Information Mizoram Movies and Videos

Ngaihzual Nang Nen!

Hetiang hmunah hian mahni telna lam rawn thehchhuah a nuam lemlo, mahse mi zawt an awm zeuh zeuh takah chuan ka blog ami ka rawn phawrh mai e hairehai 🙂

Venghlui lam a á¹­angin Chawngthu Sweet neitu Pi Hlimpuii te leh, Durtlang lam a á¹­angin Pi Mamawii w/o Dr.Rema te chuan, Mizo movie hmasa ber dawttu ni turin, Rebecca Saimawii chanpui tur atan min rawn sawm ve a. Makuri te nen lo inkawm á¹­hin kan ni bawk a, zak deuh reuh chung chuan NGAIHZUAL NANG NEN chang tur chuan ka ‘aw’ ve ta a; hemi kum hi 1986 a ni. Drama lam ti ngai vaklo tan chuan zam a awlin camera hmachhawn alo har ngei mai. Script chhah á¹­ha ve lel lawl tak mai chu min pe a, mahni á¹­awngkam hman á¹­hin nen inanna awm heklo le, mihring nunphung anga nunpui a tana sawi chhuah a har á¹­him á¹­hiam kher mai.

Nghilhlova (Otto band) nen chuan script zulzuiin kan han titi dun ta a, alo har hrep mai tih ka hre zual zel a. Tichuan, a thawnthu mil siin mahni tawngkam pangai chuan kan ti danglam ta vel a. A har deuh bawk nen, zak deuh bawk nen kalo meng hnual deuh thin ni ngei tur a ni, director-in meng deuh tura min han signal chuan ka meng leh kuau thin. Lak nawn leh kha awm vak heklo le, a hnua a movie an hralh hnu pawh chuan ka la meng ta kuau zel a nih chu.

Moonlight hotel a bar awmlai a ni bawk a, an discotheque chu hmangin kan ri beng bung thin. Aizawl nula leh tlangval á¹­ha tak tak an thlan-khawm an han phe siau suau mai thin kha chu thlir an nuam thei deuh doh hle a ni. Hotel Rajj room pakhat chu Makuri (Rebecca Saimawii) chuan a room ang a hmangin bath tub ah rimtui nen an inbual phar phar mai te kha, Mizoram tan chuan thil thar ani chiang khawp mai.

Zonunsangi Beauty Parlour/handlooms neitu, amah Zonunsangi chu Makuri (Rebecca) leh hmeichhe dang te cheitu niin, Ani pawh ka thian sa a ni nghe nghe. Tichuan, Tuirial lamah shooting neiin kan chhuk thla a, heta kan makeup erawh a dangdai phian. Swim suit a hmeichhe ho an han inthlak chu, Makuri, a changtu ber mal kha ka mal aiin a lo hang si a, chirh te min chulh sak ta vel a nih kha mawle.

Tuirial a á¹­anga kan hawlam chu Tuirial lei a á¹­anga thuilo teah chuan Lalhmachhuana (Treasury Sq) leh David (Nursery Veng) te inphurhna Rajdoot Yamaha (350cc) chuan kawngkawiah truck nen intawk thutin an tleng phei ta vak mai a. David-a ngal dinglam chuan truck ke hmalam chu hlapin, a kephah chuan lehlam a hawi ta á¹­huai mai a nih chu.

David-a te hnung chiaha tlan kan ni bawk a, thlir a nuam lo kher asin. Motor ti dingin kan zuang chhuak a, David-a chu kan mut-rem tir hnu chuan kawng thlang lamah ka zuang thla a. Mau ka zuk sat a, ka kawr haklai chu pawt thlerin a ngalruh tliak chu siam rem sakin, mau leh ka kawr hmang chuan kan cher sak ta a ni. Damdawiin kan thlenpui chuan, casualty a kawngka hnaih zawk khumah (hetih lai hian khum2 chiah a awmin ka hria) chuan muttirin, mi pahnih awmpui an remti a, Makuri nen chuan kan awmpui lailawk ta a. A ngalruh them, nawalh bawm tiat vel chu an phawrh sak a, a lainatawm khawp mai. Chutiang chanchin chu Mizoram chanchinbu hrang hrangah te a chhuak ta chuai chuai mai a, heihi Ngaihzual Nang Nen tih film lar zualna chhan pakhat pawh a ni ngeiin ka ring.

Ngaihzual Nang Nen tih movie kan chan lai hian Makuri chu a thawnthu ang deuhin Bombay (Mumbai a la nilo) a kal thlak a hun tawh a vangin min liam san ta si. Movie shooting kan la zo silo mahse, a mah tiat thuak tu Zonunsangi chuan a ai aawh ta a nih kha; Mizo film ah hetianga mi ai channa hmasa ber anih ka ring! Tuirial airfield a Vayodoot thlawhna thlawk chhuak lai kan thlir zawh chuan Zonunsangi chu ka bike chuan Makuri phurhin ka phur hawng ta vang vang a ni. He movie poster hi Pu Tlangrokhuma chuan lian puiin a ziak a, Aizawl hospital Rd. ah, kawngpui chungah an khaikang vu mai a, sen á¹­awn á¹­awnin ka kaltlang á¹­hin.

Tlipna: he movie siam lai hian kan la naupang bawk nen, Vangchhia nih kha ka zak á¹­hin a, Vangchhe nau, Khawlhring ka hmang á¹­hin. Ka ngaihtuah let chang hian ka zakin pawi ka ti takzet a ni. Ka Vangchhe unau ten min ngaihdam ka ngaiin ka dil bawk e.

Related posts

Pistol hum dan

H.Vangchhia

Munirka of Hyderabad!

jkkhawbung

Mizo in Buddhist puithiam sawisa

Sandman

46 comments

Saitawk August 7, 2012 at 1:01 AM

A changtupa khi ka (Y)

Reply
Sasaks August 7, 2012 at 1:06 AM

(Y)

Reply
saint sammoo August 7, 2012 at 1:12 AM

ka en leh chak ngawt mai

Reply
kawlhawk August 7, 2012 at 1:28 AM

ZO Mithun! :p

Tlipna: he movie siam lai hian kan la naupang bawk nen, Vangchhia nih kha ka zak á¹­hin a, Vangchhe nau, Khawlhring ka hmang á¹­hin. Ka ngaihtuah let chang hian ka zakin pawi ka ti takzet a ni. Ka Vangchhe unau ten min ngaihdam ka ngaiin ka dil bawk e.

Thianpa, ka ngaisang che! (H)

Reply
Ignatia (33-115 AD) August 7, 2012 at 1:31 AM

Hindusssstanniiii-a tlangram mawi tak- Mizorama in chan kha a ni ngei mai…. (H)

Reply
Charice_mizo August 7, 2012 at 1:59 AM

Ka van en ve chak em em, Pu Hv-a chu sulhnu i ngah hle mai, Pi Makuri nena chang tura an sawm ngat chu i tlangval laiin i chhelo ve hle anih ka ring…in lo innei daih lo a ni, in inhmeh dawn nen lolz 🙂

Reply
VaiVa August 7, 2012 at 2:01 AM

A va han chhelo em! Ka en chak teh mai a nia! Mizo film hi enchhuah ka la nei miah lo. Khawnglun Run en ngei ka tum a, chumi hma chuan he movie hi a nei awm chuan phal taka upload chi maw le 😛

Reply
Chhuaklinga August 7, 2012 at 2:32 AM

A lo ni maw! (Y)

Pawl sarih kan nih kum vel a ni ta in ka hria, kan khaw video hall lar pawl tak LM VIDEO HALL-ah ngei kan en a lawm. Hairehai

tren tren

Reply
lushai_er August 7, 2012 at 2:44 AM

Pi Hlimpuii hi Chongthu Sweet bakah Mama Cement vel neitu kha a ni em aw…?

David-a hi Nursery Veng a ni zawk lo maw ? Jimmy-a nau kha a nih chuan ?

Stuntman kha i hmang bawk a ni lo’m ni 😀

Reply
lushai_er August 7, 2012 at 2:50 AM

Vangchhia lo, Khawlhring ni bawk si lo hming kha a awm thin lo maw…..? MM tih khi enge a lam pum in la sawi thei em ?

Reply
zoho August 7, 2012 at 3:00 AM

ka en ve chak e, a nei in awm chuan ka dil ve che u a nia aw…. 🙂

Reply
matea_tmj August 7, 2012 at 3:27 AM

khi film hi lawm ka en chak chu

Reply
CFL August 7, 2012 at 3:56 AM

@ Pu HV-a hi chu mi pakhat a tling chiang alawm. Ngaihsanawm tak a ni. The experienced man an tih dik tak niin ka hria.
@ He film chu ka en chak mange a. Khawnglung run film ai pawhin ka en châk daih mai. Mizo film hmasa ber chu engnge ni le?

Reply
lrpa August 7, 2012 at 4:43 AM

Ka enna a rei tawh deuh a, ka hre chiang tawh miah lo! kungfu lam te a awm em? 🙂

Reply
La lawma August 7, 2012 at 5:37 AM

Pu. HV. Khawngaihin en theih turin han dah teh a, khawngaih takin ka ngen a che, ka en chak tak tak a ni.

Reply
caribou August 7, 2012 at 6:24 AM

Kei pawh, ka enna a rei ta deuh va, ka chiang tawh lo khawp mai. En leh chu a chakawm ang reng.

Reply
buhtlei August 7, 2012 at 6:43 AM

pu hv.khaw ngaih in vedue lo ti teh a,ka van en cak tehlul em
(Y)

Reply
lrpa August 7, 2012 at 6:48 AM

ka hriat chhun chu a tawp lama bike a inphurh leh moonlight vel a lam kha ani deuh mai..

Reply
matea_tmj August 7, 2012 at 7:05 AM

tunge he video hi la nei ang le?

Reply
matea_tmj August 7, 2012 at 7:09 AM

amah changtupa lah chu a ngawi tlat mai si a.

Reply
Vetehmial August 7, 2012 at 7:19 AM

Kan enchak chhin eihloh chu le…

Reply
matea_tmj August 7, 2012 at 7:22 AM

http://henryvangchhia.blogspot.in/2011/01/drugs-zuar-chu-thi-tur-ni.html

hei pawh hi kan tlangzarh sak law law teng..lol

Reply
sheldon August 7, 2012 at 8:01 AM

Tukchhuah nuam vek u le (L)

He film hi la nei in awm chuan han phawrh teh u.

Reply
zualbonez August 7, 2012 at 9:21 AM

Hairehai hairehai (Y) 😛

Reply
H.Vangchhia August 7, 2012 at 9:26 AM

Lushai_er #10 Henry Khawlhring tiin an ziak (ka zak ta khawp mai), MM hi Mamawii tihna a niin ka hria.

Reply
Dr Mahminga Sailo August 7, 2012 at 9:50 AM

High sikul ka kal laiin, ka en tawh. Zolywood film * hi ka’n hairehai ve hrim hrim te’ng… 😀

Reply
H.Vangchhia August 7, 2012 at 9:52 AM

Dr Mahminga Sailo #26 ka biang i ti sen á¹­awn á¹­awn ang e 😛

Reply
Dr Mahminga Sailo August 7, 2012 at 10:12 AM

Ngaihzual nang nen filmstar-te inan lohna (an thlalak ka hmuh atangin 🙂 )

Film chan laiin a changtupa a slim deuh zaih, tunah a lian thur a; a changtunu tleirawl chum bing biang erawh, nu a nih hnuin slim tial tial… in ka hria 😉

Pu Hv, film in chan kum khan, ka ding le le thei tawh… 😀 😛

Reply
Awmtea Khiangte August 7, 2012 at 11:25 AM

Ka la en miah lo. Ka van en chak eeee 😛

Reply
vakul August 7, 2012 at 12:28 PM

i blog a mi kha cut then i nei zeuh em.

Reply
Padama August 7, 2012 at 12:38 PM

ka en chak eeeee. (Y) :-O

Reply
Kawnga August 7, 2012 at 5:50 PM

A changtupa ber pawh hian a Film Cassette hi a kawl tawh lovang. Khawi maw laiah chuan VCR-a kawl tha an la awm mai thei le. Mahse, ka beisei tawh lo mange.. Ka en ve leh chak mai mai ngawt mai.

Reply
ben vangchhia August 7, 2012 at 6:09 PM

He pa tak hi chu(h).. Keimah hlir 10(Sawm) a hen hial ang ma le.

Reply
sheldon August 7, 2012 at 6:14 PM

Hei hi alawm Mizo te hi kan khawloh tlatna chu. Hmanni lawka mi pawh kha hmuhtur hi a lo awm tawh lo mai zel a. A chang tupa reng reng pawh hi, mahni film channa te chu dahthat khiau tur a nia 🙂

Reply
PKfanai August 7, 2012 at 6:26 PM

Vawiin chu ka ngaihtuah chhuak thut a, kumin hi a kum 25 na (Silver jubilee) ani thei mai awm mang e aw? Ka ti deuh a. Anih chuan, mumal deuh hlek a lawm a tha awm mang e. Vawikhat ka en ve zuai tawh a, ka enpui khan min tibuai lutuk a, ka hrechiang tawh lo kher mai. *ing Pu hva tìh ka hriat hnu hìan, ka enchìang chak leh si ngawt mai. Hotel moonlight vel leh Hrangbana college vel leh Leather Jacket punk tak tak ha kha ka la mitthla theih chu anni deuh mai.

Reply
H.Vangchhia August 7, 2012 at 6:33 PM

sheldon #34 ♫tra la la la la♫ a awm tawhlo alawm. A awm pawhin en miah lo turin ka ngen che u, a á¹­hing bawk si. Ka meng leh kuau á¹­hin, hairehai 😛

Reply
H.Vangchhia August 7, 2012 at 6:36 PM

Dr Mahminga Sailo #28 tunlai chu photoshop a nasa a… 😛 😉 hairehai

Reply
ɪ̣uɪ̣pnoɥ August 7, 2012 at 6:43 PM

A va bengvarthlâk ve 😀

Reply
H.Vangchhia August 7, 2012 at 6:47 PM

vakul #30 i chik lutuk 😛

Reply
sheldon August 7, 2012 at 7:00 PM

Hairehai!! Hv, ka en chak teh mai ania. Chianglo ruaiin ka la mitthla thei. Kei zawng in hair style mawlh khi ka zo lo ani e 😀 😛

Reply
H.Vangchhia August 7, 2012 at 7:03 PM

sheldon #40 i en vaih 😛

Reply
mik3s Chongthu August 7, 2012 at 8:14 PM

He film hi a video cassette in kan la nei. Mahse a reel tihfaina thatak a tihfai angaih ka ring, darthlalang chhana en pawhin a tial tawh. A film kal dan pawh ka hre tawh lo, kan la te lutuk a.

Reply
ItsMyLife August 7, 2012 at 8:20 PM

Ka va en chak.. Mizo film ka en hmasak ber chu `Keimah vang alo ni` tih ni ta in ka hria.. a rei leh tawh.. Boarding kan awmlai a nia, chiang ka hre tawh lo..

Reply
H.Vangchhia August 7, 2012 at 8:24 PM

mik3s Chongthu #42 khai aw, khatiang ah khan hmuar (mould)a awm thei a hmuar kha a hrisel lo ania, paih daih rawh.

Reply
mik3s Chongthu August 7, 2012 at 9:07 PM

Hehe… Mizo film hlui ho kha 4-5 vel chu kan la nei. CD a siam duh awm se tha tur ania.

Reply
Saitawk August 7, 2012 at 10:19 PM

Vangchhia nih i lo zak zuai hi chu a tihzia ngawt mai, chuti ni suh se ‘Khualhringa’ leh ‘Vangchhiaha’ hi unau an ni tih ka hre kher awmlo e! (Y) 😛

Reply

Leave a Comment

Skip to toolbar