Mizo Society & Culture Mizoram

Chhan loh aiah Petera…

Eng kan ti ta nge? han ti hluai dawn i la, a chhanna ngeiawm zet zet in pai leh fur dawn si a. Thunawi te te vawm khawm i han tum teh ang.

1. Kohhran zia rang…… han ti ngawt dawn i la. A zia leh a ran dan han sawi em em tur ka hre chuang lo a. Mahse, eng kan ti ta nge ni a, kohhran hi kan sawisel rawn tak luai luai mai le? tih hi ka ngaihtuah neuh neuh thin a. Fiamthu thawh nan a hman pawi ti hauh lo thalai rual, indeuhsawh nana Bible chang thur chhuak a, duh dah taka tawng ta mai mai kan va tam ta em! Tun hnaiah SYNOD in Chawlhni ah chuan inkhelh loh ni se tiin ngenna a chhuah a. A tam zawkin kan ngaihdanah chuan mahni huanglo dai tih a ni deuh furin ka hria a. Member te mn kaihhruai dan a famkim tawk lo nge ni a, hmaih lian tak kan nei aw??? tih hi ka ngaihtuah mai mai thin a. Min kaihruaitu tur pawh kan hmu sakhi lo chauh tawh a ni e. Eng kohhran pawh hian kan in ennawn a tul tak zetin ka hria.

2. Ramhruaitute hmel hmang….. hi a han chhe tawh mai mai khawp a. Eng pawh hi sawi se kan ring lo hul hual a tih theih awm e. Patling pui mai in tunlai khawvel ah Congress leh MNF lo atchilh ve tawk em em te kan la kat nuk lai hian thalai te hian kal ngaihna kan hre ta lo a ni ber mai awm e ka ti thin. Sawisel tur ringawt kan zawng ta. A chhan chu sawiselna kawng min kawhhmuh vang a ni. An policy leh rahbi tuk sual kan hmuhhmaih theih nan kan hmaah thudik chanve, ram hnuk khawih lo a an ngaih an rawn pho chhuak a. Kha kha ram hnuk a ni tih an hre leh si lo.

3. Thalaite nungchang…….. hian mu leh mal a nei pawhin ka hre tawh lo. Mawhpuh tur zawngin kan hawi ruai a. Nu leh pa pawh kan puh peih tawh lo, kohhran/ politics etc etc ah puh tur kan hmu tha tawh em a lo ni! Hmasawnna kawng beih ai chuan thut hmun a engkim hrevek a nih kan thlang ta hlawm a. Kan hmabak hi a va thim thin em… te ka ti mai mai a.

Nula rim leh Zawlbuk riah bansan a ni tawh a, kan ti ti hona hmun pawh thirzai velin min thlunzawm mai mai tawh a. Engmah zawm nei lo pawhin hmel te hla tak takah kan in hmu thei ta. Kan ti ti kotlangah hian nu leh pa te hi rawn dak ve se la, tunge an mawhpuh ang aw? ka ti thin. A tha zawnga thil sawikhawm awm lo, a kawi zawng a lak in ring ran mai, mahni aia tha leh fel hmu tawh lo leh thiam ber leh hre ber nih inchuhin kan tuallai lenna te a bawlhhlawh zo ta.

Aw… thalaite u, Zoram in min au e. “Tunge kal ang a, tunge KA tan thawkchhuak ang” tiin min au lawm lawm e….

P.S: Post a awm tha duh lo e mai phuailuai deuhin han theh chhuak i la. Chhan loh aiah Petera tal aw… 😛

Related posts

Ruahsur nasa tak avanga chhiatna thleng thenkhatte

H.Vangchhia

Chiri Chiri

mzvision

Vawm khawm hmawk hmawk mai teh ang hmiang…

shailendra

14 comments

Rinzova Khawlhring Lalhnam August 9, 2012 at 9:08 AM

1st.

Reply
muansangi pa khawlhring August 9, 2012 at 9:08 AM

ni ngawt mai (Y)

Reply
Art-a August 9, 2012 at 9:24 AM

Post-modern society kan ni miauva, mahni ngaihdan dan hi mihring nun hruaitu a ni tawh a, chumi kalh deuh chu inrahbeh-tumnaah kan puh zel tawh mai a ni. Mihringte hi zirtir ngai leh khuahkhirh ngai kan nih hi kan haider tawh a ni ber e.

Heng, eng emaw hlek sawisel ching ho hi chu midawihzep an ni fo. ‘Sawiseltu chu vuak tur’ tih ni se, engmah sawi ngam lova ngawi hmak tur chi an ni 😛

Reply
saint sammoo August 9, 2012 at 10:05 AM

tah hian komen phawt ila, khu ta tang khuan chhiar tan ang.

Reply
Dr Mahminga Sailo August 9, 2012 at 10:16 AM

Post phuailuai hmel tak, ril leh tha tak si a nih hi maw le… (Y)

Reply
Awmtea Khiangte August 9, 2012 at 10:32 AM

Hman huna chhiarah, kawmen zuai

Reply
PKfanai August 9, 2012 at 12:38 PM

Vaiva a han hram meuh hi chuan, a thu hi a fingin a ril raih mai a lawm. Post tha e (Y)

Reply
sheldon August 9, 2012 at 12:55 PM

E! Kan hmabak te chu thim love. Tihian a tulna apiangah kan insawisel ang a, siamthat ngai kan in siamtha zel dawn alawm.

Reply
Sihtea August 9, 2012 at 3:48 PM

SYNOD in , Chawlh ni a, in khelh runpui leh in tihhlimna dang siam lotura, zoram mipui te hnena, ngenna an siamhi a dikin a tha ani. Mi hring tehi, DAN hmanga khuahkhirh ngai kan nitlat. Min khuahkhirh tu DAN leh kan chhia leh tha hriatna hi awmlo ngat sela cbuan, kan in samhlum deuhvek tawhin karing. Khawthlang ram (sapram) a an KOHHRAN tlakchhiat na chhan bera, an sawi fo chu, Pathian nia HUAU HUAU, in khelh runpui leh intih hlimna dang, an ngah lu tuk vang ni in an sawi a dik te pawh a dik viauvang. Mimal za lenna lakvawng lutuk na hmun a piangah, mi in an zalenna an hmang sual fothin. Khawthlang ho nungchang tawp leh tenawm taktak te khu, han en ve ula, UI leh AR leh Ramsa Ransa pawh, an tluk zo tawh lo a ni ber e.

Reply
april August 9, 2012 at 4:07 PM

Post tha tak ani. Point no.1 hi, ‘sawisel tur a tam ve tawh em ani’ tiin kan chhang teh ang. Ramthar thawhlawm chungchang te, ram awl lei lawk vak vak te, Durtlang damdawi in in relbawl dan te, aaaa…sawitur a tam mai. Ka ngaih pawimawh ber leh siamthat ngai ber ni a ka hriat chu, van kawng midang te kawhhmuh aiin, keimahni leh keimahni kan in buaipui ta lutuk ni in ka hria. Kohhran mal in relbawl dan ah ngawt pawh hian sawi tur a tam emai! Kohhran member tlem hlauh vang a kristian quality lo lutuk kan awm hung te, tha en a kan in en liam tawp a, a pian a piang hawt lo, ringtu nun dan tha kan in barh hawng hawng te, ringtu tha leh thalo inkhawm tam leh tam lohva kan teh ngawt te, sunde sikul zirtirtu kan lak dan te, a mal mal pawh hian sawi tham tak vek ani. Siamtha tur hian engtin? Tu in nge? Khawi atang in nge ka hre lo. Sawichhe ngawt lova siamthat duh tak tak thinlung pu, a ngaihna hria an awm chuan englai pawh in full support ka pe ang. Pawn lam atang a deuhsawh leh sawichhiat ngawt chu ka tih mi ani love.

Reply
H.Vangchhia August 9, 2012 at 4:35 PM

Thu chhuak a puitling e (Y) 🙂 (B) cheers

Reply
triplestar August 9, 2012 at 7:02 PM

Post tha leh puitling tak a ni e. Ngaihtuahna pawh a tikalthui khawp mai (Y)

Reply
VaiVa August 9, 2012 at 7:31 PM

E… ka awm loh laiin ka post a lo chhuak e law 😛 Thutak deuh hi chu kan peih lo tlang a ni. Inhnialna tur point a awm loh phei hi chuan .. lewl… Zoram Thlirtu ah hian ka post ve zeuh zeuh thin a, Comment tu aiin Like tu an tam ziah 😛

Reply
Puii August 9, 2012 at 10:15 PM

Chhan loh aiah Petera!!!:-$ a heading hi ka duh lutuk… (L) a heading ringawt pawh hi a ril (Y)

Fiamthu lam turah ka lo ngai ngawt a, aaa… a lo ni lo nasa mai… :-$

Reply

Leave a Comment