna a pan chhoa thisen hi ka la pe leh ta miahlo! He post chuan rilru a khawih hle mai.

PS: Ka thiannu nu chu a hnu lawkah a boral zuia, nuam duh lo sin aw!

Reply
TuaiSialA June 1, 2012 at 9:34 PM

@Charice, i han sawi takah chuan ka’n uang lawks. Mi pakhat chiang vak lo, 99% kan tih ang chi hian thisen a pe a, a tha chhuak daih! A thisen peka chu engtin tak awm ang maw… 😀

Reply
Charice_mizo June 1, 2012 at 9:39 PM

Tuaisial, chupa chu ilo ni ru reng lo maw,(OT) 😀

Reply
TuaiSialA June 1, 2012 at 9:53 PM

@Charice, Operation Theater tihna mi? 😛

Reply
Dr Mahminga Sailo June 1, 2012 at 10:07 PM

Operation theater-ah in lo awm elo? 😛
@ Charice.. A va pawi ve. Pathian zarah voluntary-in vawi 11 ka pe ve tawh a. Ka mi hriat chian Mamuani vawi 3 leh ka patea vawi 1. Mamuani leh ka patea hi an tha chhuak ve ve. Unit 11 dawngtu te erawh ka hre lo.. 🙂 Nikuma chennai ka zina thisen ka pe erawh, ka haw hnu kar khatah typhoid fever ka vei chhunzawm a, ka chau ve khawp mai… 🙁

Reply
TuaiSialA June 1, 2012 at 10:11 PM

Kei, ka vannei a, ka pek hma zana dar 2 ka men paw’n engmah effect a awm ngai lo reng reng. BP hniam emaw tih mai tura luhaia ka awm chunga ka pek paw’n engmah effect a awm ngai lo. A vanneihthlak khawp mai. Charice chu thisen a pe a, a chau va, Operation Theater-ah an nawr lut a ni awm e. 😛

Reply
mamboihi June 1, 2012 at 10:23 PM

Mahminga leh midang te, in va titha ve aw… ka tluk loh vek in ni e. (Y) Mizoram ah hian thisen pek ho hi an screen tha turah beisei ila, nih loh chuan mi thisen atanga Aids te kaia thi tawh te (ram dangah) an awm tawh tlat..

Reply
Lamji June 1, 2012 at 11:37 PM

Aizawl awm lai a ngaihawm mange! Regular Blood doner ka ni ve ngat,kum 1 ah vawi 3 ka pe ngei ngei thin dam chuan. Blood bank ah chuan ka hmingin min ko lauh lauh thin 😉 Thisen pek hi i intihhmuh ang u,a uihawm miah loh ania. Tin,Civil Hosp. ah phei chuan blood doner card i neih chuan i laina hnai thleng a thlawn vek in thisen in mamawh hunah in dawng thei. Tlangval hrisel pangngai tan chuan kum 1 ah vawi 2 tal donate ngei ngei tur. A ‘MAN’, a polite,a Pathian thu em em bawk. Midang tana malsawmna nih hi i hreh lovang u. Ka lawm e.

-Thisen ngah em em Lamji-a. 😛

Reply
Kher Kher June 1, 2012 at 11:43 PM

-Thisen ngah em em Lamji-a.

-Thisen lum but but thin Lamji-a.

-Thisen tawt Lamji-a.

😛

Reply
TuaiSialA June 1, 2012 at 11:54 PM

Thisen chik zuai zuai Lamji-a. 😛

Reply
Mx June 2, 2012 at 12:12 AM

Thuziak tha tak leh pawimawh tak a va ni tehlul em (Y) (Y)

Reply
Lamji June 2, 2012 at 12:20 AM

In va’n ovieer e aw… 😛 Thisen sen ngei hi a tha, Tialkhara te thisen supply ang chi hi chu a ro hnu ah kheuh a hahthlak. 😀

Reply
TuaiSialA June 2, 2012 at 12:21 AM

Thisen over Lamji.

Reply
Lamji June 2, 2012 at 12:25 AM

Ts,links. Start. Kan tiam e. 🙂

Reply
mamboihi June 2, 2012 at 12:26 AM

TS i va Heidenrial tawh ve hehe!! Weekend i hmang tan tlat!!

Reply
Kher Kher June 2, 2012 at 12:31 AM

Good Post (Y)

Reply
Lamji June 2, 2012 at 12:33 AM

#20 (Y) (K)

Reply
Dr Mahminga Sailo June 2, 2012 at 12:34 AM

Thisen zawnga lak chuan k’u Tialkhara a reh tlat mai.. 😀 😛
@Lamji.. Aizawl civil hospital-a thlawk Dinthar nu lukir phei khi chuan mi a duat em em lehnghal.. 😉

Reply
Lamji June 2, 2012 at 12:37 AM

Yasi…kha nu ngei mai kha,nui ring thei deuh kha. Kan venga blood camp neih vel te pawh hian hming in min ko nalh nalh zel,a nuam duh phian. Tin, Dr. Lily hi Mizo nu ah chuan….khawp mai. 🙂

Reply
Kher Kher June 2, 2012 at 12:37 AM

@Dr Mahming.. Dinthar nu chu van den ve, part time in a mi a thlawh 😀

Reply
Lamji June 2, 2012 at 12:41 AM

#32, 😀

Reply
Dr Mahminga Sailo June 2, 2012 at 12:42 AM

Ehh.. Lamji chu, ka sawi ngam loh a lo sawi… 😉 MBBS a zirlaiin a chhelo ngawt ang, i sawi nu khi chu… 🙂

@ Kher Kher… Sailo hnam ve tho a ni lehnghal a. Blood bank-a Lunglei lam mi an kal dek dek tawh chuan ka chanchin a lo zawt ngawt thin a ni awm e. Ka lar loh teh reng nen… 😀 Ka chanchin a zawh thin te hi an hawi lawl lawl zelin ka ring.. LAWLSSS (an ti mi kha(h)..? 😛 )

Reply
Lamji June 2, 2012 at 12:44 AM

Dr. Mamihinga pawh thisen tawt tho ilo nih chu. 🙂

Tsa hi Dr. Lily pic chu a link min provide leh mai thei ang em aw..ilo thlir ang. 🙂

Reply
Dr Mahminga Sailo June 2, 2012 at 12:49 AM

# 35… 😀
Thlalak chu ka’n nghak risk te’ng… 😛

Reply
Charice_mizo June 2, 2012 at 1:05 AM

Tuaisiala chu tum khat thisen a pe ve a, a pek zawh veleh hmanhmawh lutukin Doctor an kohsak, Maternity Ward ah an nawr lut nghal…(true story) 😀

Reply
century child June 2, 2012 at 2:11 AM

Tha hle mai (Y)
tin, khi Atom C post khi comment an off a, first ah min lo ngai mai teh u 😀

Reply
TuaiSialA June 2, 2012 at 6:08 AM

Hehehe… In ho luai luai lutuk. 😛
Chu, Dr. Lily chu a lo thlawk thin reng reng a maw? 😛
Charice chuan pa pakhat thisen a pe hlum! 😀 😛 😛 😛 😛

Reply
TuaiSialA June 2, 2012 at 6:21 AM

Comment off atangin admin-te thawh hun a hriat theih ang. 😉

Reply
Othy fanai June 4, 2012 at 3:43 PM

Tun kum chu ka donate hman ve dn e,Pathian zara dam chuan.Chawlh lai a nia.

Reply

Leave a Comment