Advice Ask | Help | Suggest Internet

Rawtna tlêm – III

Rawtna thlen ve hrim hrim hi chu thihna êm a nih loh chuan ka zak duh vak bîk lo. Tûnlai tleirâwl mahin chhîng tak takin an fêng alawm le, han bih deuh lah hian eng tak tak mah a hmuh theih mang bawk si loh! Nalh inti takin an lêng hawh hawh a (an nalh rêng bawk a), kan awm ve tih hre eih lo ni âwm fahranin min han pêl ngâwk a, an rim chiah kan chan tâwk! An rimtui vak loh phei chuan, uak thui.

Zukhâwn ka chan loh avanga pâwt mai mai erawh ka ni bîk dêr lo. Zu hi far khat pawh ka la in chhin lo (in tak tak a nia ka tih, damdawia chuti zât % a tel tih vêl thuartham ni lo hian), duh ni ila ka ni Phalzauvi ten an nei hnêr hnûr alawm; chutiang zukhâwn chang lo tûr khawp khawpin ka tlawk tlaw bîk lo! Mâwl avanga vanram kai loh tûr ni ta se, a sa lai district-ah pawh mâwl lehzual zînga STNREGA (Setana National Rural Employment Guarantee Act) hnuaia job card nei pha ve lo tûr leh NWUP (New Water Used Policy) hnuaia thla tin far khat pawh dawng pha lo tûr zinga BDO pha tûr ngat hian rawtna fahrah tê tê – thenkhat tâna nuih pawh tiza pha lo – ka’n naupanga dâwn tawi au chhuahpui ve phawng phawng ang e.

 1. Thu leh hla huang zauhna: Mi(sual).com hi thu leh hla huang zauhna hmun pawimawh tak a ni tih tu man kan hai lo. Zirna hmun pawimawh tak a ni a, zirlaite tân source pawimawh tak a ni thei. Thu leh hla lama mi ropui tak chher chhuahna hmun a ni thei a, chuvangin kan thu paws (post) leh kawmen (comment) rêng rêng Mizo tawng kalphung dik thei ang berin tih tum hrâm hrâm ila a tha âwm e. Ram hnuk khawih, literary works, international politics, history leh future vision lam te hi tam lehzual thei se. Tin, MAL & Journalist-te nêna thawhho dân te pawh hi a awm mial lo maw? Kan thu leh hla te hi awmze nei zâwka vawrh chhuah dân awm se ka ti hle.

 2. Magazine siam: A hmain TuaiSiala khân a rawt tawh a, ka’n rawt nawn ve leh teh ang. Mi(sual).com-a kan thu paws te hi Vanglaini leh Aizawl Post tih loh daily newspapers-ah chuan an chhuah deuh vek tawhin ka hria. Tin, mi thenkhatin eizawn nân magazine-ah an chhuah thin tih pawh kan hriat kha. Ka thiante’n ninawm khawpin “I thuziak kan lo hmu a” an ti reng mai a, kei lah pek chuan “An ru a nih kha” ka lo ti hmiah mai thin! Sum hmuhna ni lêm lo – information, news & general knowledge – atâna an la a nih chuan pawi ti tho mah ila pawi ka ti lo a! (tawngkam thiam lo zia) Eizawn nân leh sum hmuh nâna an lo hmang kher kher hi chu chhîp thlâk dawp dawp tak hi ka nâp a. Rûkru an ni. Chuvangin magazine hi siam ve ta mai ila, a hralh a kal phianin ka ring. A enkawltu tha tak kan neih chuan thil huphurhawm niin ka hre lo.

 3. Intanpui tawn: Kan member zîng-ah hian tlangvâl fel ve tak tak, hmuh zawh loh vang pawh ni chuang lova ‘full vacancy’ kan awm nual maithei. Nula tlawng âwl in awm chuan tlangvâl fûkna nei lo aiawhin “In tlâwmngai thei mai lo’m ni?” kan ti a nih chu!

 4. Ka lâwm e: Ka lâwmthu e!

Related posts

myspace ah hla play thei lo

willy_anna

Min pui thei in awm em?

Mahminga

Lungchher bulah lung a leng!

Diktea_Pa

22 comments

рдпģŤіСHAЩЯ August 8, 2012 at 1:27 PM

comment ka hawng e

Reply
saint sammoo August 8, 2012 at 1:29 PM

nia… ti phawt tengs..

Reply
muansangi pa khawlhring August 8, 2012 at 1:30 PM

ka chhiarchhuak vek e

Reply
ɪ̣uɪ̣pnoɥ August 8, 2012 at 1:37 PM

A ṭha viau ve, ti zël mai ang.

Mahsé misual.com bâk bâka awmze neia vawrhchhuah dàn a awm chuang em ni? Miin an chhiar zau ber zâwk lo vang maw? te ka lo ti ve mai mai a. (Ka thuziahho an chhuahchhàwn ve duh ka rin loh vang pawh ni lovin 😉 ) 😛

Reply
Dr Mahminga Sailo August 8, 2012 at 1:49 PM

A tha viau e.. (Y)

Point 3-na khi ka (Y) .. 😛 (Inthlahrung takin)

Reply
sheldon August 8, 2012 at 2:43 PM

Rawtna 3-na khi…hairehai.

Magazine siam tih loh khi chu ka thlawp e. Mag siam te zawng…ngaihna awm looo!

Reply
lrpa August 8, 2012 at 2:54 PM

Kei pawh rawtna-3 khi engtin tin emaw tihhlawhtlin dan awm se ka tia.. 🙂 matrimonial ad ang deuh, a sir kil khawi lai emawah hian dah reuh ila..haha..seek bride & groom tih ang chi kha… 🙂

Reply
saint sammoo August 8, 2012 at 2:56 PM

mag. siam chuka thlawp lo.
mahse, misual thu leh hla tha tak tak ten mual eng hmu lova mual an liam mai tur/thin hi chu ka ui ngawt mai.(Internet facility nei lo kan tam si a)
thu leh hla hrang hrang la khawm a lehkhabu anga khawr pum peih an awm chuan theih tawk in ka lo pui ve ang..

Reply
ɪ̣uɪ̣pnoɥ August 8, 2012 at 3:03 PM

#8 saint sammoo (*) , internet kan nei á¹­ha deuh deuh vang a, misual.com hi a lo bo daih te a nih loh chuan kan la chhiar leh thei vek tho aläwm. Tin mizo thil google-a han zawnin misual.com bawk a lo lang leh á¹­hin. Chuvangin a neitute’n emaw misual (mi(sual) ni lovin) deuhvin an tikhawlo te a nih loh chuan mual a liam mai mai dawn hlei nëm.

Reply
ahooma_ August 8, 2012 at 3:51 PM

(L)

Reply
KK Lova KK August 8, 2012 at 4:14 PM

Tlangval tlawngawl ho kan tlawmngai thei phawt mai ah!

Reply
Awmtea Khiangte August 8, 2012 at 4:20 PM

Rawtna mai a ni e. Rawt tur hi in nei ve mang lo emaw ni

Reply
Charice_mizo August 8, 2012 at 4:55 PM

Rawtna ka lo siam ve…in phal chuan?

Reply
ɪ̣uɪ̣pnoɥ August 8, 2012 at 5:01 PM

Siam rawh #13 Charice_mizo, ka phalsak ang che.

Reply
H.Vangchhia August 8, 2012 at 5:03 PM

(Y) post tha

Reply
Astericâ„¢ August 8, 2012 at 5:33 PM

A thu khi kawmawn 😛

Reply
saint sammoo August 8, 2012 at 6:05 PM

houdini(mi letling).. Tuna za** fuk tawh a, nakin nakin la tih te chu a..haha..
Lehkhabu chhiar peih tak, internet khawih ngai miah lo tur ho tan a nia ka tih deuh..
Ka print out a, ka pek leh ka chhiar rik sak thin ho te hi ka han duhsak deuh a lawm le..

Reply
ɪ̣uɪ̣pnoɥ August 8, 2012 at 6:19 PM

#17 saint sammoo (*) , chuti khawpa tuipui an lo awm te chuan a ṭha khawp tak aläwm. Ni e, internet aia a bû ang zawng deuh khera chhiar peih zâwk hi (k)an tam ve angreng khawp tak mai.

Reply
ZerO August 8, 2012 at 7:24 PM

A va tha hlawm ve aw. .

Reply
Awmtea Khiangte August 8, 2012 at 9:46 PM

A chhiar lam hi ka tui ve avangin ka post pawh ka vil hman meuh lova. Ka chhiar lai bakah bu 2 ka la inchhawp ran a. In mi hriatthiamna ka ngen e. Han rawt ve zel teh u

Reply
nezz August 8, 2012 at 11:06 PM

A website hming hi a mak teh tlawng e..te ka lo ti ve mai2..hei ai a Pangai deuh hlek hian tih dan hi a awm tho sia.nge admin te hian hei hi a in hmeh alawm an ti deuh tlat.ka ngaisang in ka chhuang a..ka hriatna leh ka chhawr na pawh a rei tawh.mahse,a that zia leh a bengvar thlak zia,ka thiante kan hrilh a.,an bengkhawn vak thin lo…ka ngaihbel nge ni..a website hming hi a bawraw hmel an ti deuh niang,te ka ti ringawt a.. Lehkhabu pawh a huam chuan siam se,ka lei tho ang..cuz,im misual.comer’z..lolz

Reply
Awmtea Khiangte August 9, 2012 at 8:52 AM

Thu tha zual compile ila lehkhabu siam pawh a chakawm khawp mai

Reply

Leave a Comment