Copy Paste More than words Religion

Pawisa bag(purse) chhunga Isua thla.(Sunday pual)

Rel-a passenger ticket enfel tupa chuan Rel pindan lian tak chhunga mipui chuang tam tak ticket chu a check fel zel a, mi an taw tem avangin a sawt thei lo hle a. Mipui karah chuan chhuata pawisa bag hlui tawh tak, pawp hrep hrup hi a char ta a, “Hei tut a nge? Tu pawisa bag nge?” tiin a han lek chhuak a, tuma’n an chhan mail oh avangin a chhung chu a han en a, pawisa tlem leh Isua thlalak hi a lo awm a ni.

Putar pakhat hi a rawn ding chhuak a, “Ka ta a nih kha, min pe rawh,” a rawn ti a, chu putar chuan hahmai pakhat mah a nei tawh lova, mahse hlim hmel pu tak hian, “Khawi ka bag chu” a ti han leh a.

Checker chuan, “I ta a ni ngei tih I fiah a ngai a lawm, engtin nge ka pek ngawt theih ang che” a lo ti a. Putar chuan, “Ka bag chhungah khan Isua thla ka dah a, ka pawisa nen” a han ti leh a. Checker chuan, “A! engati nge nangma thla tar lova, Isua thla I dah the hlauh va…” tiin a han zawt leh a.

“Ka pu, ka thlalak ka dah lohna chhan ka hrilh ang che, min lo ngaihthlak sak hram t ache, lo thu lawk teh” a han ti a, an thu dun a, Isua thla a tarna chhan chu a hrilh ta a.

Putar chu a han thaw kawk kawk a, “Ih e… he pawisa bag hi School naupang ka nih laia ka pa min pek a ni a. Chutih lai chuan ka nu leh pa thlalak hi ka tar thin a. Ka lo tlangval chhoh hnu chuan, ka nu leh pa thlalak chu la chhuakin ka thlalak nalh tak mai chu ka tar ta zawk a.

Hun a lo kal zel a, nupui hmeltha zet mai ka nei ta a. Ka nupui thlalak chu ka tar leh a, ka en ning thei ngai lo. Fapa kan lo neih hnu chuan, ka fapa chu ka atchilh leh ta a, tichuan a bulah ka hun tam ber hman ka duh a, Office ban te hi ka nghakhlel thei ta hle mai a. Ka fapa chuan min luahkhat a ni ber mai… Tichuan, putar chu a mittui a parawl ta teuh mai a, lungchhe aw tak hian- Ka nu leh pate chu an lo thi ta a, nikum mai khan ka nupui thlakhlelh ngawih ngawih chuan min boral san leh a. Tichuan ka innghahna neihchhun ka fapa chuan a nupui fanaute buaipui reng rengin a hun a hmang ta a. Ka tan hun a nei ta ngai lova, aw!! Ka hmangaih te chuan min kalsan ta vek tihna a nih chu! tumah biak phak an ni tawh lo. Ka khua a har vawng vawng thin a, mahse tunah chuan thian tha, englai maha min kalsan ve tawh ngai lo tur ISUA ka char ta a. Ani hi chuan min kalsan ve ngai dawn lo tih ka hria a, ka bul hnaiah a awm reng a, min thlamuan thin a ni. Aw! Tun hma khawhar reng renga ka awm laite khan lo hmelhriat ni ila… ka nupui fanaute ka hmangaih ang khan lo hmangaih ni ila chuan, khawhar leh lungleng reng rengin ka awm lo tur… a biangah chuan a mittui a luang ta zawih zawih a.

checker chuan ngawi rengin a bag chu a pe a. Rel a din veleh lehkhabu dawr a pan vang vang a, Isua thla a bag-a tar ve tur chu a lei ve ta a ni.

Isua hian, kan nun kawng min zawhpui hi chuan engkim hi a lo danglam thin a, thlamuanna leh lungawinain kan nun kawng min zawhpui thin a ni.

“Thlamuang takin ka mu ang a, ka muhil bawk ang:
Lalpa, nangmah ngei hi a ni, mahni chauh pawha him taka mi awmtir thin hi ni” (Sam 4:8)

Sunday hman nuam vek u le.

Thulakna: Loisi chanchinbu July,2012 issue. Lettu:Rothuami.

Related posts

Lunglen hi tuar a har ka ti

nasty

Ram dang mi Mizoram a chengte

THELH LOH HMUITAWK

Sikul kan inkaltirna te hi an tha tawk em?

coolsoul09

16 comments

Chhurbura August 12, 2012 at 7:53 AM

Chhiar phawt ila, comment ang 😀

Chhurbura August 12, 2012 at 7:57 AM

Ava tha em!

Kawhterenga August 12, 2012 at 8:01 AM

Tha hle mai (Y)
Isua thlalak chu ka hmu ve chak hle mai! A lem an ziah samsei, hmui hmul leh khabe hmul ngah deuh hi chu ka hmu fo a, mahse a thlalak, a hmel tak lanna erawh ka la hmu ve miah lo mai 😛

dabolt August 12, 2012 at 8:30 AM

tha khawp mai…englaimah min phatsan lo tu thian Isua kan nei hi kristian te vanneihna ani.

awmawmpuia August 12, 2012 at 8:45 AM

Good post. Ka chhiar chhuak e. Sunday a PKfanai post hmuh loh tum hi chuan kim lo riau hian ka hre tawh. 🙂

Chhuaklinga August 12, 2012 at 9:07 AM

A thain a va tawk thei tiu teu thin ve. (Y)

tren tren

Charice ve mai mai_mizo August 12, 2012 at 9:41 AM

Very touching…just wonderful

Ignatia (33-115 AD) August 12, 2012 at 9:52 AM

Awesome! (Y)

Worship is submission of all our nature to God. It is quickening of conscience by His truth and nourishment of ou mind by His holliness!

Ignatia (33-115 AD) August 12, 2012 at 9:54 AM

Awesome! (Y)

Worship is submission of all our nature to God. It is quickening of conscience by His truth and nourishment of mind by His holliness!

PKfanai August 12, 2012 at 10:04 AM

Duh tak lo chan tawh, khawhar taka hun hmang mekte leh, zirna leh mahni hna{proffession) avangte a, khawhar taka awmte tan he thawnthu tawi hi ka hlan e. Inkhawm nuam vek u le.

saint sammoo August 12, 2012 at 1:47 PM

TTT (Tawk tiu teu)
va the reuh e

vakul August 12, 2012 at 3:26 PM

ka duh hle mai…nang hian i ti sunday ber e.

Awmtea Khiangte August 13, 2012 at 1:01 PM

Mak tak tak hi chu a tam maw le

ɪ̣uɪ̣pnoɥ August 13, 2012 at 1:09 PM

#13 Awmtea Khiangte chu chhiar miah lovin a sawizui ve ringawt… ha ha ha! Ka nuih a va za tak êm ha ha ha! 😀 😀

tarmita August 13, 2012 at 2:19 PM

Sunday Pual hi Monday-ah ka chhiar a, a ngaihnawm ka ti tho mai. Mahse, mipa pawisa bag a nih chuan purse ni lovin wallet a nih zawk hmel te ka ti mai mai a. A zirtir erawh a tha thlawt.

CFL August 13, 2012 at 2:26 PM

A va tha ve le. Ka rilru a khawih takzet. (Y)

Leave a Comment