Mizo Society & Culture More than words

TLAWMNGAIHNA vs NIHNA

Tlawmngaihna chungchang hi a awmzia leh nihphung chu kan hre tlangpui hlawm anga, midangte tana mahni nun pekna, a let leh beisei lova midang tana inpekna ti ten kan sawi fiah thin. Hei bakah hian Tlawmngaihna hian awmze ril tak a la nei fo mai. Huaisenna te, chhelna te, chakna, hmangaihna te hi Tlawmngaihna hian a keng tel vek bawk. Mi Tlawmngai ni tur chuan dawihzep a rem lova, mi der dep leh duap tak tak tan chuan Tlawmngaih tak tak pawh hi thil harsa tak a ni a, Tlawmngai ni thei ni thei tur chuan rilru leh taksa hrisel neih hi thil pawimawh em em mai a ni a. Hei vang hian mi tlawmngaih kan tih te hi an ropui em em a ni.

Tunlai thangtharte nunah hian Tlawmngaihna a tlak hniam tawh thu sawi a ni fo thin a.Chutiang chu lo nita sela, nih leh engvanga kan Hnam ro pawimawh berte zinga mi Tlawmngaihna nun chu lo tlahniam ta zel nge tih hi kan hriat a, chu mi hriatna chuan engtinnge Tlawmngaihna tluchhe zel tur chu kan tun din leh theih ang tih hi thil pawimawh ber mai chu a ni ta. Doctor tan pawh damlo natna hre lova, damdawi lo rin chawh ve ngawt chu a dik lovin, dam lo tan damna a ni kher awm lo ve. Hetiang bawk hian, thangtharte nunah Tlawmngaihna a thlak hniam tawh thu te, an nu leh pa, pi leh pu te hunlaia a an Tlawmngaihna kha an phak tawh loh zia te hi thangtharte hnenah sawi vak vak thin mah ila, awmzia a neih thui kher hi a rinawm lem loh a ni.

Tlawmngaihna dalna chhan pakhat chu kan ‘nihna’ hi a ni awm e. A bikin kan Politics khelh dan hian kan Tlawmngaihna hi nasa takin a tidal kan ti thei ang. Hman lai kan pi leh pute Lal rorelna hnuaia an kun lai leh a hnu deuh a thleng kha chuan thalaite nunah Tlawmngaihna hi an nunpui tha em em thin a. Hei hi a chhan chu thalai tlawmngaite kha chu an dah sangin an chawimawi thiam hle thin vang a ni. Tunlai hunah erawh hi chuan tlawmngaite tan tlawmngaih hi thil chakawm lutuk a ni thei meuh ta lo. Kan Politics khelh dan hian thangtharte nunah nasa takin a chhe zawngin nghawng a nei a. Tlangval tlawmngai tak leh fel tak mai, mitthi lumen tlaivar leh thlan laih ni a theihtawp chhuaha inpe thin pawh lo awm se, kan Party a nih ve miau loh chuan induhsak tak tak harsa ka ti fo thin. Hei bakah hian Tlawmngaihna tichuai tu chu kan ‘nihna’ hrang hrang, sum leh pai dinhmun te, Kohhran lawina ah etc., te hian kawng tam takin Tlawmngaihna vul zelna tur ah kawng nasa takin kawng a dal thin bawk a ni.

Awle, tlawmngaihna hi a nihphung kan sawi dan ang hian ropui hle mahse a nihna ang a, a taka lanchhuah tir tur meuh chuan thil harsa tak a nihna chen a awm lo thei lo a ni. Phut let nei miah lova tlawmngaihna lan chhuahtir theih chu mi tam ber tan chuan thil harsa tak a ni ngei ang a, han indem theih em em pawh a ni lo. Kan Pasaltha hmingthang khuancher a pawh khan tihian a tih kha, “Mangan leh thlaphan niin, in lam leh ram lamah Khuangchera ka ni a, induhsak niin Khuangchera ka ni leh silova, ui beh mi ka ni love”, tiin an khua a pemsan phah hial a nih kha maw.

Ringtu tha em em te tan chuan he thu ‘thil tha tih chu kan awmna tura Pathianin a lo buatsaih lawk a ni’ tih atang chuan thil theih a nihna chu a awm mah na le. Chuvangin ‘Beisei let miah lo’ han tih ngawt mai hi chu Tlawmngaihna sawifiah nan chuan a dik hlel deuh ang ?. In duhsak theihna laiah chuan kan in hriat ve thin hi thil tul tak mai pawh a ni reng a ni. Lal Isua pawn chatuan nunna kan neih theih nana a nun min pekna hi ngai hlu a, fak turin min duhin min phut a sin. A phu te tan chuan fakna hi kan ui tur a ni lo. ChuvanginTlawmngaihna mawi taka par tir tur chuan a titu leh a lo dawngsawngtu te hian mawhphurhna kan nei ve ve a ni tih hi kan hriat theuh a tul awm e.

Related posts

A zai thiam a ni

father_sphinx

Thihna – kan in tawrhpui dan hi

sheldon

The Stranger

keimah

14 comments

ɪ̣uɪ̣pnoɥ August 16, 2012 at 12:25 PM

Hma hruai nalh teh ang, tlawmngaihna lantír nan 😀 .

Reply
ɪ̣uɪ̣pnoɥ August 16, 2012 at 12:29 PM

A va’n á¹­ha tehlul êm! (Y) (Y)

Reply
Awmtea Khiangte August 16, 2012 at 12:46 PM

3-na ka ni hman tawk mai a 😛 (Y)

Reply
Lamji August 16, 2012 at 3:02 PM

Aizawl ah chuan sum neih loh a lirthei neih bawk si loh chuan tlawngai emaw,mifel anga lan theih loh chang a tam ta mai. :S (ka experience atang)

Reply
lrpa August 16, 2012 at 3:53 PM

Tlawmngaihna chiang bang, a dik tak example han pe chhin teh u…chuan kan discuss dawn nia 🙂

Reply
Ignatia (33-115 AD) August 16, 2012 at 3:57 PM

‘Kei chu Lai ka nia’ tih khi hawng thuai se ka va ti ve. Post tupa hi ka chhan chak lutuk! Lusei VERSION tam lutuknaah hian mizo inpumkhatna hi a dal thei tih hria ila a pawi vak lo mai thei a ni!

Reply
Soberboy August 16, 2012 at 4:18 PM

#6 keipawh mawle, LAI ve tho ka nia 😉

Reply
Sihtea August 16, 2012 at 4:22 PM

A va’n tha kher em ve mawle.

Reply
lr hlonchhing August 16, 2012 at 4:23 PM

Kutzungpui Up

Reply
ɪ̣uɪ̣pnoɥ August 16, 2012 at 4:56 PM

Keichu lai ka ni tih khi ka va sawizui châk tawh e… :-S

Sawizui an la khapbet tlat bawk sia 🙁

Reply
ɪ̣uɪ̣pnoɥ August 16, 2012 at 5:21 PM

Hawng rawh u…! :-O

Reply
H.Vangchhia August 16, 2012 at 5:21 PM

Tunlai tlawmngaihna kan thlir dan hi vengchhung inkaihruaina ber YMA ah pawh hian tam thei ang ber a sawi a ngai ta niin a lang. YMA hnatlang inkoh reng maiin, “nula leh tlangval tlawmngai tak takte kha, lo chhuak tawh ru le, hnatlan a hun ta e…” tiin emaw kan au tawh a ni berin ka hria.

Tlawmngaihna hian phutlet a nei lova, hriat nih erawh infuihna á¹­ha tak a ni ve tlat!

Tlawmngaiha hi ramdang, hnamdangte hian an lo ngah khawp mai a, tun thleng hian mangan lai phei chuan hnuk tiulh thei dawn á¹­ep khawp a kan tan a tlawmngai thei an awm á¹­hin.

Tlawmngaihna (altruism) i chawi nung zel ila, mi tlawmngai (altruist) te i chawimawi thiam bawk ang u. (Y)

Reply
vakul August 17, 2012 at 12:26 AM

chawimawi nih chak…chawimawi dawna chawimawi nih duh si lo chunga chawimawi nih duh bang si lo chungin em ni kha an tlawmngaih

Reply
metro August 17, 2012 at 8:06 AM

Municipal Council member ni chung si a YMA a nihna nei te hi enge in ngaih dan?

Reply

Leave a Comment

Skip to toolbar