Lifestyle Luangliam Mizoram Opinion

System á¹­ha

Ka blog aá¹­angin 🙂

Ram hrang hrang hi ka awm kual tamlo nangin tlawh erawh ka nei ve ta nual mai. Hetiang ram ka hmuh ve chinah te hian (country ani emaw state a ni emaw) ram rethei ho hian dan leh hrai an zah lovin, an palzut hrehlo zual niin ka hmu fo mai. Chutih karah, a chengte chuan chhuanlam fahrah te te an nei ve far hlawm a, belhchian erawh a dawl ngai lem hlei lova!

Ka pianna ram, Mizoram hi han thlurbing ta ila. Mizoram state-ah hian dan leh hrai fumfe tak tha tak tak kan ngah kher mai. Mahse, chu dan leh hrai awmte chu a siamtute thleng maiin palzut a zahloh an ni tlat hlawm si. Chu mai a ni lova, vantlang pawhin dan leh hrai awmte chu a hming mai a awm ang deuh lekin kan ngai a, inhawrkhawm nikhuaah phei chuan zahna chhete mah kan nei tawh ngailo.

Khawvel hmun hrang ami te’n min rawn thlir reng a ni tih pawh kan ngaihtuah pha tawh á¹­hinlo nite’n ka hre á¹­hin. Kan pi leh pute ngaihtuah dan kan la chhawm zel te pawh a ang lek lek fo mai. An ni kha chuan an ramri piah khawthlang lamah khuan mihring chêng an awmlo emaw anti hial a nih kha!

Ram á¹­ha leh dan leh hrai tha nei tur chuan dan leh hrai awm sate zah thiam a, theih ang tawk a zawm peih leh zawm duhna rilru leh thlawpna rilru neih a pawimawh. Kan ram kan hmangaih anih chuan dan leh hrai kan hmangaih tur a ni ang. Tawngkam-in “Ram ka hmangaih,” ti ti mah ila, dan awmsa te kan zah lova, kan palzut hreh miahlo anih chuan kan lei (tongue) kan vial thlawn, kan á¹­awng thlawn tihna a lo ni dawn a ni.

Han sawi ta lawk ila, nimin, July ni 4, 2012 khan kan chenna khua, Frederick, MD ah chuan United States piankum 236 na lawmin Baker Park-ah kan chhung kal ve a. Chuta ka thil hmuh leh ka’n chik zual deuh pakhat chuan rualawhna nasa tak min pek bakah, “ram anlo van hmangaih tak em,” tihna rilru min pe zual sauh mai.

Chutia USA kum 236 tlin lawmnaah chuan zan lamah halmawi (fireworks), mipui en turin nasa leh ropui takin an hal a, mipui tam takte chuan nuam leh mawi ti tak a thlirin an haw haw dur dur á¹­hin. Hetia mipui kalkhawm hi 50,000 aá¹­anga 60,000 vel kan niin Frederick chanchinbu chuan a chhuah nghe nghe.
http://www.fredericknewspost.com/sections/news/display.htm?storyID=137817

Chutiang zat mipui kalkhawm te halmawi siper emaw laka an him na’n tiin, police lamin, “Police Line Do Not Cross” tih an thlung kual duah mai a ni. Chumi an hrui thlun kual duah pel a thu mi 2 chu ralkhat aá¹­angin chiang tak maiin ka hmu thei a. Ka rilru te te chuan “hispanic an ni ngei ngei ang,” ka ti niap niap a, ka pan hnai ta ngat a… anlo nita ngei bawk a. Ka rilru bawk chuan, “Border pawh dan lovin an rawn paltlang (cross) ngam a, hetiang police hrui zam mai mai zahna chang hreawm pawh an nilo reng a ni,” tihna rilru negative angreng tak ka neih phah ta nghe nghe a.

Thlalak kual pah chuan ka teikual deuh chiam a, kan hawi vel thin a, nichin a hispanic 2 ka hmuhte bak kha police hrui thlun pel a awm tumah ka hmu derlo nia mawle. A rammite chuan,”Dan a awm a, kan zawm tur a ni,” ti niawm takin felfai takin hruithlun pawnah an awm vek mai. Hetiang a vantlangin dan leh hrai an zawm chuan ‘SYSTEM THALO” neih a harsa khawpin ka ring.

Frederick khua a ka awm tirh hian tumkhat pawh petrol ka thunna hmunah tum lemlo takin engemaw leiah ka paih palh zeuhva. Nu pakhat chuan hla deuh tak atangin minlo hmureng chu niin, a rawn kal nal nal a, “tinge á¹­awih theilo leiah i paih a, i ram i hmangaihlo em ni,” min rawn ti chhak mai. Khami á¹­uma ka zah zia kha ka theihnghilh mai mai tawhin ka ringlo.

Ram tha leh system á¹­ha nei tur chuan dan leh hrai awmsate kan zawm á¹­hat peih a pawimawh a, dan kengkawhtute kan thlawp á¹­hat a pawimawh bawk ang. Chutih karah dan kengkawh tute pawhin mipui zah leh fak an hlawh zual theih nan dan chu khauh takin an kengkawh tur a ni bawk ang.

Dan leh hrai zawm leh zawm loh hi dawt sawi ang deuh ani awm e. Dawt sawi laklawh tawh chuan a khuhna tur a ngai a emaw, dawt dang sawi a harsa tawh ngailo. Chutiang deuh chuan dan hotê kan zawm peihloh hian a dang chu zawm loh mai harsat lohna a awm tawh ṭhin niin ka hria. Ram a awm chuan dan leh hrai a awm a. Dan leh hrai zahna hmun a piang ram nuam leh zahawm, chenna tlak, radang thik phak anlo ni ṭhin.

Related posts

Mizo te hi India mi kan ni reng em ?

Formerly Known as Fonz.

Hostel Rules

TuaiSialA

Upa ber a ni thei angem?

Kawnga

19 comments

Dr Mahminga Sailo July 6, 2012 at 9:44 AM

Post tha tak a ni… (Y)

tinge á¹­awih theilo leiah i paih a, i ram i hmangaihlo em ni? (Y)

Bawlhlawh kan paih duh dan te, bawlhhlawhbawm kan hman tangkai lohzia te hmuh hian, kan rilru chu a hriat theih reng a ni…

Mai mai, in reh hlawm viau le. Zirtawp ni a ni bawk a, recent comment-ah double hattrick ka siam ta… 🙂

Awmtea Khiangte July 6, 2012 at 9:49 AM

Post tha lutuk tak mai a nih hi (Y)
India hi dan leh hrai ngah pawl tak kan ni ngei ang a, mahse a zawm lamah erawh kan hnufual hle. A bikin Mizoram ngat phei hi chu, dan hi zawm tur a ni tia inzirtir thar leh kan ngai hial awm e ka ti

ChhanaPa July 6, 2012 at 9:50 AM

MHIP Day chibai vek ule!

Mizoram a dan zawm hlawh lo ber chu MLTP Act hi a ni thei mai ang em? Kei ngei pawh hian ka zawm thei thlawt lo!

bigboss July 6, 2012 at 9:56 AM

Mr. H. Vangchhia, i thu post hi a tha hle mai. kan ram (India-Mizoram) mamawh dik tak chu system tha leh dan zah hi a niin ka hria. Changkanna bulthut pawimawh deuh mai chu- Dan zah hi a ni. I thu ziak hian US Independence day hmanga ka awm lai min ti hre chhuak. Dan zah lo society leh ram a changkang thei tak tak lo. Chuti rual rualin, Dan tha-in ram a ti changkanga, dan tha lo erawh zawngin ram a ti chhia tih hriat a tha. Hetiang lam hawi thu hi rawn post fo teh. Ka vei em em a ni ve tlat.

hmingtea July 6, 2012 at 10:34 AM

A va han dik in a tha ngei mai.

Keipawh hmun pakhat ka kalna ah hian sangha hi a tam em em mai a an tleh el del mai a .Chu hmun vengtu hnenah chuan in man ngailo em ni? ka ti a .ani chuan phalh loh a nia tiin min chhang a .Zanah te in man mai lo nia kan tih hram pek chuan zan ah pawh phal a ni chuang lo tiin min chhang.

Midangin mih hmuh loh pawn phalloh chu phalloh dan chu dan tih hi India leh Mizoramah a awm lo a ni ber hi mawle.
Helah ah hian police te hi criminal man dawn a tha an thawh deuh thin avangin case nei an awmnual dan bak in an chet chuan case an nei zel thin police poh niseng

Dr Mahminga Sailo July 6, 2012 at 10:51 AM

# zanah pawh phal a ni chuang lo… (Y) Ka va’n duh tak em!

Pathian thu pakhat ziaktu’n a sawi ka hriat reng thin chu: i mize dik tak a lan hun chu, zing dar 4:30 velah, traffic junction i thleng chiah tihin rawng sen a de chiah a. Lirthei dang tlan awm miah lo mah se, rawng sen a det avanga i din khan mi rinawm, dan zawm i ni a. I tlantlang luih chuan, traffic rule i bawhchhe tho a ni a ti. A dik ka ti khawp mai.

Mahse, India ramah ve hi chuan, rawng sen a det chiah a, din ngawt hi, lirthei tlan a tam lai phei chuan a hlauhawm zawk, hnung lam atang min rawn sut vak a hlauhawm… (N)

saint sammoo July 6, 2012 at 11:27 AM

kei ni zawng, na-a chu nise tihian a kuai kur ang a, a lo mai tur..kan tia, kan kuai kur ve theih reng pawh lo lovin kan thlah leh mai thin…
Dan zawm a tha tih kan hre vek, midang tih turah kan dah tlat…
Zoram, i chhunga chengte kan harh chhuah hma chu lo la ding hram hram ang che aw..
Link a nung lo.

malsta27 July 6, 2012 at 12:41 PM

Tha khawp mai dan zawm mai hi awlsam….. (Y) (Y)

ruatruatapa July 6, 2012 at 1:15 PM

Tha khawp mai. System change hi a har chu anih dawn hi. Ram danga tih theih hi kan ramah a tih theih loh fo mai. Singapore-ah chuan nise kan ti reng mai dawn chu a ang viau a ni…

Atom c July 6, 2012 at 2:17 PM

Tha hle mai (Y)

saint sammoo July 6, 2012 at 2:35 PM

link khi ka fone ah chuan a nung miah lo..

houdini July 6, 2012 at 2:41 PM

Va ṭha tak êm (Y)

Mahsé rualawh tinatu mai mai a ni bawk si…

Tin, Hispanic-ho hi khawihmunah pawh a che mäwlmang páwl an ni duh hrim hrim. (*)

kilung July 6, 2012 at 3:12 PM

Vai ram ah chuan Dawr a ithil lei na kawr vel i leina dawr kawt ah vek pawh paih la mit del thil hmu ang vel ani ang. 😀
Bawlhhlawh atanga ramhmangaih an tan chuan ava tha dawn em!! (Y)

lrpa July 6, 2012 at 3:40 PM

kutzungpui ti pir chho!! A dik chiah ani. Dan awmze awm, dan luklak ni lo, a engkawng zawng pawh a mipui te tan a tha te hi chu zawm mai ila. Dan awmze awm lo te hi paih mai ila..entirnan MLTP te..chatuanin awmzia a nei dawn si lo a.
Ram changkang apiangah dan an zawm tha anih hmel fu, exception/beyond law hi a awm ve lem lo. India ramah chuan dan hi mi thil ti thei tan chuan dan ani ve lem lo, Mizoram pawn hmasawnna tur kan la ngah nasa, a bul tan tir ang chauh kan la ni hrih!

Charice_mizo July 6, 2012 at 3:54 PM

Delhi ah hi chuan traffic rules hi an zawm tha angreng viauin ka hria ka kal tawh na chinah chuan, a zawm lo langsar zual chu changkang tura kan ngaih heng vai mi hausa fa ho, lungkham neilo, luxury car a leu vel vak vak thin ho hi an ni tlangpui.

Engpawh nise Mizoram pawh hi dan zawm chungchangah chuan kan changkang ve sawt viau chuan ka hriaa, thalai lehkhathiam leh hawi zau tak tak an pung ve zela, tin nu leh pa leh upa lam mi rawn tlak tak tak leh mi thahnemngai dangte nen kan tlangaupui zing ve ta hle hetiang lam hi..hma kan sawn mek zela, kan sawn zel turah pawh ka ngaia..a pawimawh berah chuan dan zawm tura kan huaisen a, example kan set ngam a ngai mitin hian..”Honesty is the best policy” tih anih kha hrereng ila.

PS: Hispanic ho hian USA hi an ti changel hmun hi ka tia, nakin lawkah chuan Black ho ai mah hian an la ngaimawh awm zawk ang ka ring..racially in.

H.Vangchhia July 6, 2012 at 6:12 PM

lrpa sawi ang khian MLTP hi a ho ka ti ngang mai… tlat mai a :-S

sheldon July 6, 2012 at 6:27 PM

Post thatak ani (Y) Mi ramah te chuan thil diklo a thlenin, a thlen chhan, a tobul an hailang thin, a thlen nawn leh tawh loh nan. Kan ramah chuan a tirah kan bengchheng viau a, a tawp der zel. Dan a lal loh vang ani.

MLTP Act hi chu aw!! Han sawisel ila min chuk rawn ang luai luai a. MLTP Act thatlohna kan sawi vang te hian zu in mi emaw min ti reu reu ang e 😀

H.Vangchhia July 6, 2012 at 6:48 PM

MHIP Day sawrkar chawlh a ni hi a ho ka ti hle bawk. Ho ti tak ka ni (N)

hnarliana July 6, 2012 at 6:52 PM

Hispanic ho chuan dan zawm an zirtirlo ami?

Leave a Comment