Fiction

ESTHERI

Es-i, tawne i tal dawn ?

An biak hmeichhe naupang chuan chhan tuma a ka a an lai chuan a betu te chuan ngaihsaklo tih hriat takin nui chungin an liamsan a.
“A nu leh pa an fel nen nen sawtiang fanu an nei hi chu an khawngaihthlak ngawt mai “ tih chu an tawngkam hman ala nizui a. An kalsan tak hmeichhe naupang chuan amah betu te tawngkam chu hrethiam fumfe lo mahse, amah deuna tawngka ani tih a hai lova, sawifiah thiam lo mahse a lung a awi mawlhlo tih chu a hmel chiang taka en tute tan chuan hai rual ani silo.

Kum tam ani ta, mihring tam tak duhdan leh suangtuahna ang ngeia hun rei tak an inzui hnu leh eizawnna lamah pawh an insawhngheh hnu chuan Lalrinmawia leh lalsangliani chuan dan khatna ngeia nupui pasala insiamin nupa tuakthar dangte ang bawka hlim leh hmanbak thlir thui tak chungin an hmalam hnu an thlir a, an hmabak an ko a tla te chu hlen tumin an huphurh vak lemlo. Ani taka, Pu Rina leh Pi Sangi hi an nulat tlangval lai atang tawha mite fak thin leh an vengchhungah ngei pawh an chhuanvawr, nula leh tlangval to tiha sawi anni thin. Rina lah nise a naupan tet atanga lehkha zirpeiha sawi leh nu leh pate zah thiam mi niin, sangi lah chuti bawk. Khatia nupa a an insiam pawh khan miten inhmeh ti a an sawi niin chungkaw indin tir chauh nimahse mi zah kai anni nghal si.

Kum a ral a, mihring dana Sangtei’n nau a pai pawh khan chhungkua mai nilo, vengchhung an lawm a chu nau lo piang tur chu an nghakhlel si. Khatia, a nau hrin a hun tawh avanga damdawiin an luh te khan mitin an phur a, doctor ten zai chhuah a ngai tih thu an sawi pawh khan a hlauhthawnawm lam chu tuma ka atangin a ri silo, nau lo piang tur an nghahhlelh thu chauhlo chu. Mahse, mihringte duhdanin khawvel a kallo tih hi mitin te rindan nimahse a tu amahin kan chunga a thlen meuh hi chuan kan tuar thiam thin silo. Rinmawia pawh chuan a fanu lo piang chu a han en a , a lung a awi mawlhlo, a fanu hmel en chuan mi pangngai a anlohna tlem mahse Doctor te thusawi “ A mitmeng hi a dik lova, bakah a ri hriatna a chiang lo bawk nen, hei hian nakina a tawng a tih harsat phah dawnin tun dinhmun ah chuan la sawi chiang theilo mahse ila i fanu hian mi pangngai a ang dawnlo ni chuan kan hria” a tih khan a rilru a chhundarh a,a thinlung a na si. Ani taka, tu tan mah chutiang thu chu ngaihthlak a nuam dawn silo.

Mahse, chumai ani lo, a nupui a hmangaih em em chuan hmeichhe dangte aia naupai a harsat avang leh chiang taka an endik hnua an hmuhdan atangin naupai leh chu a hriselna tan a himloh mai baka a tan thihna khawp ani tih ala hre leh zel si. A hmakar lawka an nghahhlelh em em chu an tan lungngaih tizualtu maiah a chang zo ta. Rina chuan a nupui damlo khuma mu bula thut pahin a han hnem a, mahse tawngkam mai ani, sawi tur hria an awm bik lova, rilru nain an awm si. An tan zawng, hnemna awka te chu ngaihthlak a hreawm a, mite tawngkam that te chuan an thinrimna a ti zual a, han thinrim ngawtin Pathian lakah han vui dawn se, thil dik anih loh mai bakah a sawt dawn silo. An rila rah, an innghahna , an fa hmasa ber leh pi leh pute tu hmuh hmasak ber chu an rinphalloh anga lo piangin Rualbanlo, Mianglo anlo tih ang thin kha ani tasi.

Fa enkawl hi mitin ten harsa an tih nen fa danglam bik enkawl phei chu a harsatzia inzawh kher ngai lovin a hriat theih mai awm e. Mahse, hmangaih tura Pathian pek anih thu leh malsawmna ani tih ringnghettu Pi Liani’n Esther lalmalsawmi ti a sakhming a phuahsak chu a tirah lungawilo mahse an duata kehthei dawmin an dawm a, rilru nat change nei thin mahse hlimna leh zirlai tamtak chu a fanu chuan a zirtir thin si. A rualpui te an kal zet zet hnu fe a thei leh thei lova kum khat liam fe hnua a vak thei ve chauh te chu nu leh pa tan zawng hmuh a hreawm lo thei lo, chutah kal a han tum a, a taksa chum biang, thau mut mai te chu a ke chuan a zawh loh vang nimiah loin hun rei tak a kalpui zo thlawt silo. A rualpuiten nursery an luh dawn hnaihah kal a thiam chauh a, ABC an thiam fe hnuah tawng a zir ve tan a, Sunday school inkhawmpuia an zai awl awl hnuah pawh inkhawm laiten zun ala cheh mai mai si.

Hmangaihtu mit atang chuan mittui tlakna khawp tur hi Estheri nunah chuan hmuh tur a awm fo ang tih chu chhum thimpui chah tak a lan chuan ruahpui a hnai thin ang hian a chiang si. Ani taka, naupang inkhawmpuia rualpui te zinga ek a cheh te, chrismass dawna a lo bo daih te leh a school bang an chuana tur bik busa chuang lova armed veng mawnga alo chhuk daih leh chite lui kama khaw thim hnua an zuk hmuh tum te khan chun leh zua rilru zawng ana ngei ang le. Thian kawm rual a han ni a, rualpuite zinga a han awm te chuan naupang tih taka an han inhau a, aia naute velha a tang ziah leh vengchhunga mawl fal deuhin “Mi a” “rualbanlo” an han tihte hian a nihna ni mahse thin a vit a, Mizo kan nih anga hmanlai kan chin thalo la chhawm mawl fal deuh ten anlo biak nawmnah leh an chhaih phei chuan puitling tan pawh hmaisa han tawntir mai a chakawm chang a tam thin.

Mahse, mahni rila rah hmangaihlo tunge awm ang? Chutiang chiah chuan a tira an beisei ang anihloh avanga beidawng leh lungngaiin awm mahse Estheri chu a u leh pa te leh a pi leh pute chuan an hmangaih loh phah lova, fa leh tu dang beisei tur an neih vang pawh ni loin hmangaihna nena enkawl chhoin hun leh nite chuan chu napang chu hmangaih a phuzia, a nawmzia, a inchhirawmlohzia te nitin a hriat nawntir fo thin. A hriat nawnfo tir mai anilo, a chenpuite nunah essi chuan Pathian hmel a hriat nawntir fo a, sermon tha tak tak a nun hmangin a sawi a, zirlai tam tak a zirtir bakah hlimna sawisenloh a thlentir fo thin. Mihring ngaihah chuan Pathian thu awi chhungkua nimahse Pu Chhuana te inchhungah chuan an tunu nun chuanin an mahmawh zirlai a zirtir bang silo.

Ani taka, rualpuite an kal zat zat hnu fe a, nghakhlel taka a kal theih hun nghah fan fan a ngaihna te chuan Pu Chhuana leh a fapa Rina, thil nghah theilo tak thinte nunah chuan dawhtheihna a zirtira. Thil ho tete pawh puitlin a harsat leh a sual vang nimiah lova sawi ang lova thil tih a chin avang chuan mizo hmeichhe tam zawk anga thinchhe ve tak sangtei chuan an fanu danglam tak chu vin vak chi a nihloh avang chuan zaidam a zir phah a. Pi Liani, a hma atanga a pasal biakin lama Upa aiawha mistiri a vil thin avang leh a fate hna avanga an chhuah nitin avanga khawhar taka in lama awm thin chuan a khawhar hnemtu a neih phahin, nilenga tihtur dang vak a neihloh avanga Bible chhiar nitin thin chuan a tunu avang chuan Pathianthu nunpuina hun a neiin , a hriatthiam belh fo thin. Tin, Rina, a naupan lai atanga hauh ngailo, fel tak leh khawtlang fak, mahse hauh ngaitheilo leh mahni tawka tha inti tak pawh chuan a fanu, thu tha han hrilh a mahni thiamthu sawi ngailo leh a theih ang tawka “Awle , a pa” ti chunga a thu zawmthin chuan sawisel aniha awmdan leh thurawn zawn dan a thiam phah si. A lo thang chho a, a vah theihte, a kal theihte, amah ang tana school danglam bik an siama a kal thlengte chuan miten an fate school an luhtira an hlimna ai chuan an chhungkaw lawman chu a danglama, a sang bik thin. Estheri chu an khawvel ani a , an hlimna bupui ah a chang a, thei leh theilo a an chhung inkhawma a tawngtai hmasak ber tum te khan midang chuan ngaithla se an nui ang. Mahse, estheri tawngtaina chu a pi leh pu, a nu leh pa , a nite tan chuan Billy Graham a sermon aiin ngaihthlak a nuam a, Pathian ropui zia an hriatbelh a, an mihring leh thlarau ti alh zualtu ani si.

Tunah zawng, Essi pawh alo thang lian chho a, a chhungten hmangaihna a an chawmlen anihna chu amahah pawh langin a anpui te aiin a bulah awm a nuam a, mi nel a hlawh a, a nun thianghlim tak chu tamtak nuna thusawitu ani si. A chhungte, mizahawm tak ten hmangaih taka an enkawl ta hu naupang tamtak aiin a nun a mawi a, a hmel hmuh a nuam a, naupang thuawi tak leh lawmawm tak ti a kan vengah pawh hriat ani. Kan vengah zawng rawn kal la,
“Estheri, rualbanlo i hria em ” rawn titeh
“Hrelo, Essi naupang danglam bik tak kha kan hria” ti a chhan i hlawh anga, thenkhat phei chuan “iva mawl e, chutiang kan hrelo” tiin anlo chang maithei bawk ang che.

Related posts

Chapal min lei ve a..!?

ltachhakchhuak

The Insider: Tualthahna leh Phuba – I

DEx (Chemtatrawta Nau)

A thar si thin..

LaMea CâcTùs FLh

15 comments

Pakak August 21, 2012 at 5:02 PM

Ka Es-i thin kha kan hriatchhuah zawk chu a. :p

Reply
ɪ̣uɪ̣pnoɥ August 21, 2012 at 5:15 PM

Chhiar dawn i1a, thu i thiam hmèl riau.

Reply
Dr Mahminga Sailo August 21, 2012 at 5:25 PM

thei leh theilo a an chhung inkhawma a tawngtai hmasak ber tum te khan midang chuan ngaithla se an nui ang. Mahse, estheri tawngtaina chu a pi leh pu, a nu leh pa , a nite tan chuan Billy Graham a sermon aiin ngaihthlak a nuam a, Pathian ropui zia an hriatbelh a … (Y)

Hringnun hi i chhut chiang bik teh e .. (Y)

Reply
sheldon August 21, 2012 at 5:56 PM

Chawei kham lamah muangchang uluk tak a chhiar ah kan khek teh ang.

Reply
dtea August 21, 2012 at 6:04 PM

Paws tha tak a ni.

Reply
LaMea CâcTùs FLh August 21, 2012 at 6:06 PM

U sheldie, a thui rawn ti suh. Chuan i pic hman h i cute khat tlat.

Reply
Xingibera August 21, 2012 at 6:07 PM

“Estheri, Naupang danglam bik kan hria” tih lai tak khi ka van duh em. Khawvelah hian mihring piangsual an awm lo, piang dan dangdai tak, naute special taka rawn piang erawh an awm a ni.

Reply
Pakak August 21, 2012 at 6:36 PM

fu ke kim, mi ang a kan piang ve ringawt te hi ka lawm nawn fo thin…
Ni e, tnt a pangpar huan ti a hming an han phuah te saw nalh ka ti tawp thei lo.. hringnunah hi chuan zir tur hi a van tam tak…

Reply
PKfanai August 21, 2012 at 7:57 PM

A ngaihnawm mang e. Ka chhiar lai hian, fa, mi ang hlir, a rualpawl tawk vela hmeltha, an nuin hrin dan pangai hlira a hrin kan nei hi a lo va lawmawmin, lawmthu Pathian hnenah kan va sawi tlem si em, tih ka ngaihtuah rauh rauh mai. (Y)

Reply
Puii August 21, 2012 at 8:32 PM

dawn a va ti sei ve le…LaMea,

Reply
sheldon August 21, 2012 at 8:48 PM

A ngaihnawm takzet. Mihring nun a phawkchhuak tha ka tia. Khawvela hlimna nei tur hian sum leh pai, hmel leh hmingthatna te a lo tawk lo tih a chiang a. Kan duhthusam ang diak diak kan chunga a thlen loh zia te, Pathian thu vek anih si zia a chiang e.

Estheri Pathian mit ah chuan a mawi ber.

Reply
Dr Mahminga Sailo August 21, 2012 at 8:59 PM

Sakei, Sai leh ramsa kawlh pui pui enkawl a, ramhnuai pik leh hmun huaisar tak tak te, vairam khawlum taka nitin hun i hmang chung sia, Khuanu rel hringnun i hrethiam thuk bik hi i vannei ka ti ngawt mai, Post-tupa… (Y)

Reply
LaMea CâcTùs FLh August 21, 2012 at 9:09 PM

Awi. Ka lunglen ang hian leng la i kur nasa ngawt ang, keimah ciah kala ni zui.. Lalhnam ho post zat zet scoty nei tunu chanchin pawh kha i post ka ring.he2.

Reply
Awmtea Khiangte August 22, 2012 at 6:35 AM

A va tha tehlul em! Heti ang thil ka chhiar hian keimaha ‘lainatna’ an tih fo hi a rawn chhuak ve thin. A tak tak te pawh a ang rum rum alawm le.
Post tha tak leh zirtir nei tha tak a ni (Y)

Reply
loneeagle26016 August 22, 2012 at 10:57 PM

Roberto Carlos, Real Madrid player tha fahran thin kha a pian hlimah chuan down syndrome ania…chuan, Misual ah pawh hian kan post tawh Nick Vucijcik -a, without limbs ministry bul tantu hi kut ke neilo ani bawk… Nu leh Pa hi an pawimawh khawp mai.. (Y)

Reply

Leave a Comment

Skip to toolbar