Information Mizo Society & Culture

YMA Day pual…

Happy Birthday YMA

Zofate hmasawnna tura thawktu tur, tanpui ngaite tanpuitu tur leh kristian nun dan tha vawng nung zel tur a kum 1935 a mizorama sap misawnari te leh kristian hmasa te hmalakna a I lo pian ni kha kum 77 lai alo tling ve ta reng mai. Din chhan I nih ang taka thawk a, tun thlenga chhum lo chat lova I la kal reng theih nachhan hi eng dang vang ni lovin KRISTIANNA, a lungphum ah I hman vang anih ka ring. I hun lo la kal leh zel turah pawh din I nih chhan theihnghilh lova tha taka hna I thawh chhunzawm zel theih na turin duhsakna sang ber ka hlan a che.

Ka ngaihsan em em na che pakhat pawh a tira I hming YLA (Young Lushai Association) tih khan, mizo zawng zawngte min huapzo dawn lo tih I hriat avangin YMA (Young Mizo Association) tih in I thlak ta a. A hma a lusei ho chauh huam thin khan lusei chauh nilovin mizo zawng zawngte min huam kim ta vek a, a hranpa a hnam bil te te a tlawmngai pawl neih kher a ngaih loh phah ta ani.

Aw, mizote tan hian I lo va hlu em!

Veng chhungah chhiatni lo thleng se tunge zualko a, tunge thlan lai a, mithi in singsa a tlaivar pui thin? Khualkhuaa thi an awm pawha an khua a zawn thlenga buaipui thin tu I nih tih kan hai lo asin! Veng chhung thenfai hna I thawk bawk a, ruihhlo zawrh I remti ngai lova, tin, ruihhlo ngai te chhanchhuah hram hram dan I ngaihtuah reng thin.

Mi hausa leh rethei te thliar hrang lovin chhiatni/thatni ah theihtawp chhuahin, tumah phut nei lovin ang khat vekin I buaipui thin a. Mizo nih nuam ka tih chhan chu nangmah hi I ni a, kei chuan kohhran ai pawhin mizote tan hian I hlu ka ti zawk asin!

YMA, an sel che maw?

Thihna alo thlen changa a buai pheleng ber thin kha tual thattu ah an puh che a, I kumpuanah eirukna do a la awm loh avangin eirukna a fihlim lovah an puang dum dum che a, veng chhung a ruihhlo zuar te awm I rem tih loh avangin mi nunrawng lutuka chhuah tute lah bo lo. Heng an selna zawng zawngte tuar hram hram a I tlawmngaihna hna I chhunzawm thei zel te hi ka ngaisang che a, nagmah seltu te pawhin a chhiatni/thahni a an belh tur chu nagmah tho a ni tih ka hre chiang bawk. Chuvang chuan selna I tawh chang pawhin I thiltih that tawh te avanga nangmah tan tlat thin tam tak kan awm tih hria a, fimkhur takin kal zel ang che.

YMA tang fan fan..

I ram chhungah mizo inti ve duh lo ten huaikawm an bawl phal ngai suh la, helna leh invauna te hi remti ngai suh ang che. Hel tenau te te, mi 50 vel silai keng thei nei te lek lekin I branch an thiat mai mai thei hi chu tih tur I nei ve in ka hria. Zam ngai lo la, i mizo pui te hian kan thlawp reng dawn che a, helho hi tawngkam tha te tea I dawr chhung chuan an pawr tawlh tawlh dawn. Hnam dang te tan chuan I hmel hi mizote hmel a ni a, hneh theih anga I lan chuan mizote hi min ngainep lutuk dawn a, tharuma beih ngai an awm a nih pawhin I member te zingah hian mizoram tan a nih dawn phawt chuan silai pu duh an awm teuh ani tih hi lo hria ang che! YMA tang fan fan…..

Related posts

Kan sakruang Mizoram tan

malsawmliana

Kekawr Tret

mi_sual

2010 Chin National Day speech by Salai Pa Hmun

flying

17 comments

shailendra June 15, 2012 at 11:36 AM

Ruah a surrrr… 😀

YMA Day ngei mai a, YMA Day Pual Post-a han First nalh nalh hi chu a nuam em em a ni, kan ti ngawt dawn emaw ni le. 😛

Reply
sisen June 15, 2012 at 12:46 PM

Mizoram hmun tam zawka YMA Day hlim taka kan hman laiin thenkhatte erawh chu mittui nen he hun hmang thei lovin an awm mek si ;-(

Reply
CFL June 15, 2012 at 1:37 PM

Good post.
“Ka lenrual lungduhte u zam loten i kal zel ang; YMA sakhming mawi a chul dawn lo” (Y)

Reply
Charice_mizo June 15, 2012 at 2:16 PM

Ziaktupa rilru khi ka tawmpui khawp mai, YMA chu a zam ngai tur a ni lo. Mizo hnam a awm chhung chuan YMA a awm reng ang!

Reply
sheldon June 15, 2012 at 2:29 PM

Post tha tak ani (Y) Member heti zat awm ta chu sawiselbo anih theihloh alawm.

Happy B’Day YMA!!

Reply
sheldon June 15, 2012 at 2:33 PM

YMA kawrah hmangin mi depde thenkhat ten sual rawng an bawl a, hming mawi ber YMA hming an tichhe thin.

Reply
PKfanai June 15, 2012 at 3:51 PM

“YMA vul zel rawh se” (Y)

Reply
Dr Mahminga Sailo June 15, 2012 at 4:13 PM

(Y)

Reply
sheldon June 15, 2012 at 4:46 PM

Vawin zawng, YMA Day hmang tha duhtu tan pawh tihngaihna tak a awmlo a ni e. Zing atangin a zing chuk mai.

Reply
Atom c June 15, 2012 at 5:10 PM

Chhunzawm ve lawk ang (Inthlahrung takin. 😉 )

Zawhna :- YMA hi enge ni?

Chhanna :- Pangpar mawi tak, tui pek thatloh avanga a nih tur ang ni zolo, enkawl thata mawi thei em em si hi ‘YMA’ chu a ni. (I)

Tunlaiah mihring kan danglam tawh a, khawtlang enkawl chungchangah YMA hruaitute hi Zirtirtu/ Nu leh Pa tluka pawimawh anni tawh. Chuvangin, kumtin vawikhat emaw tal training/counseling neiin, YMA dan leh nihphung inzirtirna hi CYMA hnuaiah nei thin se kan ziaawm leh deuh ngei chuan ka ring.

(Y)

Reply
H.Vangchhia June 15, 2012 at 6:29 PM

YMA hi Mizo te tan a hlu thlawt a ni, mahse inenkawl dan erawh siam that ngai a tam ang ie:Dan (law) kan kutah a awm emaw tih ang te adt. (Y)

YMA dam reng rawh se (Y)

Reply
chhangteval June 15, 2012 at 8:57 PM

Vawiin a YMA Day hmang chak ve ngawih ngawih a, hmang ve ngam si lo te kha an van khongaihthlak em 🙁

Reply
Rokob June 15, 2012 at 9:14 PM

YMA member a ka inpek hnu lawkin kan vengah vanduaithlak takin mitthi kan nei hlauh mai a, thlan laih na ah a voikhatna tur te ani bawk phur takin ka kal ve a, laih zawh dawn in kan val upa 1in ,’ mitthi lukham tur tlawmngaia zuk pu thei kan awm ang angem le?,’ a tia, kei, chinchang engmah la hre ta lo chuan thlanmual sir a mi lungphek mam tha bera ka hriat kha ka va pu ta tehreng anih kha le, chutah inti bengvar tawkin’ Pa Dailo, hei mitthi lukham tur chuh’ ka’n ti mai ah ! An va han nui nasa tehreng em..! Tun thleng hian ka ngaihtuah in ka la zak..haha:p
YMA tang fan fan la, mi mawl tlemte in I hming kawrah hmanga an tih chhiat hlen phal lohin mizo hnam damna tura I hnathawh that ho hi thawk chhunzawm zel na’ng che..
(Y)

Reply
chhangteval June 15, 2012 at 10:19 PM

#13 rokob hahaha (Y)

Reply
xman June 16, 2012 at 1:03 AM

@ Shailendra, YMA Day puala a hnung dawltu han nih ngat pawh hi a nuam ve riau

Reply
TuaiSialA June 16, 2012 at 3:07 AM

Aw a va á¹­ha em! YMA á¹­ang fan fan. Post-tupa dam fan fan. 😀

Reply
malsta27 June 16, 2012 at 12:03 PM

Hetah zawk tur hian ni 😀 😀 (Y)

Reply

Leave a Comment

Skip to toolbar