Luangliam

JOSEFA SUANGTUAHNA KA SUANG TUAHA

Chu kan chenna In lian tha tak mai, reh ruihah chuan ka khawhar hnem tur reng ka nei si lo. Ka hunawl hnawhkhah nan tiin chu khaw lum tak hnuaiah chuan kan In chhunga awm Tuibûk (Swimming Pool) hmun lam chu ka pan ta a.

Chu Tuibûk hit nuam raih maiah chuan ka in chiah dai a. Ka ngaihtuahna khawvela cheng tumin ka lu chu tui chim loh chiahah chuan ka dah chhuak a, che lo châng lo hian ka thaw helh helh a, ka chhing diar diar a.

Ka naupan lai nun te kha. Unau 12 zinga fapa duat bik ka nih dan te, ka pa rosum an duh vanga ka unaute chet duhdan râwng leh mak tak mai te kha.

Ka nuna Vanduaina chhum pik tak, fur laia hâwktui ang maia luang hum hum te kha a hun lai kha chuan ka va hâk nasa êm, ka thihpui lo chauh kha a ni si a.

Mahse a malsawmna ka dawn meuh chuan khâng vanduaina tuihâwk te kha ka tan malsawmna min hriatfiahtir tu a lo ni reng si.

Keimah kha in khawngaih châng ka nei ve fo a, ka nunna neitu Khuanu pawh ka dem hman thelh a nih kha. Mahse Vânduai ber chu ka ni lo, ka dinhmun aia hniama awm kha an la kuh ve tûn tho si a.

Ka bul maia lo ding tawh hmeichhe pianthiam zet aw chuan ka khawvel chenna atang chuan hrui lo hian min phih chhuak nawk a, dimdawina tel reng reng lo in.

Kan en thuak a, a mawi ngawih ngawih, kan en chiang leh a, a mawi tulh tulh mai si. En chhuak dap pawh ni I la, sawiselna tur ka hmu anih chuan keimah hi ka insawisel ang.

A mitmeng vam ham mai, hremhmun nena in kungkaih lek lek, Vantirhkoh mitmeng a tana mawi chuan beisei nei tak hian min melh ran a. A duh chu ka hrethiam mai. Kim lo taka a fun a nau chaw bâwmte chuan ka mipa chil chu a tiput lo chauh a, ka khawvel thinlung tuihna chu a thlem hian a thlem chhuak hiau hiau hi a ni ber mai.

Nawmchenna tuipui thûk lama liluh dun turin ka khawmual silhfente chu min hlih sak a, tui hleuh kawr min haktir a tum a ni. Kei pawhin chu lui thûk lama liluh dun pui atan chuan amah tluka hleuh min zirtir thiam tur an awmin ka hre lo a, an awm hek lo ang, an awm lo hrim hrim ang!

A kut chu a rawn phar a, ka lo chelh mai a. Chu Tuibûk atang chuan a bân tha no tak ring chuan ka inkhai chhuak a, tuipui lian zawk a liluh turin.

Mahse ngai teh, suangtuahna thlipui namên lo tak chuan min chhêm a, ka khawvel parchhuah tumna lei tha ni a ka hriatah chuan eichhetu rannung tam tak an awm tih ka hre ta, tihian ka tawng chhuak ta a.

“Ngai teh, ka pu chuan he Inah hian eng eng nge awm a hre si lo va, a neih zawng zawng ka kutah hian a dah vek a; he Inah hian ka aia lian zâwk tumah an awm lo a; a nupui I nih avângin nangmah chauh lo chu ka lakah engmah ui a nei hek lo; chutichuan, he sual lian tak hi tiin Pathian chunga thil ka tihsual theih ang?”

Related posts

Kha Dec 24 Zan kha

countryboy

Lungpui Chungah Chuan

Rooney Opa

Naupan lai (High sikul hnuai lam): Return

Astericâ„¢

16 comments

ɪ̣uɪ̣pnoɥ August 16, 2012 at 12:25 AM

Va ṭha êm (Y)

Reply
Charice_mizo August 16, 2012 at 12:41 AM

I’m like ‘wow’ (F)

Reply
Astericâ„¢ August 16, 2012 at 12:55 AM

Lo ngaihtuahpui ve thin hi a tha viau a ni

Reply
Tripleseven August 16, 2012 at 12:59 AM

He nau hi chu a fel chiang a nia. Ka duh tawp.

Reply
Tripleseven August 16, 2012 at 1:00 AM

He nau hi chu a fel chiang a nia. Ka duh tawp. (Y) (Y)

Reply
Chhuaklinga August 16, 2012 at 1:24 AM

Awm ang fu mai, he tia lo ngaih mai chuan. Pathianin a mihriatte a ven dan erawh mihringin a hriatthiam phak rual a ni si lo. Pathian humhimna leh kaihhruaina hnuaiah chuan Joseph-a tawrh aia nasa leh mak pawh kha kan tithei vek ang tih hi ka rin dan a ni.

tren tren

Reply
drake August 16, 2012 at 2:22 AM

OT: Israel hian Iran ni 30 vel beih a tum awm in an sawi a, zoram a tang a chhukthla te an va ngaihtuah awm ve le!!

Reply
PKfanai August 16, 2012 at 7:00 AM

Post leh Chhuaklinga comment (Y) (Y)

Reply
saint sammoo August 16, 2012 at 7:04 AM

sheldon says : Tukchhuah nuam vek u le..

Reply
Kawhterenga August 16, 2012 at 7:44 AM

Kei chu ni ila ka liluhpui em em ang 😛

Reply
Awmtea Khiangte August 16, 2012 at 8:12 AM

(Y) (C)

Reply
Sihtea August 16, 2012 at 11:17 AM

Suang tuahna tawlh pahrit nal leh , suang tuahna khawizu thlum tha hlemai. Ngaih tuahna a ti kalbing hmantep a lawmle, taptawraw pui a chakawm viau takang a.

Reply
Dust_Lv August 16, 2012 at 11:39 AM

An eiru a building an sa a, hausa deuhin an piangthara upa an ni leh mai alawm!!! kei pawh ka liluh pui chiang viau ang, thawk chham hma chu pil vang vang mai ang!! chhuah veleh ngaidam dil leh keuh anga ni mai. Nuam hlep boks ngaihdam ni boks. 😀 😀 😀

Reply
ɪ̣uɪ̣pnoɥ August 16, 2012 at 12:35 PM

A va ngaihnawm e…! Thu i va thiam hlap hlap ve leh! (Y) (Y)

#13 Dust_lv (Y) (Y) 😀 :-O

Reply
PKfanai August 16, 2012 at 1:19 PM

13.Pathian hi rilru chhungril(thinlung) entu a nia. Kan thil tih engkim chungah hian ro a la rel dawn. Midang chu midang anni a, anmahni leh Pathian inkar kan sawi sak thei lo. Keimahni theuh leh Pathian inkar hì Kan Pathìan hian a la rel fèl dawn tih hi hriat a tha e.

Reply
Lamji August 17, 2012 at 7:49 AM

Hei chu…Tialkhara ani ang tih ava hlauhawm ve le..huhu!

Reply

Leave a Comment

Skip to toolbar