HAHAHA Information Luangliam More than words Whatever

Misual.com kan vanglai

Kan vanglai han tih khan eng tik lai ber nge sawi tur hriat a har a, a chhiartute’n ‘vanglai’ nia in hriat hun theuh kha ni mai se. In rilruah ‘kan vanglai’ han tih hian a hun awm vel chu a lang nghal sa thovin ka ring…hehe.

Post chhuak thar apianga comment hmasa ber first tum reng renga khawsa leh, first thei em em mai te kan ni a; a then nawi em em thin te. Post nena intuha lo lutuka comment ching te kan awm a; a then chu a post ai mahin a sei zawk ang a, tih tur khawpa comment sei te kan ni. Chutih laiin ‘Nia’ tih ringawt tea comment thinte kan ni bawk.

Admin-te lah chu, an zingah strict bik em em mai te, comment leh post pawh siam ve ngai hauh lo te an awm bawk. Tin, ‘commer zingah user-te nickname lo chhinchhiah kauh kauh va, tu nge an nih hriat tuma lo chhui char char te kan lo awm ve zel bawk a.

Post siam thinte lah mi chi hrang hrang kan ni. Pathian chauh post thin an awm laia fiamthu chauh lo buaipui te kan ni a; post siam ngai miah lo tam tak kan awm laiin thla tina ‘Mizoram Diary’ lo chhinchhiah keuh keuhva lo post zat zat an awm bawk. Thlalak chauh lo post thin te, hnam sakhaw thu chauh rawn post thin leh, chhiar chhuah peih awm loh khawpa sei post thin te kan ni a, thu thar chauh rawn post thin te, post ho ve tak tak leh tha ve tak tak chenin…

Kan nickname te lah chu a’n mak em em hlawm khawp ah! ‘Pangtichawr’ te, ‘sisen’ te kan ni a, ‘Kawlhawk’ ‘Chemtatrawta’ ‘no_nick’ tih te, ‘James Bond’ te kha kan nia, kan pui riau. A then lah chu nick type harsa tak, chhinchhiah hleih theih miah loh te.

Mi chi tin chi tang kan ni a, a then chu chatuan ramah an kal ta. WhatsApp group lamah kan la ri luih luih tuk tin zan tin peih a, facebook group lamah a lungleng zual kan inhrithla leh zauh thin a, facebook page chu update a khât ta raih mai. Misual kan vanglai a chuai ta! Kan chuai lai hi kan vanglai a ni ta reng mai.

Related posts

Luck nge hrat?!

H.Vangchhia

The Value Of A Year Of Life

coolsoul09

New Cell Phone Law… be ready

Angaiha

15 comments

Mao Tse-tung February 13, 2020 at 4:20 PM

A lawmawm hle mai. 2010, 11, 12 chho kha a hot vanglai ni maiin ka hria.

Reply
mzvision February 13, 2020 at 8:09 PM

Vanglai khum turin tha thar nen bei ang aw

Reply
Sangpuiipa February 13, 2020 at 9:10 PM

Theme hi a ngai ang kha ni leh se aw…

Reply
XaiA February 14, 2020 at 10:32 PM

Ngaih nawm dawn e

Reply
kawlhawk February 15, 2020 at 1:10 AM

mahni phur zual hun lai theuh kha misual vanglai chu a ni mai lo maw? 🙂

Reply
kawlhawk February 15, 2020 at 1:18 AM

misual kal ta ka hriat theihte—
||RaLtEa||^, xwalla, chhana pa(?), lushai_er, ku muanga… hriat hmaih ka nei em aw?

Reply
H.Vangchhia February 15, 2020 at 4:36 AM

TS, i sawi lunglen thlak thiam hle mai, mualliam lah an awm nual ta bawk nen…

Theme ngai ang kha ni sela aw.

Reply
ZerO February 15, 2020 at 5:43 AM

Hmanlai an chang zo ta.

Reply
Fanghmirmawia February 15, 2020 at 5:29 PM

THim thuah hnih alo thleng mek zel e

Reply
badboy February 17, 2020 at 12:15 PM

@kawlhawk.. ,mual liam ta ah chuan hriat hmaih lian tak i nei.. Khamranga 🙁

Reply
TuaiSialA February 22, 2020 at 3:50 PM

Theme ngai chu duhawm khawp mai, ka khawr deuh hu. Recent comment te pawh awm sela maw le.

Reply
Ariangfa_Chhakchhuak April 29, 2020 at 9:50 PM

A ni ruih nihhi

Reply
badboy April 30, 2020 at 10:02 PM

kan vanglai ni te a chuai zo ta.. chhas in bem nan te pawh an hmang thin anih kha mawle kan vanglai kha chuan..ngaihawm khawp mai.. mual liamta zawng2 te nen.. TSA kan inhmuh hmasak ber zan te kha ngaihawm khawp mai tiraw..

Reply
Viagra rezeptfrei und günstig June 29, 2020 at 7:08 PM

Thanks so much for the post.Much thanks again. Really Cool.http://viagrakiqw.com/

Reply
Archie June 30, 2020 at 4:00 PM

Thanks for the article post.Really thank you! Great.

Reply

Leave a Comment