More than words Movies and Videos Music and lyrics

Ka nun hnar kaitu

He hla hi tunhma atang tawha ka duh, tun thleng pawha ka duh tawp theih loh a ni. Inthlahrung ang reng tak chungin ka rawn hmet bei ve leh thlawp mai. Hand mine video a ni a, a hmuhnawmin rilru a khawih ve khawp mai (Dawrpui Bial KTP Conf. 2012 @ Zarkawt Biak In)

[youtube]http://www.youtube.com/watch?v=WVEkkZM_AL0[/youtube]

Lalpa nang lo tu nge ka neih,
Ka mangan leh ritphurh ka thlenna;
Ka lawmna leh hlimna te nen,
Ka thinlung ril hmu fai vektu.

Ka chanchin hi ziak dawn ila,
I tel ve ang, a phek tinah;
Ka hmangaih che i hria Lalpa,
I duhzawng tih ka duh fo thin.

Nangin min hmangaih,
Nangin min enkawl thin;
Ka pian tirh ata tun thlengin,
Ka nun hnai kaitu i ni.

I hmangaihnain i lamah,
Min hip leh thin bo dawn ila;
Ni eng leh par inkawp ang leh
Ruah leh chhum, ni, thla leh arsi.

Tlang, phul leh lui, nu leh fa,
Eng leh hlim a inzawm ang hian;
Ka then thei lo che aw, Lalpa,
Ka neih chhun aw, ka ngaihlu che.

BONUS: ‘You Raised Me Up’ Hand Mine hi dah tel hram teh ang. A mawiin a ropui khawp mai. Chu zawng ai chuan RILRU a khawih a ni.

[youtube]http://www.youtube.com/watch?v=ygJIbZ5Cy4Q&feature=related[/youtube]

Related posts

SOS-Mautaam

maitekhuak

Kan lehkhathiam te….

successor

Kan damna dawi (damdawi) a him chiah á¹­hin em?

H.Vangchhia

10 comments

Pakak August 22, 2012 at 10:50 PM

He hla hi chuan min hneh ve thlawt….

Reply
Kher Kher August 22, 2012 at 11:25 PM

Mut dawn ah hian ka ngaithla deuh ziah ti ila ka ti mah mah em?

Mah mah lo.

Reply
Rinzova Khawlhring Lalhnam August 23, 2012 at 12:56 AM

I hnara an kaih che chuan a va na duh dawn ve le!

Reply
CFL August 23, 2012 at 1:07 AM

Ka duh tak hla te an ni ve e. (Y)

Reply
ɪ̣uɪ̣pnoɥ August 23, 2012 at 1:18 AM

Ka hla hriat ve ve a ni e, a hnuhnüng zâwk tih loh khi chu 😛 😛

Reply
Awmtea Khiangte August 23, 2012 at 6:58 AM

@Kher Kher ka mut dawnah hian vawi 3 tal chu ka ngaithla deuh ziah thin. Keipawh ka ti mah mah miah lo. Ka thinlung hi a khawih thin khawp mai. Manganna leh lungngaihna kan tawh a, ritphurh hrehawm tak kan neih changte hian LALPA lo hi chu thlamuanna tak tak a lo awm lo. ANI hnenah hian ka tlu lut leh nge nge thin

Reply
Eve August 23, 2012 at 7:51 AM

A hmasa hi ka hre lo tlat mai…. :-$ Lo la ngaithla ve ange

Reply
Sihtea August 23, 2012 at 9:27 AM

He hla hi chu, a mawithlawt a ni. A thluk lahhian lung a kuai in, a music lahhi a tliangfai rilrel a, Ka ti ril a fan-in, mi a ti mur uai uai mai a lawmle.
A phuah tu nu ni bawk, a satu ni bawk, ku Luri lahin, a sa lungrun thiambawk si a.

Reply
whotalk August 23, 2012 at 10:33 AM

Kan hla duh va in ang hlawm ve..sunday zing a Pathian hla ka ngaihthlak a piang in (ka duh ber Lalpa, Vuina tur reng a lo awm lo tih te nen) ka hmaih ngai lo.

Reply
Awmtea Khiangte August 23, 2012 at 11:29 AM

Pathian thatna hi kan chunga a lan tam poh leh Amah kan hnaih zual a, harsatna kan tawh nasat poh leh Amah kan bel hnai thin

Reply

Leave a Comment