Ask | Help | Suggest HAHAHA

Vawi riat lai maw…

A thupui atang chuan ngaihnawm âwm tak hi a ni ve. A chhûng thu erawh a ho leh riau thin! ‘Vawi sawm lai maw…’ tia ziah ka tum laiin tûnlai chu ka vanneih a siamin ka thiante car-ah ka chuang leh hlauh thin a, vawi riat bâk hma ka sâwn hleithei meuh lo, ti chinah hian tâwp rih mai ang!

Miten hmêl tha min ti lo mah se, kei chu hmêl tha ka inti ve viau thin (loh theih loh avangin!) Chutia, hun te a lo liam a, khawvêl changkâng zêlah mite âk ruala ka âk ve theih nâna ka beih lai chuan, mite hian kei – lu lawk, dul kiar leh fatu pian hi min hai fo nia! (H)

Mite angin sum ngah lo mah ila, ei khawp chu ka thawk chhuak ve hrâm hrâm a, nalh tûr khawpin thawmhnaw tha ka inbel pha lo. Lirtheite pawh hi ka awt ve alawm, mahse a leina tûr ka neih loh avanga hetia bus-a chuang ve mai thin hi ka ni. Ka nalh lo tih ka inhria, ka hmêl lahin a zir bawk hek lo. Nimahsela, bus-a ka chuana midangin conductor emaw tia min hai fo hi chu hriat thiam har ka ti! 😉

Bus ka chuan hian a tlângpuiin ka ding thin a, thutna remchâng a awm chuan ka thu ve chauh thin. Chutia ding thin ta chu mite hian conductor hmuhin min hmu a ni chêk ang a, pawisa min pêk an tum ta fo mai. Min hai tâk zeuh zeuhah chuan ka chhinchhiah ta a, kumin rei lote chhûng khân vawi riat lai min hai ta chu a nih hi! 😛

conductor

Pic. 28th July, 2012 ni khân ka thawmhnaw nalh leh tha ber berin ka inthuam a, office kal tûrin bus-ah ka chuang a. Nimahsela, hemi ni (ka nalh ber ni) hian tum hnih ngawt min han hai chu le… Ka mi(sual) thiante u, khawi lai hi nge siam that ngai? Ka hmai ka facial dâwn nge, ka sam ka tiphir dâwn? Nge thawmhnaw nalh ve deuh ka lei zâwk dâwn? Ka bag te pawh hi thlâk ta ila a zia deuh ang em? In puihna ka mamawh e! 😀

Related posts

Internet connection

coolio

Website Designing/Technology zirna lam hi?

Thuam Tingtanga

Langpu!!

Keimah Thingtlangpa

49 comments

lrpa August 6, 2012 at 4:15 PM

i va ei that heel lawi si ve 🙂 🙂

Reply
Dr Mahminga Sailo August 6, 2012 at 4:15 PM

Bus Conductor hmel i pu hlawl lo; mahse, bus tawt deuha chuan erawh i phur hmel… 😀 😛

Zan khat chu, ka dawr luhna nghaktute T-shirt rawng leh ka T-shirt rawng a lo inang pek a. Mi pathumin Hei hi engzat man nge? tiin min zawt hman nia. :-O Nu pakhat phei chuan ka tum hnih reng min zawt a, a hrechhuak leh chu; a nui ve nasa asin… 😀

Lungngai suh, hmeltha hian ang-tu an ngah chawk a nia… 😀

Reply
CFL August 6, 2012 at 4:43 PM

Kan thi thiam chu i hmel pawh a lo fel hi maw le. (Y)
I bag ang chiah khi tunah hian ka kawl ve mek bawk e. 😀

Reply
Kawnga August 6, 2012 at 4:46 PM

I tana Pathian in kawng a ruat i hai a ang tlat! Conductor chu ni law law mai teh, kohna i hai a nih hi.. lol

Reply
CFL August 6, 2012 at 4:47 PM

# 3 Thu. edited.

Reply
Charice_mizo August 6, 2012 at 4:49 PM

Awmtea, i van lo inzep thei em em, hei vang hi anih hi veng khat tlangval luck an lo tih luai luai che 😀

I hmel leh thawmhnaw vanga conductor emaw tia hai che annih ka ringlo, tlang takin sawi ta tawp ila, i bag ah khi anih ka ring ber.

Hmeichhiain ‘cool’ kan tih ber leh mipain in inhmeh em em chu backpack/rucksack han ah zan mai hi a ni. Thil a leng tama, henglaiah pawh class kal nan leh thil pawimawh engemaw tih dawna kan ah uar ber a ni fan ani. Hnamdang, abikin foreigner te hlei hlei hian an ak uar. Company lar ho zingah hian nalh tak tak a tam mai.

Tin, mipa sa tha deuh hlek tan chuan kawr pawh hi chhing leh tight lampang ai chuan kamis thawl hek hawk emaw te ha ta se kekawra thun lovin an mawipui duh phian….a bak chu fresh leh fai taka awm hi a pawimawh. lolz (H)

Reply
sheldon August 6, 2012 at 4:59 PM

Haha! Tha lutuk. Bus a i chuan in a kawngka bulah conductor bag ang deuh ak in i ding ziah vei anih kha!!

Reply
Charice_mizo August 6, 2012 at 5:04 PM

Haha k’u Sheldoni chu hriat chian hmel tiah tiah 😀

Thuziaktu lar Darrokima pawh kha conductor ah alo tang ve hrep tawh a ni lawm ni khah… 🙂

Reply
H.Vangchhia August 6, 2012 at 5:11 PM

Min ti nui hui mai alawm…I thlalak khi en chet chetin conductor-ah kan mitthla che a a lawmawm vir ver hairehai 😛 😀 (Y)

Reply
CFL August 6, 2012 at 5:12 PM

# 6 Charice_mizo, Hmeichhe duh zawng tips dang rawn thawh zel teh a. backpack/rucksack tel lova khawlai leng thiam lo an tih ang maiin ka ak chhuak fo mai a, nula ho chuan cool min lo ti dawn tihna a ni maw. Ka va cool tak em. Haha 😀

Reply
ɪ̣uɪ̣pnoɥ August 6, 2012 at 5:14 PM

(Y)

I ti á¹­ha e… nang nge nge.

Reply
Dr Mahminga Sailo August 6, 2012 at 5:16 PM

# 10… 😀
Rucksack ah than chuan a ni thei tlat ti raw? Ah loh hian, kan kim loh huih hian a hriat thin… 🙂 Nia, mingo ho hian, ruchsack chu an ak hrawl thei khawp mai. 😉

Reply
saint sammoo August 6, 2012 at 5:19 PM

i bag ang deuh khi ka ak ve thin..
Lengzem ccb.-ah laptop bag ak nazawng hian laptop an nei kher lo… Tih a lo chhuak a, ka nei der si lova… ka thlak vang vang..haha..

Reply
Awmtea Khiangte August 6, 2012 at 5:20 PM

#6 Charice sawi khi tak tak a nih ngai chuan naktuk atang racksack leh kamis fual deuh hnek hnuk nen kawh chhuak ve pawt tawh dawn em mawn le…

Reply
CFL August 6, 2012 at 5:22 PM

# 12.. Dr. Mahminga, A dik chiah. Pencil pakhat mai mai pawh keng dawn ila ka inak chhuak tho tho. Tun Inrinni kalta phei kha chu ni a sa em em mai si a, ruah a rawn sur leh ta thut mai bawk a. Mahsela ka Rucksack ka’n check chiah chu Nihliap ka lo ak reng chu niin, thiante ho hian mak an ti khawp a, ruahsur dan tur i va’n hre thei bik ve a te an ti ta vel mai mai a. 😀

Reply
Awmtea Khiangte August 6, 2012 at 5:51 PM

A nih chuan hnung puak chi lei ve ila that dawn chu!!!

Reply
Dr Mahminga Sailo August 6, 2012 at 5:59 PM

Hnungpuak chi hi ah tam tur, thaibawih thut tak paw’n, naupuak ang deuh a nia… 😛

Reply
Awmtea Khiangte August 6, 2012 at 6:06 PM

#17 @Dr Mahminga Sailo… 😛
A tihchi dawn riau mai, nau puak zir lawkna 😛

Reply
CFL August 6, 2012 at 6:07 PM

# 17… 😀 (Y)

Reply
Kher Kher August 6, 2012 at 6:50 PM

Mary Kom a chak leh ta e.
15-8

Reply
hlatekhua August 6, 2012 at 6:52 PM

A thu ka chhiar hmain thlalak hi ka en a, ‘hei chu bus conductor thlalak a nih hi’ ka lo ti ve chiah a. I ni na nge? (H)

Reply
Chemtatrawta August 6, 2012 at 7:10 PM

Hai hi chu ka tawng zing lutuk a, ngaiah ka nei tawp. Nula hmeltha ve deuhin min han nuih var var hi chuan hmelthat vang pawh ni lo hian min hai vang te hi a lo ni thin a, zia lo thei ngei asin. 😀

Reply
Sangpuiipa August 6, 2012 at 7:10 PM

Hmana ka hai tawh che kha i ni lo maw? 😛

Reply
Kher Kher August 6, 2012 at 7:23 PM

#17… Hahaha, ngaihna awm lo. 😀

Reply
Awmtea Khiangte August 6, 2012 at 8:02 PM

Naktuk chu nalh tawkin ka’n inhai tir leh tengs!!!

Reply
sheldon August 6, 2012 at 8:35 PM

Haha… Diktak chuan Bus Conductor hmel chu i put loh khi mawle!

Reply
Bodom Pautu August 6, 2012 at 10:09 PM

awmtea chu min va ti nui nasa em.. hmanni Khatla SLMC office kawt a kan inhmuh a i bag ah ngei kha ni maw.. 🙂

Reply
Awmtea Khiangte August 6, 2012 at 11:02 PM

@Bodom ni e! MA zir chhunga ka lo vahvaihpui ve kha a nia, ka roh tlat pek alawm le

Reply
kawlhawk August 6, 2012 at 11:07 PM

i bag a puar lo eeeee… chuan, bakah — i nghawng chin hnuai lam chu zia ve fuuuu, chung lam mawlh khiiiiiii…!!! lolz

Reply
Charice_mizo August 6, 2012 at 11:16 PM

Mawina nghawng chin chunglam pawh ‘officer ei hmu hmel’ riau lawm (*)

Reply
kawlhawk August 6, 2012 at 11:21 PM

ehhhh… #30 chu(h!… ahemzzzzz :thlawk bo nghal:

Reply
Charice_mizo August 6, 2012 at 11:31 PM

hahaha

Reply
kawlhawk August 6, 2012 at 11:45 PM

ala hahaha zui a(h…! hihiiii

Reply
aduhi August 7, 2012 at 7:42 AM

bus ah hian experience i nei tha thei riau mai, i neih zawng zawng hralh la bus lei mai teh.

Reply
matea_tmj August 7, 2012 at 8:19 AM

i ipte ah hi Conductor ipte ang an ti aniang.lol

Reply
Chhuaklinga August 7, 2012 at 8:45 AM

An hai fo che chuan i ang a ni mai, ahaha. 😀 Mahse, bus conductorah pawh a fel pawl tak i an ka ring. Tin, bus conductor-te hi hmelah leh intodelhna kawngah pawh kan tluk loh fe fe hi an tam teh a nia, an ni an chu lung lovah la lo hram rawh khai.

Keipawh BA ka zirlaiin kan chawlna thin thingpui dawr nghak nula pakhatin min en vang vang a, ‘nang hi mizo diktak i ni em?’ min ti hlawl tawh maw le. 😛

tren tren

Reply
PKfanai August 7, 2012 at 9:24 AM

I bag ah vang chiah khi anih a rinawm e. Ka thiannu(nupui) pawh hi bazara kan chhuah dawna a bag pakhat a han ak hi chu, “Kharchhawng i ang” ka ti thin a, a tirah chuan a lawm vaklo dawn a, tunah erawh chuan, “kharchhawng ka ang em?” tih a chìng ta hlauh a, kan hlimpui phìan.

Reply
Dr Mahminga Sailo August 7, 2012 at 11:03 AM

# 34… Ka thlawp e. (Y) Awmtea hian a hna/eizawnna tur a hai. Loan la se, Bus lei rawh se… 😀

Reply
Awmtea Khiangte August 7, 2012 at 11:05 AM

#30 @Charice_mizo ka van lawm tak em! (F)

#34 @aduhi ka lei mai dawn em mawn ni le 😛

Reply
Awmtea Khiangte August 7, 2012 at 11:06 AM

#38 Dr Mahminga Sailo a bul min han tanpui teh 😛

Reply
aduhi August 7, 2012 at 11:59 AM

bus chu lei la, conductor i ni nghal anga. kan lo chuan ve tuma a fare pek kan tum che pawn i la duhlo vel anga, nuam viau ang.

Reply
Awmtea Khiangte August 7, 2012 at 12:06 PM

hehe… ka bag hi hralh hmasa ila tha ang :-O

Reply
Dr Mahminga Sailo August 7, 2012 at 12:10 PM

@ aduh… Conductor a nih chuan, bus tawt nuam a ti dawn em mai. Dirver ni zawk rawh se… 😀

Reply
aduhi August 7, 2012 at 12:11 PM

hahahha Mahming ni leh viau si. Nang hi conductor ah chuan part time in thawk mai rawh, Awmtea hian tips hrilh tur che a nei teuh anf 😛

Reply
Dr Mahminga Sailo August 7, 2012 at 12:18 PM

A tha viau tak ang a… Mahse, Bus neitupa (tur) hian, a bag hi min ah tir phal awm si lova… 😛 A bag ah thiam hi replicate dan zawnchuah vat tur a ni.. 😀

Reply
Awmtea Khiangte August 7, 2012 at 12:28 PM

Driver han nih daih chu ka duh chiah lo. Conductro ngat a nia ka duh. Dr Mahminga hi driver chu ni zawk se 😀

Reply
vakul August 7, 2012 at 12:46 PM

Awmte…bus conductor mizo bawk an chu a la zia lawm…Nepali emaw min ti reng mai hi a hneawm a nia.

rawksai ak la khawi kamis pawl deuh ha la english medium teacher emaw an ti ang che nga…laptop bag ak la company…vela thawk emaw an ti ang che.

chuan bari then la pro pastor emaw an ti ang che nga…engmah keng lovin kekawrbul nen kal la veng chhung mi i ni mai a…

bag ah chanchinbu thiat fur la chanchinbusem emaw an ti leh thung ang

a khai chi khai la…bhavan tualah vei la…contractor III class

taxi ah chuang la ….bus chuan hreh vangin music video i siam ve tawhah an ngai abg che…sawi peih twh lo.

Reply
Awmtea Khiangte August 7, 2012 at 12:53 PM

#47 @vakul min va tinui nasa tak em 😀 😀

Reply
Dr Mahminga Sailo August 7, 2012 at 12:55 PM

# 47… 😀 (Y)

Reply

Leave a Comment

Skip to toolbar