Education Information Lifestyle Whatever

Facebook a bungraw zawrh

Tunlai hian facebook lamah kan bungrua, thuamhnaw ilo leh kan motor hlui chen in kan pho lang a, hman a awl sam in kan list zung zung mai le. Kan bungrua te pawh kan hralh phah ve chawk bawk awm e.

Mi thenkhat ten chu chu an online shopping site ah an facebook an chhal ta mai hi ka hre ta nual mai bawk a. Hei hi a concept a dik chiah loh avang in tlem han sawi zau deuh ka tum dawn a ni.

Facebook hi Social Networking Site (SNS) pakhat a nia, sumdawnna lam (business) promote nan leh han in pho lar ve hrim hrim nan chuan thil tha tak a ni si a ni. Facebook a kan thil ilo zawrh avang khan online shopping kan nei ta ni lovin, Social Online Network / Platform pakhat kan hmang ve mai chauh a ni zawk ani.

Amaherawh chu Facebook ah hian Shop erawh chu kan hawng thei vek thung a, mi ram ah chuan Merchant Account an hawn / siam hian Tax details te, Bank Account details te an dah theih vek a ni. Tichuan transaction ti tur pawh a feature eng eng emaw an lo nei tawh bawk.

Online Shopping puitling tak tak chu transaction nei theih nghal a, transaction history chen a vawng tha leh cancel / refund / dispute theih tur a duan a ni leh lawi si a ni. Credit Card emaw, Debit Card emaw, UPI emaw, Netbanking emaw, leh a dang te hmang a transaction chu awlsam tak a order rual a tih fel mai theih in a awm thin a. Cash on Delivery (COD) te pawh lo hmang ang ni ta se, transaction kha fel fai tak in a awm bik ani. Heng zawng zawng piah ah hian Term and Conditions, Waranty details, Dispute / Refund engkim mai kalpui thei a, a lei tu card / account aha sum hman (prepaid bik) reverse pui theih ang chi te hi Online Shopping pangngai leh puitling chuan a ken tel thin.

Facebook kan hman dan ah hian a tha zawnga hmang leh tha lo zawng a hmang kan awm nuk mai bawk a. Facebook hmang a midangte thil zawrh lei ve lawi si a, pawisa thawn leh duh si lo te, bungraw ilo dawng reng si a, dawng lo ti tlat te pawh a awm theih a, dan ang tak a action lak dawn a record awm mumal lo te a nih avang hian kan fimkhur erawh a ngai nasa hle thung.

Sumdawnna thil reng reng chu dan ang tak a kalpui a, record felfai tak neih hi a tha ber a ni. Facebook ah erawh hetiang a record thlap a awm loh avang hian a lei tu tan leh a zuar tu tan a him tawk lohna tam tak a awm thei tlat si a, kan fimkhur hle chu a ngai a ni.

A sei dawn riau mai a, duh tawk ila, a dang pawh kan la ziak leh zel dawn nia.

Feature Image Credit to : http://www.iconarchive.com/show/social-store-icons-by-dembsky/facebook-shop-icon.html

Related posts

Kolkata-ah Mizoram House thar sa dawn

Goldmember

Chennai Mahabs 2007

commieguerra

Dangdai

H.Vangchhia
Skip to toolbar