Copy Paste Mizoram

Tuirial Jail Escape II

(Tuirial Jail Escape I)

Lei an verh tantirh atangin Lalfima, Phulpui chu a tanna ward no.1 kawtah tingtang tar lam nen a duty thin a. Warder leh CRPF duty te rilru lapeng turin tingtang tar lam nen chuan a zai thin a. A zai nin hnuah Radio chu a on thung a, lunglen vak loh tum leh thawh fuh vak loh tum paw’n a zai a ngai tho thin si a, tum deuh to chunga a zai liam mai mai ni pawh a tam mai. “A tul chuan hmui vung bur paw’n kan zai anga a ni mai a lawm………!” a ti thei reng a ni.

An leiverh laiah lung a awm avangin an chawlhsan rih a, leiverh chhunzawm dan tur tactic hran an ngaihtuah a. Fima chu Radio leh tingtang bakah tin chhia nen a inchhawp tel ang a, Biaksanga hmeichhe thuam inbelin hmeichhe lemah a chang ang a, Fima zai remin alam thin ang. An tactic thar chu zanah an practice hmasa te te a.

A tukah chuan Fima chuan lam sawh tawk tawkna lam hla, “…Tleitir kekawr zuih lubuk..”, “Kei ni zawngin Rock N Roll kan chhai e..” tih hlate chu hot tak maiin a han sa a, Biaksanga kha hmeichhe lemah changin lam uar angaih lai khan zuanga tumin tin chhia kha a vaw ri ta thin a. CRPF leh warder-te chuan thil dang tih zai rel lo lekin an thlir a. Hetih lai hian lei verhtute pawhin thawm dim miah lovin lung chu chheni leh tuboh nen an chhu awrh awrh ngam ta a, an lungpui hmachhawn pawh chu an chhu bal thei ta a. Nidangah an leiverh laia lung chang deuh a lo awm chang chuan Fima te thian dun chu an zaiin an lam mai thin a, awlsam takin hna an thawh theih phah thin.

Jail chhung infiamna te chu warden-te an khelh ve an phalsak lo kan tih tawh kha, mahse leiverh an tan hnu hian warden-te chu khelh ve an phalsak ta a. Warden-te tan hun khawhralna tha tak a lo ni nen, an infiam peih lo chung pawh tang te hian an sawm lui ta thin a ni.

Lei verh hna a kaltluan chuan leivung a tam ve thung a. bang leh bang lining-na kar te chu a khat tawh a, dahna dang an zawng a, ceiling-ah te chuan an dah ta zel a. Nikhat chu ceiling-in a dawl lo va, a chim dawn ta mai, an inpunkhawm vat a, ceiling chu kutin an dawm far mai a. Chutih lai tak chuan warder pakhat chu chu in lam pan chuan a kal phei a, Fima’n a lo be peng a. A vaihlo zial ah chu an phawrh a, “Han zu ve chhin teh, a tui teh a nia ! Ka bialnu min zial sak anih hi,” tiin tih khawtlai dan a lo zawng a. Warder chu a bulah thuin, “A tui hle mai, I bialnu chuan a va han dusak che em ve le,” a ti a.

Ceiling chim tur chu Biaka’n thirzaiin a tawn tha thuai thuai a, Lalhmingthanga volley ball kengin a lo chhuak a, ceiling siam tha tute thawm thup turin ball chu a beng sawt a, “Tunge mal a inkhelh min cho, min cho in awm chuan lo chhuak teh u,” tiin a au vel a. Renga a rawn chhuak a, an pahnihin an khel dun ta a. Ceiling an thawm that hnu chuan an inkhel chu an tawpsan ve ta a.

Lei verhna hmanraw bil te chu C.Thanglura kutah an dah a, ani chuan choka-ah eirawngbawltute kiangah thuin, thing ehna tuboh lian chu dolungah hmangin a chher tha mai thin a ni.

Leivung a tam duh em avangin Board of Controller memberte chuan Jailor hnenah infiamna sir zawl te chu pangpar huan atan an dil a, Jailor chuan rem a lo ti a. Warder-te hmuh loh laiin leivung chu an chhung ru thin a, tualzawl vela lei chuan an thup leh nghal zel thin a. Mahse leivung a tam tham em avangin an buai zui leh thuai tho a.

Tuk khat chu leiverh hna chhunzawm tuma an thut thup lai chuan Jailor leh warden-te chu an rawn kal thut mai a. Nidang aia awrawl chhuah nasain an martial arts nunchan chu an han zir ta a, Jailor leh a hote chuan hmuhnawm ti takin an thlir thup mai a, minute 6 vel an thlir hnu chuan thilsual tikrukna lam hawi ni awma an lan loh avangin an kalsan leh ta a.

An thawhrim em avangin an taksain a lo tuar tan ta a, an in dam loh chhawk ta zut mai a, zanah pawh an thawk thin a. Mahse lung an sut chuan tuboh leh chheni hman angai thin si a, chhun lamah an chhunzawm ta thin a. Lung thenkhat chu hel te pawh an nei a, 42 ft vel verh tawhin an in chhut a, leivung a tam si a, an verh tawh sa ah te chuan an chhap cham a, an bawhvah luh theih chuan an duh tawk em em a ni.

Ni 4 October, tlai dar 3 vel chuan an hma lamah eng de re re an hmu ta a, an verh tlang dawn niin an in hria a, an hlim hle mai a. Zan lama chhunzawmah an ti ta a. Hemi zan hian tlanchhuah tum zawng zawng chu ward no. 1 ah an riak khawm vek a. Warder-in a kalhkhum zawh chuan Laltawngtaina an sawi a, an zauthau hlawm hle a. An chhuah huna an kalna tur leh an thiante hmuh huna an thusawi tur thlengin an suangtuah a. Zan dar 10 velah chuan pawp de re re hmun chu fiah turin leiverhah chuan an in zui lut ta a.

Lalhmingthanga a hmasa ber a, de re re chu verh zauvin a lu a han rawlh chhuak a, a han hawi vel chuan an verh pawhna chu CRPF duty-na atanga hlam khat vel awrh a lo ni a, an verhpawhna chu hnimin a khuh bo a, an mutna lamah an kir leh ta a.

An hisap a sual chiang ve hle mai, uluk tak a teh theih ni hek lo le. Chu bakah lung hel tur a lo awm bawk thin nen, an hisap dik thei lo a ni. ( Zero te hi tang ve se chuan an han hisap sual dawn loh nen Γ‚Β πŸ™‚ ) Lalhmingthanga a lo tawng chhuak a, ” Tumah i lungngai lovang u, kan verh pawhna lai saw naktukah kan thup tha anga, hung pawn chhuak ngei turin kan verh tha dawn nia,” a han ti a. A tuka verh chhunzawm tur chuan an mu ta a!! Fiamthu an duh tlan teh lul nen hemi tum hian chuan an ngui nghuai mai a ni awm e. An rilru a na in an mu tlem hlawm hle a ni.

October ni 5 chu a rawn inher chhuak a, nidanga an tih ang thovin tualzawlah an tlan kual a, martial art zirna pindanah an lut khawm a, an tawngtai rual phawt a. Nidang zawng aia ringa au khekin nunchan an han zir leh ta a. Zana an mut tlem leh an rilru hahna lang hauh ovin phur takin an zuang kual a. Pawn lamah Fima’n, “Ka zuam lo kumtluang jail run thim nghah reng chu, sual leh thim lalnunrawngte an leng si…” tih hla thiam fahran lem lo hian a han sa a, Renga’n pangpar phun tur kengin an verh pawhna lai thawm that tumin a lo bei ve mek bawk a.

Nidang zawng aiin leiverhna hmunah chuan hnathawh a nuam a, a chhan chu a hma ni a an verh pawhna atang khan boruak a rawn lut thei a, mita hisapa ko bung chin hnuai hreta chhuak turin an han verh tha leh ta a.

Ni 6 October a rawn thleng a, leiverh hna chu an chhunzawm zel a, hemi zan hi chuan chhuah ngei an tum ruh hle a, tlai a lo nih chuan an hmabak lei verh loh chhah tak awm theiin an hre lo va, chhuah paha nawr pawh theih tur awm vela an rin chin chu an zuah a, an tinsan ta rih a.
Zanah chuan tlanchhuah tum mi 18 te chu ward no.1 ah an riak khawm vek a. Warderin pawn lama a kalh hnan hnu chuan tawngtai rualna an nei a, an thil tih tumah Pathian tanpuina leh hruaina an dil ber a, tuten emaw an hre ru ang tih hlauvin chham pawh an chham ring ngam lo va. An amen hnu chuan hla pawh sa tawh lovin tlanchhuah dan tur an rel zui ta nghal a.

Tlanchhuah dan tur an rel chu an hlim hle a, mahse an lawm a kim hlel deuh va, a chhan chu an thian pakhat Tana, tlanchhuah ve ngei tum leh lei verh lai pawh a taima taka thawk leh thahnem ngai em em chuan perek a rap palh hlauh mai a, a pun a, hnai a la a, kal pawh a kal tha hlei thei lo va. Ni 6 ni chuan a thiante’n, “Tana, kal ve mai rawh, a tul chuan kan paw mai ang che an ti a. Tana chuan, “A chak chu ka chak khawp mai, mahse ka ti buai lutuk ang che u ang a, min man phah reu reu ang e…” tiin a tum ve loh thu a sawi a. Ni 6 zan pawh hian ward no. 1 ah hian a riak ve ta lo a ni………..( Awmzel tur)

Related posts

Sial hlawh nan aw…

shailendra

Hmanlai Hian Maw(m)…

meester

Nupui leh pheikhawk

Sawmtea pa

29 comments

lrpa July 18, 2012 at 3:23 PM

Hei hi ka chhiar tawh..feet 60 vel lai an verhin ka hria..an leivung paih dan mawlh kha ania a hau tak ber hmel chu..

Reply
Dr Mahminga Sailo July 18, 2012 at 3:25 PM

A ngaihnawm tial tial.. (Y)

Chhunzawm leh nghal mai teh… πŸ˜€

Reply
maawma July 18, 2012 at 3:56 PM

chhunzawm leh nghal a va tha ve

Reply
mygurl July 18, 2012 at 4:04 PM

ngaihnom veee…continue vat chi… (Y)

Reply
lushai_er July 18, 2012 at 4:30 PM

@maawma : A sei deuh hian mobile phone atanga online hi atam zawk kan ni si a, bung thum a then hi a tawk velin ka hria a. Tin, a lehkhabu angin ka copy paste chiah lo va, kaih tawi pahin eng emaw ka hmaih zauh zauh va, a chhiar chiang duh tan a original lei mai chi a ni. Amah Pu Zama hi Chawnpui Veng a awm, hman deuhva Rambuai lai Film siam tupa kha a ni nghe nghe.

Reply
hnarliana July 18, 2012 at 4:32 PM

Chhunzawm nghal chi anih hi.Ngaihnawm ka tih chi..

Reply
jkkhawbung July 18, 2012 at 4:34 PM

(Awmzel Tur) loin rawn ti toh ta che maw?? πŸ˜‰

Reply
saint sammoo July 18, 2012 at 5:01 PM

hming lo lang ve.. ngaihchhinga hi tuna thakthing venghnuai a khawsa khu a niang maw…ka hmel hriat ve a nia..

Reply
Mr. Holms July 18, 2012 at 5:01 PM

lushai_er@ Khawiah nge he lehkhabu hi lei tur kan hmuh theih ang..? Ka tui fal tan riau mai aa…. Kei misual hi.. πŸ™‚

Reply
chhiartu July 18, 2012 at 5:14 PM

Chhiar man hla hle mai a….

Reply
muansakhi July 18, 2012 at 5:27 PM

A ngaihnawm dap dap hle mai.

Reply
century child July 18, 2012 at 5:35 PM

Mitthla-ah prison break a lang lo thei lo :-O
A ngaihnawm khawp mai. (Y)

Reply
H.Vangchhia July 18, 2012 at 6:13 PM

Naupan lai kan hriat dan nen kan mitthla kual vel a, a ngaihnawm zual hle mai. (Y)

Reply
sisen July 18, 2012 at 6:41 PM

a laklawh lehpek hle mai

Reply
mamboihi July 18, 2012 at 6:57 PM

A va ngaihnawm.. Chuan engvanga tang nge an nih te ka lo ti ve mai mai a, chhunzawmna chhiar a chakawm.. (Y)

Reply
saint sammoo July 18, 2012 at 7:11 PM

mambawih……. MNF an nih vang a niang.haha..

Reply
sheldon July 18, 2012 at 7:12 PM

Va ngaihnawm reuh tak. Chhunzawm thuai thuai teh. A ngaihnawm lehzualna chu mitthla in jail tang ho chetla min hmuhtir thei tlat.

Reply
mamboihi July 18, 2012 at 7:38 PM

Saint thanks!. An tan chhan kha a awm ngei awm si a ka lo ti ve mai mai a…

Reply
ChhanaPa July 18, 2012 at 9:07 PM

Chhunzawmna chhiar a va chakawm leh tawh em!

Reply
lushai_er July 18, 2012 at 9:25 PM

#9, @Mr Holms : Aizawlah lehkhabu zawrhna dawr hrang hrangah “Escape” bu C.Zama ziah zawng la, i hmuh loh chuan Chawnpui Vengah an inah pan mai la, spare copy a nei mial mai thei a sin. πŸ™‚

Anih loh leh ka scan anga ka rawn email mai dawn emaw ni le πŸ˜›

Reply
lushai_er July 18, 2012 at 9:29 PM

#15, @mamboih : Part I para 4-na hi han chhiar nawn leh teh πŸ™‚

“Tuirial Jailah hian mi 60-70 vel an tang a, an zinga 20-25 te chu Political Prisioner (MNF) an ni a, a dang zawng chu criminal case leh Foreigner case-a tang an ni hlawm.” A chiang em ?

Reply
mamboihi July 18, 2012 at 9:34 PM

@21 lushai_er.. part 1 ka lo chhiar loh vang a ni.. Ka lo chhiar ang e Thanks…

Reply
Kawhterenga July 18, 2012 at 9:36 PM

Thawhhona a ѹ­ha hle mai, ѹ¬an rual hi chakna a va ni tehlul em. (Y) πŸ˜€

Reply
lushai_er July 18, 2012 at 9:39 PM

Thu dang daih, he post hi Euro 12 lai khan ka puah tawh a. Mahse ka post mai lo va, lo post ta ila chuan Aizawl Jailbreak nen khan a inzul dawn lutuk a!!! misual.com hian inspiration a pe a ni an ti ngei ngei ang πŸ˜‰ Boruak a daih deuh hnuah ka rawn post ngam chauh a ni.

Tuirial Jail hi engtikah nge an tih tawp ka hre miah lo va, an lo la run reng ang e ???

Reply
bk July 18, 2012 at 9:58 PM

A ngaihnawm hle mai. A chanchin hi chu ka hre tawh a, ka chhiar ve tawh ngei a niang, mahse ‘darthlalangah a lang riai ruai’ tih ang vel chauh kha a ni tawh a, a tawp dan tak hriat i tichakawm tulh tulh mai si….

Reply
bigboss July 18, 2012 at 10:24 PM

Mizo Nationalism Movement avanga Turial Jail-a tang, Hnam Pasaltha te chet dan hi ngaihtuah chian poh leh a ropui ka ti. Khawvel huap pawh a, chanchin langsar ve tur chu niin ka hria.

Clint Eastwood film-a ka lo en fo tawh’Escape from Alcatraz, Sanfrancisco Golden Gate bul lawka awm chu ahmunah ngei ka tlawh ve a. Alcatraz Bay a kan awm laiin, Tuirial Jail tang tlan chhuah thu hi ka rilru leh ngaihtuahna mitthaah chiang takin a lo lang nghe nghe a ni.

Reply
PKfanai July 18, 2012 at 10:54 PM

A ngaihnawm hle mai a. Chhiar chhunzawm ava chakawm tawh ve.

Reply
Awmtea Khiangte July 19, 2012 at 7:26 AM

A ngaihnawm hle mai

Reply
benji.chhakchhuak July 20, 2012 at 11:07 AM

Ngaihnawm ka va han ti tak em (Y)

Reply

Leave a Comment