Fiction

RCa

A hmel en reng reng pawh a south indian ani tih hriat, hang , meng fiah kalh mai chuan chiang fek fawk hian, “Lalrinchhana and Johny, how many times have i told you not to talk in the class. Get out”

Class room boruak chu vawi lehkhatah chhum zingin van boruak thiang tak a rawn hliahkhuh ang mai hian inthlak nghalin, naupang zawng zawng chuan a hnung lampanga mipa naupang 2 te lam chu hawi let thapin, chu mipa naupang 2 te inthlahrung taka an chhuah lai pawh chuan tumah reng an tawng ngam silo. Nia, Mary mount school teacher ah chuan Miss Jessica i hi a strict berin a class a lo tawng palh chu a hlauhawm reng ani. Mahse, naupang dang te ang bawkin chu mipa naupang 2 te pawh chuan a hnu lawkah minute tam la dinglo mahse an hma lawka an miss hauhna leh tuna pawna an din chhan te chu an thlunglu lairil a luahlo tih hriat takin an inbe ru sa sa in, insum takin an nui a, eng eng emaw sawiin class room chhungah an thianten an zirlai an zirsan tih lam an ngaihtuah tawh lo.

Mipa naupang an hrem tak pakhat zawk Chhana, Rc ti a an koh bawk hi naupang harh vang tak, ninhlei thawkhat leh naupang rilru tluang tak, pawl 5 zirlai a niin a rualpui te zingah pawh a tha za pawl leh thawveng tak, zirna lamah pawh thiam em em lo, homework tilo pawla tel ve ziah, exam na ah pawh fail lo tawk chiah chiah niin thiante zingah erawh a hnawk pawl leh suahsual bawl pawl ani thung hauh silo. Tuna an school kalna Mary mount school hi a Mizorama School hlun leh tha pawl, zirlai naupang pawh sang chuang awmna leh a naupang lut te pawh mi pangngai tak tak leh Mizo ah chuan chungkaw pangngai tak tak fate anni tlangpui thin. Lunch break te hi chung naupang rilru thianghlim tak tak te chuan a thlakhlelhawm thinin an intihthawvenna hun leh infiamna hun, an tiffin te eia thiante nen hlim taka chaw an fakna hun aniin thawm pawh a tha thei thin hle tih chu a bawr vela cheng te pawhin an hre awm e.

Thiante nen an han inkawm a, tunlai naupang tih taka tunlai film thar te leh Games thar an neh chungchang, a cheat an neih thu te leh thil hrang hrang thiante zingah an han sawi a. A tu ate pawh chuan an thil neih te chu a thaber ni a ngaiin an han inhnial a, a chang leh an han intithei a, a chang leh thiante inah games khel ho turin an chhungten an ngaihtuah dan tur dawn pha miah loin thiante inah an leng khawtlai fo thin. Tlai a han ni a, naupang tam zawk ten nilenga an hah em avanga chau hnephnawpa an in an thlena an nu ten uluk taka anlo siamsak thingpui te ina, a hnu lawka chaw tui tak an ei thinlaite chuan an thianpa Rca, nitina an hmuhthin erawhin in a thlen velah mahni in rawng a bawl chawp a, zan lamah pawh zantam mittui nen a hmang thin tih an ngaihtuah pha hauh silo.

Tlaiah school an han bang a, naupang tih taka thiante nen muangchanga hawin an han tawi khawtlai a, chutah annin in lam thlamuang taka an panlai chuan Rca erawhin in a thlen velah zing lam ami thleng a sil a, rawng a bawla, chhuat te nawtin nutlingin nilenga an hna hi naupang kum 12 mi chuan tlai khatah tih zawh hram tumin a hmanhlel thin. Hah takin chungte chu a tlaitin hna ni mahse a vui lova, a hreawmzia a ngaihtuah ngai lova, atan zawng a hma a tla a hlen maiah a ngai si. A chang chuan an kawta thiante nen ball pet chunga rawng a bawl chang a awmin chaw chhum uh, chawhmeh bel mawng pawp khawpa chhuan kang changte a awm foin chung a thlen erawh chuan kut a tawrh phah fo thin.

Chhun lamah pawh thiante nen hlimten a nun engmah dawn lovin hmang liam thin mahse, Rca tan zawng school lamahte pawh kum lamah nau viau mahse inthiarfihlim hun, ngawih hun a hriain a kum phu lovin mite mitmei te a man thiam a, midang hriat lovin a intlahrun rukna, a nun ina a pawh phak loh a thianten an sawi changa mahni inveng tak chunga awm a thiam si thin. Ani tak asin, home work tihloh vanga hrem a tawh te, a form balh avanga an hauh ten thiamthu sawi a rem lova, rualpui ten computer games, toys chhuak thar te, an nu leh pa chanchin te an sawi chang pawhin atan chuan titi rawlh ve a rem lovin, rual pawl nan erawh thu phatmar leh dawt sawite a thiam phahin a sawi fo reng ani. Rualpuite titi man phakloh, a ruka lang lova rualawhna te chuan a nunah hmun an chang chho a, a tawng fo a, hreawm tih chang pawh a awm thin, mahse a tilang ngai hauh lova, chungte chu a nun chuan tawrchhelhna a kentel vang te pawh ani awm e.

Mahse, rualpuite phakloh leh rualawt tur he naupang hi a ni biklo tih amah pawhin ala man thiam lo. Nia, a pa lah nise sawrkar hnathawk JE lai niin nitin zantin hai lovin awm thin se zawng chhungkaw pangngai tak anni dawn si. A nu leh pa an inthen zana a pa in a nu kut a thlak dante, a hnu lawk atanga a nau leh a nu a pute khaw lama an awm tak daih dante kha a hunlai khan hrethiamlo mahse kum 3 a han vei meuh leh a Pi leh Pute an boral hnu phei kha chuan a man thiam a, a hrethiam a, chumi mila a nun hman chhoh dan te a hre tawhin atan zawng zantin a pa office rui chunga tlai taka a rawn haw chawei lo siam sakte leh zinga chaw chhum leh a tiffin tur artui kante chu a hreawmzia pawh a ngaihtuah ngailo. A nu te lama an chhungte lah thingtlangmi an ni nen an pui thei bik lova, a Pa lah fapa mal alo ni bawk si, a thiamlo ni miah lovin Rca chuan a khawvel chu a hmachhawn a ngai a, kawng dang a awm silo.

A chang chuan a nu leh a nau pawh a ngai thinin a pute khua ah an awm daih avangin anin hmukhat a, a lung pawh a leng thin. A hma a chhungkaw nuam leh hlim tak ni tura chhungte beisei thin kha nimahse Zu avangin an chhungkuaah harsatna a rawn tlengta niin mitam takin an ngai a, anihna chen pawh awm mahse in thatak sa turin banril tha tak angai anlo tuh fo thin angin a bul berah chuan a bultan dan a fuhloh vang ani tih mitam takin an man pha lo. An tlangval laia ler ve tak leh thatlai hun chu mahni phak tawka chen tur tih thupuia nei nula leh tlangval a hun lova nau an pai avanga nupa a insiam ta. Hmangaihna tak tak atang chhuak nilo inneihna, pakhatin sawrkar hna a thawk alawm tih leh duhvak loh te nena khuangchawi chu bahra khur laih aiin a nuam zawk tih rilru put avanga a hnialloh, lehlam lah mi fa te tih chhiat a thalo tih avanga nu leh pa te nawrh luihna avanga nupa a insiam ta, Inneih thuthiam leh kristian chhungkua hlutna chang hrelo mihring 2 nun tladah thin takte nunin a hrinchhuah vang ani si.

Thalai te u, nupui pasal hi khawthim dai lovin fimkhur taka chunglam dil chunga ngaihtuah chi ani e. Chuti lo zawng fahrah kan siamin rila rahte tan khawvel hi hmun hreawmah kan siam thei a, an nun ngei pawh sualna khurah kan hnuk lut thei tih i ngaihtuah thin ang u. Kan ram zim te mihring nuai 10 awrh awmna ah hian fahrah leh, naupang nupa kar lova seilian, Orphanage te tam zia te ngaihtuah hian keini thalai te hian tan kan lak a tulin kan mawhphurna ani tih i ngaihtuah thar ang u.

Related posts

Huan-pu Hmangaihna

zirsangkima

Wednesday Fiction: Thuruk by Xonas

aduhi

Ka mumang…

jin

16 comments

VaiVa July 24, 2012 at 9:37 AM

A thui tha khawp mai! (Y)

Reply
sheldon July 24, 2012 at 10:47 AM

Nia mawle! Lamea hi chu a ziak thiam a, a ziak thui thiam bawk. Ngaihnawm khawp mai (Y)

Reply
LaMea CâcTùs FLh July 24, 2012 at 11:00 AM

U sheldie.. Iva ngaihawm ve

Reply
lr hlonchhing July 24, 2012 at 11:16 AM

Kutzungpui Up…

Reply
mr_kox fanai July 24, 2012 at 11:19 AM

Ngaihnwmmmm… 🙂

Reply
Awmtea Khiangte July 24, 2012 at 11:20 AM

Post tha leh pek e (Y)

Reply
Dr Mahminga Sailo July 24, 2012 at 11:32 AM

Thuziak ngaihnawm tak si, fuihna thu hlu tak keng tel a nih hi maw le… (Y)

Hmanhmawh takin, sakei hlauh avanga tlanchhia niawm takin i post leh pek a ni maw? :-O

anni (an ni), ani (a ni), hreawm nge hrehawm?, angai (a ngai), anin (an in), anihna (a nihna) chungkaw/kua (chhungkua/kaw) adt Tlemte ka’n larlang hram e. Sawisel ngam i ni bawk a… 😉

Reply
LaMea CâcTùs FLh July 24, 2012 at 11:39 AM

Mahminga, Ler viau mah la thanks 😀
a ngai2in mistake ngai2.. A changtunu phei chuan min hau zing ania.. Iti zahthlak ati..nia, mizo tawng ziah thiamloh nak alaiin ka buailai ani ve khanglang a..

Reply
Dr Mahminga Sailo July 24, 2012 at 11:53 AM

@ LaMea… Thuziak ngaihnawm leh zirtir nei tha deuh hi chu, kan lo en chik ve bawk si a. Thiam ber ni awm takin, selna anka bawk ka chhakchhuak leh thin… 🙂

Kei chu, min hautu tur, a changtunu ka nei ve miah lo… 😛

Reply
PKfanai July 24, 2012 at 1:12 PM

A thuken a tha khawp mai.

Reply
EmEich July 24, 2012 at 3:15 PM

Ziak fuh reuh thin (Y)

Reply
shylo July 24, 2012 at 4:03 PM

Chhiar tham leh chhiar tlak tak anih hi… A zo(mizo) raih mai.

Reply
H.Vangchhia July 24, 2012 at 6:19 PM

Bazar velah naupang kum 12 bawr vel inrel emaw a riak mai mai á¹­hin an tam mai an tih kha tak tak a ni em?

Reply
LaMea CâcTùs FLh July 24, 2012 at 6:39 PM

Khawlai vela riak mai2 hi tamtak an awm asin. Suahsual vang te pawh nimahse.. Tiang tam zawk hi inchhungkhura harsatna tawk an tam zawk si

Reply
Mx July 24, 2012 at 7:53 PM

A ngaihnawm in chhiar a inchhirawmlo khawp mai 🙂 KZP

Reply
lhpa July 24, 2012 at 10:51 PM

A twpna khi, Rca chanchin lungchhiat thlak deua twp ni se. te ka tia. (Y)

Reply

Leave a Comment

Skip to toolbar