Opinion

Kelchal mangman…

Thihna lui chu, thihna lui chu,

Thihna luifâwn thimah chuan kal mah ila, 

Jordan lui fâwn vêl chu ka hlau lo vang a…

tiin ka piaha záwng rùal chu an lo zái rual ṭhat ṭhat a, ka bek zâwna uite pangang chu

Duhthuléng sàm zawng ka nuam ve (ham ham) ṭhin e,

Thliahhnu léng ka tán sakhmél a úang thlàwn e

tiin hrùtzai leh chhepchher ilo remin a lo zái rát rát a. Ka piaha pawhchhiatkhàuvin aw chhäng ṭiaka

Nang lo chuan tlaini lèn a har e Lalpa

ti-a a lo chhàwn avàng chuan fùrpui nge varungpui hur lai ka thliar hrang thiam mai lo va. Varung leh ngalbiang chuan bû chu lo chhep rual mah sé engnge ka tán a sawngsawhlawtna awm? tiin ka ngaihtuah ru leh hnuhnawh a. Ka piah käwiah chuan putar pakhat leh a á¹­huihruaite hian thäwm maksak deuh deuh hi an rawn nei ham ham a. Ka va hnaihchilh chuan pu HES Luaia leh a hmeite hi an lo ni a (Pu HES Luaia chu tunge a nih pawh ka hre lo va, hmei a neih leh neih loh hriat phei chu lawr lawr lawr). A hmei zíngah chuan mipate lo awm nuaih a…! Mai mai tak kai! Nawhchizuar bungbu lai ngei mai hi rampalailenga a lo á¹­o mial tâkin tiin rawlkhang an lo tlùan a ni.  Chutah ka piaha tlangval zamá¹­ha zet zawt chuan,

Khuai ang ka pém lo na’ng e…

Ai ai ai e, ai ai e.

Ka vàu senmei ur hnawmtinphurinû ma’n

Ka kàina sángthing leh vála ṭhen ai chuan

Ariang hàwllei hi chungdangah 

Zaman hmawng phùar iangin bet rawh se hairehai…

Hai hai re hai, hai re hai.

tih rilru pú ni awm tak chuan a benga tui lût chu thin chhuah a lo tum nä nä a.

Changtupa ka nih miau avangin ka piaha khaupâwite rilru chu ka va hre ta sapbai a!

Mizote hi hnam mäwl ni bîk miah lo tùr,

rinna dik lovin a timäwl a,

kei an pawi sawi hlei lo te hi hnam-mäwl-rál-sawisak takin min sawisa a,

ka riang vawng vawng,

ka riang ngawih ngawih ailaw…

chhùnráwl vaih chu nêptë…

tih hi a lo süangtuah vè reuh va. Tlangvalzamá¹­haa chuan ka kang dáwn maw’n chu le… a lo ti khà khâ zui a! Ka piaha ngaltebiangrang hräm chuan,

Zo hnam ka sawi thei lo 

Hêng vêl hi kan ram a ni

a lo ti khangláng a. Buaina zakhua a thlen hmain inhnûkdâwt vat te’ng, ka ti rilru a. Inhnuhdawh ahnehin ka päwngpawrh ta sauh va. Zawhtë ka hlawh nghe nghe. Nghatunin lawmpuina thü min rawn thawn vè vang vang zui nia!

 

Kei akára nghatun meuhvin min lawmpui tâ chu ka ti a, fianrial ṭawngṭaina ka nei ta nghe nghe a, mizo nu hnathawh tùr dang nei lote tih dan zirin:

Aw Lalhmaizahawmfilawrlakpâ!

I tleirawllai hunte i hmang nuam ve meuh maw?

A! I hmang nuam a ni chék ang, kum 30 i chùan hma chanchin

Hriat rëng kan nei lo, awi awi awi a na…

Laldâng, ka sírah lám rawh

Ka kheuh näng che,

Ka khéng näng che…

tiin. Ka ṭawngṭaina chhàna a awm avàngin berúl ka pum-chhum a, ka ui vulh châw ka chawm tuisak ve viauvin ka inhre nghe nghe. Puar ta tak maw? Ei ta tak maw? Tu hriat va ni suh. Inlâkfin chu màwl vàng. Ât vàng.

Mahsé mihringte hi inhmangaih tùr kan ni a, indem bàwng bàwng loh tùr.

E! Kan rinna a dan vàng maia kan inhmusit, kan indêu hi chu a va pawi tak êm! Lal Isua Krista’n indêu tùrin thü min chah EM? Sakhaw dang hruaitute’n inhmusit-tawn tùrin chháwl min á¹­hùai em? Rinna hi kan chakna a ni. Ka thiam lo a nih chuan HOTUPA, min ngaidam la, midangte pawh ngaidam la. Kei chuan ka ti hmasa leh tawh ngäi lo vang, ka lo ti hmasa tawh a nih pawhin.

Aha! Ka á¹­awngvài em ni? Khawvêlah vái Pathian a bia tih vêl mai maiin pawimawhna a nei lo, kori a tu lo. Eng pathian pawh bia se, rinawm rawh se. A rinawm loh chuan khawi Pathian kha va be tak tak suh…

Mizote erawh chu, sakhaw bîak azira inthliarhrang tâwk lek kan la ni a, a va’n pawi tak êm! Sakhuana hian hmuntinah tìtìna hmunpui a chang a, a tiha tih ramah erawh hmun rëng a chang sï lo! Lem kan chang e, lem á¹­ha lo ber chu!

Ka lawm e

Related posts

Police-in zu an rui thin em ni?

coolsoul09

Hnam thatchhia CM-in a tih chhan hi

ZOaTlau

Zoram Nuam I Siam Ang U

KT

40 comments

ulawng August 18, 2012 at 7:36 PM

1st ta i la engtin nge ka kawmen ang aw… kawmen dan tur ka hriat si loh chuan kawmen ta lo mai i la; Mahse ka type laklawh tawh bawk sia, ai ai ai…………………..

Reply
lrpa August 18, 2012 at 7:39 PM

e..i mawl

Reply
Chemtatrawta August 18, 2012 at 9:10 PM

Hnam sakhua hi awke ami???

Reply
Atom c August 18, 2012 at 9:12 PM

He post chu Keichal mangman a ka chhiar chu…ai..ai..ai 😉

Reply
saint sammoo August 18, 2012 at 9:31 PM

danglam leh mak deuh taka han in lanchhuahtir hi ropui riau a ngai kan awm a va ang ve.. yeah..ah..yeah..oohhh..e..e..e..i..i..i..i

Reply
Art-a August 18, 2012 at 9:42 PM

Inlàk ril tumna hiiiiiiiii .. (H)

Reply
Chemtatrawta August 18, 2012 at 9:55 PM

HES Luaia i rawn tih, ngaihzawn theih tura i rawn tih hi chu i tal fuh vak lovang mawle. Rev H.S.Luaia rawn kawhtir paha sawi hnawm i tumna ngei chu a ni anga.

Reply
ɪ̣uɪ̣pnoɥ August 18, 2012 at 10:04 PM

#7 Chemtatrawta, ha ha ha! A fuh lohna ka hre ve hauh lo. I ngai kawi mai mai a ni e… engatinge ni ta mai…!

#6 & #8 Lalramchhana, (Y) (H) .

Reply
chhangteval August 18, 2012 at 10:09 PM

mak ve :-O

Reply
ɪ̣uɪ̣pnoɥ August 18, 2012 at 10:14 PM

#10 chhangteval maksak thei khawp mai… (H)

Reply
Sihtea August 18, 2012 at 10:15 PM

Tawng tai reng a ngaitawh love, tihhla sa thin Pathian ho hian, fianrial tawngtai na te an lo nei vethin a ni maw? Krista nen angkhat kanni , an tithin e maw kati a ai..ai..ai maw hui ha, hai re hai. Tawng un hman a tum luatah , a thuziah a ing euh buaichuar zotep a lawmle.

Reply
Awmtea Khiangte August 18, 2012 at 10:16 PM

Ka man thuak a, mahse post tha tak a ni em tih erawh a chhiartute thu ni se. Vawi 1 chhiar thuak hi ka duhtawk viau e. Ka ti mah mah em…?

Reply
Chemtatrawta August 18, 2012 at 10:17 PM

midang tai ran rawngbawlna hi an theih ve tok chu a ni miau sia.

Reply
Art-a August 18, 2012 at 10:19 PM

@12,

Ingeuh ɪ̣uɪ̣pnoÉ¥ kha a ni miau alawm 😛

Reply
ɪ̣uɪ̣pnoɥ August 18, 2012 at 10:19 PM

#12 Sihtea ha ha ha, ha ha ha! Theih tâwpchhuhairawnziahvemeuh hichuanhlim na maksaktakhikach ang á¹­hin… ha ha ha (Y)

#13 Awmtea Khiangte, i ti mah mah lul lo ve. I dam thlap reng nang zawng… (H)

Reply
chhangteval August 18, 2012 at 10:22 PM

houdini hi hnam sakhua tih na mi?? :-O (bo map map)

Reply
ɪ̣uɪ̣pnoɥ August 18, 2012 at 10:24 PM

#17 chhangteval (H)

Reply
chhangteval August 18, 2012 at 10:26 PM

Den rem rem

Reply
ɪ̣uɪ̣pnoɥ August 18, 2012 at 10:29 PM

#19 chhangteval, ha ha ha! Den mai lo ve… ha ha ha!

Uluk taka chhiar tùr asin… chhiar chiang mang hlei lova sawisel ngawt zawng, a chhenfâkawm ngai loh ve…

Reply
chhangteval August 18, 2012 at 10:31 PM

Ka lo shoishel ani meow (&)

Reply
ɪ̣uɪ̣pnoɥ August 18, 2012 at 10:35 PM

#21 chhangteval, midang hnêna ka thuchah i inngaihbel 😛

Reply
saint sammoo August 18, 2012 at 10:41 PM

ɪ̣uɪ̣pnoÉ¥ thlukna dah hi a tha viau , mahse.. hei hi chutiang kha tianga hman tur.. ri khamphei.. ri sang..adt.. thutlukna a awm si lova mahni duh dan ang ang hian kan hmang theuh bawk sia… hei hi a buai thlak ka ti.. tute tih chian tur nge chu ka hre chiah lova… in ang khat deuh a hman turin ti chbiang se ka ti ngawt mai..

Reply
ɪ̣uɪ̣pnoɥ August 18, 2012 at 10:44 PM

#23 saint sammoo (*) , ni e, mahsé heta thuziak hi chhiar la, zawm tawp mai rawh. I tisual lo vang! Hei hi Chanchinbu tam zâwkin an zawm (leh a tihzauna) a ni a, hemi hi ka rawn zawm mai ṭhin. Mahni duh dan dana tih hi a ṭangkai lo.

Reply
ɪ̣uɪ̣pnoɥ August 18, 2012 at 10:48 PM

#2 lrpa (*) lah chuan mäwl min ti mai sï ah! A thuchah hria se a läwm viau ang em, tih te ka ngaihtuah vè khanglang a… :-O

Reply
Awmtea Khiangte August 18, 2012 at 10:51 PM

I tawngkam thiamna lam daih hi a nia ka ngaihsan. Jimmy L. Chhangte “Thamral lo mitthla” te pawh min tihrechhuak rum rum alawm le.

Reply
ɪ̣uɪ̣pnoɥ August 18, 2012 at 10:52 PM

#26 Awmtea Chhangte, Jimmy L. Chhangte hi i han sawi tâkah chuan, ka mi ui berte zinga mi a ni! (Y)

Reply
Tripleseven August 18, 2012 at 10:58 PM

silent reader ni deuhroh, silencer that loh chang nei ka ni e maw? Ngaihnawm dangdai thin e. Vai film (vai film kher lo pawh) dawt thawnthu tih ka hriat ngei pawh, a kar a fakna lo tla zep thin ka huat a en nawm ti tak a ka thlir thin te pawh ka in chan, ngaihnawm ti tak in ka chhiar zo leh vek thin. In pathian hi thil a ti thei vak lo niang, hmakhawsang tawh a a sakhaw bun hi a thang zuih em mai. (A duh tan in ngaihbel theih)

Reply
Awmtea Khiangte August 18, 2012 at 11:04 PM

#27 Khaih khaih.. Chhangte-ah min chhuah titih der mai ka ti 😀

Reply
Art-a August 18, 2012 at 11:13 PM

hmmm.. NE mite tichiai tura thuthang diklo thawndarhna tam zawk chu Pakistan lam bawk maw… in mak zozai em mai houdini :-O ekekeke

Reply
Sihtea August 18, 2012 at 11:15 PM

Houdini letling (linglet) a han chet meuhchuan , comment a awm thlatuar zel a lak ve hrimhrim a niang. Nge post comment hlawh tur chi a thlang thiam zawk ni angle? ka tleirawl lai in, kan khuaah, Rorelliana chekawi te zingami thu sawi thiamtak a hming ka hre tawhlo tlat, chu papui palian hrawl ve tak chuan, rawng bawlna a rawn nei a Kanja rui chhelhchhawlh in, zanli ngawt chu chupa thusawi chu kan thian za hovin kanngai thla thin. A thu sawi kar lakah an pasaltha zaithiam Lalbiakzauva a rawn tirthina , kai chhelhchhawlh la ngaithla kha kan ni hlawmbawka , nuam vengveng duh khawpmai. Amah e rawhchu, an speker pa thu sawi ai a, min hnehzawk leh hipna ngahzawk a tlawm muala , hmeithai run lamah kan liamsan leh dialthin. Piantirh a ta chhe lailet der nihloh ai chuan, chhe lailet der ni reng chunga, ruih thlek kualvel maimai kha kanthian za ho chuan kan lo thlang ta zawk a nihkha. Isua tlukpui kannih na turkha, Ruih theihthil ah kan hralh ta daihmai. A hnu ah pawh kan in chhir pui love.

Reply
ulawng August 18, 2012 at 11:20 PM

zan a rei tawh bawk a, dap tawh i la… 😛

Reply
TuaiSialA August 19, 2012 at 2:22 AM

Lairil hi min fan, a na vawng vawng.

Reply
lushai_er August 19, 2012 at 2:40 AM

“Vanchangrila vanchang kuai…!
Arsi leng a awn riai e,
Van dum van sen a chhun eng rawih..” an ti ta em ni kha ? Ka va chiang ta lo ve.

A post thupui nen chuan a inrem lo mange, “Mid summer night dream” te ti ta zawk la…! 😛

Reply
lrpa August 19, 2012 at 3:08 PM

@25..hauding..sorry..! Rinzova emaw ka ti che a lawm le..! a mawl tiah tiah em a ka ti mai mai..misual.com ah duh duh a post theih tih vanga mahni ziah pawh ni hlei lo a post chur chur a..! engmah fin varna tur awm bawk si lo, kristianna kaih lek pawngpaw au pui vak vak mai! i hmelhriat anih chuan lo hau hrep teh!

Reply
ɪ̣uɪ̣pnoɥ August 19, 2012 at 9:36 PM

#33 Lalramchhana a va tha êm i thil rawn thawh chu…!

#27 & 29 Awmtea Chhangte ka lo ti mai a ni maw… ha ha ha!

Reply
ɪ̣uɪ̣pnoɥ August 19, 2012 at 10:06 PM

#28 Tripleseven chu i silencer i rawn hmang lo zuai a, i rawn sawi tha phian e… Pathian chungchang te hial pawh i rawn sawi ta mai a… ha ha ha!

Reply
Tripleseven August 19, 2012 at 10:23 PM

Silencer thlawn leh zuai.

# 38 e khai i hriat sual palh hlauh, Pathian nilo in pathian (hawrawpte) zawk.
:-$

Reply
Ignatia (33-115 AD) August 20, 2012 at 12:04 PM

Houdini: Khi laia Pu HES Luaia i tih khi enge awmzia? In timak thei em mai! Mi nek ran chung hian thu lak hi ching fo teh suh u. Ngaih bel theih si mahse ni chiah bawk si lo ang chi hian in lo tiziah mai.

Pu HS Luaia chanchin i hre duh em ni? Nge DAPTAWRAW leh a kaihnawih lo sawimawi nan i lo hmang mai mai? Nge in DAPTAWRAW kan sawi zing deuh a i lungawiloh avangin i lo tarlang mai mai… Hmeichhe nghal tak i ni. Duhtawk teh aw…

Reply

Leave a Comment

Skip to toolbar