Opinion Politics

ZORAM POLITICS- Congress leh MNF insiamthat lehzual nana ka beiseite.

Kan sawi fo thin a, Zoram politics hi beidawnthlak leh beiseiawm pawh awm tawh lo khawpa chhia hian kan chhuah fo mai a. State dang khaikhin chuan kan politiciante hi an la tha narawh e. Kan politician-te hi engtiklai pawhin kan la bawhbuaiin kan la chimbuai a, anni lah hian tha takin min lo dawngsawng thei reng te hi a ropui. State danga politiciante chu an party MLA te takngial pawhin bawkkhupin chibai te an buk ania, mipui dinhmun han ngaihtuah mai ila. Kan M.P Pu C.L.RUala leh Pu Lalhmingliana te lah hi mi taima leh zamtha, Mizo society atana theihtawpa inhmang nasa an ni. Kan ram hruaitute hi fak an phu asin.

Amaherawhchu, heng points tlemte ah te hian an failed deuh chuan a lang a, hmasawn tum nan pawh hmang se a tha hle in a rinawm

Congress
1) An pu ber hian thangthar thalai mifing tak tak hovin han belhchian hi a dawl lo deuhin a hriat mah mah tawh.
2) An pu ber hi tawngkam lam duh uluk lehzual se, a leadership chu a la tha tho maithei. Tunlai thangthar an fing tawh a, media lah an chak a, tawngkam tin hi record a thehdarh zel a ni tih hriat a pawimawh.
3) Mipui nitin mamawh, basic needs- eirawngbawlna gas, power supply, adt ah hian tan lak a ngai khawp mai. Minister zam tha, fing tak an mamawh in a hriat.
4) MLA an ngah avanga an confi lutuk hi tlem chuan an tlukchhiatna hmawr a ni ang tih a hlauhawm.
5) Minister naupang, fel tak takte hi mipui nen inzawm department hi chang deuh bik se, sawrkar hian fak a hlawh deuh angem? entirna- sports department ang te hi.

MNF
1) Anni pawh hi an pu ber hi thlak a hun fuin a hriat. A tawngkam a umpha lo tih hi sawisel a hlawhna ber a ni tlat thin, insiamthat a tum te anih ngawt loh chuan.
2) Propaganda leh memorandum mumal nei lova an tei rawlai mai mai hi an sim a hun hle. THil engkimah, anmahni ngaihtuahchhuah harhna hmuh tur awm si lova, COngress sorkar hmalakna sawisel ringawt hi sim se, thildang ngaihtuah chhuah pawh an thei mahna. Mi fing tak tak an tam tho si a.
3) Minister upa lam, thalai ningkhawng hre vak tawh lo te hi Party kaihhruaina lamah hian inthiarfihlim se an zia deuh angem. Thiamna leh mipui hruaitu ropui nihna ai maha, rambuaia sipai nih avanga Zoram mipui hruai hi chuan, hmabak a thim deuh. University a zir tamtak kha Ramhnuaiah zir tur a awm dawn si lova.
4) Central ah hian NDA sawrkar kaihhruai, BJP(RSS peng pakhat) hi thlawp lo sela a duhawm lehzualin a rinawm. Kan ram hi Lalpa zawnchhuah ram a ni a, Hindu sakhua nena kaihzawm tlat party hi chu nghawngkawl bahpui loh hram hi a duhawm , min zawngchhuaktu Pathian a zahawmin a thikthu a chhe hle si a.
5) Mi thiam leh naupang tha za zek zawk, COngress lam ang hian an mamawh ve tho niin a hriat.

ZNP leh MPC lam hi chu sawi lo law law mai ang.

Facebook lamah thalai chhiar theih turin ka post a, helama tlema upa lam deuh leh ram hruaituten an lo chhiar ve tak mialin. πŸ˜‰

Related posts

Mi khawngaih thei takte chu an eng a thawl e

lzboikhar

Thian tha

lakto

Pu Zira thusawi tawi te

Arch

79 comments

hiho August 19, 2012 at 7:13 PM

gp (Y)

Reply
jakura August 19, 2012 at 7:16 PM

A tha khawp mai. (Y)

Reply
hiho August 19, 2012 at 7:32 PM

Mizoram that na tur zing ah chuan INDUHSAK hi bansan ngam hi a ni. Mahse thil har tak chu a niang.

Reply
H.Vangchhia August 19, 2012 at 7:38 PM

Pawisa tan a thlan tlin ni lo, ram leh hnam tan a thawk tur thlantlin ni tawh sela ka ti :-s

Reply
Tialthluaii August 19, 2012 at 8:09 PM

MNF hotupa’n thu an sawi tak tak hi chu ngaihnawm hranpa ve hrim hrim

Reply
Pakak August 19, 2012 at 8:12 PM

mipui lam poh hian easy money hi kan um nasa lutuk a, kawng engkimah insiam thatna tur kan ngah..kan that theih pawh ka ring nek tawh lo.. πŸ™
sim tur hlir nei awm khawm kan ni miau a :p

Reply
chhangteval August 19, 2012 at 8:43 PM

Thil dangah chuan ka hre lova, mizo nationlist rilru chu Zoramthanga ai thlawt chuan Lalthanhawla chuan a nei nghah zawkin ka hria.

Reply
thachianga August 19, 2012 at 8:59 PM

Kan political leaderte inzirna ber chu Indian politics a ni a, Unit leh Block level-a hruaitute beisei ber chu sum a ni bawk a. Hetiang hi chuan kan ramah hmasawnna leh changkanna beisei tur a vang khawp mai.

Reply
g August 19, 2012 at 9:55 PM

ka sawi chuan ka thinrim teuh zel…mipui kan dik lo, mipui te hian kan siam tha thei, mahse midik chu ka haw zel bawk si. Assemble hnuhnung ber a CM sawi te kha dik lutuk tlat. MNF lampawh an tha tho, mipui lamin kan ti dik loh tir zel pek alawm.

Reply
Γ‰ΒͺÌ£uΓ‰ΒͺÌ£pnoΓ‰Β₯ August 19, 2012 at 9:58 PM

Mipui dik loh dem reng ringawt pawh a ni chuang lo, kan dik lo lutuk tho nachungin. Hruaitute han dik phawt se, a tha a ni mai.

An eiru teuh teuh va, mipuite vanga eiru em an nih? Anmahni dik lohvah ka ngai kei chuan.

Reply
Chemtatrawta August 19, 2012 at 10:05 PM

Politician ai chuan sawrkar hnathawk hian an eiru nasa zawk ka la ring fan…

Reply
Sihtea August 19, 2012 at 10:16 PM

Tun na kan political party a , hruaitu thenkhat hmuar un lutuktawh thenkhat te lakah hi chuan, rinna han nghah leh ngam chi pawh a ni dawn emni? An mahni in hai vura, SUM siam nanbak , kan vote hi an mamawh pawn kahre hlawm neklove. Kum sawmli chhung tehmeuh ram an kaihhruai chhung zawngkhan, ram tanna rotling leh chenfakawm (chhenfak tihtawh lohtur) an thawhchhuah han sawitur a vang emmai. Nakum in thlan dawnah lo ngaireng mah teh u, kanram siamthathei tu ber tur ni awmang kakin, thu tha puipui an rawnsawi leh ngei ang. An rilru chhungril ngaihtuahna e rawh he tiangbak vanisuh, Inchhawng ro puitak enge mawzat neih belh ka duha, cheng vaibel chhe enge mawzatnen, huan leh thlam ropuitak ka neih belhtheihnan, in vote hlutak hmangkhan minlo tanpui teh u an larawn ti leh ngeiang. Chu tih hunah chuan, he ti hian lo changang che u , kanvulh thautawk tawhbawk che u alawmle , nangmah ni ang nilo ram siamthat duhna taktak rilru pu mi, thang leh tharte lo kian tawhzawk mairawh u in lo tihkhum siah maidawn nia.

Reply
TuaiSialA August 19, 2012 at 10:50 PM

Engineer-in-Thief an man in ti elo maw?

Reply
Chemtatrawta August 19, 2012 at 10:56 PM

Sihtea..chenfakawm tih hi ka hriat vawikhatna..

Reply
thachianga August 19, 2012 at 11:14 PM

11
Chemtatrawta Says:
August 19th, 2012 at 10:05 pm

Politician ai chuan sawrkar hnathawk hian an eiru nasa zawk ka la ring fanÒ€¦

Kei pawh.

#13 Man zel rawh se. Sorkar Officer, Aizawla dawr lian pui pui, an bungraw man pawh nuai tam tak man tur tiang erh urh, an fate/midang hminga dawr neihote pawh chhui se, man zel teh se.

Reply
Chemtatrawta August 19, 2012 at 11:37 PM

Thachianga., engineer an man te pawh kha an in a ropui an tih khawp kha.. πŸ˜‰

Reply
vakul August 20, 2012 at 12:25 AM

Engineer an mante chanchin hi in rawn post dawn emaw ka ti a, in reh thap mai a…

Reply
Chemtatrawta August 20, 2012 at 12:34 AM

Vakul, FIR an hlau aniang??;-)

Reply
lrpa August 20, 2012 at 3:23 AM

post tha e..MNF hi chu Pu Rama a awm chhung chu beisei bo ani! A ngaihna a awm lo!
Pu Hawla hi chu a zia deuh hlek zawk, mhase besei chu a pha lo nasa, ram tan thahnem ngai takin a thawk tiah tiah anga ‘hnam pa’ te pawh kan la ti ve ang chu ka ti rilru a, engteh ual chu ani bik lem lo anih dawn hi.

Reply
lr hlonchhing August 20, 2012 at 6:26 AM

Tuk chhuah nuam vek u le

Reply
PKfanai August 20, 2012 at 7:35 AM

Tun dinhmunah chuan, Thingtlangpa rethei tak tak te hian, ram leh hnam hmasawnna tling tak tak project lian kum 5/6 thawh ngai te ai chuan, cheng sing hnih/thumin kan ipte a rawn thlen a, inchung rangva kan dawn chuan, kan lungawi tawk niin a lang a, Term leha tlin duh Political party te chuan, sawrkar hnathawkho hlawh lak bang tlemte hi helamah hian an vawm liam lo thei lo, niin a lang e. Kawngpui tha, Kawlphe tha, Tlangram lo nghet, tui leh gas supply, power supply te hi han hnianghnar viau phawt mai se la, a tawk rih mai awm e. Corruption hi khawng taka do chhunzawm ni zel bawk se la.

Reply
mr.Duhlova August 20, 2012 at 8:05 AM

Sharukh Khan te, Rajesh Khana Muti Million/Billion Air ho in te hi a ropui viau ka lo ring a. Mahse, hman ni Mumbay a, an in te kan hmuh ve tak hnu chuan, kan Officer tamtak te in hi,a lo ropui mah mah zawk in ka hre ta daih mai….;-(

Kan lo tu ru a ni e…rinhlelh awm tak kan ni. πŸ˜‰

Reply
Sihtea August 20, 2012 at 8:08 AM

Chemtatrawta i neih i chhen dawnnge i chen zawkdawn? Lenlai an chhen nge, mi in lenlai (vanglai) an chen zawk? Pu, R Vanlawma phei khachuan, mi in (chhenfakawm) ti a a ziak fo thinkha a ngaimawh thinhle a niang. Vanglaini nitin chanchin bu ah vawi tamtak a rawn ziah thinkha. A ni ngaihdan pheichuan, 1980 hnulam a tangkhan chanchinbu editor’s thenkhat khawchhak lam a tanga lo chhuk te rawnchin chhuahah hmiahmai. An ni chuan, A AW B CH an nei velo A B C e rawh an nei, China tih tehi Chhina ti in anlam ri thin. Mi thuziahsa an hanchhiara CHEN fak awm tihkha (CHHEN ) ti in an chhiarthina, an hnuaia thawk an michhawr ten CHHEN ti in anlo zaih sakta a nih a ring deuhber, nih te pawh a nih karing. Chu lo pawh ka ngaihmawh ve emem chu , Ka tlawmla e ! tihna turah ka tlawmngai ti a pa phanchang puipui ina, an han ti fo hi ka helh thin khawpmai. EI RU NIAR hohi an ropui an kawng enkawl ai in, an mahni IN an enkawl a lian in a zau a mam thahlam hlebawk, Kohhran leh Khawtlangin an hlohtlawna antan Mizoramah Jail a awmvelo a ni elo maw? Daktawr ho lahin Jail a antan theih vetheih lohnan damlo natakah anlo chhuah zelmai si a nihi maw.

Reply
sheldon August 20, 2012 at 8:57 AM

Tukchhuah nuam vek u le (L)

Reply
Chemtatrawta August 20, 2012 at 9:09 AM

Sihtea, hmun a dang a, tawng pawh a dang mai zawk a ni lo maw??? Chaw i kham avangin i ei lai i tawp a ni lova, mahse chaweikham thingpui i in tho asin. Chutiangin, keipui zawng zawng pawh hi a Nu(female) an ni vek lova, chuvangin Lamkhuang tih hi a dik ber a, Laui tih hi a dik lo hul hual tih ang vel a ni zawk mah em?

Reply
Chemtatrawta August 20, 2012 at 9:10 AM

Tin, hlohawm tih aiah hlauhawm tih ang te hi a dik zawk a..;-)

Reply
Sihtea August 20, 2012 at 9:17 AM

Hnan lo chunga, comment chu chhutsual a tamduh nengnung hlemai kan chhu chuang reirui mei alawm.

Reply
Chemtatrawta August 20, 2012 at 9:26 AM

A chuang rei rui “MAI” alawm..;-)

Reply
Jacka Pi August 20, 2012 at 9:42 AM

Trawt (Y)

Reply
sheldon August 20, 2012 at 9:52 AM

Vawiin chu Holiday a ni bawk a, misual muah muah mai ang aw

Reply
Chemtatrawta August 20, 2012 at 10:06 AM

Jacka pi & sheldon, hmasawnna tur awm lova sel chiam ai chuan zia deuhin ka hria a.

Sheldon hi ka la rim ve ang, haw leh theih chuan, maisek nge hmeltha zawk..;-)

Reply
SHauzelSailo August 20, 2012 at 10:28 AM

Eiru lo phawt se…
Mipui te pawh hian ram tana thratna tur hi kan aupui ve hi a ngai aa

Reply
Sihtea August 20, 2012 at 10:31 AM

I chik peih hle MAI , Hman (Hnan) ka rawn tihleh pekkhi. EI RU NIAR ho hi, an vannei lellul kati hlobet anga ah thlukin an awm mai awzawng si lova. An fa telah zirna lamah an hmuingilin an hlawhtling thei viau lehnghala, ei zawn na lamah lah an chungnung lur bawksi a. An piangthar a nih ngat pheichuan hlephlang a ni ri ngawt. MAI MAI sa la Zakaia pianthar anga piangthar lah hriattur an awm bawk silo, an Pathian a thaviau a ni ang, heng EI RU NIAR hohian, chhuan engzatnge an daih angle. Kohhran UPA te anla nihlawm veibawk nen.

Reply
sheldon August 20, 2012 at 10:35 AM

@Trawta. min cho sual ang e aw πŸ˜€

Kan ram hruaitute hi ka ti, tingemaw an vision hi a tawi em em le. Ram aiin an chhungkua leh laina, thiante an hmangaih zawk miau a. Eng pawh sorkar se, an party hi a lal ber zel a. Ram tan tha, kum engemawzat hnu a rah chhuah tur thil ngaihtuah ai chuan ‘tun’ te chiah hi an ngaihtuah in ka hria. Kan dawta rawn sorkar turte chhunzawmah tiin ram tan policy tha tak tak han duangchhuak se tha tur.

Reply
sheldon August 20, 2012 at 10:42 AM

Kan MLA te hlawh hi a tlem emawn le? An hlawh pui baka an benefit te hi a tha tawk viau lo maw ka ti?

Reply
sheldon August 20, 2012 at 10:48 AM

An insiamthana tur point i pek ah khian Corruption laka fihlim tum tura duhna i telh lo anih khi mawle :-O

Hat-trick kan siam lawk te’ng.

Reply
thachianga August 20, 2012 at 10:55 AM

#34 Policy tha siam lamah chuan hmasawn an ngai ka tive khawp mai. MIP kan hlawhchham tawh a, NLUP hi khawpuiah chuan a hlawhchham chiang dawnin a lang bawk a, thingtlang lama chuan a hlawhchham fai vek lo mai thei, mahse, ram hmel tidanglam tham a ni chuangin a rin awm lo. Pu Duha D-A-H hi eng tak ang ve ang maw?

Reply
Chemtatrawta August 20, 2012 at 11:02 AM

Sheldon, a pa maisek ang hian min zui ve duan duan mai ang.

A buaithlak chu long term plan pawh nei se an sawrkar chhunzawm loh chuan party dang hian an chhunzawm duh ngai lo hi a ni. Pu Thena Koladyne project te pawh hun rei tak ngaihthah anih kha. Party dangin political advantage an neih dawn ai chuan ram hnuk khawih thil pawh ni se an sat chhe duh zel hi a buaithlak khawp mai. MNF thalaite pawhin, hmanni deuha Congress in mipui interview leh dawr theih hunah an zingkar hunawl an han pe a, kha thil avanga fak a,mahni in enlet aiin, sawisel tur an han zawng a, kum 4 kal ta khan tinge an tih loh,blah..blah..blah… Khatiang kha MNF party an innghahna tur a la nih chuan kum 50 lo awm tur atana MNF party kalphung tur chu a hriat theih maiin ka hria.

Reply
thachianga August 20, 2012 at 11:08 AM

Double hat-trick tum te’ng πŸ˜‰

Kan ram tan chuan ei leh bara intodelh theihna policy hi a pawimawh hmasa a ni.

Ram hruaitute’n policy tha tak duang se, department-in tha takin bawhzui se. 1972 (UT tan tirh) atanga tun thlenga SRI chi hrang hranga experiment in neih khum reng hi a khamawm tawh. “Hei hi chin tawh tur” ti a thlan fel a hun zo zai tawh. Hei mai pawh hi ram thanmawhbawk a tling. Engineer lo ka’n tham tel tan te’ng πŸ˜‰

Reply
sheldon August 20, 2012 at 11:12 AM

@thachianga, Kei chu Pu Duha DAH hi enchhin ka chak teh mai ania, midangah kan beidawng zo tawh bawk a. Ei leh bara intodelh tur chuan Pu Duha DAH hian kawngro a su viau lawng maw?

Reply
thachianga August 20, 2012 at 11:21 AM

@sheldon, a su viau theiin ka ring ve det. Mahse, officer lian ho hi sahar an ni duh tlangpui. e.g. hmun pakhata sapthei hralh tum ho chu kg 10 an hralhin kg 15 receipt hnawn luih an ni a, a ti duh lo ta chu an leisak lawk lo va, mi khuaah an cham reng thei si lo, an sapthei a sawng a, a tawpah an duh loh danin an hralh phah a. Hei hi kan ram dihmun pakhat a ni e. DAH pawh hi a derthawng khawp mai. Huiss.

Reply
Chemtatrawta August 20, 2012 at 11:25 AM

Thachianga,41 hi han sawichiang deuh teh??

Reply
sheldon August 20, 2012 at 11:25 AM

@41, Chuvang ania a chang chuan Dictatorship hi ka sawimawi fo.

Reply
Ignatia (33-115 AD) August 20, 2012 at 11:31 AM

Qualitative taka thlir a ni bawk a tha khawp mai.

Saturday zan khan Mizo Politcian hmasa – Chaltuahkhuma tunu inah ka va khawsa zuai a, Tlungvel bial MDC thlan tlin a nih tuma an lawm lai thlalak ka va hmu a. Kal fuh ka ti khawp mai. Heritage tha lutuk a ni tih ka hre khiau si a..

Reply
thachianga August 20, 2012 at 11:33 AM

Post-tupa, ssshhhh.. Saptheitui sawrna khawl nei hovin min haw mai ang πŸ˜‰

#43, nia tiraw.

Double hat-trick πŸ˜›

Reply
Chemtatrawta August 20, 2012 at 11:38 AM

Sheldon hi a duh Man thei ania..

T.C, post teh..a tharin..

Reply
Chemtatrawta August 20, 2012 at 11:44 AM

Ignatia, sawisel thawr ai chuan insiamthatna tur, general takin, keini aam aadmi hovin han chhawpsak ve rawih ila ka ti a. BTW, lalhnam post pakhata HES Luaia tih vel khu i hmu em?

Reply
Sihtea August 20, 2012 at 11:50 AM

EI RUK theihna POLICY ah a chang leh thovang. Mizoram ah EI RUK hmangho , tan natur Jail kanneih hmasak phawt a ngai. Chu ti ang Jail siamthei tu tur, ram hruaitu huaisen kan thlanchhuah thuai a ngai. Lovin rah taktaka a chhuah theihnan, a chhunga kan thai chin ei chhetu, Pa ngang leh Ran nungdangte kan thianfai a , kan thlaichin dipdal theitutur , hnim kan thlofai a azung nen lama kan pawhphawia kan phoro thin anghian. Kan ramnget thianfai ngam khawpa , mi HUAI SEN kan mamawh.

Reply
thachianga August 20, 2012 at 11:51 AM

@46, Sapthei chungchang khi kum thum,kum li vel liam tawh ami a ni a, kalo tarlan hmaih a ni; apologies.

He’ng practice avang hian sapthei chingtute’n an sim phah nasa hle tih erawh ka chiang, kar hmasa mai khan sapthei chingtu thenkhat ka kawm tlat. Thu hlui ka zawt a, an sawi tha duh khawp mai.

Post ziak tur erawh hi chuan ka insit deuh. Tlem tlema comment ve zeuh zeuh hi ka ngam tawk vel ala ni e.

Distatorship hi, lal chintawk an thiam chuan, thatna riau a nei ve bawk asin. India ramah hian a rem lo mai pawh a.

Reply
Chemtatrawta August 20, 2012 at 12:04 PM

Sihtea, thenphunga pawh hnawk kan tih vat mai kha maw, ti raw??

Thachiang, details in min lo email rawh, ka tichhuak ngam alawm..

Reply
bucko August 20, 2012 at 12:11 PM

new page

Reply
ulawng August 20, 2012 at 12:14 PM

Ram leh hnam dinchhuahna’n chuan kungfu hi a lo pawimawh berrrr mai πŸ™‚ πŸ™‚

Opposition lama awm lai chauha ram hmangaih ho hi chuuuuuuuu (N)

Reply
Puii August 20, 2012 at 12:15 PM

A ngaihnawm khawp mai ….part two siam ngei chi chemtatrawt,

Kan state hi a la naupang a, kan rethei bawk si a… Eiru thei tan eiruk a awl anih hi….

Politician ai mah mah hian kan govt servant te hian an eiru nasa mai thei ania..rinthu

Reply
ulawng August 20, 2012 at 12:19 PM

Chuan…. ‘CHHENFAKAWM’ tih tur a ni eeeeeeeee πŸ™‚

Reply
Chemtatrawta August 20, 2012 at 12:21 PM

Puii, i rindan hi mi tam tak rin dan a ni a, a dik chiang khawpin ka ring. Engineer eiru nasa an man te kha 600 crore a ni lawm ni??? hei hi chu a mawlmang thei ang bera thlir dan a ni a, rawn chhunzawm ve tawh ru.. πŸ˜‰

ulawng, kan party ho te hian “Inchirhtheh Policy” an kalsan chhung hi chu ram ropui kan thlen hmel loh. πŸ™

Reply
Chemtatrawta August 20, 2012 at 12:22 PM

Chhenfakawm tih hi keipawh ka hriat dan a ni tlat..

Reply
bucko August 20, 2012 at 12:32 PM

Chhenfakawm tih hi mizo tawng dik tak a ni e.
Mizo tawng ah chenfakawm a awm lo tlat

Reply
Chemtatrawta August 20, 2012 at 12:34 PM

Chenfakawm tih hi ka vawikhat hriatna a ni hial zawk mai. R.Vanlawma pawh chu a tawng huai mah mah anih chu mawle.

Reply
Sihtea August 20, 2012 at 12:37 PM

#41, thachianga rawn tarlan anghian , kanram hian ei chhetu HRIK leh NGET a ngahzia chu a chiang khawpmai. Sheldoni rawnsawi , dictatorship angin kanram hi kalpui vetheih se a thaphian maithei. Mahse India ramah kanlo in telhlut laklawh tawh si a, a theih bo lovang. Theih se langchuan, Dictator’in mi diklo ho , an dik theihnan a dictatorship (lawng) lawngah a khung hmiahhmiah anga, diktir nalawng a tanga anlo chhuah hun ahchuan , midik mi rinawm mi thatakah an rawnchhuak thei mahna. In hlima inlo nuih mial takin, DICTATOR SHIP – mizo tawngin- Midik lo DICTIR TU LAWNG.

Reply
Sihtea August 20, 2012 at 12:46 PM

#41, thachianga rawn tarlan anghian , kanram hian ei chhetu HRIK leh NGET a ngahzia chu a chiang khawpmai. Sheldoni rawnsawi , dictatorship angin kanram hi kalpui vetheih se a thaphian maithei. Mahse India ramah kanlo in telhlut laklawh tawh si a, a theih bo lovang. Theih se langchuan, Dictator’in mi diklo ho , an dik theihnan a dictatorship (lawng) lawngah a khung hmiahhmiah anga, diktir nalawng a tanga anlo chhuah hun ahchuan , midik mi rinawm mi thatakah an rawnchhuak thei mahna. In hlima inlo nuih mial takin, DICTATOR SHIP – mizo tawngin- Midik lo DICTIR TU LAWNG kha daih khasin , mi SAP ( mi rang) tawng letling ve te.

Reply
Puii August 20, 2012 at 12:51 PM

Part twoah ZNP leh MPC lam pawh hi lo sawi tel ve la… an tlem na a,inthlan lo thleng turah an la pawimawh dawn tlatin a lang… (hrilhlawkna ni em em lovin… πŸ˜‰ )

Reply
Chemtatrawta August 20, 2012 at 1:01 PM

Puii, ZNP leh MPC hi chu khawvar lam arsi ang vel ka tehkhin ber, an policy chu a tha lutuk, mi leh sa an nei thlawt lo alawm le. Mi leh sa hi an pawimawh em em si a.

A zung atanga ram dik tur chuan MIPUITE hi kan pawimawh. Mi dik lo paihthla ngam, sum dik lo hnawl ngam, sum hmang dik ngam, mi dik lo hek ngam leh sawisel ngam hi kan la awm lo lutuk a, tupawh mai hian ram hi hruai se mipui hi min zah thei lovang hetiang kan nih chhung hi chu.

Reply
Sihtea August 20, 2012 at 1:41 PM

Chen fak tih awmzia chu, nula la naupang tak taima vaklo a tui thatha ei duhsi in Pa u pa tawhkat hosa bawk si , chu pa neihchu a it a vangin a va CHEN pui a, a neih a va EIPUI (FAK) hi a lawm CHEN FAK awm tih tawngkam lo chhuah nachu, CHHEN FAK lam a nileu. Pa ui kawmtak pawhhi SUM (tangka) a ngah tehlul veinen, a tak sate alo chak lovin (rawihlam) a pan zel si a, chu ti tawh naka laiin a rokhawm tutur , a nupui fanauten an boralsan tawhbawk si a. An thenawm khawveng teleh, a thian thazual deuh te chuan E khai , Pu, LAL i neih CHEN la a tui thatha EI (fak) tawhrawh , an tihnge))) inrin i neih CHHEN la EI (fak) in, inrawh antih inrin zawkle? Hlathu heti zat awmtawh ahhian, Lenlai CHHEN tih inziah na kala hmuhauhlo nia mawle. Chu lo pawh ka ngaihmawh dang lehchu, CHU A CHAP ah tihna turah (chu a chhap ah ) an ti fo maihi. Sadenmuanga hmelchhe hnarlian hnarping a tanga, ri lochhuak tur ni awmang taka an ziahhi, keinin thutak hlatak angin, chawtak khukin kanlo khukpui ta si a, kan tawng dikzawk ti thi leklekin , fiamthu tawngkamin kantawng dikzawk chu kanlo thleng ta e lo maw?

Reply
Chemtatrawta August 20, 2012 at 1:55 PM

Sihtea, i tehkhin thu hi awmzia a awm vak lo. Chenfakawm tih hi putar neih uma nula tuaitirin a nei tih hrilhfiahna chu ni se a pawmawm anga, amaherawhchu Chhenfakawm tih hi tawng kalphung mai a ni e. Tawng hi duhdana hrilhfiah loh hi a him ber a, evolve anih avangin Keipui te pawh a pa te an ni fova, a nu an ni vek hleinem.

Tin, chu a chhapah tih pawh hi a dik fu..

Reply
ulawng August 20, 2012 at 2:14 PM

Comment 63 Sihtea comment-na khi uluk deuha chhiar ka tum a, ‘chenfakawm’ a lo ni tak tak em, tihte pawh kan hria ng chu, tiin ka’n chhiar tan dawn a, tlar hnihna ah ‘hosa’ a ti ta kauh mai a, ka chhiar zawm peih ta lo πŸ˜›

Reply
Lamji August 20, 2012 at 2:25 PM

Nang nge nge. (Y)

Ram development hi khawpui ah chauh emaw kan tih chhung chu kan changkang in ka ring lo. Hmun kilkhawr zawk a awm hi a majority an ni thin sia party mi leh sa ten an brainwash hi ti reh tura khawpuia a harhchhuak tawh ten’a nasa taka tan kan lak a ngaiin ka hria. Khawpuiah kan mi duh tak vote chat chat ngam tawh mah ila thingtlang tamtak ah chuan thlemna chi hrang hrang avangin an la ngam ve tlat thin si lo. Nasa taka kan varpawh a awareness campaign kan neih/pek a ngaiin ka hria. Politricks chungchanga ka comment hmasa ber leh tawp ber ni teh se. πŸ™‚

Reply
sheldon August 20, 2012 at 2:26 PM

Chenfakawm tih hi ka hriatdan, mahse ka tang huai vak ngam lo, a dik zawk ka hrelo a, ka hman thin dan chu Chenfakawm

Reply
Chemtatrawta August 20, 2012 at 2:28 PM

Lamji, zualbonez hovin rural revolution kan la bei ang chu..;-)

Reply
Lamji August 20, 2012 at 2:32 PM

Pawimawh khawp mai. Mahse a sam met then phawt se ti raw..hihi!

Reply
zualbonez August 20, 2012 at 2:40 PM

trawt…problem awm ami? πŸ˜€

Reply
Chemtatrawta August 20, 2012 at 3:17 PM

Zual, rural revolution in Mizoram kan lo rel. Mizoramah hian rural vote kan hmuh vek chuan kan sawrkar thei angem??

Reply
Sihtea August 20, 2012 at 3:59 PM

In neih chen lovin, a chhen in chhen ula, in vanglai pawh chhen tapauh che u. Tawngdik ti bova ti tithi tu te chu , tu dang nilovin lehkha ziak tu te ngeihi an ni si a. Kei e rawhchuan, kantawng dikzawk na na chu kahmang chhunzawmte zel bawkang. Hlaphuah tute awm lophei se lachuan, kan tawnghi THI leh BO a tamtawh ngawtang.

Reply
ulawng August 20, 2012 at 4:16 PM

Sihte, i ziah hnem poh leh(nang chuan ‘pauh’ i tih lehpek khi) i ziaksual nasa a nih khi. Ziahzawm leh ziahzawm loh tur pawh hrelo khan(i thil type khi a mak teh nuaih) midang zirtir i tum a nia(h)! I ngaihdan kha sahuai thingvawn tlut lo la a ni mai.

Reply
sheldon August 20, 2012 at 4:25 PM

Sihtea Keyboard ah chuan space-bar a awmlo alawm πŸ˜€ A thu hrimin Sihtea hi Mizotawng i thiam hle a, mahse i comment hi i type duhdah thei lutuk, inzawm lo tur tur i zawm duah zel a (H)

Reply
Lamji August 20, 2012 at 4:30 PM

S ihte,phu nchi art he i e mma i. πŸ™‚

Reply
Sihtea August 20, 2012 at 6:27 PM

Kan vaw hot laklawh tawh bawka tizel angaw , zaral pawh kanla kai nemle Chawngchen tih te pawh chawngchhen ti in inziah tho karing. Thu ziak mi te hian , an mawhphurhna sanzia an hriat chian viau a ngai . Ziah zawm leh zawm loh kha chu , nang nin lo zawm ve tawh mai teh u. CHEN FAK leh CHHEN FAK in hriat chuan a tawk, CHHEN FAK awm zia e rawh ka hre ve tlat lo.

Reply
drake August 20, 2012 at 6:48 PM

Sihtea chu leh πŸ˜€ kanuih aza dawntlatmai

Reply
Chemtatrawta August 20, 2012 at 7:50 PM

Sihte, mipa sam te i met hial lo maw?? Tawng hi adang nena khaikhin vak chi pawh a ni hleinem. Chaw i kham vang ni lovin i puar avangin i kham ve thin tho ka ring,a dik em??

Reply
ulawng August 20, 2012 at 8:40 PM Reply

Leave a Comment