Religion

Mi Nung Nihna

Awle Pathian kan nihna kan sawi tawh a, MI NUNG kan nihna lo sawi ve tawh ila; a helh deuh chuan in lo helh leh âwl âwl mai a ni ang chu.

Nunna Lalrama mi nung nia dingte chanvo ropui tak kan sawi dawn a ni a, chumi rual chuan Nunna Lalrama ding lo te dinhmun chu; he rama ding te chuan kan hmu fiah thei àwm e.

‘PATHIANA SIAMA KA AWM CHINAH MI NUNGA CHU KA NI TA’

Nunna Lalram chhunga chatuan nunna taksaa dingte chu mi nung, chatuana thihna tem lo tura nung an nih thu kan sawi tawh a. Tunah pawh hian kan han hre leh ta phawt mai a ni.

Kan hringnun tisa hi lei a mi niin, a thih hnuah chuan a hringchan tisa a din hmain a nun tak zawk, a chatuan nunna taksa chu he leia mi ni loin, chatuan leilunga ding Pathian chu a ni a, chutah chuan ‘MI NUNG’ a ni tih a lo hriat khan, “Pathiana siam ka nih chinah chuan mi nunga ka ni e,” tiin kan lo sawi thei ta a ni.

Mi tupawhin a hringchan tisa a din lai reng pawha a nihna tak Lalpa’n a pek chu, chatuan leilungah Nunna Lalram chhunga chêng a nih zia leh, chu mi hmunah ngei chuan chatuan nunna taksa neiin a ding a, Pathian nung chu a ni tih a hriatna kaltlanga Lalpa’n a puansak chu a nihna anga a pawm chuan, “MI NUNG” a lo ni daih tawh a ni tih hi chatuan thutak a ni. He chatuana mi mung kan nih puan chhuahna hi “Nunna Thutak” chu a ni a, chatuan nunna taksaa Pathian kan lo nihna hmun hi a nihna takah chuan, “Chatuan Nunna Lungphum” a ni.

“THIHNA A BO ZO TA”
Kan Zoram mipui tamberte chu Kristianna dawi âtin an awm mek a. Anni chuan an pathian Isua Krista ringtute chu chatuana mi nung an ni ang a, Pathian Paradise-ah chatuana mi nung niin an chawl ang a; Isua ring duh lotute erawh chu chatuan boralnaah kalin hremhmunah na tuar rèng rèngin chatuanin an awm ve dawn niin an ring tlat a, an pawm nghet bur mai a ni. Chatuan boralnaa kal na na na chatuana na tuar tura nun leh tlat theih chu thil mak tak mai a ni! An thurin Bible pawh an kalh chiang hlein a lang.

An sawi Isua khan, “A ring chu chatuan nunnaah an kal ang a, a ring lo chu chatuan boralnaah,” a ti a. Tin, mihring chu a thihin leiah vaivutah a chang a, ramsate pawh vaivutah an chang leh a. Mihring thlarau chu chung lamah a chho a, ramsa thlarau chu hnuai lamah, leiah a chhuak tih tunge hria. A hnua thil lo awm turte hmu turin tunge rawn hruai kir leh ang?” a ti bawk a. Tin, “Rei lo teah mi suaksual chu a awm tawh dawn si lo a, A ni, a awmna hmun chu en en mah la, i hmu tawh lo ang,” a ti bawk a ni.

Nunna Lal fate erawh chu chatuan nunna taksa leilungah chuan kan nung a, chutah chuan thihna a awm ve ta lo a ni. Thihnain hmun a chang ve lo. Kan thuhriltu chuan chatuan taksaa dinna hmun chu mi nung ram a nih avangin nunna ram a ni tih min hrilh a ni. Chu hmunah chuan mi sual hrem tur an awm ve loh avangin hremhmun a awm ve lo. Hremhmun awmna zawk chu hringchan tisa ramah a ni.

Chatuan nunna taksa leilungah chuan Nunna ram a nih avangin boral fa a awm ve theih loh. Mitthi na na na mi nung zingah awm ve reng theih a nih loh avangin boral an awm ve lo a, chatuana mi nungte chauh awmna a ni. Chatuana boralte awmnaah pawh chatuana mi nung a awm ve theih loh. Mitthi zingah mi nung awm ve reng chi a ni lo e, an rim a chhiat avangin. Kan thuhriltu chuan chatuan boralna chu hremhmun a ni tih min hril a ni.

‘HREMHMUNAH NA TUAR RENG AN AWM LO E, TUARTU ZAWNG ZAWNGTE TAN PAWH BORALNA A NI ZAWK’

Hremhmun chu boralna a ni a, boralna hmunah chatuana na tuar awm thu a awm lo reng a ni. Mitthi hi boral kan vuah loh ni a thleng a nih erawh chuan natuar thawm te chu an hre mahna. Mi nung rengte tan chuan boral tluka rapthlak a awm lo a, mi an thih pawhin, an hringchan tisa chu khawvelah hmuh leh tawh loh tur a han nih zet khan kan lung a leng a, kan khua a har thin a ni.

Zin bo mai mai chu hmuh leh tur a nih kan ring a, lo kir leh tur a nih kan hre â–¶hin a, anni kan ngai lo ni loin, kan sûn em hlei nem ti rawh u… Mitthi erawh chu an thi a, kan hmu leh dawn tawh lo tih kan hre chiang a, kan sûn thin a nih hi. Pathian kan nihna hmunah chuan boralna a awm lo a, nunna, chatuana nunna ram a nih avangin hremhmun a bo ta a ni.

Related posts

Antichrist

Sanga Zodin

We reap what we sow

laldoma

Hmeichhe Pastor neih a hun tawh

Dadcool

47 comments

VaiVa August 18, 2012 at 12:13 PM

Comment in lo va chak hlawm tliar tliar tawh ve 😛

Reply
ulawng August 18, 2012 at 12:27 PM

KHAR LEH TEH UUUUUUUUUUUU (K) (K) (K)

Reply
ɪ̣uɪ̣pnoɥ August 18, 2012 at 12:34 PM

A hawng leh jeih… 😀

Reply
chhangteval August 18, 2012 at 12:56 PM

Hnam Sakhua kha mi i nih?

Reply
century child August 18, 2012 at 1:20 PM

In tu leh fate tal chu an bo ve phal lo hram teh u.
Ka lawmthu e.

Reply
lrpa August 18, 2012 at 2:35 PM

sawi ngai loin kan nun khawp hi maw!!

Reply
Rinzova Khawlhring Lalhnam August 18, 2012 at 2:42 PM

5# a eng laitak chu nge kan bona nia i hriat le?

Reply
piu_piu August 18, 2012 at 2:50 PM

Lalhnam ka nilo hi ka lawm

Reply
chhangteval August 18, 2012 at 2:52 PM

Den rem rem!

Reply
LaMea CâcTùs FLh August 18, 2012 at 3:21 PM

Admin te khan a limit siam teh u. A ninawm zozai.
Party pakhat eg.MNF campaign na thu, an post zat zet hi post ta ila engtin nge in ngaih ang.. Helai hi ADVERTISEMENT NA HMUN ANILO.

Reply
Rinzova Khawlhring Lalhnam August 18, 2012 at 3:26 PM

10# (Y)

Reply
ulawng August 18, 2012 at 3:27 PM

#10 (Y)

pending-ah lah chuan a la intlar tuar mai sia(h)! (N)

Reply
LaMea CâcTùs FLh August 18, 2012 at 3:34 PM

Post tupa, in rinna kha chu ka sawisello. In duhdah ani. Mahse, thlakhatah vawi 2 vel post ula a tha zawk ang. Hnam sakhua post kha cu ka ciar chhuak thin.. Ngaihnawmna chen a awm. Mahse, tunah zawng inti lutuk ta deuh.
Nula hmeltha i tih deuh kha phone tluk2 la , a ning vat mai ang che

Reply
ɪ̣uɪ̣pnoɥ August 18, 2012 at 3:42 PM

#10 thusawi chu a dik tho mai. Mahsé thuziak thehluh tawh chu, a huatthlala lutuk emaw, intihhmingchhiatna thil a ni emaw adt. a nih loh chuan an chhuah ngei ngei ṭhin niin ka hria. Hei hi dan ṭha tak pawh a ni; chhiar peih lo chuan (k)an chhiar lo mai.

Reply
century child August 18, 2012 at 4:09 PM

#7 bo tih i inhriat lohna tak kha a ni mai lo’ng maw.

Reply
Rinzova Khawlhring Lalhnam August 18, 2012 at 5:05 PM

13# nula hmeltha tak in ni lo a ninglo turah ka ruat tawp mai che u a ni.

15# nangni pawh bo tih in inhriat lohna tak kha in bona a ni ve tho alawm, bo inti â–¶heuh â–¶heuh; kan inhmachhawn zel mai a ni ang chu!

Reply
Art-a August 18, 2012 at 5:12 PM

An post chang hi a ni lo.. an comment te pawh hi luak a tichhuak hlui tawh alawm 😛

tu emawni phei hi chu fing berah hian a inngai emaw ni lehnghal ni ..

chhiar chuan loh turte chu publish a tulna ka hre lo ve.. member 2/3 bak an nilova, in email se nimai an inchhiarsak duh leh… ejejeje

Reply
ɪ̣uɪ̣pnoɥ August 18, 2012 at 5:19 PM

#17 Lalramchhana mai mai chu… malsta a hnial hneh lova (hria leh hre lo inhnial ni miau hek i), helamah a rawn phusa vak zuk nia… 😉

Kan lo lawm a che (Y) (Y)

Reply
Art-a August 18, 2012 at 5:22 PM

lolz.. i lo inngaihbel a ni maw ɪ̣uɪ̣pnoɥ :-[

ka zawhna che min la chhang lo a nia..

HEI Aw

ENGE I NGAIHDAN?

Reply
mr.Duhlova August 18, 2012 at 5:51 PM

I Taksa atanga i thlarau a chhuah hunah, i taksa chu thi a ni dawn a. (Ja.2:26) Chu i thlarau chu Pathian rorelna hma ah a la ding dawn a, Nunna bu a(Lal Isua i rinloh chuan) i hming a chuan loh chuan chatuan meidilah Hnam Sakhua leh apawlte (Rinzova te ho) an pu setana hovin paih an ni ang.

Thlarau thi thei tawhlo hi alawm hremhmuna kal tur, mihring an thih hian an taksa atangin an thlarau a chhuak a, thlarau a chhuah tak avangin alawm taksa chu thi a nih.

Piangthar tan pawh hriat thiam ala har a nia, nangni PIANGTHAR LO tan phei chuan in hre hrethiam mawlh lovang.

Hrilhfiah phei chu tum ve fo lo ula a ni mai.

Pawlkhat pawh pass lo hian, BA zirlai hrilhfiah tum ve sek tum ang a ni e…

“Pathian in chatuan nunna min pe.
Chu nunna chu a fapa ah a awm,
Fapa neitu chuan chatuan nunna a nei tawh.
Pathian fapa neilo tu chuan chatuan nunna a nei lo”. Johan an atih kha.

In la chawh dawn mange aw….

Reply
Art-a August 18, 2012 at 5:57 PM

20
mr.Duhlova (Y) tha pap pap e.

Heng ho hi dim an ngai vak pawh ka ti tawh lo kei pek.

Kristian sakhua leh thurin te hi hre ber emaw te hi an inti lehnghal a.. an mawng hi dim hauh loin hlim sak hawng hawng tawh teh ang u.

Reply
piu_piu August 18, 2012 at 6:39 PM

kristian alphabets lah hi minlo hman tawm sek maia..kan in indang ta sa sa,chi liah khat pawh in ban tawm lohah kan ti ang chu :-[

Reply
saint sammoo August 18, 2012 at 6:49 PM

KA NING X 10000000, 00000000000000, 0000000000000, 0000000000000000, 0000000000000000000, 00000000000000000.99

Reply
Hnam sakhua August 19, 2012 at 7:20 AM

mr.Duhlova
Kan taksa atanga kan chatuan nunna pathianin min laksak tawh chuan kan nung tawh kher lovang. Kan chatuan nunna kha rorelna hmaa ding tur a ni lo a, Pathian hnena kir leh tur a ni zawk. Rorelna hmaa ding tur chu i tisa damlai taksa kha a ni e. I tisa damlai nun hman dan azirin nang leh i thlah te zelah Pathian rorelna chu in phur zawk dawn a ni.Thlarau hremhmuna kal chi kan nei ve lo.

Piangthar lo tan hian hriatthiam a lo awl zawk a jih hi.

“Pathian in chatuan nunna min pe.
Chu nunna chu a keimahniah a awm,
Fapa neitu chuan chatuan nunna Pathianin a pek chu an nei tih an in hre lo.
Pathian atanga chatuan nunna nei an nih inhre lo te chuan mihring ve tho isua atangin nunna an nei chawp leh.

In la chawh dawn mange aw….

Reply
mr.Duhlova August 19, 2012 at 7:33 AM

24
Hnam sakhua # Thudik leh belh chian dawl,Bible chhung thuruk, hmangaihna avangin kan hrilh fo tawh che u, in awih duh silo. In rin dan maksak tak kha hremhmunah lungawi takin liampui mai ula…midang hnuh luh ve kher tum tur a ni ngai lo….setana zia em mai. (N) :-[

Reply
Hnam sakhua August 19, 2012 at 7:43 AM

piu_piu

Mizoramah hian a mi chengte hi kristian deuh vek pawh ni mahse Kristian ram a ni chuang lo. Mizo ram a ni.

Kan A Aw B pawh hi kristian min siam sak pawh nise, Kristian A Aw B a ni chuang lo, Mizo A AW B a ni.

Pathianin a thil siam te reng reng chu inringtawn tura a siam te kan ni e.

Reply
Rinzova Khawlhring Lalhnam August 19, 2012 at 7:52 AM

“Pathian in chatuan nunna min pe.
Chu nunna chu a fapa ah a awm,
Fapa neitu chuan chatuan nunnaa nei tawh.
Pathian fapa neilo tu chuan chatuan nunna a nei lo”. Johan an atih kha.

^ Johana chu in lo pathian tel a ni mw!!

Reply
Hnam sakhua August 19, 2012 at 7:55 AM

Mr Duhlova# Bible hi a lawm han belh chian tak taka belh chian dawl lo tam tak awm chu. Hmangaihna avangin kan hrilh fo che u, inawih duh silo. Inrin dan maksak tak kha hrmhmunah lungawi takin liampui mai ula.. midang hnuh luh ve kher tum tur a ni ngai lo…Ram dang sakhaw vuan zia em mai

Reply
mate ainawn August 19, 2012 at 8:34 AM

Au Au-ah 😉 …Mate Vanlal Hnam Sakhua te an ni maw…Post in lo vil ve tawh a ni maw..Ka lut khat khawp mai a. Pathian thu a inhnial hi a ninawm ve pangngai a..A nungchung a hmuh che u hi a chakawm ka ti, pawh nise, “nangmah mahni hmunah, kei ka hmunah” tih hi tawk fu a ni..

Rinzove hi ka luh khat hnu a mi a niang, i post hi vil zel lang, a awihawm duh deuh hlek 😛

Reply
maawma August 19, 2012 at 8:45 AM

Hei pui a tuimi tan chuan ngaihnawm tak chu a nih dawn hi.

Pu Hnam Sakhua/Lalhnam te hian misual a awm ho hi min rawn ramthim chei deuh tlat in ka hria, in thlir na atang chuan kan thim viau mai thei a ni.

Reply
Vetehmial August 19, 2012 at 9:17 AM

#31 maawma,,”ramthim chei” itawk nalh tawp..anih duh hmel ê..lol

Reply
Vetehmial August 19, 2012 at 9:19 AM

Oh sory 30 maawma.

Reply
mr.Duhlova August 19, 2012 at 9:32 AM

27
Rinzova Khawlhring Lalhnam # Rorelliana ziak bung thum…tih vel ai chuan, Lal Isua hrechiangtu leh mit ngei a hmutu Johana ziak te hi belhchian dawl tak a ni.

28
Hnam sakhua #

Kan rin em em leh in nghah nghet tlatna Pathian lehkha thu chuan maw..”Pathian Lehkha Thua chhelna leh thlamuanna hmua beiseina kan neihtheihna turin, hman laia ziak apiangte chu, keimahni min zirtirna turin ziak a ni si a” (Ro.15:4) ah a ti hnap mai le.

Chubakah…Petera pawhin, in chungchang thu hi chu “..kan unaupa duhtak Paula pawhin a hnena finna pek ang zela in hnena a ziak ang khan;a lehkha thawn zawng zawngah chuan chung thu chu sawiin, chutiang bawkin a ziak a ni; chungah chuan thu hriat har takte a awm a, chung chu mi finglo leh mi nghet lo ten Pathian Lehkha Thu dang an ngai kawi angin an ngai kawi a, mahni leh mahni an intihboral phah thin.

Chutichuan, duh takte u, nangnin chung thu chu in lo hriat lawk avangin fimkhur rawh u, chutilochuan mi sualte dik lohnaa hruai bova awmin in nghet tha lai in tlu dah ang e. Amaherawhchu, kan Lalpa leh Chhandamtu Isua Krista khawngaihna leh hriatnaah chuan lo thang lian rawh u…” (2 Pe. 3:15-18) alo ti daih tawh.

Lal Isua ropuina hmutu Petera sawi hi in ngaihtuah ngai em..

“Kan Lalpa Isua Krista thiltihtheihzia leh alo kal lehna thu chu ka hriattir lai che u khan, thawnthu fing taka ngaihtuah chhuah maite zawm kan nilo va, a ropuina hmutute kan ni zawk asin. Ani chuan Pa Pathian hnen ata chawimawi- na leh ropuina a hmu a, chu mi lai chuan ropuina nasa tak atang chuan hetiang aw hi a hnenah alo thleng a: “Hei hi ka Fapa duh tak, ka lawm em ema chu a ni,” tiin. Tin, tlang thianghlimah chuan a hnena kan awm lai khan chu aw chu van atangin alo chhuak keimahni ngeiin kan hria a ni. Tin, hril lawkna thu nghet lehzual chu kan nei a ni, khua a lo var a, varparh arsi chu in thinlunga a lo chhuah hma loh zawng chu chu khawnvar hmun thima eng an ngaihsak anga in ngaihsak chuan in titha ang.

Pathian Lehkhaa thu hril lawk reng reng hi mahniin hrilhfiah tur a ni lo tih hre hmasa phawt ula. Thu hrilh lawk reng reng hi mihring thua chhuak a ni ngai si lo a, miten Thlarau Thianghlim tirhin Pathian hnen ata an sawi zawk thin a ni. Nimahsela, mite zingah chuan zawlnei derte pawh an lo chhuah kha, chutiangin in zingah pawh zirtirtu derte an la awm ang, anni chuan anmahni leitu Lalpa meuh chu phatsanin, mi tichhe thei rin hrannate arukin an rawn luhpui ang a, mahni chungah chawplehchilha boralna an thlentir ang. (2 Pe. 1:16- 2:1)

Keini in nghahna te chu heng hi a sin…Johana te, Paula te, Petera te Pathian hi kan Pathian a nih ve theihnan Lal Isua chhanchin tha hian Zoram alo thleng a, tichuan a ringtu te chuan chatuan nunna kan nei tawh a sin.

Mihring zawng zawngte hi Pathian siam kan ni a, min hmangaih vek…a ma hnen kan thlen theihnan kawng min pe..A Fapa Isua chu.

Hnam dang sakhua bik a nihloh zia chu maw.. “Pathianin khawvel a hmangaih em em a, chutichuan a fapa mal neih chhun a pe a…” Jn 3:16)

Chu chu, Israel tan mai a ni lo..” Mitin ta tur chanchin tha..” a ni. (Lk 2:10) Chu ngei chu..”Mi zawng zawng thih aiin mi pakhat a thi…(2 Kor. 5:14) Mihring zawng zawng tan a nun a pe…

Mihring in nih ve chuan..in tan pawh a ni ve a nih chu.

Reply
Art-a August 19, 2012 at 9:48 AM

#33
mr.Duhlova (Y)

va tha thei thuai thuai ve.. tunlai chu i ‘khat’ tha ruaivin ka hria. Lal Isua tan bei sauh sauh teh ang u.. kan theihna tlem hle mahse.

Reply
mr.Duhlova August 19, 2012 at 9:57 AM

34
Lalramchhana # Thu hretu kan nih hi…kan thu hriat te leh hmuh te sawi lovin kan awm thei lo a ni….Thlarau Thianghlimin chakna min pe theuh rawh se…Kan tan Kross thihna pawh hlau lova tuar ngam tan, huai takin i ding ve ang u. ;-( (Y)

Reply
Art-a August 19, 2012 at 10:06 AM

Hnam sakhua,

Rorelliana chuan Isua a phatsan nachhan chu eng maw ni a? Mi phatsan ching hi zuitlakah in ngai chu a nia maw :-O

Reply
Vetehmial August 19, 2012 at 10:14 AM

Rorelliana hi “Enteh vankhawpui tuallai” phuahtu kha anilawm ni..

Reply
bingtaituki August 19, 2012 at 10:20 AM

Silent reader tan pawh a ninawm ta, hetiang thu ringawt mai in khel in khel hi chu (N) (N)

Anmahni lah hian nuam an ti tulh tulh a (N) (N) (N)

Reply
piu_piu August 19, 2012 at 10:23 AM

@Hnan sakhua kha kha lawm chhanchintha vanga kan dawn,christianity hi awmlo se chu alphabets kan neilo ang.Rorelliana’n a siam dawn mi?

Reply
ulawng August 19, 2012 at 11:17 AM

Kan mih*r ho chu in lo la buaipui a ni maw? (O)

Reply
Rinzova Khawlhring Lalhnam August 19, 2012 at 12:25 PM

33# isua kha Johana khan a hmu chiang ngei em tih i hmu em ni? Ziaka dah, an ziah lai pawh hriat hleihloh te chu an duh duh dan te pawhin an lo ziak thei a sin.

Reply
piu_piu August 19, 2012 at 1:19 PM

Mawlmuk Rinna alawm christianity chu,we trust the unseen

Reply
mr.Duhlova August 19, 2012 at 1:43 PM

41
Rinzova Khawlhring Lalhnam # Chaw ei a bar ho reng, nitin zan tin a in zui, a thu leh hla ngaithla reng tu te chuan an hmu chiang awm teh e aw !! Rorelliana te, Hnam Sakhua a te i hriat chian let – in, an hre chiang.

Rinna in kan hmu chiang e, RINNA..RINNA..RINNA hi alawm Pathian min hnaih tirtu, Pathian min hriatchian tirtu,

“Nimahsela, rinna lovin ama lawmzawng mi nih rual a ni lo; Pathian hnena lo kal chuanin, ani chu a awm tih leh zawngtute hnena lawmman pek hmang a ni tih rin tur a ni” (He 11:6).

“Nimahsela, keini zawng boral tura hnungtawlh pawla mi kan ni lo va; nunna humhim tura rinna nei pawla mi kan ni zawk.

Tin,rinna hi thil beiseite awm ngeia hriatna,thil hmuh lohte hriatfiahna a ni.Chu miah chuan upahote khan fak an hlawh si a.Rinnain a ni khawvelte hi Pathian thua siam a ni tih kan hriat ni, chutichuan thil hmuh theihte hi thil lang theitea siam a ni lo” (He 10:39- 11:1-2).

Keini zawng….” hmu theia kal lovin, rinnain kan kal zawk si…………Mi tinin taksaa thil tithei, a chhia a thain, kan tih ang zela kan hmuh theuh theihna turin, Krista rorelna thutphah hmaah chuan tihlanin kan awm vek tur a ni si a”. (2Kor 5:7-9)

“Pathian Fapa rap beta, thuthlung thisen amah tihthiang- hlimna chu thil narana ruat a, khawngaihna Thlarau ti
vuitu chu, chu mi ai chuan eng tia hremna nasa zawk nge tuar tlaka ruat tur nia inngaih?”Phuba reng reng keima lak tur a ni, keiman ka thungrul ang,” tih leh, “Lalpa chuan a mite a ngaihtuah ang,” ti lehtu chu kan hre si a”
(He 10:29-30)

Reply
Chemtatrawta August 19, 2012 at 2:06 PM

Lalhnama leh a pawlte an in ENGLO leh luai luai tawh em ni??

Reply
maawma August 19, 2012 at 2:21 PM

@Vetehmial: A ni deuh ber a lawm, min rawn ramthim cheibawl leh hluai thin LOL 🙂

Reply
Rinzova Khawlhring Lalhnam August 20, 2012 at 8:22 AM

43# Johana nen chuan chutiang tak chuan an lo khawsa ho tih finfiahna i nei em ni? Bible-in min hriattir i rawn ti leh mai lo maw!!

Reply
mr.Duhlova August 20, 2012 at 8:52 AM

46
Rinzova Khawlhring Lalhnam #

Ni e, Bible engkim min hrilhtu ropui tak, daw ve ngailo leh insawn insawn kual ve ngailo a ni.

Mi tamtak bakah, Chanchin Tha buli ziaktu, Matthai, Marka, Luka, Johan te pali khan, Lalpa Isua, Pathian Fapa khawvela a awm chhunga an zui chawt thu, thilmak tamtak an hmuh thu, thufing tak tak an ngaihthlak thin thu..etc. an sawi a sin.

Keini mai kan ni hleinem, khawvel mifing leh ram changkang leh lehkhathiam zawk tamtak te hian Lal Isua ropui zia hmu in an pawm a, an zir a, tunah ngei pawh hian, Lal Isua chanchin zir hi, khawvel hmun hrang hrangah engzat tak awm ang maw…Doctor degree thlenga zir te pawh engzat tak awm ang maw?

In ngaitlawm awm tak hi, Rinaiin, in chapo-in, in intifing ve riau mai a ?? Hnam sakhaw zir hi khawvelah engzat tak awm ve maw…khawi khawi ram ramah te nge institution in neih ve le..Zoramah phei chuan in ngah viau ang chu maw..?

In lo ropui awm hle mai….Lal Isua leh a Kohhrante rap bet ngam a, thuthlung thisen keimahni tihthianghlimna thil narana ruat a, khawngaihna Thlarau ti vui ngam chu…. (N) (N)

Reply

Leave a Comment

Skip to toolbar