Information

Nazi Daktawr : Den Rem Rem!

Khatia Herr Hitler a rawn parvul lai khan ram tam tak a rawn awp a, mi tam tak a man khawm a, a lal ram zauh zel a duh avangin khaw chhak lam hawiin USSR a dova, russia ram khawvawt lutukah chuan hitlera sipai te meuh pawh an che hleithei tlat lo! Nazi sipai te chu khawvawtin a hmet hlum teuh a, an hotute lu a hai tan! Tih dan an ngaihtuah a, an sipaite an lo chak leh theih nan experiment tih zai an rel ta ani.

Tin, an sipai te tan kher lo pawh experiment tam tak an ti tho va, hengte hi chu an german race hmasawn nan leh an inthlahpun chak theih nana tih a ni. Experiment tih nan hian an mitang mante an hmang thin a, heng mitangte hi an remtihna tel lo in, tih luihna in an hmang tawp mai zel a, ban tan, taksa peng lak chhuak sak emaw te pawh ngai se nachhawkna an hmang ngai lo.

Heng a hnuaia mi hi an experiment tih thenkhat te chu ani e, a chhiar belh duh chuan source (internet 😛 ) ah in lo chhiar chhunzawm mai dawn nia!

I. FREEZING EXPERIMENT : Hitler’an USSR a va run khan an sipai tam tak Russia khaw vawt avangin an thi a, an sipai te thuam that nan he experiment hi an ti ta ani. An thil hriat duh te chu :-
a). Minung taksa hi eng tianga a vawh in nge a thih?
b). Khawvawt vanga damlo enkawl dan tha ber.

1. Vur tui vawt a chiah
. An hmelma man hrisel tha deuh deuhte an thlang thin a, an thlan chhuah te chu vur tui vawt lutukah an thih hma loh an chiah a, doctor te chuan an thih hun minute leh an thih laia an taksa lum zawng kha an lo chhinchhiah ta thin a.

He experiment atanga an hmuh chhuah chu mihring taksa hi 37oC(normal) atanga 25o C a a tlak thlak tawh chuan an thi thin tih ani. Tin, 25oC a taksa vawhna tlahniam tur hian darkar 1 vel bak vur tuia chiah an ngai lo.

2. Pawn khaw vawta saruaka awm tir: Poland ram thlasik khawvawt 0 degree aia hniam (-6 degree C vel te) ah saruakin zan khawvawtah an awm tir a, an thih hun leh an thih laia an taksa lum zawng chu an lo record ta thin a.

Pawn khawvawta awm tir aia hian vur tui vawt a chiah hian mihring hi an thi rang zawk thin tih pawh an hmuchhuak ani.

Tin, khawvawt vanga damlo enkawl dan tha ber an hmuhchhuahah chuan tui lum a inbual tir ani. (Tui sa lutuk a bual chuan damlo te kha shock vangin an thi thei ani)

II. PRESSURE EXPERIMENT: He experiment ve thung hi chu Nazi Pilot te tan ani a. Van boruak a san zawh poh leh pressure a tlahniam a, van boruak sang lutuk atangin zuang chhuak ta se pilot te hi pressure vangin an thi don tho ani. (Boruak a san zawh poh leh pressure a hniam a, luhai, luakchhuak, luna te a thlen thei a, pressure a hniam leh zel phei chuan lung hnathawh a buai a, tin, thluak a vung thei bawk a, thihna hial a thlen thei ani.

Doctor ten an mitang man, an experiment tih nana an thlan chhuahte chu bawm ah an khung a, he bawm chhung pressure hi van boruak sang pressure, pressure hniam tak ang tura siam ani. Mi thahnem hetiang bawm chhunga an khung zingah hian a chanve vel chu an thi nghal a, tin, a damchhuak te pawh a hnuah an tihlum leh vek tho ani.

III. SEA WATER EXPERIMENT : He experiment in hmuhchhuah a tum chu tuipui tui al in mihring taksa a tih chhiat theih dan leh tuipui tui al intlaka siam dan ani.

He experiment tur hian an mitangte chu chaw leh thil dang engmah dang pe lovin, tuipui tui al chauh chaw ah an rin tir a, heng mitangte tuipui tui al chuah ringa an nun hnu hian tui hal lutuk vangin an thi thin ani.

IV. POISON EXPERIMENT : Nazi daktawrte khan mustard gas te, phosgene te, cynanide injection te kha a hnathawh leh mi a tih hlum theih dante, eng tianga hlauhawm nge anih tih te zir chian nan an mi mante hmangin an enchhin thin bawk a, mi tam takin an thih phah ani.

V. TRANSPLANTATION EXPIREMENTS : Ruh, tihrawl leh hriatna thazam te mi hrisel tha pangngai taksa atangin dam lo te taksaah a transplant theih leh theih loh zir chian nan an mi tangte kha an hmang a, an ruh te, an ti hrawl te nachhawkna tel miah lova la chhuakin an midang taksa tha lo laiah an transplant thin ani. Tin, hetianga transplant lo dawngtute pawh hi dam lo sa ni lovin, ‘tih dam loh chawp’ (ruh tih chhiat sak, etc) te an ni.


VI. PHARMACOLOGICAL EXPERIMENTS
: TB te, Malaria te leh thil dang dang damdawi tha zawk siam chhuah nan nazi dawktawrte khan an mi tangte kha malaria emaw, TB emaw an vei tir a(TB hrik, malaria hrika chiu in) ti chuan damdawi chi hrang hrang an pe a, damdawi side-effect te leh a hnatawh dan te zirchian nan an hmang thin. Tin hliam na tak enkawl dan an hriat duh pawn an mi tangte kha an tihliam ‘chawp’ a, chuta tang chuan an zir mai zel ani.


VII. STERILIZATION EXPERIMENT
: Hitler-a khan piangphunga rualban lo te, rilru lama rual ban lote leh juda ho kha khawvela nung ve tlak tur khawpa hlutna neiin a hre tlat lova, an inthlah pun zel a duh lova, hemi avang hian nazi dawktawr te khan mihring tih chin dan hrang hrang zir chian nan an mitangte kha an hmang thin bawk.


VIII. ARTIFICIAL INSEMINATION EXPERIMENT
: Aryan thlahte, german thisen dik tak te khan he khawvel hi luah khat se tih kha Nazi thil tum kha ani a. German mi, fa nei thei lo tena fa an lo neih theih nan he experiment hi tih ani.

IX. TWIN EXPERIMENT : He experiment pawh hi german ho inthlah pun chak theih dan tur zir nana beih ani. Nazi doctor, Joseph Mengele chuan phir atang hian chak zawka inthlah pun theih dan a hriat theih a ring tlat a, an mitang zinga phirte chu la khawmin an taksa chu a zai/hawng vel thin a, vawi khata nu pakhat atanga mi pakhat aia tam an lo piang theih nachhan hriat theih a inrin vang ani. Dr. Joseph Mengele hian hetiang phir a zai lai hian eng nachhawkna mah a hmang ngai lova, an lu te chu nachhawkna tel miah lovin a zai hawng hmiah hmiah zel ani.

BONUS : Heng Experiment a inhnamhnawih daktawrte hi indopui zawh hnu khan Doctor’s Trail, 1946 ah thi tura an chungthu rel an ni. Ka rilru a lo lang mai mai chu Indo lai ani a, mahni pawl lo tawh phawt kha chu an inthat mai zel a, heng daktawrte pawh hian hmelma te an tihlum ve ani mai a, enge an thiam loh bik na? Soviet hovin german hmeichhe tam tak an pawngsual te kha sual a ni ve lo em ni??? Are yaar!!!

Related posts

Thlahpawlh pawi theih zia

H.Vangchhia

Kan Thlanmual te hi

ramhmangaiha

Earn money on the net

3d-lover

42 comments

lr hlonchhing August 14, 2012 at 4:09 PM

Den 1st

Reply
Jacka Pi August 14, 2012 at 4:15 PM

Kei chu ka chhiar chhuak thlap phawt 😛

Reply
vakul August 14, 2012 at 4:21 PM

Post a bengvarthlak khawp mai…

Reply
lrpa August 14, 2012 at 4:30 PM

Nia..german ho hrim hrim hi ka ti thei bau lo!..tak tak…ka thawhpui nual tawh a! …a chhan chiah sawi theih chiah ni lo mahse..germany a kal chak leh hnathawh chak hi thian ka la hmu miah lo!!!..

Reply
ɪ̣uɪ̣pnoɥ August 14, 2012 at 4:39 PM

A bengvarthlâk e. Zermanho pawh hian hë an thiltih hi chu an chapopui lëm lo khawp mai.

An enchhinna tihna hi mitángte ai mahin an hnam suat duhho — Judaho te, Romaniho te chungah a ni zâwkin ka hria; mitáng ang chuan chhiar ve theih tho phei chu an nia.

(Y) (Y)

Reply
Formerly Known as Fonz. August 14, 2012 at 4:52 PM

Nazi doctor.
Bob dylan a hla Desolation row ah khan heti lai verse hi a awm a
http://www.youtube.com/watch?v=YA9ZR8ykRow

Dr. Filth, he keeps his world
Inside of a leather cup
But all his sexless patients
They’re trying to blow it up
Now his nurse, some local loser
She’s in charge of the cyanide hole
And she also keeps the cards that read
“Have mercy on his soul”
They all play on penny whistles

Dr.Filth leh a nurse a sawi hi, Nazi doctor pakhat experiment ti nasa deuh thin anih ka ring.

Reply
Charice_mizo August 14, 2012 at 4:56 PM

Rapthlak tih hian a sawifiah zo lo, nu naupai lai, BP hniam leh depression nei laite tan chhiar loh ka recommend e. Lu na leh taksa chau angreng takin ka chhiara, min ti hrehawm zual tlat.

PS: thil rapthlak lam leh thin thawng deuh kan post dawn hi chuan admin emaw a post tu emaw talin warning note te hi dah thin nise ka ti khawp mai, mihring rilru leh hriselna hi a inchen si lova,

Reply
H.Vangchhia August 14, 2012 at 5:02 PM

Hemite pahnih hian khitiang Nazai mai mai chu an len kual pah hnawl darh evk thei ang mawle aw!! hairehai 😛 😉 (huat awih lovah ti ang aw) 😛 http://i46.tinypic.com/348oejb.jpg

Reply
chhana August 14, 2012 at 5:08 PM

Ava rapthlak em. Chuan, Juda ho chawh rapthlak zia hi.

Reply
PKfanai August 14, 2012 at 5:09 PM

A va rapthlak deuh ve. A bengvar thlak bawk si.

Reply
bucko August 14, 2012 at 5:10 PM

A tan phat atangin a ngaihnawm nghal a,comment hma in (Y) 😛 chhiar zel phawt ang.

Reply
ɪ̣uɪ̣pnoɥ August 14, 2012 at 5:13 PM

#9 chhana (*) , engnge judaho chu an chawhna?

Reply
TuaiSialA August 14, 2012 at 5:17 PM

A bengvarthlak hle a. A rapthlak hle bawk a ni e.

Reply
muansakhi August 14, 2012 at 7:45 PM

German tih hi engtia lam tur chiah nge ni? Anmahni leh European tam tak khuan “zarmen” ti deuhvin ka hria a, African (chhimlam mi ho anni deuh maithei) leh keini Mizo thenkhat hian “zerman” kan ti a ang riauvin ka hria.

Reply
caribou August 14, 2012 at 9:08 PM

#8 thlalak khi….

Reply
true ^mizo^Boy August 14, 2012 at 9:14 PM

An Death hle tak mai aaa (N)

Reply
awmawmpuia August 14, 2012 at 9:49 PM

Hitler hian a lo va ti awm ang lo ve maw le!!!

Reply
Charice_mizo August 15, 2012 at 12:19 AM

#14, anmahni German ho chuan Zharmenn ti ang deuhin an lama, chutiangin Mizoramah pawh chhim lamah chuan kan lamdan a ni. Aizawl velah chuan Zerman an ti thung (H)

Reply
CFL August 15, 2012 at 2:17 AM

An lo rawng ngawt tak mai.

Reply
Kawhterenga August 15, 2012 at 7:58 AM

A ngaihnawm bian bian hle mai. A ngial a nganin thil an zir bawk a hriat chian a awl duh khawp ang mawle. Tin, Hitler kha ka mi ngainat zawng a ni tlat pek a nih chu!! (H) Politician, Dictator Ropui lutukah ka ngai, ka ngaisang a ni 😛

Reply
bbney August 15, 2012 at 5:01 PM

Hitler-a pawlte kha Indopui ah an lo chak ang tih a hlauhawm hle mai. Ngaihna awm lo a ni e.

Reply
ɪ̣uɪ̣pnoɥ August 15, 2012 at 5:03 PM

#21 Ni e tiraw bonney…! Ka hlau takzet.

Reply
malsta27 August 15, 2012 at 5:05 PM

Juda ho chunga an thiltih tih lovah, chuan an inenkawl dan hi ngaihnawm chu ngaihnawm khop mai………….

Reply
ɪ̣uɪ̣pnoɥ August 15, 2012 at 5:19 PM

#14 muansakhi & 18 Charice_mizo, Zermanhovin German an inti lo va…! Deutsch an inti! German tih hi an thumalah a awm lova, mahse Germanik tih hi a awm thung, chu chu an lamdàn chu (IPA-in) /geʁmanik/ tih a ni.

Ka lawm e!

Reply
Kawhterenga August 15, 2012 at 7:05 PM

25# (Y) (H)

Reply
Kawhterenga August 15, 2012 at 7:05 PM

24# (Y) (H)

Reply
muansakhi August 15, 2012 at 8:01 PM

#24 A va mak ve. German tih chu English word daih a lo ni tihna emni aw? Chuan German mi pakhat nen Bangalore ah kan inkawm ve thin atanga ka thil sawi khi ngaihtuah tan chauh ka ni. Ka sawi ang khian Zarmen/dzarmen tih thluk deuh khian a sawi teh hu in ka hria a. Mahse German tawng a mik a mak pawh ka hre lova English a titi ve mai phei chu kan nia. A hrim hrimah han google la han tiri vel chhin ve teh.

Reply
Charice_mizo August 15, 2012 at 8:28 PM

#24, (H) Miss Know it all, sorry, Pi hOudini chu leh , German hoin German an intih leh tihloh lam ka sawiloh khi mawle, an lamdan lam alawm ka sawi. German tawng hi ka thiam lova, an ramah ka la zin heklo, kan Univ ah erawh German students an tam thung. ‘I come from Germany (pronounce Dzhermany)’ an ti mai zel sia mawle…lolz A reng thuah German hmeichhe ho chu Deutscher an ti deuh bik kher a ni lawm ni Deutsch ti lovin?.

Nang German tawng thiamah hei hi han let teh…”Germanik i tym razem opanowaÅ‚ sytuacjÄ™, a w roku 18 zajÄ…Å‚ królestwa Kapadocji i Kommageny, zamieniajÄ…c je w prowincje rzymskie”. 😛 hahaha

Reply
thenawmpa August 15, 2012 at 8:36 PM

Nazi ho chet dan hrim hrim ka hriat ve ang chin chin hi chu a rapthlak mah mah thin ka ti…Jews ho leh piangsualte nilo hian anmahni zawk hi nung tlaklovah ka ngai zawk…boooooooooooo
Post erawh booooo lo…a tha khawp mai (Y)

Reply
saint sammoo August 15, 2012 at 8:39 PM

call of duty 2 ka khelh thin lai khan german sipai ka kah hlum a piang khan ‘hail hitler in hell’ ka/a ti thin a, ka rilru ah hian a la cham reng thin..

Reply
ɪ̣uɪ̣pnoɥ August 15, 2012 at 9:02 PM

#28 Charice_mizo chu i va thim chhah angreng ve…! An intih lohva an thumala a awm miau loh chuan sâp lamdàn zir bâk tih theih an nei lo tih te i chhui chhuak ve mai thiam lo vem ni? ha ha ha! I fingvár lo hlë mai :-O

German tih an lam a nih chuan an sâp á¹­awng È›awng lai i hria tihna a ni mai a, sâp á¹­awng an pai phei chuan chuti hlauh 😀 😀 😀

#27 muansakhi, aw ni e, German tih hi sâp thumal a ni e. Charice-i chuan intihria min ti lehpek maithei a, ka intihhriat vang pawh ni lovin German tih hi chu sâp ṭawng thumal liau liau a ni e. Germanhovin Germanen/Germanik tih thumal an hman thung chuan anmahni leh sâpho thlahtu hnam vâkvai (ti mai ila), Romanho runtute kha an ni (Rommite chuan Barbarus-ho tiin an lo ko thung).

Ka lawm e.

Reply
doc_lib August 15, 2012 at 9:05 PM

Tunlai chu Charice_mizo vrs houdini hi a pui dawn riau in ka hria..khawnge detective tan inrawlh na chi a ni lo a, i thlir teh ang 😛

Reply
doc_lib August 15, 2012 at 9:13 PM

German (Deutsch [ˈdɔʏtʃ] ( listen)) is a West Germanic language related to and classified alongside English and Dutch. With an estimated 100[1] – 108 million[2] native speakers, German is one of the world’s major languages and is the most widely-spoken first language in the European Union.

He lai ah hi chuan ‘German’ tih hi English thumal ani e tihna ka hmu ve miah lo…… :-S

Reply
ɪ̣uɪ̣pnoɥ August 15, 2012 at 9:16 PM

#33 doc_lib (*) , Sâp á¹­awng thufiahbu i en chuan sâp á¹­awng thumal a ni tihna a ni mai aläwm ha ha ha… i va detective lo ve :-O

Zerman thufiahbu-ah han zawng chhin ngat la :-O

Reply
Charice_mizo August 15, 2012 at 9:30 PM

Houdini ka thim chhah lutuk hi a buaithlak a ni ti raw nang chu i eng var sar mai, muah3

German/Germany hi saptawng emaw Greek tawng pawh lo ni tehreng se khawvelin official taka anamhni kan hriAt dan leh koh dan a ni. United Nations khan Deustch ni lovin Germany a recognise-a, Hitler-a khan Deustch ni lovin Germany ah ro a rela, World Wars ah khan Deustch ni lovin Germany a tela, Company products reng reng pawh ‘Made in Deustch’ an ti lova ‘Made in Germany’ an ti mai, hnam sakhuaah an buai ve vak lo aniang lolz , kan Univ a School of Linguistics ah pawh hian tuman Deustch tawng an zir lova, German tawng an zir mai, chutiangin kum 2012 Olympics ah pawh Deustch ho ni lovin German ho an tel, chiang em?

India pawh land of the Hindus tia hriat, vaitawng chuan Bharat tia koh ni mahse Indian (k)an inti mai a ni, chu chu khawvelin min hriat dan a ni bawk 😀

Reply
doc_lib August 15, 2012 at 9:37 PM

@ Houdini, word reng rengin rawn pian chhuahna a nei vek..Ka rawn comment na pawh kha en la..Chumi vang reng chuan ania, English word tam tak pawh hi..derived from Latin word..etc tih a tam em em..A rawn pian chhuah tawh chuan a word an lakna hming kha pu tawh lovin a ma hming a pu mai..Ka sawi awm zia i man em? Nang houdini chu i nu in a pai lai che khan houdini i ni lo, i lo pian chhuah a, misual.com a i lo luh hnu a houdini i in tih takah chuan houdini kan ti ta mai che ani..examle ah i nu chu ‘Daptaraw Liani’ lo ni ta se, Daptaraw Liani fanu tiin kan sawi tawh lo che..Houdini tiin kan sawi tawh zawk che a ni..i chiang em tikhan??

Reply
ɪ̣uɪ̣pnoɥ August 15, 2012 at 9:39 PM

Ha ha ha! Charice_mizo, min hnial tawh suh… i thim chhahzia a lang tual tual…!

Ka hunhlui-chanchin bu chhiar (eng ṭawng em maw të tëin) ka rawn scan ang a ka hman hunah, Indopuiah te khan Germany a tel vawi khat mah a inti lo! An hnam ṭawngin an ziak ve mai!

Mawlmuk lutuk teh suh: SÂP ṬAWNG BÂKIN GERMANY A NI LO VA, SÂP ṬAWNG BÂKIN GERMAN AN NI BAWK LO!

Chhuanlam fahrahtë të chu i rawn zawng ve a…! Sâp á¹­awng lovin eng á¹­awngin history bu i chhiar tawh? (intithiamah min puh leh jeih lo la 😉 )

Eng á¹­awngin nge Olympics kha i en? German á¹­awnga an broadcast i lo en ve em? I en loh chuan ngawi ṭäwt rawh. Ka en a, Deutschland a tel a, Deutsch-ho vek an tel, chuan 6-na an la ni zui 😉

I chiang chuang lo vang, i mäwl em mai. Ka duh tâwk e.

Reply
saint sammoo August 15, 2012 at 9:43 PM

tren tren..

Reply
muansakhi August 16, 2012 at 7:24 PM

English thumal a nih chuan English ho lam dan in zerman nilovin Zarmen ri deuh chuan lam ta ila rual kan pawl dawn a lo nih chu. Ka English hmelhriat ve pakhat pawhin tiang chuan a ti thin a. Ka thianpa Tanzania miin Zerman a tih thin leh Ghana mi pentecostal pastor pakhat thusawiin chutiang thluk deuh bawk a a lam fo si atang khan kan lam ve dan hi African thenkhat nen a lo inhrul dawn riauvin ka hria mawle.

Reply
chhangteval August 17, 2012 at 9:46 AM

#9 chhana hi juda emaw ka lo ti ve char char zel che 😛 sorry!

Reply
ɪ̣uɪ̣pnoɥ August 18, 2012 at 12:53 AM

#39 muansakhi, ni chiah e (Y) (Y) (Y)

Reply
ɪ̣uɪ̣pnoɥ August 18, 2012 at 12:59 AM

#38 saint sammoo (*) leh Chhuaklinga lah hi tren tren (ṭèn ṭén?) tih ringawt hi an inhnangfâkna vè hi a nia… 😀

Reply

Leave a Comment

Skip to toolbar