Fiction

Face to face

A hunlai ani bawk nen furpui ruah chu a buak a baw hawk hawkin boruak pawh a vawt tihtur chiah nilo mahse kawrlum nen pawha awm nuam tawk ani a. A khat tawkin curent a awmlo fo bawk nen zawlkhawpui a cheng tam zawk chuan laikhum zalin tawnmang khawvelah an cheng tawh ang ti ila kan sawisual awm love.

Nia, sana chuan dar 1 a kawk vu tawhin mut pawh a hun tawh hle reng a, mahse Kulikawn veng a Pu Thanpuia fanu Mawitei erawh ala mulo, a mulo mai niloin a khumah rilru na takin a bawk a. A hmel chiang taka en tan chuan a mittui tlakna avanga a mitsen rum mai te, thil a ei mumal loh avanga a hmel cher leh dawldang takte chu tutan mah hairual ani silo.

Thlakhat chu a liam ta a bialpa kum 2 chuang alo hmangaih tawh leh atan engkim tih a huam nena an inthenna kha. A hmangaih ber ina a then ta chu Mawitei chuan a tuar thiam loin a na a ti a, a thil engmah tih a tui lova, kar 2 hnu leka exam tur nimahse lehkhazir pheichu a rilru ah a lang lova a tum pawh a tum peihlo.

Rilru hah takin a room a han hawi vel a, Johny ana a birthday gift atana a pek a teedy bear, Mary Kay perfume te chuan a lunghlui a lena, an pahniha an thlalak a khum bula frame mawi taka a tar pawh chu a en awl heklo. Chutia, dim light chiah a chhit avanga a room thim ruih maia lungngai mangang taka a awmlai chuan veranda thlanglam panga engphut mai lam chu a han en chuan tlangval pakhat hi alo ding reng mai le. Mawitei chuan a mak atiin a mitvai anih ringa a mit a nuai ngial hnu pawh chuan a hma a tlangval ding chu ala hmuhchian em avang chuan a tak anih tih hriain a hlau ta hle a. Rangtaka thawh leh thinphu, khur dar dar chunga kawngkhar hawn a tumlai chuan,

“Mawite hlau suh”
A ding chawt a, a hma a ding chu enchiangin a hriat zawng ani silo. A han en chiang a, chu tlangval chu mizo mipa ah chuan sanzawn pangngai tak, feet 5.10 tur vel niin hmaifang tha leh ngo lam, hmel nelawm tak ani a. A tira a hlauhna te chua chu tlangval hmel a han en chian hnu chuan mak tak maia boin thlamuana a nei hian a inhria a, mak ti tak chung chuan

“Tunge i nih”
“Mi hrelo emni”

Chutah, inngaihtuah harh chung leh inven nan ti a slipper la chung chuan vin takin

“Ka hrelo che, engtin nge ka room i rawn luh”
A hma a tlabgval ding chuan, hlau hmel a pu lova, a hmel nelawm taka nuisak chungin,
“Mawite, min hlau em ni. Hlau suh, min han en chiang teh min hre lutuk”
A han thlek ngial a, a hriat zawng nilo mahse thinlungah a hmaa tlangval ding chu nel ruk riauna neiin, a hriat tawh hnu ni hian a hre ta tlat a
“anih tunge i nih”
“Hmangaihna ka ni”
“Enga, tumaw i nih a”
“Mawite min hria asin, Hmangaihna kani”
Mawitei chuan mak atia hle a, a fiamthu anih ringin a han en vang vang a, ringlo viau mahse hrilhtu awm ang maiin a hma a ding thusawi chu a dik ani tih hriatna a nei si. Chutah,

“Hmangaihna maw.. Enge i rawntih… Nangmah vanga ka tawrhna zozai te hi i hria em… Ka hua che, Hmangiahna hi ka ringlo, ka mahmawh bawk lo che” A sawi pah chuan lungchhiat avanga a biangah mittui rawn luangin a tap a, a hma a hnemtu tlangval hmaah chuan rilru nat avangin a inleihbua ani.

“Aw,,, Mawite, ava pawive tinge min hrilh ta che”
“Engdang vang anilo, nangmah vang ani, nangmah vang ” ati ta bawrh bawrh a. Mahse, chutia a tawng chhuah lai chuan a thinlung natna chu leihbuaka awm ang maiin thlamuanna nei ta riau hian ain hria a, a hma a mi chu a hriat ngaimi nilo mahse a thlamuan ruk riau avang leh amah ngei pawhin a rilru sawipui tur a duh avangin a chanchin a hrilh ta a.

Kum 2 chuang anita Johny a nena kan inhriat tanna kha, bial inkhawmpuiah aniin ka cousin thianpa alo ni bawk nen inkhawmpui chhung chu kan bulah a awm zingin kan innel ta viau a. Inkhawmpui a zawh pawh chuan kan inah te rawn lengin kan inzui ngun hle a, kan inngaizawng ta nge nge a. Johny a hi kei aia kum 3 vela upa niin mize zawi tak, tawngduh tak leh fiamthu erawh duh phian lawi si ani a.

A bula ka awm hian ka thla a muangin ka thin a dama, mi thlamuan a ka hlim thin. Bakah puih ka ngaihna ah te min pui nasa a, ka kut leh ke berah tangin kan inhmu nitin thin. Kar lovah kan inthlakhleh leh kan inhmangaih avang chuan hunte pawh a lo ral a, kum khat a ral te pawh chuan kan 2 a dinner ei dunin kan lawm a, kan hmalam hun tur te sawiin kan hlim hle a, amah ka duh em avang hian ka hmalam turte ngaihtuahin inneih hunte ka nghaklel thin.

Mahse, engemawti lai atang khan mi be tlem tial tial a, biak hmasak loh phei chuan mi biak hmasak pawh a tum talo. A hma kha leh chena buai ngailo khan, han biak hian ka buai ati ta foin chhuanlam siam a ching a, a phone te hi en a phal lova kan inhauh phah fo reng a. Han ringhlel ila a thin a rim a, mi ringlo tiin a haw em em a, min han zawt se kei lahin rinhlelhna chhan tur thatak ka hre bawk silo. Mahse, kan inkar a buai a, a hnuah mi rawn then ta a. Kan inthen te khan ka rilru a nain ka tlawmngai ve si.

Ani lah chu, a laka ka lungawilohna chhan te kha a inhmuchhuak anga ngaihdam mi rawn dil ang ti a ka besei chu a teuh mawlh silo. Mi rawn be ta miahlo in, kei zawk ka insum theilo chuan ka han be hmasa ta a. chutia ka han biak takah chuan tha tawka mi rawn biain keilah ka lo lungleng ve si, kan ni leh ta der a.

Ka rilru chu a hlimin ka nun a zangkhai a, ka lawm a mahse a rei silo. Kan nih leh hnu kar 2 hnu vel leka, a rem thlawtlo, kan inmillo, kan hlim dawn chuanglo, nang pawh i rilru ala nghet tak tak lova, tun hi a hun tak tiin mi rawn then ta. Mi rawn then mai ni loin, a hnu kar lawkah ngaihzawng a neihte ka hre leh ta zel a ka rilru hi a hliam a, a na a, tunah zawng ngaihzawng ka neih leh theih pawh ka ring lova, hmangaihna hi ka ring tawh silo.

A thusawi chhung zawng chiang taka lo entu chu tlangval lam chu a han hawi chhova
“nangmah vang hian ka rilru ana asin.mipa hu ka ring leh tawh ngailo ang”
Chu tlangval chuan nui ver ver pahin
“Mawite, lungngai reng reng suh. I tan a tha zawkah ngai rawh”
“mahse ka hmangaih alawm. Pathian hnenah pawh ka dil fo thin…” a lung a chhia a, a sawizawm theilo
“ ka hmangaih alawm… Kei hmangaihna hi hlimna thlentu ka ni a tahna hlentu kani bawk hi a pawi teh zawng anih hi.. Nia, Johny a nena in inkarah pawh khan kum khat chuang kha chu ka tel asin, in pahnih ina min chawisan lai te leh keimah in inkara ka awm avnaga in hlimna te khan min tilawm thin asin”

“Anih leh tinge min kalsan”
“Mawite, ka kalsan reng reng lo che u, nangmah niin min hnawt bo zawk asin. Mahse, mitam tak tihsual ang in tisual a, kei hi min hmangsual a, kha khan a bik takin Johnya nunah mipa dang tamtakin nangmah ngaihnepna a tuh a. Mahse, kha kha chu a mipa thiamloh ani mah zawk, in tihsual pakhat leh chu in 2 inkara kei hmangaihna nghet taka ka awm kha in thla a muang tawk a.

In hmangaih reng chung siin intihlawm intum tlem tial tial a, induh leh inhmangaih siin in in ngaizawng lo tial tial a, chu chuan hun a liam a hlet a chhuah ta ani. Nang pawh i bang biklo, nupa inla nihloh avanga nupa a insiam duh khawpin inhmangaih mah ula in inkar a kei hmangaihna ka par zual zel theihnan a a tui pek in ngai pawimawh lova, keiin a pangpar mawi tak ka chhuah tawh chu alo vuai leh ta ani”

A hma a ding thusawi chu chiang taka en chungin
“A va pawi em ka thiamlo ani”
“E, I thiamloh ani vek biklo, ka sawi tak bakah khan Johny a khan mipa tamtak angin hmeichhe dang a bia a, tunlai tawng takin a ck a, a hmel duh a hmuh hunah a kalsan che a, nang alo hmangaih ve tawh che avangin a rilru pawh a nuam chuanglo, chuvanga ania in inthen hnua a biak khan a rawn let vat. Mahse, kha kha a bialnu thar nena an buailai deuh ani a, nangmah ah khan excitement a hmu tawh lova, bakah thil dang alo awm tawhlo bawk nen.. A bul berah chuan in in ngaizawng tawhlo ani mai.

Chuvang asin nulat tlangval hian ngaihzawng chungchangah fimkhur a ngaih a, kan ngaihzawng te rin lutuk te, an laka inleihbuak lutuk te, zep nei lova inpaihthuah a thatloh. Nupa a insiamna kawngah a pawimawh nimahse nupa inla nihloh avangin phuartu a awm lova, chu chuan buaina a rawn tlenin nula tlangval tam takah inthenna a chhuah thin. Nupa nih tawh chuan buaina pawh awmse tihfel an tum thin a, chu chu nula tlangval te chuan an tum thin silo. Hei hi ania nupa a insiam hnu ah pawh in ngaihzawn ala pawimawh ka tihfo thin ni.

“Anih engtin nge ka tih ang”
“mawite, lungngai mah ta che i sualna avanga ngaihdam i dilna te kha Pathianin a hria asin. Tin, a hma pawhin in inkar a felloh te khan i tawngtai nasa a, khangte kha chhanin a awm ngai silo. A chhan chu, i tan hian Johny a nena i duh anga inngaihzawn hi a thalo tihna ani mai. Chu chu i tawngtai chhanna ani a, i pawm thiam angai. Ana iti mai thei mahse, a rei lo ang, i pawm loh chuan i mihring duhdan ang khan kalpui ta la, kha ai khan i tuar zawk ang”
Mawitei chuan chu tlangval thusawi a ngaihthlak zawh chuan thawveng huai hian a inhria a, a thla a muang ta em em a.

“Isua emni inih, i rawn inlar ami.. awm reng rawh aw”
Nuihsak pahin chu tlangval chuan
“Nilove, Pathian fapa zawng kani lul lo. Hmangaihna ka nih hi hmangaihna, kalna tur ka la nei a” tih pahin a kal liam ta a.

(Ngaihzawng hmu loin tiang thu ka han post a, ain thlahrunawm teh e. Dr.Mahminga te post ni awm zawk tak ani. Rilru ah a lang miau si)

Related posts

Nunrawng Hmeltha

saint sammoo

Ka chhun mumang…………..

malsta27

Zawhna sawm………..

malsta27

19 comments

ɪ̣uɪ̣pnoɥ August 23, 2012 at 4:42 PM

Hma i’n hruai dawn teh ang, tláwm viau mah ila 😛

ɪ̣uɪ̣pnoɥ August 23, 2012 at 4:46 PM

A á¹­ha khawp mai. Thuhlaril lama i lo tui hi kan tan a manhla takzet… Lehkhabuin chhuah thuai teh, i la chhuah loh chuan (Y)

Awmtea Khiangte August 23, 2012 at 4:52 PM

Van tha dap dap ve le…

sheldon August 23, 2012 at 4:58 PM

Hei chu a kalphung a dang ta deuh. A tha dangdai khawp e, mahse, typo a tam deuh, fimkhur teh. Chhiar nuam tak pawh hi chhut sual a tam chuan rilru a hnual tlat thin. I thuziah khi nula leh tlangval chauh nilo, nupa ni tawh te tan pawh inzirna thatak tur a ni.

Dr Mahminga Sailo August 23, 2012 at 5:02 PM

Mawiteii lainat em em leh Lal-Johny-a hnek chak em em bawk siin, chhuihthangvala’n mittui parawl teuh chungin ka chhiar a…;-( A tawpah ka nuih huk chu le… 😀

Ka nihna lo pui i sawilan takah chuan, Johny-a nen khian kan inan hmel riau… 😛

A ngaihnawm e… (Y)

Dr Mahminga Sailo August 23, 2012 at 5:09 PM

Post-tupa hian thu a thiam nen, a ziak duhdah riau ti raw K’u sheldon. 🙂

Fimkhur deuh teh LaMeo :-O Khaih, ka ziah sual palh LaMea tih zawk tur… 😀

LaMea CâcTùs FLh August 23, 2012 at 5:37 PM

Vawi 5 lai ka edit ve asin. Ka la edit uluk pawl aniang.. Nia, ka fimkhurlo ani e.. Micrsft word lah hian alo siamtha ve ngawt thin bok a.

Puii August 23, 2012 at 5:39 PM

Va han ngaihtuah chhuak tha ve….. (U) 😉

H.Vangchhia August 23, 2012 at 5:43 PM

Thu i thiam nek mai 😛 hairehai

Dr Mahminga Sailo August 23, 2012 at 5:58 PM

Sawisel ngam tih takah ka sel leh fawk fawk thin che a, min hrethiam a niang chu, post-tupa. Thu in thiam poh leh, beisei a sang thin si a.. (Y)

MS Word-a edit ai chuan, draft siam laiin, vawi 2/3 lai preview hi nei ila. Thuziak diklo hmuh a awlsam deuh zawk asin… 🙂 (i ti thin tho mai thei a..)

LaMea CâcTùs FLh August 23, 2012 at 6:08 PM

Tih tur anih chu. Thanks.. I ziah awm tak hi kan ziak a

lr hlonchhing August 23, 2012 at 9:50 PM

Pu LaMea, i nei sei bik thin em mai 😛

Chhuaklinga August 23, 2012 at 11:09 PM

Her kual lut mawi khawp mai. (Y)

Hmangaihna hi tlangval ft. 5 leh inches 10 vel a lo ni maw. (fth) 😛

tren tren

Dr Mahminga Sailo August 23, 2012 at 11:13 PM

# 13… 😀

Keini ang zawng, LaMea hmangaihna tehfungah hian kan tling lo chiang ngawt ang… 😛

LaMea CâcTùs FLh August 23, 2012 at 11:43 PM

Keipawh ka tling chuanglo 😀

ɪ̣uɪ̣pnoɥ August 23, 2012 at 11:58 PM

Misual.com-a tar chhuah tùr hi ms-word-ah emaw thu ziahna hmanraw dangah emaw ka la ziak lâwk ngai miah lo,… ka ngaihtuah chawp tlangpui. Ka rei phian zël thung. Ka thuziakho hi nepnawi ve te te, tlachawp vek a ni hlawm bawk a…

megapixel August 24, 2012 at 1:38 AM

‘Milady’ post-a ka zawhna pakhat zawk (inhmangaih-inngaizawng) kha min chháng lo ka tia helamah a chèpa kaiin min lo chháng hlauh a nih hi! (I tum rÄ›ng a ni lo maithei, pawh ni se ka zawhna chhànnaah ka pawm!) Ka hrethiam ta e.

LaMea CâcTùs FLh August 28, 2012 at 12:10 PM

megapixel, thil pawimawh, inzawm tlat, hrang ndaih lawi si ani asin.. hmangaihna leh inngaihzawnna hi

lrpa August 28, 2012 at 5:07 PM

Tha hle mai a..

Leave a Comment